ضيقة عصير .. يا هي تهد الجبالي .. مابين ابن فطيس والعنزي ..

[الرواسي]

ضيقة عصير من القصائد الاكثر من مشهورة والتي تلامس الحس ،، فور ورود أي ضيقة تجد نفسك تتمتم بأبياتها قصيدة شاعرها أشهر من نار على علم ،، ابن فطيس يقول فيها ،،

الضيقة اللي دايما تالي عصيـــــــــر ،، وش حيلتي واردها لا تجينــي
لا طال ظل العود حزة عشا الطيـــــر ،، كنها على سجن الحديد تحديني
يضيق صدري كل ما جات واسير ،، ولا يخفف سوج رجلي حنيني
لا حولنا مشراف ولا أقدر اطيــــــر ،، يالله قسمة خير لا تبتلينـــــــــي
وعقارب الساعه توقف عن السير ،، ولكن في الدوحة سواتي حزيني
والعبرة اللي تاصل الحلق وتحيـــــر ،، يا قربها لو قيل لي يا عوينـــــي
أمل شوف الناس ورد ومصاديـــــر ،، واللي يقول وش فيك كنه يهجيني
يعني على ما قيل ما باب تصويــــر ،، لا أحدن ابي قربه ولا حدن يبيني
اروح أدور خط ما به دواويـــــــــر ،، وادور اللي هادها تهتدينــــــــي
واخذ مع الهاجوس سجه وتفكيـــــر ،، واراجع اللي فات بيني وبينــي
واحسب ذنوبي وادور لتكفيــــــــر ،، عساي ما قصرت في والدينــي
وعساي ما قارنت من ينفخ الكيـــر ،، واللي يحمل المسك جعله قريني
ويطري علي يوم الحشر واطلب مجير ،، ما أعطى كتابي في شقيقة يميني
ويطري علي صدقان كثر الدنانير ،، اللي تعاديني إذا كثر دينـــــــي
وراعي الهروج اللي سواة المناشير ،، أصد عنه وأدري أنه يعنينــــــــي
الله حسيبه يوم عرض القواريـــــر ،، والله حسيبي من صواب مكينــــي
والا طرأ لي واحد كأنه صغــــــير ،، أما اصغر بيومين والا سنينــــــي
عرفت وش قومي وعينت تفســـير ،، للضيقة اللي من زمن تعترينــــي
حبه في صدري سالفة حب في بير ،، وكأن الفؤاد يقول هذا زبينــــــــي
اشفق على علم يجي من من ضيـر ،، ولا يسمع اللي سولفوبه ونينـــــي
يا كثرهم غيره ولكن خبر خـــــير ،، ما غير شوفه في الوجود يهنينــي
رأي كذا يا عاشقين الغناديــــــــــر ،، ماله على وجه البسيطة وزينــــي
العام اجيه من حساب المساييــــــر ،، واليوم حال عداه وينه ووينـــــــي
خطاي تعليق الأمل في المدابيـــــر ،، الين راح وشفت حقري بعينــــــي
صبراً جميل وخابراً أنها مقاديـــــر ،، والله على تخفيف حزني عوينــــي
ذي حالتي لين تغبى الشمس و اصير ،، معطن سراحي عقب ما ني سجيني
والا امتلئ جوف الشجر بالعصافــير ،، طلبت من رب العباد يهدينـــــــــي
يعتقني المذن عقب ضيقة عصيـــــر ،، اللي على سجن الفراق تحدينــــــي

ولعل شاعرا آخر انتابه الشعور بهذه الضيقة وتمتم مخاطبا و معلقاً

يا ابن فطيس إن كان بك ضيقة عصير ،، يـا ضيقتـي ياهـي تهـد الجبالـي
إن جيت أزحزحهـا بكثـر المساييـر ،، كنـي أناديهـا تعالـي . . تعـالـي
الضيقة اللي بالحشا ..وقعهـا غيـر ،، ضيقـة وناتجهـا دواعـي هبـالـي
مرة تجي كتمـة.. ومـرة معاصيـر ،، ملازمتنـي.. كنهـا مـن ظـلالـي
يالله تعـدي هالليالـي علـى خـيـر ،، يـا ثقلهـا مـن بـد كـل الليالـي
همومهـا عنـدي ورود ..ومصاديـر ،، يـروح هـم.. وينولـد هـم تالـي
يا ليتهـا قصـة وضمـن الأساطيـر ،، مـا كـان تلقانـي وحيـد لحـالـي
وياليت لي جنحان.. أو أقـدر أطيـر ،، وأشوف حال اللي تبي شـوف حالـي
كانت جريئة حيـل مـن دون تبريـر ،، وكانت تقاطع ..قبل لا أطرح سؤالـي
حذرتهـا ولا فـكـرت بالمحـاذيـر ،، وكانت تذوق المـر لرضـاي حالـي
هفوة وغلطـة مـا لهـا أي تفسيـر ،، وكانـت نتايجهـا تفـوق احتمالـي
غلطة وراحـت مـا تفيـد المعاذيـر ،، وأستاهل اللي فـي حياتـي جرالـي
يـا الله ياوالـي صـروف المقاديـر ،، يا والـيٍ مـا بعـد رحمتـك والـي
إنـك تطمنـي بــزف التباشـيـر ،، وتـرد غالـي فـاقـدٍ روح غـالـي

للشاعر : نفاع العنزي
مما راق لي قديما وأحببت ان أشارك أهل الساحة الادبية به .. منقول بتصرف ،، أتمنى أن تعجبكم بعيدا .. عن الألم ، في دقة تصوير الحزن .. تقبلوا تحيات الرواسي

[مشعل المطيري]

إختي الرواسي ..

صح لسااانك ...

ولسان قائليها ..

إسمحيلي بهذا الرد الطويل ..

الضيق والهم أمر مزعج يمر على الكل , منهم من لا يأخذ معه وقتاً والبعض يأخذ أياماً ..

فالحل في إنكشاف الهم ..

حديث الرسول - صلى الله عليه وسلم - في المسند وصحيح أبي حاتم من حديث عبد الله بن مسعود قال‏ :‏ ‏‏

قال رسول الله صلى الله عليه وسلم ‏:‏

« ما أصاب عبداً هم ولا حزن فقال‏: اللهم إني عبدك ابن عبدك ابن أمتك ناصيتي بيدك، ماض فيَّ حكمك، عدل فيَّ قضاؤك، أسألك بكل اسم هو لك سميت به نفسك أو أنزلته في كتابك أو علمته أحداً من خلقك، أو استأثرت به في علم الغيب عندك أن تجعل القرآن العظيم ربيع قلبي، ونور صدري، وجلاء حزني، وذهاب همي وغمي، إلا أذهب الله همه وغمه وأبدله مكانه فرحاً‏.‏» قالوا‏:‏ « يا رسول الله أفلا نتعلمهن‏؟‏ قال‏:‏ بلى ينبغي لمن سمعهن أن يتعلمهن‏ » ‏‏.‏

كل الشكر إختي الرواسي ..

[المسك]

وراعي الهروج اللي سواة المناشير ،، أصد عنه وأدري أنه يعنينــــــــي
الله حسيبه يوم عرض القواريـــــر ،، والله حسيبي من صواب مكينــــي

روعه عن جد

والله لا يجيبلج الضيقه يارب الرواسي

ونكافح هالضيقه بالاستغفار

والله يعين

[الرواسي]

إختي الرواسي ..

صح لسااانك ...

ولسان قائليها ..

إسمحيلي بهذا الرد الطويل ..

الضيق والهم أمر مزعج يمر على الكل , منهم من لا يأخذ معه وقتاً والبعض يأخذ أياماً ..

فالحل في إنكشاف الهم ..

حديث الرسول - صلى الله عليه وسلم - في المسند وصحيح أبي حاتم من حديث عبد الله بن مسعود قال‏ :‏ ‏‏

قال رسول الله صلى الله عليه وسلم ‏:‏

« ما أصاب عبداً هم ولا حزن فقال‏: اللهم إني عبدك ابن عبدك ابن أمتك ناصيتي بيدك، ماض فيَّ حكمك، عدل فيَّ قضاؤك، أسألك بكل اسم هو لك سميت به نفسك أو أنزلته في كتابك أو علمته أحداً من خلقك، أو استأثرت به في علم الغيب عندك أن تجعل القرآن العظيم ربيع قلبي، ونور صدري، وجلاء حزني، وذهاب همي وغمي، إلا أذهب الله همه وغمه وأبدله مكانه فرحاً‏.‏» قالوا‏:‏ « يا رسول الله أفلا نتعلمهن‏؟‏ قال‏:‏ بلى ينبغي لمن سمعهن أن يتعلمهن‏ » ‏‏.‏

كل الشكر إختي الرواسي ..


أولا .. وقبل كل شيء .. أهلا بتواصلك الذي فاح عطره الندي في متصفحي .. وصح ابدانك ..
ثانيا .. نعم والله ما تقول .. فالاستغفار وذكر الله أكبر وأجل وأعظم من كل هم وغم وضيق .. وأسأل الله ان يجعل ألسنتنا رطبة بذكره ..
ثالثا .. أنا وإن كنت هنا بصدد عرض بلاغي وصفي استعاري في قصائد الشعر الشعبي ..
إلا اني الله قد فرحت بتواجدك وإثرائك ..
ولعلي أضيف أكثر ، أو من واقع النظرة الإيجابية لمتناقض الأمر في الضيق على كونه خير وسبب زوال الذنوب .. فكل أمور المؤمن خير .. ففي قول النبي صلى الله عليه وسلم :
( عَجَبًا لأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ ، وَلَيْسَ ذَاكَ لأَحَدٍ إِلا لِلْمُؤْمِنِ ، إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ ، وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ ) ..
وفي قول آخر .. (ما أصاب المسلم من هم ولا غم ولا نصب ولا وصب ولا حزن ولا أذى إلا كفّر الله به من خطاياه حتى الشوكة يشاكها)

مشعل المطيري .. كل الشكر لتواصلك .. وكل البهجة بإضافتك .. فأهلا بك ..

[الرواسي]

وراعي الهروج اللي سواة المناشير ،، أصد عنه وأدري أنه يعنينــــــــي
الله حسيبه يوم عرض القواريـــــر ،، والله حسيبي من صواب مكينــــي

روعه عن جد

والله لا يجيبلج الضيقه يارب الرواسي

ونكافح هالضيقه بالاستغفار

والله يعين


والله الروعة يالوردة بتواجك ، والرقي في تواصلك ، والحق في كلامك ..
أعاننا الله على الاستغفار وأقدرنا عليه ..
وأعان الله الجميع أخيتي على الطاعة ,, فالنفس طماعة إن لم نعلمها القناعة ..
الوردة ، تواجدك أنار متصفحي فأهلا وسهلا ومرحبا بك .. :)

[الصريح]

ابداااااااع الاختيار وابداع المجاراه وهذا اختيار ومشاركه للشاعر بن مانعه


الضــــيقة اللـي مالهـا حــــــــزه ولا منهـا مصـــد
............................................أخـــا ف ســـاعـات العصيـــر المقبلــــه تاتيبهـا
يالله دخيلك من قسـى وقتـي وحـظٍ مــاصمـــــد
............................................في وجـــه صكـــات اليالـي يـوم يقنـب ذيبــهـا
واعوذ بك من فتنـــة الدنيا ومـن ضيـــــق اللحــد
............................................واسئلك عن نفسي مـن الشيطـان لايغويبهـا
وسـئلـك تفغـــرلـي ولــصحابـي ولعـــدائـي بعــد
............................................تعفــو عــن ذنــوبٍ نجـي فــيهـا وحـن ندريبهـا
الوقت يشـعاني على الطرقـه وانـا مافـي جهــد
............................................شهــب اليالـي تقهــر صـــدور الرجـال بغيـبهـا
لــكن انــا لـو جـارت ضـــروفـــي وزادت بالعــــدد
...........................................اضــرب بها الحــايط طناخـة راس ولا اشكيـبهـا
واعـز نفسـي مع مـداغيـش النشامـا واجتهــد
............................................لـى ظـــروفٍ تجلـب الضــــيقـه ولا تســـريـبهـا
والبارحه فـي راس مشــرافـي ولا افكـــر فـأحــد
...........................................كنـي ملكـــت الأرض مـــن شـــروقهـا لمغيبهـا
قعــدت افكــر فالسنين اللي مضــت واللي بعـد
...........................................ليييه السنين التاليه تفشـل ويفشـل صيبهـا
وليه الــرفيق اللـي ليـا منـه تجمـــل مــاجحـــد
...........................................ان ماذكــرها لك .. مــع كـل العـــرب يحكيــبهـا
ياحيــف يارفقــة ضعيـف النفـس مافـيهـا سنـد
..........................................مــالله بجابــرني علـى رفقتـك ويـش ابغيــبهـا
لاســرت تطعننـي بشلفـاك الـرهيفـه وتخمــد
.........................................فـالطعنــ ه اللي فـالظــهر مانيـب مـن يغزيبــهـا
لــو دامــت افــعالـك كـذا ردت لـك الــدنيـا لــدد
........................................حافــظ علـى سمعتـك مـــن فعلتـك لاتقفــيبهـا
الــرجـل لامنــه نـــوى يغــــزي ينـــوّه ويهجـــــد
........................................ماهــوب يغـزي وان رجـع هـزل العلـوم يجيـبهـا
لكـن ياطــلـق الحجـاج اللـي عيـــونـك مـاتلــد
........................................الا لـــروس النايفــات اللـــي مهـــو يبــــديبـــهـا
كــون الحـرار الشقر وعيــال الــذيابـه والأســـد
........................................ولا الـــرجال اللي مـع العــــريـف يذكــر طيبــهـا
اسـئل رفيقك من بعد مغــزاه قلـه وش حصـــد
........................................غير العلــوم اللـي ماتطلق وجـه مـن يمشيبهـا
عــزالله انه كان فـعيـــون النشامـا مـثـل اُحـــد
........................................واليـــوم مثـل الحيـــة اللـي تنعــــرف بجنيـــبهـا
حاولت اكذب بالخبر لكـن علـى غمــي وكـــد
........................................والسالفـــ ه قـــام الـــزمـان المنحـــرف يدويــبهـا
لكـن على كلاً ياحامـد كانـك بتاتـي .. حمـد!!
........................................قلـــه تــرا البنـدق مـن المؤسـف تثـور بجيــبهـا
البـندق اللي ماتصـوب كــون ابــن عـم وولـــد
.......................................عيــبٍ علـى الرجـــال ينقلــهـا ويجهــــل عيبـهـا
لاسـارت البندق مع عاقـل وهـي فيهــا صـدد
......................................كبـــرت خسايــرهـا عليـــه اليـا قعـــد يرميــــبهـا
وشلون لاسارت مع جاهـل وفعيــونـه رمـد!!
......................................لا و الله الا راحـت الـــدنيــــا وراح اللـــــي بــــهـا
رفقـــة مثـل هـذا وهـذا كلــهـا كيـــد ونكـــــد
......................................ولا تـحـــــــــــــرا مـنّــــــه الا نكـبـــةٍ يضـــويــبـهـا
ماكنه الا العقــرب اللــي ذيلـهـا كلــه عقـــد
.....................................ان روّعــــتـك بــــزولـهـــــا ولا قــــرصـــك ذنيـــبـهـا
لكـن تعـــال اعلمــك ياصــاح بعلـــومٍ جـــــدد
.....................................لـــو تزعلك بعض النــقط... لايزعلك نطقي بــــهـا
اشره على العاقل لياشفتـه بجرحـي يعتمـد
.....................................ولا العلـــــــــوم الباقيـــــه مانيـــب مــن يحريبـهـا
البيت مايبنى بـدون اطناب..وحجاب..وعمــــد
.......................................والنــــار مـن شبابهــــا والخيـــــل مــن ركيـبهـا
وأنا عيـوني للطليعة فـوق ..معطتنــي عهـد
....................................والأرض تكـــره مشيتــــي وانــا بعــــــد مـاليــبهـا
لاسار في راسي سحابة شعرو بروق ورعـد
.....................................وشلــــون تبغــى الأرض تصفالي وانـا مـوذيــبهـا
شاعر واشوش لصيحة الجمهور وانحت في جلد
.........................................وان صفق الجمهــور جـزلات البيـوت ارهيبهـا
اغزي على بيت الشعر في عقر داره ويهجد
...................................مـن هيبتي عنـده بيـوت الشعــر لـي يصخيـبـهـا
كذا كذا الشاعر يجـي فـالشعـر قمـــه للأبـد
..................................ولا بـلاش يلخبــــك الأبـيـــــــــات ويهـــــذريــــبـهـا
الشعر مثل الموج ودقاق الشعـر مثـل الزبـد
...................................ولا الـــــدرر فــي غبـةٍ بعـــض الــرجـال تهــيــبهـا
وانا بحـاول قـدر الأمكــــان اتعمـــق وابتعـــد
..................................وان قــــلت لــك باجيبــها فـي ذا الشنب لاجيبهـا
شاعر مفوّه واسبـح الغبـه وابشـر بالسعـد
..................................واكــسب دررهــا كـسب.مابيّـــع بهـــا واشـريبهـا
لأن الشعر مثل البلـد وانـا مثـل حاكـم بلـد
..................................وبــلادي اسجــــل تــواقيعـــي بهـــا واسمــي بهـا
وانا فقط شاعر ولا ابغى لي بلـد لو تنّوجـد
..................................ابلادي حـــروف القصيــد اصبــح بهـا وأمســيــبهـا
واسجد لوجه الله واقول ارجوك يافـردٍ صمـد
.................................تعفــــو عـن ذنــوبٍ نجـي فيـها وحــن نــدري بـهـا

[الرواسي]

الصريح .. أهلا بتواجدك .. وإثرائك .. وتواصلك .. وإضافاتك .. وبصمتك .. منتهى الروعة ما اخترت أثرا لك .. المانعة بما إنه مري شاعر جزل .. لعل شاعر المليون بخسه حقه .. أو كان طرحه خلاله أقل مما عودنا عليه ..
الصريح ... :) ... وهذه الأبيات لكـ من أجلكـ ..

حضرت وعيون الرجال حراب وعيونـي حـراب .. وقفـت مـن بيـن النشامـا وقفـةٍ يـدرى بهـا
اقـدر وجيـه تقدرنـي واحسـب لهـا حـسـاب .. واصد عن بعـض الوجيـه ولاحسبـت حسابهـ
جـات البدايـه هكـذا يمـا خطـا ولاصــواب .. لكنهـا فكـره عسـى ربــي يجـمـل نابـهـا
حمستها في الراس حمس البن يـوم الكيـف طـاب .. من طيـب نكهتهـا طمـع فـي شربهـا صبابهـا
وفوحتهـا بيـن المحانـي ليـن فيهـا البـن ذاب .. وقندتهـا مـن فكـري اللـي مايطيـب الابـهـا
يـوم استـوت قدمتهـا لوجيـه سمحيـن الجنـاب .. ماكنهـا إلا دلــة تـبـري خــوى شرابـهـا
صحيح شاب الوصف لكن من يقول القـاف شـاب .. الا علـى روس الـطـوال النايـفـات ارقابـهـا
شاعر واحقر الهينـه ويشـوش راسـي للصعـاب .. مانيـب حـي الله اليـا شـاف الصعـاب يهابهـا
اغرف بحر واقطف زهر وانحت على صم الهضاب .. مثايلٍ تبطـي وهـي عنـد العـرب يحكـى بهـا
السبع كانـه لا عـدا مالـه علـى الشـدات نـاب .. تعشتـه شيـب السبـاع اللـي تـحـد انيابـهـا
واللـي مايلقـى مـن يمينـه لاطعـام ولاشـراب .. تصبـر علـى جـور الليالـي لحيتـه واشنابهـا
واللي معه قلبٍ شجـاع وعـزم ذيـب وعيـن داب .. وبين الجبـال الموحشـه دربـه وبيـن اهضابهـا
ومنين ماهـب الهـوا لقـا لـه خشـوم الركـاب .. مـن سطوتـه ماهـو يخليهـا تعـوج ارقابـهـا
ولايـكـل ولايـمـل ولايضـيـق ولايـهـاب .. ويعقـب اللـي مايقـول النـار مــن شبابـهـا
ان كان ماجاها السعـد يسبـق مروايـح السحـاب .. قولـة كفـو فـي حـق مثلـه مايطـول غيابهـا
وانا احتزمت بمحزمي وخـذت سيفـي والزهـاب .. وشقـرن عليهـا البنـدق اللـي بيـنٍ مضرابهـا

الصريح .. أهلا بك مرة أخرى ..

[الصريح]

الرواسي كل الشكر على هذا الاهداء المميز

[همس الرووح]

كلمات تلامس الاحساس

بارك الله فيك


****

[الرواسي]

لا لامس احساسك الضيق .. وأهلا بمرورك العطر ..

[الرواسي]

الرواسي كل الشكر على هذا الاهداء المميز


أستاذي الفاضل .. الصريح .. التميز تواجدك .. والسير على نهجك .. بارك الله فيك .. منوّر