المساعد الشخصي الرقمي

مشاهدة النسخة كاملة : من واقع التعليم .. مواقف ساخرة ، ضحكات عابرة ، وابتسامات جميلة .. متجدد



الرواسي
10-29-2010, 10:19 PM
السلام عليكم ورحمة الله وبركاته .. ..
معلمينا الأفاضل ، معلماتنا الفضليات ،،
من واقع التربية والتعليم ، نقف وقفة ابتسامة إما أن تكون

ضحكة مدوية من قلب ،، أو ،، شر البلية ما يُضحك

مع مواقف مررتم فيها وعشتوها ، شاهدتموها ، حدثت في مدارسكم ، أو سمعتم بها ..

مواقف مع الطلاب ، الإدارة ، أولياء الأمور .. المهم أنها مضحكة ، غريبة .

ضعوا ما في جعبتكم هنا ، لنتبادل بها الضحكات معا ,,
لعلنا بالضحكات نرى الأمل يتجدد فينا ،، وتهون علينا مصائبنا أمام مصائبكم

أتمنى أن أرى مشاركاتكم وتفاعلكم دون توقف حتى لو تقاعدتم ..

ونحن جميعا بالانتظار ...أتمنى أن يلقى الموضوع الاستحسان ... ولكم من الرواسي تحية ...

المسك
10-29-2010, 11:26 PM
الله يسعد قلبك بالدنيا والاخره

ماعندي موقف الحين بمخي < الله يالمخ عاد

والله يجيب لنا المواقف الحلوه ياااااااارب

اقسم بالله تعبنا يالرواسي وربك يحلهااااا

على فكره

مواضيعك دائما حلوووووه ماشاءالله تبارك الله

السعاده
10-29-2010, 11:48 PM
الموضوع حلووغريب
مشكوره يا الرواسي ...
مع اني ودي اسوي فورمات للمخ :: وامسح كل شي خاص بالمدرسة.. والطالبات واولياء امورهم
بس علىشانج بسوي بحث باللي يفيد الموضوع
ولا تحاتين في مواقف مضحكة كثيره مادام تعليمنا كل يوم له سالفه بنضحك كثير
ولي عوده ان شاء الله ،،

الرواسي
10-30-2010, 10:31 AM
أهلا بك يالوردة وأنا أنتظر عصارة مخك ،، أتمنى أن تتحفينا بما يرسم البسمة على شفاتنا ...
السعادة أنا عالوعد معك بالانتظار ..

معلمونا ،، معلماتنا .. لعلكم تخجلون ،، أو تترددون ..

سأبدأ لعلي أرى منكم تجاوبا ...

سأكتب لكم واحدا سمعت به مع إحداهن في المدرسة .. والله لا أنساه لما فيه من ابتسامة أقل ما أسميها موقرة ...

الموقف حدث مع جد طالبة في الصف الأول المتوسط في السلم التعليمي المندثر ..
وكانت الطالبة راسبة في مادتي الانجليزي .. والعلوم ..

ولم تجد من تحضره معاها كـــولـــيّ أمر كجدها وعزالله أنها أفلحت في الاختيار ،، وسأتحول للعامية لأن عشقي كلمات الشيبان .. ولن أجد ما يعبر عنها ..


" دخل الجد مولولا : وين أبلة العنقليزي .. "
وبعد جهد جهيد مع أهل مصر فهموها أنه يريد أبله فلانة ،،
أتت إليه : "أيوه يا حج .."
الشايب : "زين أجل إإإعربية "
المعلمة : " أؤمر يا حج .. " بلاها ما جاها الصحيح ..
الحج : "ولا صار إإإعربية وتكلمين إإعربي تعطين العنقيزي لبنتي اشوووووله ؟ ، وليه يوم تسقطينها فيه ؟ "
المعلمة "والفهم مع لهجة الشيبان لكم عليه" : "ازاي ياحج ده مادة ولازم تدرس فيها .."
الحج: "وشووو اللي لاازم ، لا صار أنا إإعربي ، وأهلها عرب ، ماهو لزوووم "
المعلمة : " ياحج دي لغة بتستفيد منها ، لغة العالم ولازم تدرسها " << <<< مثقفة الأبله حدها ..
الحج : " الله . الله ، ماهو بكيفكم لاصار حنا مانعرف اشوله تعلمونهم ، ولاصار حكينا إإعربي مانبي العنقليزي ماهوبلزوم"
وبعد محاولات المعلمة باءت بالفشل في اثبات أن الاهمال من الطالبة ، فآثرت الذهاب بولي الأمر للمديرة لعلها تجد مع تقارب اللهجات حلا ..


الحجي : "السلام عليك "
المديرة مع تقارب اللهجات لعل وعسى : "هلا حياك الله يا حجي نفضّل "
الحجي : "الحمدلله إنك إعربية كنت متوجس أنك عنقليزية ولا ترضين "
المديرة :"ليه آمر ياحجي ؟"
الحجي : " ياوليدي ، هو الواحد مننا لا صار إعربي ويجيكم يتعلم منكم ، يوم إنكم تكلمونه عن العنقيليزي إإإشوله والله مو من زينهم وإلا من دينهم وأنا أبوك"
المديرة : "ياحجي الله يهداك هذا منهج من الوزارة لازم نعلمها كل شيء تستفيد منها علشان ،، ولا صارت بتكلم الدكتور لا صار مو عربي واحتاجت والا لا سافرت ، لغة تستفيد منها ، وبعدين الأبلة مو مقصرة معاها وتشرح لها ، بس البنية ما تدرس ومهملة ، "
الحجي : " ألا والله يا وليدي أنا أشوفها تدرس ب عاد يا وليدي خفوا عليها ، ماهو كل الساعات درس ، هو ما بالحياة كود الدرس "
المديرة : "يا حجي البنت مو بس راسبة بالانجليزي ، حتى العلوم "
الحجي : " والله عاد سالفة العنقليزي والدكتور بلعناها ،
سالفة .. إعلومها تسوى عندي إعلوم 100 رجال ، ولا هو لزوووم إعلوومكم ، عاد ،
وهذا أنا أقولك ها ،، خفووا عن بنتي بالدرس ، لا أخليها تترك الدرس وآخذها يم الغنم ونيس .." وبعد المشاورات والمداورت ،، أعلنت المدير إنجاح الطالبة رأفة بحال جدها ..

أمانة برايكم منو اللي صح .. ؟
الجد هذا عجيب ،، والله بعض الشيبان رووعة ..
لكم من الرواسي تحية ..

الرواسي
10-30-2010, 11:26 PM
اش دعوة ،، مو معقولة ،، ما في ولا موقف مضحك في واقع التربية ؟؟؟

همس الرووح
10-31-2010, 05:05 PM
يعطيك العافية الرواسي

ان شاء الله سأبحث وساشارك حتماً

بارك الله فيك


*****

السعاده
10-31-2010, 06:54 PM
هههههه شنو هذا يا الرواسي يا حلو هالجد عجيب ..

حصلت لج في اقصى الذاكرة موقف قديم ايام لما كنت ادرس ابتدائي مو الحين خبرج المتوسط يكبرونج اكثر من عمرج ،،، والكبر شين


أول مرحلة درستها كانت للصف الأول ابتدائي ... وما يحتاج أقولكم على طالبات الصف الأول ( علموني أنهم احلي مرحلة ،،، فيهم براءة الطفولة وصدق وحيوية زيادة ونشاط ماله أحدود اسم الله عليهم وحارسهم ربي )

أما الموقف اللي اعتبره عادي من كثر ما شفت منهم

كانت حاضره عندي الناظرة ورئيسة القسم والموجهة الكويتي !! الرزة !! والتكانه !! وكنت قاعدة اشرح ويا زيني،، فجأة!!!!!

قالت طالبة / أبله عندي شئ بقوله قلت إن شاء الله حبيبتي بس نطري شوي،،،، ورديتها لمكانها وأنا ماشية صوب السبورة ولفيت عليهم إلا هي وراي ومصرة تقول سالفتها

قال الموجهة خليها يا ابلة تقول اللي عندها
نزلت لها وقلت : ها حبيبتي قولي
قالت: أبله ما دريتي اليوم الصبح تهاوشت أمي و درما!!!! وبعدين أمي نادت أبوي؟؟؟؟ بس أبوي زفها وعصب عليها ووو...
والموجهة يسمع وأنا منحرجه
قلت : خلاص هذا سر بيني وبينج... بعد شوي نقوله اوكي
قالت : أنزين وراحت لمكانها وردت قالت : أبي ألعب معاج لعبة سبت وأحد ( أنا معودتهم في نهاية الحصة اللي تجاوب ألعب معاها ..... شرايج مو خوش أبله )

إلا الموجهة يناديها يبي يلعب معاها
قالت : لا أنت ما تعرف تلعبها بس ابلة ؟؟؟؟؟ تعرف ( مسكين استحى وأتوقع قال في نفسه يا ليتني ما تكلمت )
جان يقول معناه الابلة بتأخذ امتياز على هاللعبة؟؟؟؟؟؟

طبعا ما قدرت اشرح إلا لما خذتها رئيسة القسم معاها برا يا ااااحلوهاااا

،،،،،،،،، يا حلو البنات والله أنهم أحلى شي بالوجود ،،،،،،،،،،،،

السعاده
10-31-2010, 07:01 PM
آآآآسفه حصل خطأ املائي بكلمة الموجه ( ترى اعرف اكتب بس كنت مستعجلة )

المسك
11-01-2010, 12:31 AM
ههههههه السعاده حلوه اعرف اكتب < شاكه بالبنت

ههههههههههههه الله يسعد قلبج يارب وقلب كل من يطل بهالموضوع يارب يارحيم

خخخخخخ

الرواسي ...... ههههههههههه عجيب هالشايب ياحلاتهم شيبانا والله

......

والموقف حدث ولاحرج هههههههههههههههههههههههه


كاني عدت < والعود فيه قرقر وازد

....


ياربي عصرت مخي بس ماكووووو


....

امبلا تذكرت


ذاك اليوم بالصف قلت لطالبتي تمسح السبوره

ليما اضبط شغلي واطلعه

< جايبه كل قش بيتها بالصف

المهم

والا انا معوده طالباتي ..اسالهم ..منو صلى الفجر اليوم ؟؟؟

هااااااااااااااا ؟؟

تراني اعرف منو صلى الفجر يكون وجهها منور ..

طبعا اشير على اي وحده واقولها ها ااااا يافلانه شعندج ماصليتي اليوم < دايما تشيرها صح

المهم جان تنط وحده تقول ابله شوفيني وجهي منور صح ...


جيت ابي امدح البنت والا الطالبه اللي وراي تمسح السبوره جان تخطف الحجي وتقولها لا وجهج مسمر كااااك

انا هنيه مت ضحك < خوش ابله

وبس سلامتك يارب



..


وطبعا شكثر مواقف لمن يشوفني اعصب واطير عيوني عليهم

يعطوني من الحجي الحلو اللي يخلوني اطخ بسرعه < بنات عيارات

قيثارة
11-01-2010, 09:03 PM
الله يعطيييييييييكم ألف عااافية...الرواســـي موضوع مميــــز ..
بصراااحة ضحكت على مواقفكم..جعل ربي دوووم يسعد قلووبكم
هذا موقف روته لي إحدى المعلمات وهي معرووفة بالعصبية لكنها حريصة كل الحرص على مصلحة طلبتها..تقول فيها:

عينت هذه السنة أول مرة في مدرسة أولاد..وشفت الهوااايل..المهم دخلت على صفي الحصة الأخيرة..وكالعادة بدأت بأخذ الغياب..وفوجئت بعدم تواجد 6 طلبة!!!!سألت وينهم؟؟؟ردوووو الطلبة:يااااااأبلة امهربين!!!!!!!!!!!!!!!>>>>>>أووووه سته مره وحده<<<<<هروب جماااعي,,,
عصبت المدرسة..وقالت عاد ماراح أشرح الدرس<<<<<طنقرت
وقررت تلقى المهربين وتجيبهم للصف بأقرب وقت<<<<<<<بالها يودي ويجيب ((لاتلومونها ستتته))<<<خلية ارهابية
أول اجراء سجلت اسماءهم وبعثتها بورقة إلى المديرة بيد الطالب المتميز ((سـعود :(281):))..
وسعود في طريقة إلى غرفة المديرة>>>>يردد جدول الضرب..الظاهر ان واحد من الخلية الارهابيه لمحه وهو بيده الورقة ورايح في طريقه لغرفة المديرة....ومسك الخط السريع أوووووه صاااادوه يالربع..قبه قبه..سعود الحرووووش فتن علينا>>ترا تتخيل
امممممممممممم فكروووو يالربع وش الدبرة؟؟؟؟..العدوووأمامنا والبحر ورااائنا...امممممم

قرروو يدخلون الصف ويواجهون المصييير...يمكن ياخذونها من قاصرها وياداار مادخلك شر...لكن على مين يابابا على مييين..>>>>أنا أقول لو امخلين مصيرهم بيد الناظرة أحسن
المهــــم..ادخلووو الصف والعرق يصب من كل اتجااه حتى تكرمون جواتيهم امعرقة>>>>>لحد يباالغ
هـــلا هـــلا..انتوو الي امهربين؟؟هاااااااااااا؟؟تعالوو تعالوووو :z058:
((فــــــاصل إعـــــــلان فيلم آآآآآآكـــــــــــشن)) :beated: :beated: :beated: :beated: :beated: :beated:
اليوم الثاني حضرت المدرسة الطاابور..وتخز الطلبة وزميلاتها المدرسات حتى جدران الساحة ماسلم من خزها..قالت وهي تبادل الحديث مع نفسها:((اييييييييييييييه يابنت..هذا آخر يوم لج بهالمدرسة..أكيد يانقل تأديبي..والا أولياء الأموور ماتفتكين من شرهم,,,لالا،،عندي احساس هذا آخر يوم لي بهالمدرسة)) :(161):

أوووووووووووووووووووووووووووووه شنوو هذا؟؟؟

الطلبة الست جدامها عند مشرفة الاذااعة..والناظرة وراهم..وولية أمر موجوده وبيدها بوكيه ورد<<<<أكيد للناظرة عشان تعاقب الأبله...واحد منهم أخذ المكرفون>>>>قلت لكم آآخر يوم
الطالب : احم احم ألـــــو ألـــــــو((إحنا آسفين ياابله......ونوعدج مانكررها مرة ثانية..سامحينا)).. :(201):
بعدها...تقدمت ولية الامر وسلمت الأبلة بوكيه الورد وشكرتها لاهتمامها وحرصها على مصلحة طلبتها.. :cry2:

طبعا" عيووون الشماااته تقووول>>>>>>>>>>>>صج لاقالوووو حظووووظ

المسك
11-01-2010, 10:51 PM
ههههههههههههههههههههههههه

خوش سالفه والله قيثاره

يمه الصبيان حدهم مجنن

يمه انا لو اروح عند صبيان انجلط

بنات وجننوني اشلون صبيان

الله يعين والله

التوأم
11-01-2010, 11:13 PM
الروااااااااسي عشتي يالغلا
قيثاااااره والله اضحكني اسلوب كتابتج وتعليقج ياكثر حلاج
رووووووووووعه

الرواسي
11-03-2010, 08:50 PM
أهلا وسهلا ، بالجميع ، أفرحني المرور ، وأعجبني التفاعل والتواصل ، حياكم الله يالغلا ، وبانتظار ابداعات التربية المضحكة ، وما خفي كان أعظم ،، شكرا للجميع ، عذرا لانشغالي ، متابع بشدة وتواصل ، قد ينقطع لكن متواصل بإذن الله :)

الرواسي
11-05-2010, 09:24 PM
ولي أمر محتج احتجاج كبير على دور الأختصاصي الاجتماعي ، لانه عندما اشتكى له ضرب أحد الطلاب لابنه ، لم يعمل الاختصاصي شيء فقط كتّب الطالب الضارب تعهد ..
والمشكلة إن ولي الامر مصر على تقصير الاختصاصي ..
فبرأيكم ،، أين الخلل ؟؟ ، وما هو الحل ؟

شــــــــــــــــــــر البلية مـــــــــــــا يضحك ..

المسك
11-05-2010, 10:08 PM
هههه يحول

متابعه لموضوعج الرواسي الله يسعد قلبج اللهم امين

الرواسي
11-06-2010, 04:48 PM
هههه يحول

متابعه لموضوعج الرواسي الله يسعد قلبج اللهم امين


أشكر تواصلك .. ويظل الحال في التربية على ما هو عليه .. وعلى المتضرر اللجوء للابتسامات الساخرة .. علها تخفف وطأة الأمر علينا .. حياك الرحمن يالوردة .. :)

المسك
11-06-2010, 10:28 PM
يللا ماكو سوالف

مني مناك

تحت الاب توب هااا؟؟

الرواسي
11-07-2010, 07:33 PM
يللا ماكو سوالف

مني مناك

تحت الاب توب هااا؟؟


حياك الرحمن يالوردة ،، وتظل مآسي التربية قائمة ، ولكني أحبذ أن أرى أراء باقي الأعضاء لعل ما نراه عندهم يخفف ما عندنا .. اهلا بك مرة أخرى ..

المسك
11-07-2010, 07:45 PM
هلا وغلا فيج الرواسي

في موقف اليوم بسراحه صار ..

كانج تدرين يالرواسي ..مأساه عن جد

لدرجه حيل ضاق خلقي ودمعتي نزلت والله غصبن عني

الموقف ياطويله العمر ..

اليوم بالطابور وكيلتنا حسبي الله عليها متفرعنه على اضعف ناس بالمدرسه البنات والخادمات ..

حسبي الله عليها ..يارب ابعد القسوه عن قلوبنا

عن جد والله الانسان القاسي مريض ..

والله ... المهم .. جت تمشى بالطابور هالوكيله < مابي اسب عشان لاتروح حسناتي لها < الله يالحسنات عاد

< تلقط حسنات

واقعدي صارخي على هالبنيات ..على الجاكيتات المخالفه وطلعي اغلب المدرسه مخالفه ..

والمخالفه على خط تافه مو مبين بالجاكيت والا شغلات مو مبينه

نزين البنيه بردانه وخايفه ..حرام عليج ..وجهيلهم كلام بس حتى لو تصارخين مو مشكله

بس مو تطقينهم ..

وتقعد تطق بهالبنات بهالبرد .. ياقلبي والله حرام انا حيل ضاق خلقي

بغيت بهالحزه انط عليها وامجع شعرها < اشوه انه شكلج هادي مايوحي على نواياج ههههههههههه

والله ..حسبي الله عليها ... المهم < ياطول سالفتج ..

دشينا الصف وفي من بناتي ياقلبي قلبهم احبهم اموت فيهم والله ... المشكله ماخالفت الا الشاطرات عندي ووفي وحده يتيمه

دشت الصف وهي تبجي اقسم بالله ابي احط البطاقات على السبوره ماقدرت انعميت من دموعي

امها تحت القبروالناس ولتها ..يالله دنيا تخرع والله ..

المهم والله حضنتها وعطيتها هديه < شغاله هدايا ابو ميه

وعورت قلبي حيل ..الحين اكتب هالسالفه وقلبي معورني على هاليتيمه

لدرجه وانا اتفطر دعيت على هالوكيله ...حسبي الله عليها

جودها على الخدم والبنات ..ماتخاف يصير هالشي بعيالها

والا الوجبات تبلعهم عن الخدم ياملا الفقر ..والله والخدم يطالعونها ..جبح فره ...

كرهتها حيل ...


هدوني عليها < ياخوافه ههههه

وبس هذي سالفتي يالرواس قلت الصقها لكم هنيه

الرواسي
11-07-2010, 07:51 PM
اشوه انه شكلج هادي مايوحي على نواياج ههههههههههه

صراحة بهذي الجملة ضحكتيني لأن معاك حق كلامك ما يوحي عن نواياك .. قصة مؤلمة .. ونحن نبحث عن ابتسامة .. إذا المديرة المساعدة تطق الطالبات ،، المعلمات اشلون ؟؟ وإلا حرام عالمعلم حلال للإدارة ؟؟
حياك الله يالوردة ..

المسك
11-07-2010, 08:02 PM
اشوه احمد ربي اللي يشوفني يقول هذي بريئه

مايدرون هههههههههههههه تحت السواهي دواهي لووووووول

وحسبي الله عليها والله هالوكيله


مرات اقعد اصارخ بالحصه عالبنات وارد البيت وقلبي يعورني ومنهد حيلي < من اللجاجه خخخخخخخخخ

وضميري يعورني وهذي عادي تطقق بالبنات .. شكلي مره بفتلت عليها هي منو يعني

مايسوي جذي الا الانسان الناقص ..والله

< طل

< حدج خوافه

خخخخخخخ

المسك
11-07-2010, 08:04 PM
يوه نسيت لا اقول الله يحييج ويبجيج ولبيت مكه يارب يوديج

اااه بس والله قهر

الرواسي
11-07-2010, 08:41 PM
حياك الله يالوردة وبارك الله فيك وجزاك كل خير يارب .. فلازالت كلماتك تبعث الابتسامة .. :)