المساعد الشخصي الرقمي

مشاهدة النسخة كاملة : *-* ماما :: باي باي حفاظي :: *-*



همس الرووح
10-30-2010, 01:06 PM
http://forum.moalem.net/file/2010/10/98.gif
*-* ماما :: باي باي حفاظي :: *-*







http://www.pottytrainingconcepts.com/Merchant2/graphics/00000001/BB-Potty-Chair-Child.jpg




راح أطرح تجربتي الأولى في حياتي لتدريب بنتي
على ترك الحفاظ..



أكيد كل أم تكون متحمسة لإنهاء مرحلة


استخدام الحفاظ بأسرع وقت ممكن..


أولاً لأن الأم تشعر بالقرف من
التغيير المتكرر لطفلها الذي


أصبح يأكل كل شيء مثل الكبار..


وثانياً لتوفير مصروف الحفاظات
الشهري لأجل أمور أخرى..



لكن يبقى السؤال..



(http://www.stroke.org.uk/images/hi_res/1576_question-mark.jpg)



ما هو التوقيت المناسب لمثل هالموضوع؟


وماهي الطريقة الواجب اتباعها لتسهيل المهمة؟


وما مقدار الجهد والوقت الذي يتطلبه؟



وهذه تجربتي مع بنتي في التدريب
على استعمال المرحاض..



بداية قررت أن أبدأ معاها بعد مرحلة الفطام من الرضاعة..
لأن من خلال قراءتي لعدة مواضيع
بهالخصوص.. عرفت ان مرحلة الفطام من أصعب
المراحل التي يجب تخطيها على الطرفين..
الأم والطفل.. وتسبب حالة نفسية للطفل بعض الوقت..
وانا الحمدلله انهيت فطامها في عمر السنة ونصف..



لكن واجهتني بعد ذلك ظروف أخرى من سفر وانتقال من سكن لثاني..
جعلني أؤجل هذا الموضوع عدة أشهر أخرى..



وطبعاً كملت سنتين ومصروف الحفاظات
ما زال من ضمن الميزانية الشهرية..
والسبب حملي وتعبي بداية الشهور..!!



http://forum.moalem.net/file/2010/10/97.jpg




واستغليت فترة تحسني في الشهر السادس مع ان الكل انتقدني..
لأن فصل الشتاء ما زال قائم..
بس أنا كنت أشوف ان الجو جيد ومو
جداً بارد.. ومنها انتهز الفرصة
قبل الولادة في تعليمها..



اول مؤشر اعتمدت عليه في تعليمها كان..
هو قدومها لي بعد ما تعملها.. ماما يع!!
تطلب مني تغيير الحفاظ..
يعني البنت واعية للي تسويه..



بعدها المرحلة الجدية وهي التطبيق الفعلي للتدريب..



أنا ما بدأت بالقيصرية لأن حسيت ان الشغل بيتضاعف
لي.. من غسيل للقيصرية وتعقيمها .. الخ..


غير هالشي أحس بالقرف من المسألة


http://forum.moalem.net/file/2010/10/98.jpg


عشان جذي شريت لها من فخر البحرين مثل
هالقطعة تتركب على المرحاض.. عشان تثبت
عليها نفسها وتكون جلستها مريحة..
ووضعت لها مثل الستيب او كرسي عشان
ترتفع عليه وتسند رجلها عليه


http://forum.moalem.net/file/2010/10/99.jpg




لابد ان تلاحظين علامات رغبة الطفل
في الذهاب للحمام.. لأن بعض
الأطفال يذهبون لزاوية معينة بعيداً عن أعين
الناظرين.. أو الجلوس بطريقة معينة..




السؤال المتكرر اول الأيام واخذها للمرحاض حتى
ولو نفت رغبتها في ذلك..



في هالفترة.. اخترت لها ملابس سهلة الخلع بدون تعقيد..
مثل ازرار او جرار.. بل سروال باستيك
يسهل انزاله بالنسبة لها..


http://forum.moalem.net/file/2010/10/100.jpg



التقدير المعنوي والمكافأة مهم جداً.. بوضع جدول معين
لعدد المرات التي استطاعت فيها التحكم بنفسها..
حطيت لها نجوم ووجوه مبتسمة وكانت تفتخر بنفسها..
لكن مسألة الحلوى والمكافآت المادية
ما أنصح فيها.. لأنها راح تتعود على هالشي وتأذيني بعدين!


(http://pottytrainingconcepts.com/common/Free-Chart/Potty-Chart-Patty.jpg)


ولدي ملاحظة مهمة أحب اوجهها للأمهات..




لا تلتزمي بالبقاء في المنزل طول فترة تدريب الطفل على المرحاض..
بالعكس ادخليه الحمام قبل الخروج وأثناء
الخروج كرري سؤاله اذا كان يرغب في الذهاب للحمام
لأن الطفل ربما ينسى هذا الأمر وهو منهمك باللعب..
ولا تنسي أخذ احتياطاتك من ملابس
في هالفترة كنت اخرج ولكن أحدد اوقات الخروج
وما أطيل المكوث خارج المنزل..




http://forum.moalem.net/file/2010/10/101.jpg




كنت اخاف لو رحت نهاية الأسبوع بيت عمي ان تعملها وانحرج..
ورجعت لبسها حفاظ اللي يكون
شكله مثل الكلوت..


http://forum.moalem.net/file/2010/10/102.jpg


بس نصيحة مني.. لا تستعملونه.. لأن يخربط الطفل بين الحفاظ
والكلوت أول حاجة.. وراح يحس بالأمان وممكن
يعملها وخلاص ينسى كل اللي تعلمه في الفترة السابقة..
وعن تجربة أقول مثل هالكلام..





اما المرحلة الأصعب هي بالليل وقت النوم..


http://forum.moalem.net/file/2010/10/103.jpg


أنا ما أحبذ ان طول اليوم الطفل من غير حفاظ ووقت النوم ارجع البسه..
لأن راح أحتاج لوقت أطول في تعليمه على
ترك حفاظ الليل..



مو مشكلة ضاعفي جهدك في هالفترة.. وارتاحي بعدين..


اخذيه للحمام قبل النوم واحرصي على تقليل السوائل اللي


يشربها من المغرب.. وصحيه بعد كم ساعة وديه الحمام.. وفي
الصباح اول حاجة تعودينها عليه هي تودينه المرحاض بعدها
يغسل وجهه واسنانه.. منها يتعلم كيف يمشي على روتين معين
بحياته مثل الكبار.. ومنها ما يفاجئك بتبليل
ملابسه خلال هذا الوقت من اليوم..
تقدرين تشترين قطعة يبيعون منها في محلات الأطفال
اسمها ووتر بروف ماترس.. انا شفتهم في اللولو هايبر
ماركت لو سواها وهو نايم يكون تمسك الرطوبة وما
عليج الا غسيلها مع الفراش في الغسالة بكل بساطة





وطبعاً من خلال تعليمي لها أيضاً استغليت هالشي ان أعلمها
أصول النظافة بعد استخدام الحمام..
ان تنشيف المكان بعد الغسيل مهم جداً بورق الحمام




http://forum.moalem.net/file/2010/10/104.jpg


وبعدها غسيل اليدين بالماء والصابون لابد منه!



http://forum.moalem.net/file/2010/10/99.gif



صادتني صعوبات.. لكن تخطيتها الحمدلله


كل هذا أخذ مني فترة 10 أيام إلى اسبوعين..


وارتحت من هم


الحفاظات.. اللي كان شاغلني شهووور!



من تصفحي ونقلته للأهمية ،،،،



http://forum.moalem.net/file/2010/10/100.gif

المسك
10-30-2010, 09:34 PM
يووووه لولا الحفاات جان علوم والله ..جان بالليل فيضانات الله وكيلج

الله يحفظلج بنتج ويخليها لج ياااااااارب ياكريم

انا الحين جنني ولدي ... لحق ملاحق انا وياه مايواطن شي اسمه حمام وبعدين مايسولف للحينه الظاهر تكانه الاخ


تخيلي مرات من القهر ومن كثر مالحقه يوقف وينقز وانا انقز بجنبه شسوي لووووووووووووول انطره يقتنع

والله مدري شسوي يختج محتاره حدي والله

والممه حدث ولاحرج عاد مالنا غناة عنها ولدي طبعه غثيث

غيرت اسمه لغثيث افندي اصلا

اااه بس

وعساج عالقوه ياغلا عالموضوع المهم والله

والله يوفقج ويحفظلج عيالج يارب ياكريم واهم شي الصلاح والله

همس الرووح
11-12-2010, 10:30 AM
يووووه لولا الحفاات جان علوم والله ..جان بالليل فيضانات الله وكيلج

الله يحفظلج بنتج ويخليها لج ياااااااارب ياكريم

انا الحين جنني ولدي ... لحق ملاحق انا وياه مايواطن شي اسمه حمام وبعدين مايسولف للحينه الظاهر تكانه الاخ


تخيلي مرات من القهر ومن كثر مالحقه يوقف وينقز وانا انقز بجنبه شسوي لووووووووووووول انطره يقتنع

والله مدري شسوي يختج محتاره حدي والله

والممه حدث ولاحرج عاد مالنا غناة عنها ولدي طبعه غثيث

غيرت اسمه لغثيث افندي اصلا

اااه بس

وعساج عالقوه ياغلا عالموضوع المهم والله

والله يوفقج ويحفظلج عيالج يارب ياكريم واهم شي الصلاح والله


http://forum.moalem.net/file/2010/10/35.gif