المساعد الشخصي الرقمي

مشاهدة النسخة كاملة : اللوغاني ،، على قناة سكوب الساعة عشر



الرواسي
10-11-2010, 07:42 PM
أود أن أنزله خبر ،، فلا أعلم أين أنزل الأخبار ،،
ترقبوا واسعوا للمشاركة والمسجات ،،
لا يوقف ،، لا يوقف ،، لا يوقف
على قناة سكوب في لقائها مع منى اللوغاني الساعة عشر اليوم

^ SaRa ^
10-11-2010, 07:48 PM
في انتظارها

مع اني ما اعتقد انها بتقول شي مقنع

بس تبي تبرر تصرفات الوزيرة

يعني بالعربي

إذا شفت مقابلتها بيرتفع ضغطنا

الرواسي
10-11-2010, 07:57 PM
ومن قالك شوفي ،، طرشي مسجات ،، وعبري عن رأيك وأنا أختك ،، اهجمي كأفضل وسيلة للدفاع ،، يعني من ألحين زهبي المسجات ،، اللاذعة ،،
لكي يرى العالم من هو المعلم الحق ،، الله الله بالمسجات الراقية والمعبرة بحق ،، ورقي ،، لأن كل إناء بما فيه ينضح ،، ويظل المعلم يحمل لواء التربية

لنضرب بيد من حديد ،، ونعيد المجد الجديد

الرواسي
10-11-2010, 08:00 PM
أقولها معلنة
إما نكون اللي نبي ،، ،، وإلا عسانا ما نكون

ولمن يصل للاتصال فليستفسر عن سبب طلب الوزارة لأحصائيات غياب المعلمين غدا منذ الصباح من جميع المديرات عبر مسج عاجل

التوأم
10-11-2010, 08:34 PM
غلااااااااي انا خايفه عليج من اندفاعج بس الساعه عشر لا تحطين اشياء حاده او زجاجيه يمج ,,,, الرواسي راح انطر مسجاتج لو كنت متضرره جان اعتصمت باجر بس بشارك بالمسجات عشانكم علشان لاتقولون المعلم سلبي في أخذ حقوقه,,, تقبلي حبي يالغاليه

الرواسي
10-11-2010, 08:49 PM
ههههههههههههههه
لا راح أدور الباب وأحط حرتي فيه ،، حفاظا على اللاب توب //

والله يالتوأم أحس فيني
البسوس بجلالة قدرها في حياة كليب
،، أحس إن فيني احساس ،، مسّعر حـــرب
الله وكيلك ،، أضحك وأنا قاطبة الجبين

أنا باكر غياب مع العلم أن المديرة تقولي داومي وأنا بطلعك بدون استئذان

moalem
10-11-2010, 10:19 PM
منى اللوغاني الآن كلام غير منطقي واستشهدت ببنت اختها ورفيجتها تقول عيالهم مستانسين على الأنشطة

التوأم
10-11-2010, 10:25 PM
الروااااااااااااااسي وايليه ,,, دامك ذكرتي حرب البسوس والله فيج شر اربعين سنه جدام عسى ماتصيرين مديرتي يالغاليه

عبير الورد
10-11-2010, 10:47 PM
ما ادري على أي اساس تجاوب منى اللوغاني ؟

كأنها تستخف بعقولنا

عبير الورد
10-11-2010, 10:52 PM
تقول يبون يسوون دراسة الوضع الراهن للفترة الزمنية لاحظواا تقول الحين بيسوونها عشان يعرفون وين يحتاجون الإطالة !!!!

عيل وين دراستكم اللي قلتوا عنها

moalem
10-11-2010, 11:06 PM
وين دعيج الدعيج صاحب الفكرة الجهنمية وينه ما يطلع مسين صار بالواجهه ولا يملك أصلا القدرة على اللقاءات لكن عماته ما قصروا بقدر المستطاع يحاولون يبعدونه عن اللقاءات يمكن يخورها ويقول هم قالوا لي

محب النصح
10-11-2010, 11:14 PM
والله كلامها ينرفز . . غايبين غايبين و الله لو تطلعين بالجزيرة المباشر !!

عبير الورد
10-11-2010, 11:33 PM
مداخلة لـ عايض السهلي ، ومداخلة للوزيرة

تقول الوزيرة القرارات ليست فردية بل هو قرار يصدر من مجلس الوكلاء ، وبالنسبة لتجاهل الوزارة فهي تقول أنها تقابل أعضاء الجمعية شخصيا ولا يحتاج الأمر لـ كتاب

وتقول أن المشروع مشتغلين عليه من زمان ,انها عرضت هذا المشروع مع مشروع القيم حتى على وزراء التربية في الخليج

وتقول الكادر اللي طلبته الجمعية وافقت الوزارة عليه مع الجمعية وتم توصيله لمجلس الأمة

وتقول تبون تعتصمون ما في مانع لكن هناك أمانة وهي العمل فيجب عدم الإخلال به


وبالنسبة للنواقص ..تقول مدارسنا نماذج وإذا في نواقص فهذا طبيعي وليش الخلاف على 25 دقيقة ؟ووين المنطق في المعارضة على 25 ؟



الوزيرة حولت كل القضية إنها مجرد 25 دقيقة وإنها ما تضر ....وتجاهلت كل ما يرتبط بالإطالة من إمكانيات وأهداف ووسائل

ونست كل ما قيل عن أن الزيادة هي أساسا لتعزيز الولاء ..كأننا عديمي الولاء ،والحين صار مجرد نشاط ...

أظن مداخلة الوزيرة كانت إنقاذ لمنى اللوغاني لأنها بدأت تكرر كلام الوزيرة

عبير الورد
10-11-2010, 11:51 PM
اللوغاني تنفي منع الاستئذان والغياب غدا ودليلها أن الوزارة لم تصدر نشرة رسمية بذلك

نست وكيلة الوزارة أن كثير من القرارات تصدر شفوي ...( قرار الإطالة كثير من المديرات جاءهم الخبر بذلك شفوي )

ابو بدر
10-12-2010, 12:08 AM
صباح الخير

أتمنى أن تستمر جمعية المعلمين على هذا المنوال ..

المسك
10-12-2010, 12:27 AM
ياربي هذولا مايتفشلون

وزارتنا ولامره اعترفت بلغلط

نهائي

شوفوا المبزره الحين الصبيان

شوفوا التأنيث مصخرررررررررررررررررررررررررررررررررررررررره

الولد صار جنه بنيه تروفه ورقيق

والمدرسات اصواتهم انبحت


مسوين التانيث عبالهم عيالنا نفس عيال هالاجانب والا الزلمات يقعد مؤدب وشحليله

وعيالنا الله يخليهم نغزات من عمره سنه

وتخزخز

خخخخخخخخخخخخخخخخخخخخ


الحين والله ماراح يعترفون بالغلطه هذي وراح يخلونها على وجهها


الاطاله ..طول الله خشم بعض الناس يارب ياكريم

اااه يالقهر والله


قبل اسبوع مدرسه عندنا استقالت

والله مااومها من القهر

يعني احنا بيت وعيال ودوام

مايفكرون هذولا

احنا اللي نكد على عيالنااااااااا

ماندنا بديل انا دعيت عليهم بقيام الليل والله راح يستجيب لان وضع الام واللي عندها اطفال غيييييييييييييير


نداوم وقلوبنا على عيالنا


ياويلهم من رب العالمين

ارحم ترحم


< بطت الجربه


وك سنه التعليم يفشل

ومافي مخرجات زينه

اقول والكوبا والله على اللي يسوي هالقرارات

ياربي عايش بروحه بجزيره الاحلام


يتخيل عيالنا كلهم بيطلعون نوابغ

ياحظي نسى الفروق الفرديه

المسك
10-12-2010, 12:29 AM
عاد لاتدققون على البدليات ولدي مشلع نص الاحرف

ههههههههههههههههههههههههههههههههههههههه

الرواسي
10-12-2010, 12:54 AM
الحمدلله إن ما عندي قناة سكوووب بس حرقتهم مسجات ،، طلعت اللي بكبدي ،، الله يعيين عالفاتورة
بس والله ما قصرتوا ناقلين الحوار ،، عموما الله يعين على الشمس بكرة إن شاء الله يكون الجو وحلو ،، وأبشروا بالتغطية الإعلامية
،،

تحياتي ،،مُـسّعـر الحرب << >> البسوس >> >> >> أشهر من نار على علم

المسك
10-12-2010, 01:20 AM
وين مكان الاعتصام ؟؟؟

عيالي مراضى جان رحت واعتصمت

الرواسي
10-12-2010, 08:02 AM
والله كلامها ينرفز . . غايبين غايبين و الله لو تطلعين بالجزيرة المباشر !!


أصلا الحماس زاد بعد اللقاء ،، طبعا أنا ما شفت اللقاء بس باشرته عالخط مع الأهل ،، وما قصرت رايل ،، ظليت اطرش باسمي واسم غيري

الرواسي
10-12-2010, 08:04 AM
اللوغاني تنفي منع الاستئذان والغياب غدا ودليلها أن الوزارة لم تصدر نشرة رسمية بذلك

نست وكيلة الوزارة أن كثير من القرارات تصدر شفوي ...( قرار الإطالة كثير من المديرات جاءهم الخبر بذلك شفوي )


يسلم راسك والله جايهم بمسجات ،، لدرجة إن المديرة تقولنا من كثر مو خايفين ،، صارت القرارات مسجات ،، والكويتي ما يصير له شي ،، ما صار للبغالية علشان الكويتين ،، بس ما عليكم الاتحاد قوة ،،

الرواسي
10-12-2010, 08:07 AM
الروااااااااااااااسي وايليه ,,, دامك ذكرتي حرب البسوس والله فيج شر اربعين سنه جدام عسى ماتصيرين مديرتي يالغاليه


يالتوأم ،، وايلية وإلا من عرب ابن جامع ،، أو حتى حمران النواظر ،، اللي لي الحرب وأنا أختك ،، أسعرها ستين سنة وإذا تبين على مدى عقود وأنا أختك الحق يعلو ولا يُعلى عليه ،، وأكرر

إما نكون اللي نبي وإلا عانا ما نكون

moalem
10-12-2010, 08:29 AM
وين مكان الاعتصام ؟؟؟

عيالي مراضى جان رحت واعتصمت

بوزارة التربية عند مبنى 1