نبي رايكم في موضوع هام جدا

[المجروح]

الموضوع ورد لي من أحد أصدقائي العزيزين علي بالحيل
وأرغب بأرائكم لأنها مهمه جــــــــــــدا
صاحبي يعمل في وزارة حكومية ولة منصب وعندة أعمال خاصة بعد الظهر وتفرق لأعمالة وأسرتة
وهو متزوج حالة كحال الناس الزواج التقليدي عن طريق الأهل
في العمل أعجب بزميلة لة وشده لها أخلاقها ودينها وهي أصغر منة بخمس سنوات
صاحبنا محافظ كلمها وقال يابنت الناس أنا معجب فيج وأبيج زوجة لي وانا متزوج ولدي أبناء ووضعي كذا وكذا فية مجال أتقدم لك
يقول أضحكت وقالت أنت ماتعرف انا منو أتا .......وأنا.......... وأناتقدم لي فلان وفلان إلى أخرة الريال انصدم
يقول قلت لها اللة يوفقك ويستر عليك وبالتوفيق
ومرت شههور واذ بها تقول لة تعال انا أحبك وأبيك
راح وخطبها واهلها قالوا مالك نصيب
زاد التواصل وبعد سنة تقدم وردوا بنفس الحجي مالك نصيب
وزاد حبة لهها وتغيرت أحوالة وصار كلة يفكر فيها ويحاتيها وبين في حالتة وضعف جسمه وتغير على شغلة صار كسول
وهي كل ماقال لها ساعديني حاجي أمك وخواتك قولي لهم انك تبيني قالت ماأقدر استحي أخاف
وبعدفترة طلق زوجة علشانها وتقدم لها ورفضوه أهلها حجتهم هالمرة أنة مومنفس القبيلة مع العلم أنة شيخ فخذ في قبيلتة وأصيل وهي من قبيلة أصيلة
راح وجاب جاهية وكلمهم وقالوا لة نفس الحجي بس انصدم من رده أخوانها قالوا له لاتوقف نصيب البنت
يقول انصدمت من الحجي
وقلت لها لما شفت ماكوفايدة علشان ماأظلم نفسي وأظلمها معي انا رديت زوجتي ولازم نبتعد علشان مستقبل أولادي
ومتى ماتعدلت ظروفك انا تحت امرك يقول عمر البنت الحين 31سنة وهوعمرة 36سنة
بس اهو متعلق فيها حيل ومتأثر وصار لة 5شهور خارج الكويت بسببها
ابي رايكم ومشاركتكم لأنها قد تكون فيها حل

[قيثارة]

مساااءالخير..
سؤال:هل الي بينهم هو اعجاب أو حب أو تعود كل منهم على الآخر أو لعب عيال أو حب من طرف واحد أو أو أو..........
بصراااحة ماقدرت أحدد نوع العلاقة الي تربط بينهم هي كانت ماتبيه ولما تركها قالت له هونت أنا أحبك تعااال...وهو ماااصدق خبر طلق زوجته وأم عياله الي على قولته زواج تقليدي!!!!!ماادري ليش في ربط عند بعضهم بين الزواج التقليدي والغصب..ومادري ليش لما يقول تقليدي..يحسسنا انه مظلوم ويفترض فينا نبكي لحاله...كان بامكانه رفض هذا الزواج التقليدي ولايظلم بنت الحلال معاه ويفكك ويدمر أسره بأفرادها..وكان لاباس لو جمع الثنتين والشرع حلل له أربع..
وبعدين أخوانها وأهلها رفضوه لأسباب هم مقتنعين فيها..
ويكفي على الرجال ينرفض مره وحده ...
أنا برأيي تنصح صديقك ينسى هذه العلاقة ويهتم ببيته وتربية أولاده وأشغاله ويشغل نفسه باهتماماته...والزواج نصيب لو كانت له بيتزوجها وإذا ماهي مقسومة له والله لو يجيب مايجيب من جاهيات مااااجته ولاكانت من نصيبة..
هذا رأيي جاء من وراء تفكير عقلاني...ولو كان من وراء ضربات القلب لكان لي راي آخر
تقبل مروووري ولك تقديري

[المعلمة المتميزة]

أ. المجروح
اتوقع في هذه الامور الانساااان يحكم يعقله ولا يتبع أهوائه.... ولا يضيع مستقبله بين زوجته وابناءه وهم الاساس
... والسالفة من الأول ... منتهية ... يعني مااافي نصيب ...
شكرااا لكم ...

[اوراد]

لو له نصيب فيها بياخذها ولو بعد عشر سنين ولو ماله عمره مرح ياخذها
وبعدين اهي مستحيه تكلم اخوانها وتقنعهم ومو مستحيه تكلم رجال غريب !! الله يستر عليها وماحط في ذمتي شي بس اللي اعرفه لو انها تبيه اقنعت اخوانها والمفروض انه ياخذ قرار ويقطع العلاقه نهائيا دام مافي مشروع زواج وخل يتاكد انه من يقول لها روحي يابنت الناس شوفي نصيبك موضوعنا انتهى بتروح وتقنعهم وبيرضون بس هذا في حالة لو انها جد تبيه واذا ماتبيه فماله نصيب فيها
عيالك نعمه والواحد ما يقدر قيمة النعمه اللي هو فيها الا بعد زوالها
يضعف ويهمل نفسه وتضيع سنينه هم وقهر ليييييييييييييييييييييش!!! عشان شنو ؟ الحياة كم مره

[الجرح أكثر شي يحبني]

مساااااء الخييير المجروح ... انا لي تعليق بسيط ... اولا ان رد البنت عليه من البداية ( لما اضحكت وقالت له عن فلان وفلان وانا وانا ) يبين له انها ماتبيه, بصراحة مو واضح قصدها ... وهو يمكن مااستوعب هالشي عشان جذيه لما قالتله أحبك رد لها على طول .... اسفة على التعليق : اهو ريال مو لعبة ... تقطه وقت ماتبي وترجعه بمزاجها .... وبما ان عمرها 31 سنة .. ومومتزوجة ليلحين .. فأكيد أهلها يبون لها الستر...واذا اهي تحبه صج جان تبيع الدنيا عشانه وين بتلقى اخ\حد يحبها مثله...وبهروبه ما راح ينحل موضوعه...بس ما اقول الا الله يعينه ويصبره الواحد لا حب من قلب مشكلة ... يعطي كل مافيه ...

أعتذر عن الإطالة .... وتقبل مروري وتعليقي

[محب النصح]

لا شك ولا ريب أن للشيطان نصيب في كل ما يجري . . صدق الله تعالى : ولا تتبعوا خطوات الشيطان

[المجروح]

الكل له من الشكر على المرور
لكن الحب مصيبة والشئ الوحيد اللي أعرفة أنة حبها ومستعد ياخذها لو مهرها 100 الف لأنة راقب فيها بالحلال
وللحديث بقية ارجوا الرد لانه فعلا مهم

[اوراد]

اخوي مدرس خصوصي لا تاخذ تعليق قيثاره على محمل الجد تراها تحب تغشمر
واخوي المجروح لا والله انا اعرف شنو معنى الحب عذاب وحلو في نفس الوقت بس حلاته بالحلال
خل يدعي الله ويقول
يارب اذا لي خير معاها قربني منها وقربها مني واجمعنا بالحلال واذا لي شر معاها بعدني عنها وابعدها عني واهديني وطمن قلبي
بس تكون الدعوه صاااادقه ويكون على يقين ان الله معاه ويقبل دعوته لانه يبيها بنيه صافيه وبالحلال

[اوراد]

الكل له من الشكر على المرور
لكن الحب مصيبة والشئ الوحيد اللي أعرفة أنة حبها ومستعد ياخذها لو مهرها 100 الف لأنة راقب فيها بالحلال
وللحديث بقية ارجوا الرد لانه فعلا مهم



راقب = راغب
ياويلي من بدليات الشعب الكويتي
الله يعين لغة الضاد
:)
:d:d:d

[المسك]

مدري ماعندي رد

الله يهداه ويعقله لام عياله تكد وتتعب طول هالسنين ويجازيها بالعشق فوقها

وليش مايعشق مرته ؟؟ هاااااااااااااا

واللا اللي عنده وحش بيغا بيغا

مقروده والله وحظها ردي

وهالعانس هذيج طق الثلاثين وتدورلها رجل وتعلقت بهذا المقصه ..

سج الحريم مكارات والله ويهدمن بيوت

خل ينساها ابرك له ويتوجه لربه

مدري شيقابل بقبره فرتها والا الدود اللي بياكل عيونه ؟؟؟

نسوا رب العالمين

علاقه محرمه

[المسك]

اسفك مقبول ماعليك منهم

< شكوووو

امسحها بوجهي


يتغشمرون هم