أبي ابگي من الضيقة وابعزف للهموم ألحان [الأرشيف]

مشاهدة النسخة كاملة : أبي ابگي من الضيقة وابعزف للهموم ألحان

المسك

11-16-2010, 10:19 PM

السلام عليكم

قصيده اعجبتني وبلصقها لكم هنيه :(297):

أبي ابگي من الضيقة وابعزف للهموم ألحان
أبي اطلق مواويل الحزن وبطرح گل دواويني
أبي أشگي أبي احگي ابوصف للبشر حرمان
أبيهم گلهم يدرون أبيهم يشعروا فيني
أبي لا من طرى اسمي بگى من لوعتي شيبان
أبي لامن طرى"عاشق" ذگر من گان يغليني
أبيهم يذگرون أني صرت بدمعتي في الغرقان
أبيهم يعرفون الهم هواللي صار يخاويني
أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني
أبي اترگ لهم قصة وأخيّرهم على العنوان
يسمّوا "حزن "يحطوا "دمع" ’،ما عاد يعنيني
أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني
أبي شخص يجي يمي و يقفل للعنا بيبان
أبيه يگون لي خلٍ وعلى حزني يواسيني
أبيه لمرگبي مرسى وأبيه لغربتي أوطان
أبي لامن ذرفت الدمع لقيته لي يعزّيني
أنا ما أبيه يصبح ضلع أبيه يگون لي ضلعان
أبي لا من مشيت وطحت يحط يديه في يديني
إلامن خانني التعبير أبيه يگون لي لسان
أبي لامن سگتْ ألقاه ’،يفهم من نظر عيني
أبي لا من تعبت وضقت يلم الروح بالأحضان
أبيه يگون لي گتاب إذا ضاعت عناويني
أبي أعشق وأبي أغرم وببني للهوى بنيان
أبيه يگون مبنى ضخم ويسگن فيه مغليني
أبي واحد يسگن بي وابطرد لأجله السگّان
أبي يسگن وسط قلبي وعمره ما يخليني
أبي أشعل شموع الحب وبأعطي من الغلا بستان
أبي أهديه باقة ورد ’،مسقيها من كلام رهيبي
تعبنا اقسم بالله تعبناا:(163):

fatma22

11-16-2010, 10:31 PM

الله عليج يا وردة فعلاً قصيدة حلوه بس أقولج خل يكون عندنا أمل مثل ما قالت همس الرووح و ننسى الحزن و الله صدقيني ما في أحد مرتاح والله يوفقج يارب و يبعد عنج الحزن

اللهم آمــــــــيـــــــن يـــــــــــارب الــــــعــــــالمــــــين

(( سبحان الله و بحمده سبحان الله العظيم ))

(( اللهم لا مانع لما أعطيت و لا معطي لما منعت و لا ينفع ذا الجد منك الجد ))

المسك

11-16-2010, 10:34 PM

فعلا محد مرتاح

بس المكارين والحيالين واللي يلف ودور هو اللي يحصل كل شيء

وخليها على ربج

ربج يحلهاااا ...

اسعدني مرورج حيل ياقلبي عسى ربي يسعد ايامج ياااااارب

ياكريم

الصريح

11-16-2010, 10:39 PM

المسك

11-16-2010, 10:48 PM

اسال الله يشرح صدرك وخلي املك بالله كبير الله ما يضيع من يلجاله ابشري بكل خير تقربي من الله
والله لغير الحال من عسر الى يسر

وهذا اهداء لك

http://www.youtube.com/watch?v=uHt6BjszSZo

تدري يالصريح احس الله رزقني اخو دنيا هنيه

ندش ونفضفض ونتونس على النقا والوضوح

نفس قبل بدويك ..المره تسولف مع اخوها الرجال بصفى نيه تقهويه وتهلي فيه جنه اخوها بالضبط

عسى ربي يشرح صدرك وييرزقك سعاده ماتفارقك طول العمر بالدنيا والاخره يارب يامنان

والله اليوم اليوم باذن واحد احد حاطتلك حاطتلك ورد بقيامي يارب ياكريم

طموح بلا حدود

11-16-2010, 10:51 PM

عسى الله يفرج على المسلمين اجمع

اختيار رائع وحساس

الصريح

11-16-2010, 10:53 PM

تدري يالصريح احس الله رزقني اخو دنيا هنيه

ندش ونفضفض ونتونس على النقا والوضوح

نفس قبل بدويك ..المره تسولف مع اخوها الرجال بصفى نيه تقهويه وتهلي فيه جنه اخوها بالضبط

عسى ربي يشرح صدرك وييرزقك سعاده ماتفارقك طول العمر بالدنيا والاخره يارب يامنان

والله اليوم اليوم باذن واحد احد حاطتلك حاطتلك ورد بقيامي يارب ياكريم
الله يجزاك الجنه ويجعل معرفتنا في هذا المنتدى قربه الى الله وتعاون فيه
كل الشكر لك اختي الفاضلة وهذا من طيب نفسك وكريم خلقك
اسال الله ان يشرح صدرك ويفرج همك ويرزقك ما تودين في الدنيا والاخره

المسك

11-16-2010, 11:13 PM

عسى الله يفرج على المسلمين اجمع

اختيار رائع وحساس

واياج يارب اسعدني هالمرور عسى ربي يسعد قلبك اللهم امين

المسك

11-16-2010, 11:15 PM

الله يجزاك الجنه ويجعل معرفتنا في هذا المنتدى قربه الى الله وتعاون فيه
كل الشكر لك اختي الفاضلة وهذا من طيب نفسك وكريم خلقك
اسال الله ان يشرح صدرك ويفرج همك ويرزقك ما تودين في الدنيا والاخره

لا والله يابن الحلال انت ولد حلال ونيتك نقيه وتقيه ..ومااقول الا الله يجعل ك من كل حرف نصيب من هالدعاء الراقي
اللي طالع من انسان نيته بيضاااء ..
والله يجمعنا بيوم لاظل الاظله اللهم امين والله يغفرلنا ويرحمنا برحمته اللهم امين
يارب ياكريم

التوأم

11-17-2010, 12:07 AM

وروده حبي
يابعد عيني عينج ترى عورتي قلوبنا بقصيدتك
يالغلا لج رب مايضيع احد والله ايفرح قلبج بالايام الجايه
ياروح روحي
عساج عالقوه والله لايخلينا منج يارب
عيدج افرااااح دووووم

المسك

11-17-2010, 12:24 AM

وروده حبي
يابعد عيني عينج ترى عورتي قلوبنا بقصيدتك
يالغلا لج رب مايضيع احد والله ايفرح قلبج بالايام الجايه
ياروح روحي
عساج عالقوه والله لايخلينا منج يارب
عيدج افرااااح دووووم

يابعد قلبي يالتوام

عسى ربي مايجيبلج العوار لقليبج الحلو

ياغاليه والله يسعد قلبج على هالمرور

اللي استانس لي شفتج ياغلااااااااااااا

التوأم

11-17-2010, 12:28 AM

غلاي تأكدي ان القلوب عند بعضها
وانا افرح بشوفتج ياروحي واللي يضايقج يضايقنا ياروح الروووح
وعسى ربي ايعوضج خيرررر

المسك

11-17-2010, 12:39 AM

ترى انا قلبي رهيف ماتحمل الكلام لحلو يالتوام

هههههههههههههههههههه

الله يطمن قلبج ياغلااااااااا

يارب ياكريم والله يحبب خلقه

فيج يارب يامنان

الفاروق79

11-17-2010, 12:22 PM

السعاده يا جماعه سهله و بسيطه
1 ) التقرب من الله
2 ) حب الخير للجميع
3 ) عدم الحسد
4 ) الرضاء بالقضاء و القدر
و إذا تعرضت لظلم من آخرين ، أذكركم بالمثل الكويتي الي يقول ( بات مظلوم ولا تبات ظالم )
و بعدين دعاء المظلوم مستجاب
وسلامتكم و تعيشون و الله لا يجيب الحزن لأحد

المسك

11-17-2010, 11:42 PM

همس الرووح

11-20-2010, 10:34 AM

يعطيج العافية ماقصرتِ

خلي وكيلج واعتمادج على الله

جوزيت خيراًوردتنا

****

المسك

11-21-2010, 12:14 AM

ياهلا وغلا بهمس ياقلبي انتي

الله يسعد قلبج يارب ياكريم
اسعدني مرورج ياغلا