المساعد الشخصي الرقمي

مشاهدة النسخة كاملة : أبي حل يا سبايدرمان



السعاده
11-01-2010, 07:09 PM
فعلا انا محتاج سبايدرمان او سوبرمان او اي واحد من الشخصيات الخيالية لان ما يحدث لي خيال

مشكلتي اللي فجأ طلعت وابي افهم شلون اتخلص منها

طلبت الناظرة من رئيسة القسم بالاسم اني امسك مرحلة ثانية غير المرحلة اللي ادرسها وانا رافضة الحين في نص السنة الدراسية تقول غيروا القديمة تشيل المرحلة

تكفون ( تكفى تهز الرياجيل ) أبي حل للمشكلة وابي رايكم ادري هم معاهم حق بس شنو الحل ؟؟؟؟

الجادل
11-01-2010, 07:19 PM
السعادة حبوبه اعرضي مشكلتج اي مرحله ادرسين ومنو القديمه وليش رافضه ؟؟؟؟؟؟؟ وضحي لنا يالغاليه

التوأم
11-01-2010, 07:37 PM
السعااااااااادة
عسى ماشر يالغاليه افا عليج بنصير لج سبايدر مان
بس ليش ماتبين اتغيرين مرحلتج
شنو موضوعج بالضبط
الله يفرجها عليج

السعاده
11-01-2010, 07:38 PM
هلا الجادل ...
انا ادرس سادس وسابع وانا القديمة ( مو حلو التشبية .. بس ما عليه ) وعندنا معلمة اداء متدني درس تاسع طلبت الناظرة اني انا اللي اشيل تاسع مع العلم اني عمري ما درست تاسع ولا مريت على منهجهم ابد الله يسلمكم ؟؟؟؟؟؟؟؟؟ وانا ادري لمصلحة العمل تقدر تغيير بس مو لازم رضى المعلمة ولا سياستنا خذوه فغلوه ؟؟

السعاده
11-01-2010, 07:43 PM
يا حيالله التوأم ،،، مشكوره يا احلى سبايدرمان وهذي الهقوة فيكم
تصدقون ساعات اتمنى يكون لي توأم وأقط كل المشاكل عليها وانا ارتاح ( بس وين الراحة )
تبادلين بالاسم اخذي السعادة ما ابيها .... ( عسى ربي يسعدج )

انا قايله لقيثارة السعادة اسم على غير مسمى ....

السعاده
11-01-2010, 07:48 PM
تصحيح انا أدرس سابع وثامن بس العقل طار من راسي وقلت سادس من حبي لهم ..

التوأم
11-01-2010, 07:49 PM
والله يالغاليه انا اشوف ان تاسع محتاجين معلمة متمكنه ولو ماشافوا انك كفء ماغيروج وحطوج لمرحله مهمه والمعلمه المتمكنه لا تقول مااعرف منهجهم او مامريت عليه مادمت قادره أعطي وهذا يميزك حتى عند الاداره والرفض مااظن من صالحج لانهم اذا بغوا شي ايسوونه وانت تطلعين بالشينه السعاده اذا كنت مجبرا فاستمتع!!!

قيثارة
11-01-2010, 08:01 PM
هلاوغلا يالسعااااادة...هلا بللي اسمها امسمى عليها.....غاليتي أنا ماني شايفة في موضوعج أي شي يضيق الخلق أو يكدر الخاطر..بالعكس والله اني أخذت فكرة عنج ان انتي كفــوووو..ومعلمــة متمكنـــة،،ولو كنت مكانج ماترردت لحظة اني اخذ المرحلة الجديدة خاصة اننا مازلنا في الفترة الاولى..ويمكن بترتاحين بالمرحلة الجديدة أكثر من المرحلة الي انتي ماسكتها الحين..
سبايدرمان موجود في داخلج يالغلا...ابحثي عنه!!!...استخيري وتوكلي على الله..وأنا شايفة الموضوع في صالحج كونج بتستفيدين وتوسعين خبرتج ..وانه ايضا"في صالح العمل وفي صالح طالباتج..أتمنى لج من أعماق قلبي التوفيق..ولاتكدرين خاطرج يالغلا..الخيرة في ما اختاره الله..

التوأم
11-01-2010, 08:10 PM
السعاااااااده مااحب الاحبااااااط كلش انت قدها يالغاليه وانا عمري ماقطيت متاعبي على توااااامي بالعكس شغلي اخذه وانفذه ولا احد يمسك علي اي ثغره وانت انسانه جديره بثقة المديره وهذا يبعث في النفس العطااااء والثقه ولا نبي نبرة التشاؤم والخوف الامر لايحتاج الى كل هذا انت قادرة انت قويه انت متمكنه وانا واثقه من هالشي

السعاده
11-01-2010, 08:21 PM
اولا راح استمر على رفضي بحكم انهم يحبوني ويحترموني وما انسى تصرفهم العام لما رفضوا نقلي لانهم شاريني على قولتهم لكن في النهاية بعمل في نصيحة التوأم اذا كنت مجبرا فاستمتع


قال الشاعر ايليا أبوماضي



قال : السماء كئيبة وتجهما ===== قلت : ابتسم ، يكفي التجهم في السما
قـــال : الصـبا ولى ! فقـلت لـه : ابتسـم ===== لن يرجع الأسف الصبا المتصرما
قال : التي كانت سمائي في الهوى ===== صارت لنفسي في الغرام جهنما
خانت عهودي بعدما ملكتها ===== قلبي فكيف أطيق أن أتبسما
قلت : ابتسم واطرب فلو قارنتها ===== قضيت عمرك كله متألما
قال : العدى حولي علت صيحاتهم ===== أَأُسَرُّ والأعداء حولي في الحمى
قلت : ابتسم ، لم يطلبوك بذمهم ===== لو لم تكن منهم أجل وأعظما
قال : الليالي جرعتني علقماً ===== قلت : ابتسم ولئن جرعت العلقما
قال :فلعل غيرك إن رآكمُ رَنِّـماً ==== طرح الكآبة خلفه وترنما
أتراك تغنم بالترنم درهماً ===== أم أنت تخسر بالبشاشة مغنماً
فاضحك فإن الشهب تضحك والدجى ===== متلاطم ولذا نحب الأنجما

الصريح
11-01-2010, 09:56 PM
اختي الفاضلة اذا كانت الاداره شاريتك ليه ترفضين قولي ابشروا لو تبين عاشر بعد في الثانوي والامر بسيط
مهم مبتلشين بالمعلمه هذي والتاسع يبي خبره وقدره والتاسع كبار يعني يبون شخصيه ومسويه للاداره والقسم قلق فلابد ان يحلون المشكله
جاني معلم ضعيف شخصيه منقول قلت للقسم لا تخلونه يدرس عاشر عطوه 11 لان الحادي عشر اكبر ويعرفون الاداره ووافقوا القسم والمعلمين
بس اختي انا شايف الوضع مايستاهل ونصيحه شخص لديه خبره زينه في الاداره حاولي تكلمين رئيسه القسم واذا قالت لازم قولي ابشري ودشي على المديره وقولي رئيسه القسم طلبت مني وقلت حاضر ولانسيت موقفكم ووقفتكم معي خليها طيبه منك ورد جميل
الله يكتب اللي فيه لك خيره

مشعل المطيري
11-01-2010, 10:13 PM
والله يا إختي السعادة .. الله يسعدك دنيا وآخره ..

دعيني أقول لكِ كلمات تجول في خاطري آملاً أن تكون مقنعه ..

وهناك عبارة مشهورة تقال : ( من شاف مصيبة غيره هانت عليه مصيبته ) .

أنا شخصياً : نصابي 18 حصة , وأدرس أربع مناهج , كنت أدرس تاسع و ثامن , ومن طبيعتي إني أحضر الفصل الأول كله قبل بداية الدوام ,

وبعد مرور إسبوعين فقط تم تغير المنهج من ثامن إلى سابع , ووافقت للمصلحة العامة .

لأنه كل من يهتم لمصلحته الخاصة لن يكون هناك تعاون في سير العملية التعليمية ..

فكون إن الناظرة هي من إختارتك أنت شخصياً لتدريس تاسع فهذا بحد ذاته أمر يجب أن تفتخرين فيه ..

فرفضك لرأي الإدارة .. فيه مشكلة خاصة ( أنتِ ) ومشكلة عامة (الطلبة) ..

وكونكِ معلمة فهذا لا يمنعكِ من تدريس أي مرحلة ..

وإذا كان رفضك للطلب هو بسبب رفضهم لنقلكِ (( وحده بوحده )) !!

" فلا تزر وازرة وزر أخرى " .

أتمنى أن تقبلي وجهة نظري وهي كما هو واضح مماثلة لردود من سبقني .

تحيااااتي

المسك
11-01-2010, 11:13 PM
لاالالااااااا
يالسعاده ..لاتخلين مجال للشيطان ..


رب العالمين نوره يشع بكل ارجاء الكون ليش تحرمين نفسج من مناجاته والدعاء له

والتقرب له وربنا هو مصدر السعاده

وبعديين مااختاروج الا انج ماشاءالله قادره واحسن من المعلمه هذيج

حطي عينج بعين رب العالمين وربج من اسماءه الكريم حبيه يحبج اكثر واكثر

وانتي ماشاءالله عليج فاهمه الحياه وعارفتها ..

وهذي الحياه كلنا عابرين سبيل فيها ياقلبي

والله حطمتنيني بسراحه انج ماشفتي السعاده

وعسى ربي يرزقج بالسعاده والهنا والفرح والقبول بين الناس يااااااارب العالمين

والله يفتح لج كل ابواب رزقه ويسخرلج من يساعدج ويعينج يارب يااحم الراحمين

اللهم امين

عورتي قلبي والله ..<< دمعتها نزلت ماتحمل

المسك
11-01-2010, 11:21 PM
يارب يارب الله يونسج ويفرح قليبج يارب ان شاءالله ماانساج من الدعاء

< دعائها وحده بوحده

قيثارة
11-01-2010, 11:34 PM
ورده...فديـــــــــــــــــــــــــــــــــت طيبــــــــــــــــــــة قلبـــــــــــــــــــك يالغاليـــــــــــــــــــة

المسك
11-01-2010, 11:36 PM
يابعد قلبيي انتي قيثاره كلن يرى الناس بعين طبعه

وانت كلج حلاااااا وطيبه وسنع ومنع ماشاءالله ياغاليه

< بتصير خطابه خخخخ