عضو في ضيافة قوافينـا الشعريــة...!!

[غروري ضروري]

السلام عليكم ورحمة الله وبركاته




صباحكم ندى كـ أرواحكم العذبه
مساءكم سعاده تغمر حناياكم







http://forum.moalem.net/ (http://www.hdoeallil.com/vb)







احـاسيس دافئـه
تجبرنا على الاصغـاء
تزخر بكثير من عذوبه
لتحاكي مشـاعرنا
ولنعيش طقـوسها
بتفاصيلها
وتناقضاتها
لنبحر معها حد الغرق
احاسيس يترجمها
نبض قصيـــدة..!!



من هنا
وفي كل مره
سيكون في ضيافة ساحتنا الادبية عضو
سنبحر معه لننتشي عذب المشاعر وأروعــها
ونستمتع بعذب ذائقته الشعريـة
و يمتعنا بروعـة اجاباته على الاسئلـة التاليه






http://forum.moalem.net/ (http://www.hdoeallil.com/vb)





1- مامدى علاقتك بالشعر ؟!!
2- من هو شاعرك المفضل ؟!!
3- اعضاءفي هدوء الليل تثق في ذائقتهم الشعرية ؟!!
4- بيت شعر يحضرك دائما ؟!!
5- قصيده تعدها من اروع القصائـد ؟!!
6- اذا لم تكن شاعر .. هل لك محاولات في كتابه الشعر ؟!!
7- لك مساحه بلآ حدود امتعنا بقصيدة على ذوقك ؟!!











http://forum.moalem.net/ (http://www.hdoeallil.com/vb)












نقلت الفكره لاعجابي بها..
اتمنى ان ترقى الى ذائقتكم..
لكم مودتي وامتناني..
(( وياليت كل عضو يختار من يكون بعدهـ )))


ورآآح آآبدا بالعضو ((البنــــــدر))..!!





http://forum.moalem.net/ (http://www.hdoeallil.com/vb)

[مملكة العطور]

غروري ضروري

:(185)::(185)::(185):
روووووووعة يالغالية
الله يعطيج العافية

وناطرين شاعرنا البندر:(315):

[البندر]

أهلين وسهليــن :)


وأنا على أتم الإستعداد


وجهدك تشكرين عليه يا مشرفتنــا

[البندر]

البلقــاء


سعيد بتواجدك يالمراقبه :)


تحياتي

[التوأم]

الله فكره حلوووووووووه من مشرفه احلى راح انتظر البندر ولكن بشرط القصيده تكون فيج :(269):

[قيثارة]

غروري ضروري...عشتي يالغالية على هذه الفكرة الحلوة...بس كنت أتمنى تكون اجابات الأسئلة كلها عبارة عن أبيات شعر<<<<حدها نحيسه وتحب اتصعب الأموووور
بانتظار أجوبة شاعرنا...بالتوفيق
وألف شكر يالغالية

[البندر]

والله يا قيثااره فكره حلوه :)

[البندر]

مامدى علاقتك بالشعر ؟!!


علاقتي ويّا الشعر مالها حدّ ،،،،

بيني وبين الشعر حبّ ومودّه ...
.
أرمي حبالي داخل الجم وأمدّ ،،،

وأشراب قراح وغيرنا باح سدّه ...

وأمشي على الإصلاح وأبني ولا أهدّ ،،،

يوم الغشيم إليا بنى البيت هدّه .....
أعتقد الشعر أبلغ جواب عن الكلام :)

والحقوق محفوظه لـ قيثاره :)

[البندر]

2- من هو شاعرك المفضل ؟!!


كل الذي يتعب على جزل الأمثال ،،،

له منزل ٍ متواجد ٍ في ضميري .....

أمثال إبن جدلان هو وإبن هذّال ،،،

ومرشد يجي من قبلهم والسديــري ....

ومن جيلنا التالي بلا هرج وإجدال ،،،

سلطان إبن وسّام شاعر خطيري ....

هذا وبه غيره على القاف خيّال ،،،

لكن صعب أجيبهم فـ أتعبيري ... :)

[التوأم]

البندر,,,,,,,,,, وش ننتظر منك وش احلى من كذا ,,,,,,,,,,, اجزم بأنها ابداع من قريحة شاعر واعجبني معرفتك بشيوخ القبايل ... صح لسانك

[البندر]

-اعضاءفي هدوء الليل تثق في ذائقتهم الشعرية ؟



كثير بعض أحيان مدري قليلين ،،،

بس الوكاد إن المعاني تعـاني ،،،

أسمه يعادل فالأسامي عن أثنيــ2ـن ...

هذا ولا يحتاج له شي ثاني ،،،

[البندر]

التوأم ،،،،



شاكر لك الإطراء الجميــل


والإبداع تواجدك


تسلمين ///

[البندر]

4- بيت شعر يحضرك دائما ؟!!


حفظ المحبّـه مثل حفظ الودايـــع ،،،
وحفــظ الودايع عندنــا ما يضيعـــي ..؟
البندر

[البندر]

5- قصيده تعدها من اروع القصائـد ؟!!



قصيدة الأمير محمد السديري


يقول من عدى على راس عالي
رجم طويل يدهله كل قرناس ،،،
في راس مرجوم عسير المنالي
يشتاق له مندك بالقلب هوجاس ،،،
قعدت في راسه وحيد لحالي
والقلب في لجات الافكار غطاس ،،،
وقعت اعد ابامها والليالي
دنيا تقلب ما عرفنا لها قياس ،،،
دنيا تفرق بين غالي وغالي
لو شفت منها ربح يرجع للافلاس ،،،
يا ما هفا به من رجال مدالي
ما كنهم ركبوا على قب الافراس ،،،
ولا رددوا صم الرمك للتوالي
ولا ثار عج الخيل في كل مرواس ،،،،
ولا قلطوهن للكمين الموالي
ولا صار فوق ظهورهن شلع الانفاس ،،،
في حومة الهيجا لهن اجتوالي
كل يبى من زاية الفعل نوماس ،،،،
من بينهم عود الجنا والسلالي
مثل البروق الليل الادماس ،،،،
اقطعك دنيا ما لها أول وتالي
لو اضحكت تبكى وتوريك الاتعاس ،،،،
يا ابجاد شب النار وادنى الدلالي
واكسر لنا يا ابجاد ما يقعد الراس ،،،،
فنجال يغدي ما تصور ببالي
وروابع تضرب بها اخماس وأسداس ،،،،
لعل قصر ما يجيبه اظلالي
ينهد من عالي مبانيه للساس ،،،،
لى صار ما هو مدهل للرجالي
وملجأ لمن هو يشكى الظيم والباس ،،،،
بحسناك ما منشى حقوق الخيالي
يا خالق اجناس ومفنى اجناس ،،،،
تجعل مقره دارس العهد بالي
صحصاح دو خالي ما به أو ناس ،،،،
لا خاب ظنى بالرفيج الموالي
مالك مشاريه على باقي الناس ،،،،،
وإن ناشنى من بعض الادنين صالي
ماني عن الزلات مخبر وبلاس ،،،،
كالعنبر الغالي بالأسواق غالي
ولا درهم الفضية على صفر ونحاس ،،،،،
اجزية بالصده جنوب وشمالي
واتلي هوى قلبي اليا هب نسناس ،،،،،
المستريح اللي من العقل خالي
ما هو ولجات الهواجيس غطاس ،،،،
ما هو بمثلى مشكلاته اجلالي
عجزت اسجلهى بحبر وقرطاس ،،،،
حملي ثقيل وشلت حملي لحالي
ونصبر على ضيم الليالى والاتعاس ،،،
برسي كما ترسي عوالي الجبالي
ما يشتكي ظلع ٍ عليه القدم داس ،،،،
متى تربع دارنا والمفالي
تخضر افياضه عقب ما هي بيباس ،،،
ونشوف فيه الديدحان متوالي
مثل الرعاف بخصر مدقوق الالعاس ،،
ينثر على البيداء سواة الزوالي
يشرق ****ه شرقة الصبغ بالكاس ،،،

[قيثارة]

ماشاءالله...كفيت ووفيت..شاعر جزل..مافيك حييييلة
وخيرة الشعار الي ذكرت محمدالسديري ومرشدالبذال وسعدبن جدلان وخلف بن هذال وسلطان الهاجري...كلهم روائع في صفحة الشعر..وأبدا"ماعليك زووود ياشاعرنا

[البندر]

6- اذا لم تكن شاعر .. هل لك محاولات في كتابه الشعر ؟!!


أن لم أكن شاعر أبكون شاعر ،،،

لأن المشاعر طاغيه مالها حـــد ...!!

فيني الهجوس الكايده والمشاعر ،،،

متزاحمه في جوف صدري بلا عـد ْ ....!!

[البندر]

7- لك مساحه بلآ حدود امتعنا بقصيدة على ذوقك ؟!!




أنا كل ما ناديت رد الصدى معروف ،،

يكرر نداي وكلمتي مالها أمجيبي ..!!

على الفاتن اللي مالها فالوصوف أوصوف ،،،

تعدّت مجال الوصف بين الرعابيبي ...!!!

عليها يرف القلب وأسمع قريع إدفوف ،،،

بصدري تقارع والهواجس تودّيبي ..!!!

إذا قلت ولاّ بختصرها على المكشوف ،،،

تراوز مع كل الكواكب ولا تغيبي ...!!

ليامن طرتلي لاف قلبي عليها لوف ،،،

وطواني غلاها مثل طيّ المكاتيبي ...!!!

وأنا لو بغيت من الثمر بقطفه وأحوف ،،،

ولو دونها البندق وروس المشاعيبي ...!!

دفعني عليك الشوق ياظامر السرجوف ،،،

وردعني ظميري يا عديم العذاريبي ..!!

وألا يا حبيبي ليتك تويق وسط الجوف ،،،

علشان تعرف ويش حبّك مسوّيبي ...!!!

بنيت بضميري قصر وبيوت دون إسقوف ،،،

علشان أشوفك في ظميري وتدريبي ..!!

هذا وأنت تدري بالغلا لا يجيك الخوف ،،،

على كل هذا لايجي الشك والريبي ..!!!

حفظت إسمك اللي ناقشه من ثلاث إحروف ،،،

بقلبي ولايدري سوا عالم الغيبي ...!!

مسكّر بقفل ولا يشاهد بمدّ الشوف،،

ظلوعي عليه مقوساتٍ محاديبي ...!!

على العهد باقي لو يمرّ الزمن ويطوف ،،

ويظهر براسي شيب وبلحيتي شيبي ...!!

تمت :)


شاكر لــ جميع من تواجد هنا

وأثني على المشرفه الغاليه اللي غرورها ضرووري :)

وأتمنى أن تكون الإجابات وافيه :)

تحيااتي

[غروري ضروري]

آآبدعـت والله..
كل كلمه كل جمله وكل سؤال يشووقـنا للي بعده..
آعتقـد آآني احسنت الاختيار وآآصبت الهدف..
واعتقد بعد ابداعك هذا تعبت اللي بعدك..
قيثااارة خوووش رآآي وخوووش أأختبار حطيتي فيه مشرفنا..
وكان قدها وقدود كفووو والله...:)

صح لسآآآنك لآآهنت آخوووي ..,,

[غروري ضروري]

بمآآآ اني كاتبه لآآخوووي بندر يخـتآآآر بس اهووو ما آآختااار >> عصبت :p

رآآآح آآختـار على آسااااس بيت الشعر اللي كتبه شاعرنا عن الاعضأء اللي يعجبهم

واللي نالت شرف هالاختيار اهي ..

وهذا هوو البيت..

كثير بعض أحيان مدري قليلين ،،،

بس الوكاد إن المعاني تعـاني ،،،

أسمه يعادل فالأسامي عن أثنيــ2ـن ...

هذا ولا يحتاج له شي ثاني ،،،

أأذن العضوو التالي.. تووآآآمي الغاليــــــــــة..

[قيثارة]

ويازين مااخترتي...التوأأأأم وهي حكيها العادي أبيات و قصيييييييد....كلي شوووووووووق لردها

[الرهش]

ننتظر التوآم

[غروري ضروري]

Waiting

:)

:)

[التوأم]

ياويل حالي انا دايما اسمي الاخير بالمدرسه ويوم قريت اسمي قام يرقع قلبي والله كأني بسمع سورة النساء..... حبي انا تحت امرج يالغلا ماينقال حق غروري لااااااااا ,,,, ابشروا وش عندي اغلا منكم:(208):

[غروري ضروري]

يآآآآآلبى هالكلآآآم الزين..

ناطرينج بعد قلبي..

[التوأم]

مامدى علاقتك بالشعر؟؟؟؟؟
بصراحه انا والشعر توأم ماني كاتبه ولكني متذوقه ولي محاولات خجوله لان من حولي كلهم شعار بس يقولون كل حموله ولها اسقاط وأنا للاسف لا اجيد الكتابه ولكن اتذوق لكل ماهو جميل لان الشعر يعبر عن جميع حالاتك ويبحر في اعماقنا وينطق بما نعجز عن نطقه ,,,

[التوأم]

من هو شاعرك المفضل؟؟؟؟:(208):والله المبدعين كثااااار وانا انجذب للقصيده وليس الشاعر ولكن لايمكن انسى صانع الكلمة الذي دائما اجد نفسي مع قصائده احمد الصاااانع ,وشاعر الحكمة الذي اعتبره مدرسه اخلاقيه الشاعر محمد السديري واخيرا مع الفلسفه البدويه واسلوب الرمز وصاحب الطنخه الوايليه ياااااسر التويجري,,,, :(274):

[moalem]

ماهي صفات العضو المميز اللي تحبين تقرين مواضيعة

[التوأم]

استاذي,,, صفات اعضاء الساحه الحواريه لاتعد ولاتحصى في الذوق والادب والتعامل الراقي في جميع المواضيع وجميعهم اعتبرهم مميزين بصفاتهم ,,,, عيني عليهم بارده اذا احد انمرض منكم بعطيه سوري جميعهم في قلبي ,,,,حيااااااك معلمي

[البندر]

أهلين يالتوأم :)



متابع ،،،،

[التوأم]

يامرحبا بك البندر تكفى غمض عيونك ماني مثلك شاعره وارد مثل ردودك

[قيثارة]

كلج احساس يالغالية ..وردودج وتنسيقج لعباراتج بحد ذاتها قصايد..متاااااااااااااابعين:big_smile2:

[البندر]

هههههههههههههههههههههههههههههههههههههههههههه


كلامك قصاايد ،،،، سولفي بس :)

[التوأم]

أعضاء في هدوء الليل تثقين في ذائقتهم الشعريه؟؟؟ حلوه في هدوء الليل.. والله انا ارى أغلب الاعضاء تكون ذائقتهم فذه وخاصة مع هدوء الليل ولكني لا انسى في هذا المقام شاعر الساحه الحواريه والذي اراه متألقا دائما :: البندر:: والتي تسطر لي كلمات صانع الكلمه وتجعلني ابحر مع حالة شعره النفسيه الى اعماقي حبيبتي :: غروررري ضروووري:: والى من عزفت بقيثارتها على اوتار قلبي عندما ساقت اجمل قصائد السديري :: قيثااااره:: وللجميع كل الحب والتقدير مع هدوء الليل:(269):

[التوأم]

مشرفنااااا وش فيك لا اطلعني من جوي بضحكاتك مدام الليل هادي وين قيثاره تلهيك عني لما اخلص:(312):

[التوأم]

بيت شعر يحضرك دائما ؟؟؟
نفسي عزيزه وأرفع الراس وأعليه
وأطى على ظهر الردي واتخطاه
ومن باعني بعته ولاني بشاريه
ماهمني من غير الوضع مبداه:(184):

[البندر]

مبدآآآآآآآآآه



ياسلاااااااام :)



متاابع ،،،، :)

[مملكة العطور]

متابعة بهدوء :)
كملي ياقلبي ولايهمج

[قيثارة]

التوأم كملي فدييييييييييييتج درر درر..متاابعة لروعة الإحسااااس.

[التوأم]

قصيده من اجمل القصائد؟؟؟؟
تَعَبت أشيـل الهَم عنّك وأداريك

________ وإنتَ همومي ثقلَهَا .. ما يهمّك !

لا ياحبيبي ، هالزمن لا يخليك
________ تقسى على قلبي وتسقيه سِمّك !

[ دِنْيـَاكْ ] هذي , لا تغيِّر مباديك
________ مهما إستِطَعت الظُلم خلْني أضمّك !

ماهي غريبه من يذمِّك يماشيك
________ لكن غريبه يمدحِك من يذمّك !!

ما كل واحد غاب معناه ناسيك
________ بعض البشر ينساك لو كان يمّك !

أدري تعِزْني .. اللـه يعِزْ : غاليك
________ وإن كان لي عندك معزَّه بـ أشمّك !

في خاطري كم كلمةٍ عن تجافيك
________ ولا شفت دمعاتي إنزَلَت حط كمّك !

إسمك حبيبي ويا كثِرها أساميك
________ وقلبي يفز ، إن شاف حزنك وغمّك !

ليتك تحس في ضيقتي يوم أحاتيك
________ أحرق لك أعصابي .. وما حَس دمّك !

غايب بدون أعذار .. ربِّي يجازيك
________ عطني سبب مُقنع حبيبي .. وألمّك !

همِّك , جنونك , ضحكتك , كل ما فيك
________ صوتك , سكوتك , وأرجَع أقول : ( هـ مّ كْ ) !

[ لبيــه ] منِّك ، غيييير .. لمَّا أناديك
________ كنْ | الكلام العَذب | ... مرساه فمّك !

أبوك , خالك , إختك , أخوك , ماضيك
________ ربعِك ، جميع النـاس, وعيال عمّك !

شايف غلاهم ؟ والله أكثر ، أنا أغليك
________ واللِّي وِصَل ( نِص الغلا ) يمكن أمّك !

[التوأم]

ان لم تكن شاعر هل لك كتابات في الشعر؟؟؟؟ والله يالغلااا انا مشروع شاعره فاشله ولكن الشعر يفرض نفسه علينااا.....:(241):

[التوأم]

واخيرا ,,, هذه مساحتي الشعريه ,,, اتمنى ان تعجبكم:(210):
يا شيـن طبـعٍ فيـك .. يا زيــن الأطبـاع
....................... لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
....................... مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
....................... ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
....................... والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
....................... ومسامـعي ماتت من الجـوع .. للـقـوت
وحكي الغزل في صدرك أشكال وأنواع
....................... لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
....................... مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
....................... وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
....................... وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
........................ ناسٍ صغار عقول / وأشوار / وبخوت
وإلطف بحال اللي نحـل حاله .. و راع ..
........................ قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
........................ وإنت هالله هالله فيه .. والعمـر موقوت
اسمع أشعاري في الهوى وارخ الأسماع
......................... ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
........................ ونعم .. نعم للوصل .. لو كان بالصوت






الشاعر / محمد بن حمد بن فطيس المري

[التوأم]

غاليتي :(300): لعيونج اتممت مشاركتي فكل كلمة حب وتقدير لاتفيك والان اطبق قانون المشاركه في اختيااااااري للعضو الذي بعدي ,,,,, والله لدي اكثر من عضو في بالي وأحتار من أختااااار,,,,,,,
:(293):


m

O

A

L
E
M

:):(283):

[قيثارة]

كفيتي ووفيتي يالغالية...واتحفتينا بمسك الختام لرائعة للشاعر المتميز محمد الفطيس...
أحسنت اختياااااااااار معلم...وكلنا شوق لانتظار رده على الأسئلة....ونتمنى رده قصيد

[التوأم]

يارووووح الرووووووح ياقيثاره دائما ذووووووق والله القلب يجبرني عليك انت بالذات..... والا العرب واجد وغيرك مزايين,,,, حياج ياروحي

[moalem]

جاني خبر انكم ناوين على نية

هو صج اللي قريته. ون كان صحيح وش ودكم تعرفون

إلا قولو لي فيه اكثر من هالتواضع؟ :)

[اوراد]

الله عليكم اعضاء المنتدى وعلى احساسكم العالي
توني ادخل على الموضوع وشدني الحماس
ابدعتي غروري باختيارك الرائع
البندر
التوأم
كفيتوا ووفيتوا وامتعتونا جدا صراحة
وبانتظااار الضيف القادم
moalem
بكل شوق لاكتشاف ذائقته الشعريه

[مملكة العطور]

الله يعطيج العافية التوأم وبدعتي يالغالية
وزين ما اخترتي
جاء دور كفيلنا
ناطرييييييييين :(185):

[moalem]

1- مامدى علاقتك بالشعر؟
1ج1: علاقتي بالشعر احب اسمعه من اصوات اصحابة اميل لشعر التوجد

2- من هو شاعرك المفضل؟
ج2: بندر بن سرور - ضيدان بن قضعان - محسن الهزاني كنت احفظ دوانه خصوصاً قصيدته يامجيب الدعا يامتم الرجا اسألك باللذي يا إلآهي أهل

3- اعضاء في هدوء الليل تثق في ذائقتهم الشعرية؟
ج3: ماهي اجابه دبلوماسية لكن فعلاً الموجودين بشكل عام فعلا متذوقين للشعر وغالب ما يكتب رائع جداً وهذا يعد مكسب لنا كقرآء

4- بيت شعر يحضرك دائما؟
ج4: يحضرني هالبيت
لاصار مالك من ذراعك نجده // شربك على ايدين الرجال هماج

5- قصيده تعدها من اروع القصائـد؟
ج5: قصيدة عبدالله باتل الرشيدي

ارجوك بعض المشاعـر لاتهزهزهـا / تـرى المشاعـر تألـم عنـد راعيهـا


وترى النفوس العزاز الهـا حواجزهـا / وحواجز النفس سترٍ من خوافيها


لا تقول لك كلمة ٍ تحسبك تحرزها / وتطيح لاقمـت منهـا منـت قاويهـ


وان قلت لك كلمة ٍ حاول تركزهـا / ولا ترى الصمت خيرٍ من حكاويها


ودعواك لاصار مـا تقـدر تنجزهـا / ازبن على واحدٍ ساعـه وينهيهـا


ولا تجود علـى صبـر ٍ يعجزهـا / وتجيك في وسـط بيتـك مـا تناديهـا


وكم واحدٍ حاجتها بالصدر يكنزهـا / من قـل مـن يستمعلـه يـوم يبديهـا


يخشـى مـن اللـي يهمزهـا يلمزهـا / ميضحك بعض ناس لاكن ناس يبكيهـا


وشكواك لابن الردي حذر ٍ تعنزهـا / يفضحك وتروح فيهـا وانـت كاميهـا


وعليـك تكبـر ولا تقـدر تميـزهـا / وتضيع في طوشةٍ تبلـش بتاليهـا


والسالفـه يقـدر الـواحـد يلفـزهـا / ويقدر على ناس مـن شكلـه يمشيهـا


ولاتشغلك حرمةٍ منـت متجوزهـامتطرد وراهـا وغيـرك يهتنـي فيهـا


ولا يفرحك شوف الارنب لـو تنقزهـا / مـادام مـا شفتهـا بالنـار شاويهـا


ولاتحسبٍ الذهب باي يدٍ يزها / ترى الذهب مـا يغيـر لـون اياديهـا


والنفس حاول بحـد اقصـى تعززهـا / منفسٍ بلا عزهـا مانـي مداريهـا


والنـاس لاتقـوم بعيونـك تخززهـا / ماحمد على العافيـه واسلـك مماشيهـا


ومن طاوع النفـس تشقيـه بغرايزهـا / مومن طاوع العقل يسلم مـن بلاويهـا


والمرجلـه ماتحـب اللـي يهاوزهـا / تبي لهـا واحـدٍ دايـم يحاضيهـا


واللي عيونـه مـع الظلمـا يغمزهـا / ماحدٍ درى عن عيونه لـو يعنيهـا


ونفيستـك وانـت فانـي لاتغزغزهـا / المقبـره بأنتظـارك وانـت ناسيـهـا


والنـاس دورات قادرهـا بعاجـزهـا / ماخلـق جنـه ونـار وزعـوا فيهـا


وناسٍ مع الله وناس ابليس ناغزهـا / سبحان من ظل نـاس ونـاس هاديهـا


وناسٍ تعلـت وعلتهـا مراكزهـا / وناسٍ تبي الطيب مير الطيب فاحيها


وناسٍ تحفز ومعروفٍ تحفزهـا / وناسٍ تبي من يشيمهـا ويعطيهـا


وناسٍ تلعوز وتسلم مـن تلعوزهـا / وناسٍ مع اللعـوزه تبطـي لياليهـا


وناسٍ تبي نبز ناس وناس تنبزهـا / نابـز ومنبـوز ليـن المـوت يفنيهـا


وناسٍ عجز رزقها يكمل عوايزهـا / لاهـي فقـارا وهـي مالله مغنيـهـا


حتى العجايز تبـي نـاسٍ تهمزهـا / العافيـه والظنـا مـاهـو مكفيـهـا


وان قمت اعانـد تفاكيـري وابارزهـا / صارت حجاوي وانا مانـي محجيهـا


6- اذا لم تكن شاعر .. هل لك محاولات في كتابه الشعر؟
ج6: للأسف لست شاعر انما متذوق للشعر وانقده وان كان لي بعض الابيات واعتبرها شوارد الشعر التي اتى بها شيطاني الشعري لأنها تدخل في باب الهجاء

7- لك مساحه بلآ حدود امتعنا بقصيدة على ذوقك؟
خارطة الطريق لسعد بن جدلان:
يا ذا الجلال اللي عروشك فوق واملاكك حـدر
ومهماً تسامت به عروشه مستحيـل يطولهـا

يا حـي يـا قيّـوم يـا ذا الأنافـة والكبـر
ما نافسك في عظمتك مكـر العبـاد وهولهـا

وما نافسك من عمّر بيوته على سطح القمـر
واللّي ترسي فـوق أقاليـم الميـاه سطولهـا

ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا

أنت السميع لمن حمد وأنت المزيد لمن شكـر
واللي ما يشكر نعمة المنعـم عليـه تزولهـا

ياذا الجبروت العظيم ويـا القديـر المقتـدر
تفزع لنا في معضـلات مـا نريـس حلولهـا

تلعب بنا خلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا

لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا

أنت السلام اللي لك الإسلام وانت المشمخـر
اللي عجايب قدرتك فـي المعجبيـن ذهولهـا

سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا

سلام يا بو بكر يا عثمان يـا علـي وعمـر
وسلام يا سبـع الآفـاق أطلالهـا وسفولهـا

سلام يا صدق النوى سلام يا وسـع الصـدر
سـلام يـا مفتـاح بيبـان الفـرج وقفولهـا

وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا

وسلام يا غر السحاب اللـي تبجـح بالمطـر
وشم الجبال اللي تبجـح بالسحـاب قذولهـا

وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا

ليت الرحاب اللي لنا بوجيههـا حـق وقـدر
ما تضمحل من الزمان ولا نشـوف سمولهـا

و ياليتنا لاما سرحنا اليوم الأبيض من فجـر
تبطي عبات الليل ما تضفـي عليـه سدولهـا

ولاّ ليامنهـا ضفـن سدولهـا يطلـع بــدر
يا صل ضياه اللي على الكوره تطق طبولهـا

المعتبر يآخذ على الدنيا دروس مـن العبـر
والنـاس يكسبهـا معاملهـا بقـد عقولهـا

أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا

حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا

حتى الجمال اللي تحمّلها الهقـاوي بالصبـر
يالله بحملتهـا تقـوم وتــدّرج بحمولـهـا

والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا

يسرون عميان المحبة تيه في غـدرا الغـدر
للـي تحـد سيوفهـا واللـي تعـن خيولهـا

ولا تفكـر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا

واهل التكلـف بالمعرفـة والتصنـع بالبشـر
والله ما هي حول الصحيح ولا الصحيح بحولها

اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا

اللي تخبره لحيته ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا

[مشعل المطيري]

يا سلاااام على الموضوع الرائع وعلى الأعضاء الأكثر روعه ..

أجدتي إختي :: غروري ضروري :: بهذا الموضوع الجميل ..

أبدعت يا شاعرنا :: البندر ::

أبدعتي يا متذوقة الشعر إختي :: التوأم ::

وأبدع أخوي الغالي :: أبو عبد الله :: ..

ننتظر القااادم ..

[التوأم]

شكرا حبيبتي البلقاااااااااء ,, واهلا في ابو مشاري من طول الغيبات جاب الغنايم ... بوعابد ماقصرت على تلبيتك للطلب وماشاءالله كفيت ووفيت لك مني كل التقدير ولكن اختار العضو الذي بعدك

[moalem]

تسلمون والحين ينتقل الموضوع مع ابو مشاري

[التوأم]

حيااااااااك يابو مشاري ننتظر ابداعك

[مملكة العطور]

ابو عبدالله
ابدعت ثم ابدعت ثم ابدعت راق لي اختيارك وتذوقك للابيات
وما اروع قصيده عبدالله باتل
دام التألق كفيلنا

ابو مشاري ناطرين شوف الجمهور :(272)::(272)::(272)::(272)::(272):
:(272)::(272)::(272)::(272)::(272)::(272)::(272):: (272):

[قيثارة]

معلم...كفيت ووفيت ..وتذوقك للشعر يعطينا الدليل انك شااعر..وأروع ماختمتها بقصيدة شامخة للمدرسة الشعرية وعملاق الشعر سعد بن جدلان الي يقول:
مل قلب(ن)من هوى الخدرات عيـا
باقيّ له مـن هـو خلـه بقايـا
لابغيت أسج من سمـح المحيـا
شفت من وصفه على غيره حلايا..

الدووور للمبدع المتميزأبو مشاري...بانتظااار ابداعك

[المعلمة المتميزة]

متابعهـ بصمت
شكرااا لكم

[التوأم]

المعلمه المتميزه ... ليش متابعه بصمت عورتي قلبي نبي نسمع صوتج ,,, ماخلصت مباراتج للحين اتابعييييييين

[مشعل المطيري]

إحم إحم ما شاء الله على المتابعه إن دل يدل على أن الموضوع ناجح وبجداره ..

مدام الدور علي نبدأ بسم الله ..

------------------------

1- مامدى علاقتك بالشعر ؟!!

لست بشاعر ولكني من المتابعين للشعر بشكل كبير .. فالشعر مفخرة للعرب ..

قبل الإسلام وبعده .. يكفي أن الرسول - صلى الله عليه وسلم - كان يحفظ منه .



2- من هو شاعرك المفضل ؟!!

الشعراء كثير ولكن سأختار من يشدني شعره كثيراً

>> سعد بن جدلان <<

>> سلطان بن وسام <<



3- اعضاءفي هدوء الليل تثق في ذائقتهم الشعرية ؟!!

جميع الأعضاء يمتلكون ذائقة شعرية كبيرة ..

ولكن لا يمنع أن أحدد ( البندر - قيثارة - التوأم - غروري ضروري ) .



4- بيت شعر يحضرك دائما ؟!!

يدك لامدت وفا لا تحرا وش تجيب .. كان جاتك سالمه حب يدك وخشها



5- قصيده تعدها من اروع القصائـد ؟!!



ودنا بالطيب بس الدهر جحاد طيب

كل ما تخلص مع الناس كنك تغشها


يدك لامدت وفا لا تحرا وش تجيب

كان جاتك سالمه حب يدك وخشها


كلما شبيت نار المحبه مع حبيب

قام يسحب في مشاهيبها ويرشها


كل ما واجهت لك في زمانا وجه غريب

مثل ما قال المثل دام تمشي مشها


ذمة ماهيب تنقال للحق المصيب

جعل قشاش الحطب لا سرح يقتشها



6- اذا لم تكن شاعر .. هل لك محاولات في كتابه الشعر ؟!!

حاولت جاهداً لكتابة الشعر ولكن مع الأسف فشلت :( :(

ولكن لا يمنع من المواصله فهناك من إكتشفوا أنهم يستطيعون كتابة شعر بعد مرور 40 عام !!

<< أقول لا يكثر .. تراك منت شاعر :( .



7- لك مساحه بلآ حدود امتعنا بقصيدة على ذوقك ؟!!

الا ياالله ياللي تحـت هيبـة سلطنتـك اسلمـت
لك المسلم يسبح لك بحمـدك ولـك الاسلامـي

احمدك واشكرك واثني عليك بما علـي انعمـت
تزودني وفا قدر العشيـر ووصـل الارحامـي

ولجك الفجر ياليل الذهول اللي علـي اضلمـت
بعرضك واقع الماضي بعيني عرض الافلامـي

ولهتك يالنديم اللي على صافي وفـاك اضرمـت
بصفحة ذكريات العام واللـي مـن ورا العامـي

بعد تقرير مشوار التجـارب نجحـك واجزمـت
بان السيف سيفي والعصـا والمحـزم احزامـي

عطتني عزلة اخلاصي معك نسيان مـن نادمـت
كتبتك وانطوت صحفي عليك و جفت اقلامـي

اباهـي لا ابالـي واتبيسـط كــل ماقـدمـت
اشـب النـار قـدام العـرب واشيـد اخيامـي

نهاري حر شمسه يستحي منهـا لسـان الشمـت
وليلي ترقب نجومـه ملامـة كـل مـن لامـي

على ضو الكلام اللي كشف عنا ستار الصمـت
عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـت
واثر ما انت بورايه في الطريق ولانـت قدامـي

مصيبه لاتدنت قيمتـك فـي عيـن مـن قيمـت
يشوفك بالسهل وانته تشوفـه بالسمـا السامـي

كثر ماحن قلبي للونيـس وكثـر مـا درهمـت
فجر صدري حنيني واتعـب الاقـدام درهامـي

عيون الصد وعيون التجافي حول مهما اكرمـت
تشـوف المجتهـد كسـلان والبنـاي هـدامـي

مدام ان جانبك شام لجنابي وانت عنـي شمـت
كثر خيـرك وانـا مانيـب لاجايـع ولاضامـي

اشوف انـه علـي واجـب ليا مريتكـم سلمـت
مرور اكرام تربطه الكرامـه عنـد الاكرامـي

على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي

ختام السالفه ياطيـب العشـره كرمـت ودمـت
هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت
يصحيك الزمان اللي يصحـي كـل مـن نامـي

تذكرني لامنها خابـت اوهامـك فمـن وهمـت
وشفت الفرق في حب الخشوم وحب الاقدامـي

--------------

أتمنى إني وفقت في الإختيار ..

تحياتي

[مشعل المطيري]

أعتقد أنه يلزم لي إختيار من يأتي بعدي ..


أنا أختاااار ..
















قـــــيــــــــــــثـــــــــــااااارة

[moalem]

ما شء الله يابو مشاري مدمن (جدلانيات) وبعدين اذا جيت 40 وصرت شعار لك عشاء عندي

[قيثارة]

احسب انك تيمم با اتجاهـي ويـن مـا يممـت
واثر ما انت بورايه في الطريق ولانـت قدامـي

مصيبه لاتدنت قيمتـك فـي عيـن مـن قيمـت
يشوفك بالسهل وانته تشوفـه بالسمـا السامـي

كفيت ووفيت يابومشاااري...اختيارك للقصائد في منتهى الرووووعة..مع اني كنت اتمنى نستمتع ونتلذذ بقصيدة لك..نسجت أبياتها من خيالك وتعرفنا من خلالها بشيطان شعرك....بس شاعر بعد 40 سنه؟؟؟!!!!<<<< تصريح خطييييير,,,,,
وألف شكر لاختيارك لي لأكون ضيفة في قوافيكم<<<<<شفيها؟؟؟ترى مو شاعر المليوووون...اخلصي


لي عوده

[مشعل المطيري]

ما شء الله يابو مشاري مدمن (جدلانيات) وبعدين اذا جيت 40 وصرت شعار لك عشاء عندي

تم ..

تم يا أبو عبدالله كان الله أحيانا :)

[مشعل المطيري]

احسب انك تيمم با اتجاهـي ويـن مـا يممـت
واثر ما انت بورايه في الطريق ولانـت قدامـي

مصيبه لاتدنت قيمتـك فـي عيـن مـن قيمـت
يشوفك بالسهل وانته تشوفـه بالسمـا السامـي

كفيت ووفيت يابومشاااري...اختيارك للقصائد في منتهى الرووووعة..مع اني كنت اتمنى نستمتع ونتلذذ بقصيدة لك..نسجت أبياتها من خيالك وتعرفنا من خلالها بشيطان شعرك....بس شاعر بعد 40 سنه؟؟؟!!!!<<<< تصريح خطييييير,,,,,
وألف شكر لاختيارك لي لأكون ضيفة في قوافيكم<<<<<شفيها؟؟؟ترى مو شاعر المليوووون...اخلصي


لي عوده

بداية قوية ..

وننتظر بفراغ الصبر ..

مع وجود تفاؤل كبير ..

لكي المايك :)

[قيثارة]

بسم الله نبدأ....


1- مامدى علاقتك بالشعر ؟!!
يقول الكذب من واقـع خيـال..وأقول الصدق من واقع كذوب
وانادي للشعر: يابن الضـلال..علامك ما تملّ مـن الذنـوب
يقول: إكتب بلا غثـة عيـال..تراك بصوب والدنيا بصـوب :biggrin:


2- من هو شاعرك المفضل ؟!!
دام الكـلام اليـوم ماعـاد ينطـاق..بين الولايف نبـرة الشـوق غرقـا
قال السديري عقب ماخاطره ضـاق..بيتن يخلـي ضامـي القلـب يشقـا
( ياليت ربي ماخلـق حـب وفـراق..والا.. خلق حب(ن) على غير فرقـا )

3- اعضاءفي هدوء الليل تثق في ذائقتهم الشعرية ؟!!

في زمان كنه البرد شبيت القصيد
قلت ابدفا والليالي تموت ببردها
في طريق كنه الموت والحالي وحيد
قلت ابحيا مع التوأم والمنايا تبوح بسدها
أتقارب هقوة البلقاااء لو كانت بعيد
واتغني بالمقابيل واخطب ودها
لاقديم الجرح يقوى ولاجرح الجديد
يخلف الناس العزيزه عن اللي ودها
والله اني ماتنازل عن شاعرنا العنيد
مشعل يداعب غرة الشمس ويلثم خدها
وانزفي ياوردة الشعر من دم الوريد
لاتجفي في غروري وان جفت يدها
ياقصيدي كان الأشعار سادات وعبيد
والله ان البندر من بحور غريب جدها
ماتقاود مهرة الحرف للقلب البليد
يابوعبدالله خذ رسنها اشهد انك قدها
في طريق كنه الخوف سليت القصيد
قلت ابحيا والليالي تموت ببردها

مع الاعتذاااار للشاعر مساعد الرشيدي



يتبـــــــــــــــــــــــــــع،،،

[البندر]

ياسلام يابو مشااري :)




ذوووق صراحه


تسلم على هالإبداع الراقي


أسعدتنا ،،،



لك فائق التقدير والإحترام ....

[البندر]

قيثــــــــــــــاره

وش ذا الإبداع ؟ :)


صراحه أحرجتينا :×


بس للأمانه

إجابات أكثر من رائعه ،،


وشاكر لك ذكر إسمي ،، وهذا يزيدني شرف ،،


لك صاادق الود والإحترام

[التوأم]

:(303):قيثاااااااااره ,,,, ياعل منهو لامني فيك يبلاااااااااا ,,, بصراحه اجد الصمت ابلغ من كلامي ,,,, عساج عالقوه.. ررررررائعه

[قيثارة]

6- بيت شعر يحضرك دائما ؟!!
خـــاوي أصيـــل في زمانـــــك يشاكيـــــك...ان شــــاف خملاتــــــك عن النـــــــاس غطــاك

5- قصيده تعدها من اروع القصائـد ؟!!
كل قصائد محمد السديري اعتبرها قلاع الشعر وروائعه...ولكن اخترت لكم منها هذه القصيدة
قالو تتوب وقلت بالطـرف مصيـوب..والله ماتـوب وصافـي الخـد ماتـاب
قالـوا تحملـت المواثـيـم وذنــوب..قلت الذنـوب لهـا موازيـن وحسـاب
قالـوا تـرى مايفعـل العبـد مكتـوب..قلت افهم الـي تذكرونـه يالاصحـاب
قالوا جهلـت وعقلـك اليـوم منهـوب..وكشفت سرك بين ربعـك والاجنـاب
قلت الهوى لقلوب الاحبـاب مرغـوب..ايات حـبٍ صـورت وسـط الالبـاب
قالوا بعقلـك ضايـع الفكـر منكـوب..قلـت المـوده ماتداويهـا الاطـبـاب
عقلي معي ماني مـن العقـل مسلـوب..انا الغريـق وكـل شـيٍ لـه اسبـاب
كان انكم تـدرون بالـي شفـى ايـوب..وجدٍ سطـى بالقلـب والحـب غـلاب
انا غريقٍ مـع هـل الحـب منسـوب..في زمرة العشـاق بالحـب منصـاب
ماطـاب لـي زادٍ ولا اريـد مشـروب..الي صفا لي صاحبي عسـل الانيـاب
يغضى بعينـه وافهـم العلـم مقلـوب..واسـري عليـه بليلـةٍ نورهـا غـاب
ويرخص لي الغالي الى حـل ماجـوب..وعن القرايب حط لـي ستـر وحجـاب
وابعدعن الشكه ولا انـوش لـه ثـوب..الا الحديـث وقرعـة النـاب بالنـاب
اخاف يصبح زين الاوصاف معيـوب..وهو عليه مـن الشـرف كـل جلبـاب
وعرضه نضيف ابيض ولا فيه عذروب..ولا حكـوا فيـه البعيديـن واقــراب
عليـه وجـدي فايـقٍ وجـد يعقـوب..وقلبي من اسبابـه بوسـط الحشـا ذاب
يلومنـي مـن لاشكـى حـب نبنـوب.طفـلٍ قرونـه ماتغطيـه الاســلاب
طفلٍ نهب عقلي بضحكـات وعجـوب..فتـان لقلـوب العشاشـيـق نـهـاب
اصبح هو الغالب وانـا منـه مغلـوب..غـدا بعقلـي بيـن شـاري وجـلاب
ان كان شفته صفـق القلـب مرعـوب..بالصـدر كنـه بيـن لاوي وجــذاب
والدمع من مـوق النظيريـن مسكـوب..يخضر ديارٍ ممحلـه عقـب الاجـداب

[قيثارة]

البندر...تستاهل وفي حق ابداعك مدحي قليل..
التوأأأأأأأأم هلابج يابعدي...تستاهلين ياغاليتي كل المدح...بعد بعد ماشفتي شي:biggrin:

[قيثارة]

اذا لم تكن شاعر .. هل لك محاولات في كتابه الشعر ؟!!

الـبـارحـه ودمـــوع عـيـنـي تنـهـمـل مـثــل الـمـطــر
قامـت هجـوس الشعـر فـي صـدري تـنـادي للقصـيـد
اكتب شطر وامحي شطر وامحي شطر واكتب شطر
ايـلـيـن شـــاب الـقــاف مـــن در الـنــوادر والـفـريـد


7- لك مساحه بلآ حدود امتعنا بقصيدة على ذوقك ؟!!

على قلبي زعلت شلون يوم اقول طيعه طاع
ياقلبي ماهو كل شي اباقوله لك اتطيعه


ياليتك قلت لا بالله.. وفجوج الحياة وساع
وش يحدك على طيشه ..وتطنيشه ..وتلويعه


عطر سيد جنيد الجخ ماله فالكويت اسناع
يجي فأرض المعارض وقت ويصفي على البيعه


مع غير اهله لاهو ب لا يشرى ولا ينباع
يعتق في خدود الغيد.. لين ايعاد تصنيعه


وانا خلي خذاله من عطر سيد جنيد اطباع
خذا سحره ..وخلاله مبيعاته وتوزيعه


يالبيه ..وفمان الله.. في ليله لقا ووداع
رحمني يوم ما خلاني استاجع بتوديعه


اصوت له.. ادور له ..ابي فيه.. اتلفت ..ضااااع
فقدته من ثلاث سنين والضيعه هي الضيعه


فلا مني سمعت ايووووه انا قلبي عليك التاع
دريت ان الهوى ضيعاته اكثر من منافيعه





اتمنى اكون قد اعجبتكم..
ودمتم بحفظ الله ورعايته...

[مشعل المطيري]

الله الله على الإبداع يا شاعرتنا قيثارة ..

كنت موفق بإختياري ..

كتبتي فأبدعتي ... ما فيكي حيله ..

فالك المليون :) :)

** يالله حددي الضيف القادم **

[قيثارة]

فالك الطييييييب يامشعل...هلابك

اختياااااااااااااااااااااااااااري


حبيبتي وغاليتي والي يطيب كيف الحكي معها...


البلـــــــــــــــــــــــــــــــــــــــــــــق ااااااااااء,,,,

[التوأم]

حبي والله انج بدعتي يالغاليه ,,
بقدم لك دروع الورد ودهن العود بأنواعه """ على طيب الجهود اللي بذلها صاحبي ليه ننتظر اختيارك القادم ياغلااااااااااااااااي:(307):

[قيثارة]

التوأأأأأأم يااااااااااااااافديت عينج...ياريحة العود ..ياورد ادمنت عبيره..عسى ربي مايحرمني طلتج يابعدي

[مملكة العطور]

صيبه لاتدنت قيمتـك فـي عيـن مـن قيمـت
يشوفك بالسهل وانته تشوفـه بالسمـا السامـي

ابو مشاري اختيارك رائع للابيات
والله عطيتنا تفاؤل بعد 40 سنه
للغاليات جهزوا نفسكم معزومين عند ام عبدالله :)

[مملكة العطور]

يسعد صباحك ياللي على البال طاريه.

قيثارة ما اجمل اختيارك للابيات فلك ذائقة جميلة
محمد السديري له ابيات تنقش بماء الذهب
منها
لاخاب ظنك بالرفيق الموالي *** مالك مشاريه على باقي الناس
تسلمين على ما سطرتية من ابيات وشكرا لثقتك بذائقتنا الشعرية :) ( مو مثل بعض الناس نسونا :(201):

[مملكة العطور]

فالك الطييييييب يامشعل...هلابك

اختياااااااااااااااااااااااااااري


حبيبتي وغاليتي والي يطيب كيف الحكي معها...


البلـــــــــــــــــــــــــــــــــــــــــــــق ااااااااااء,,,,


ي
ربي يسعدج يالغالية
هلا بالي يشتاق القلب لحضوره ويفز لاسمع صوته

نبي تصويت لشاعر المليون من منتدى الساحة الحوارية :(215): عشنا الدور :(269):

[مملكة العطور]

مامدى علاقتك بالشعر ؟!!

أحبك حب صقار ... لطيره=يعاف النوم... لو ريشه تثنى


من هو شاعرك المفضل ؟!!


الشعر له فعل وتواريخ وانساب

يصيب هقوات السنافي ولا يخيب

وهذا الشعر ادري له حضور وغياب

وبقلوبكم مثلي حضر لو هو يغيب

ودام القلم حبره من قلوب الاحباب

لابد انا اسمو في جنابه عن العيب


اعضاءفي هدوء الليل تثق في ذائقتهم الشعرية ؟!!

أعضاء منتدى الساحة
لديهم ذائقه شعريه عاليه...والدليل اختيارهم لأروع القصيد
و أجمل الأبيات في أي قصيده


بيت شعر يحضرك دائما

يا محلا الفنجال مع سـيحة البال *** في مجلس ما فيه نفس ثقــيله
هذا ولد عم وهذ ولد خـــــال *** وهذا رفيق ما لقينا مـــــثيله

قصيده تعدها من اروع القصائـد ؟!!

,, دعوة الغفران ,,

للشاعرسالم سيار

و معقوله تجي منك وترميني لاي انسان
يلملمني ولا يلقى بعيوني غير دمعاتي

انا ماصدق انك انت تنهيني من الوجدان

وترميني وانا اشوف القبر نادى مسافاتي

وكسرني الشتاء ياوليدي وانت بداخلي دفيان
تحملت الاسى والهم عشانك يابعد ذاتي

وصحى بي البرد واللاهوب وانت بداخلي غفيان
تحملت السنين وقلت على الله تلملم شتاتي

انا امك ياهيــــــــــــــــــه امك حملتك والعذاب الوان
ولدتك والالم سكين يركز داخل لهاتي

وانا اثناء الوالده من بكى صوتك طعنت احزان
لاني شفتك بصوتك تنادي كل طموحاتي

ومهدتك في عين وعين يشرب حزنها القران
وهزيتك وكان النور يتهزهز من دعاتي

اضمك في يديني لاتجي وتقول انا بردان
تركت البرد لضلوعي رح انشد رعشة شفاتي

وزولك من ركض فيني لمست بداخلي اوطان
وتركتك تبني بمجدك على كتف انكساراتي

وتذكر يوم مدرستك صدى وكفوفنا الحرمان
وكانت رنته فلس خنقته لك بشيلاتي

كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتي

اسولف للبشر عنك اقول ولا به اي نقصان
رضع عز الشهامه شب طموحه في معاناتي

وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي

يقولون الولد هو خان اقول وليدي لا ماخان
وهم يدرون ماغطى منامي غير وناتي

افااااااااااا وشلون تتركني يكحلني عمى النسيان
وانت ادري فيوم الحشر جنه تحت خطواتي

لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي

تدين اليوم ياوليدي وباكر للاسف تندان
ويرمونك مثل امك وتذكر حلم شيباتي

http://forum.moalem.net/file/2010/02/1.png (http://sub3.rofof.com/09jhfvq5/M3qwlh.html)



اذا لم تكن شاعر .. هل لك محاولات في كتابه الشعر

من غلاك ودي اكتب على كفك قصيدة

الحبر موجود بس آآآخ كفك من يصيده

متذوقة للشعر النبطي واعشق الفصيح

لك مساحه بلآ حدود امتعنا بقصيدة على ذوقك



من بنات الريح
للامير خالد الفيصل

من بنات الريح لي صفرن جفول .................... كنها ظبي الفلا بجفالها
منوة الخيال عساف الخيول .................. زينها في دقها وجلالها

زينها ماشفت مثله بالمثول ..................... الله اللي بالجمال اصخى لها

تستذير كحيلتي من كل زول .................. مايصخرها سوا خيالها

اذكر الله كل ماقامت تجول ................ واحمد الله خصني بحبالها

كنها تمشي على قرع الطبول .................... فتنة اللي خافقه يبرى لها

ضافي القصه على الطرف الخجول .......... تنكسر شمس الضحى بظلالها

وصفها وصف السحاب اللي يحول ................. كل عينن تستخيل خيالها

او كما طاري على الخاطر عجول .................. صاحبه حقيقته ماطالها

كل رجلن في حياته له ميول .................... والهوايه تمتلك رجالها

ارجو ان اكون وفقت في اختياري لبعض القصائد فالاسماء تتعد وتبقى الكلمة هي الفيصل



اختاااار الحاضرة الغائبة ......اوراد

لاتتأخرين علينا ناطريييييينج يالغالية :(161):

[التوأم]

الله الله الله الله يالبلقاء كلج ذوووووووق يالغاليه اقسم بأنك ابدعتي... والله كنت متوقعه بتحطين حق ابو فراس الحمداني او النابغه الذبياني بس والله عجييييييييييييبه ياحياتي عشتي على الابيات التي تدل على ذوقج الرائع,, تقبلي مني كل الحب والتقدير:(210):

[التوأم]

اختيار موفق معلمتي البلقاااااء ,,,,, اوراد طبي الملعب ,,, ننتظرك بشوووووووووووق

[مشعل المطيري]

إبداع يالبلقاء إبداااع ..

وجاري التصويت ...... :)

يالله أوراد الملعب ملعبك ..

[اوراد]

اتيناكم لنهديكم .. ازاهيرا و ريحانا ..
بالحان نصوغ لكم .. فنون الشعر الوانا
اريج فاح من عبق.. يزيد القلب سلوانا
يهز الوجد من طرب .. ويهدي النفس ايمانا
اتيناكم لنهديكم ... عبيرا نسمة الكادي
نصوغ اللحن هذبا .. مشاعرنا بانشادي
انين في القلوب سرى ... يخالط نغمة الحادي
اغاريد نرددها .. كصوت بلبل الصادي



شكرا حبيبتي البلقاء على اختيارج لي
لي عودة باذن الله

[مملكة العطور]

الله الله الله الله يالبلقاء كلج ذوووووووق يالغاليه اقسم بأنك ابدعتي... والله كنت متوقعه بتحطين حق ابو فراس الحمداني او النابغه الذبياني بس والله عجييييييييييييبه ياحياتي عشتي على الابيات التي تدل على ذوقج الرائع,, تقبلي مني كل الحب والتقدير:(210):


يا مرحبا بالغالية التوأم
الله يسلمج ومشكوووووورة انت اهل الذوق
والقوافي كانت بالنبطي فحبيت اتبع ذائقتي في الشعرالنبطي
اما الفصحى فلها مقام ثاني يالغالية
ربي يسعدج في الدارين

[اوراد]

1- مامدى علاقتك بالشعر ؟!!

علاقتي بالشعر كااانت علاقة قويه جدا لكن لظروف الدراسة والبيت ماعدت القى وقت لهوايتي لكن ما يمنع اني اتابع كتاب الشعر دائما

2- من هو شاعرك المفضل ؟!!

محمد بن حمد بن فطيس المري

حامد زيد

3- اعضاءفي هدوء الليل تثق في ذائقتهم الشعرية ؟!!

شاعر المنتدى
..البندر..
وتعجبني تراحيب غلاي
..قيثاره..


4- بيت شعر يحضرك دائما ؟!!

الوقت عجه والرفاقه قراطيس // ومن يجمع القرطاس وقت العجاجي


5- قصيده تعدها من اروع القصائـد ؟!!

قصيدة الشاعر نمر بن عدوان اعشق كل كلمه فيها
" البارحة يوم الخلايق نياما"
البارحـــه يـــوم الخلايق نيــامــا..... بيحت من كثر البكا كل مكنون
قمت اتوجد وانثر الماء على ما..... من موق عين دمعها كان مخزون
ولى ونة من سمعها مايناما......... كني صويب بين الاضلاع مطعون
وإلا كما ونت كسير السلاما........ خلوه ربعه للمعادين مديــــــــون
في ساعة قل الرجا والمحاما...... في ما يطلع يومهم عنه يقفــــون
وإلا كما ونت راعبية حماما......... غاد ذكرها والقوانيص يرمـــون
تسمع لها بين الجرايد حطاما....... من نوحها تدعي المواليف يبكون
وإلا خلوج سابية للهياما............ على حوار ضايع في ضحى الكون
وإلا حوار نشقوله شماما............. وهي تطالع يوم جروه بعيـــــــون
يردون مثله والظوامي سياما........ ترزموا معها وقامو يحنــــــــــون
وإلا رضيع جرعوه الفطاما.......... توفت امه قبل اربعينه يتمـــــــــون
عليك ياشارب لكاس الحماما...... صرف بتقدير من الله مــــــــــأذون
جاه القضاء من بعد شهر الصياما..... صافي الجبين بثاني العيد مدفون
كسوه من بيض الخرق ثوب خاما..... وقاموا عليه من الترايب يهلــــون
راحوا بها حروة صلاة الاماما...... عند الدفن قاموا لها الله يدعـــــــون
برضاه والجنة وحسن الختام.......... ودموع عيني فوق خدي يهلــــــون
حطوه في قبر غطاه الهداما..... في مهمة من عرب الامات مسكون
ياحفرة يسقي ثراك الغماما..... مزن من الرحمة عليها يصبون
جعل البخري والنقل والخزاما..... ينبت على قبر به العذب مدفون
مرحوم ياللي ما مشى بالملاما..... جيران بيته راح ما منه يشكون
ياوسع عذري وان هجرت المناما..... ورافقت من عقب العقل كل مجنون
اخذت انا وياه سبعة اعواما..... مع مثلهن في كيف مالها لون
والله كنه يا عرب صرف عاما..... ياعونة الله صرف الايام وشلون
واكبر همومي من بزور يتاما..... وان شفتهم قدام وجهي يصيحون
وان قلت لا تبكون قالوا علاما..... نبكي ويبكي مثلنا كل محزون
لا قلت وش تبكون؟ قالوا يتاما..... قلت اليتيم اياي وانتم تسجون
قمت اتشكا عند ربع اعداماما..... وجوني على فرقا خليلي يعزون
قالوا تجوز وانس لامه بلاما..... ترى العذارى عن بعضهم يسلون
قلت انها لي وفت بالولاما..... ولو جمعتم نصفهن ما يسدون
ما ظنتي تلقون مثله حراما..... ايضا ولا فيهن على السر مامون
واخاف انا من عاديات الذماما..... اللي على ضيم الدهر ما يتاقون
أو خبلة ما عقلها بالتماما..... تضحك وهي تلدغ على الكبد بالهون
توذي عيالي بالنهر والكلاما..... وانا تجرعني المر بصحون
والله لولا هالصغار اليتاما..... وخايف عليهم من الدجه يضيعون
لقول كل البيض عقبه حراما..... واصبر كما يصبر على الحبس مسجون
عليه مني كل يوم سلامـــــــــا..... عدة حجيج البيت واللي يطوفون
وصلوا على سيد جميع الاناما..... على النبي يللي حضرتوا تصلون



6- اذا لم تكن شاعر .. هل لك محاولات في كتابه الشعر ؟!!
ماني قايله عن نفسي شاعره لكن لي محاولات بسيطه في الشعر وهاذي وحده منهم بس لا تضحكون :z04:
ابيك بصدق تحسبها في صدرك
كم في عمري سهرت عيني لياليها
ياخساره ماعرفت انك وغدرك
بتكون سبة احزان كنت مابيها
كم لقلبي في غيابك يعذرك
ولجل ضحكتك الراحه نفسي تجافيها
كنت حلمي وكنت حبي وكنت انا حلمك
وكنت انت اوهام عشت انا فيها
وين الوفا يامن كنت غالي بقدرك
صدمتني وصدمت قصه كنت ماضيها
مامر في بالي هذا الجفا منك
ابكي وناري دموع الصدمه تطفيها
وسلامتكم

7- لك مساحه بلآ حدود امتعنا بقصيدة على ذوقك ؟!!
قصيدة للمبدع محمد الاحمد السديري
خله عسى ما صاب اغاديـر يفنيـه يـودع منازلـه الطويلـه رجامـي
لو زان مدخالـه وطالـت حواميـه شيد على الخيبـه قليـل الرحامـي
وحـي يوريـك المذلـه وتغلـيـه انا اشهد انك ميـت القلـب عامـي
مـن لا يـودك لا تـوده وترجيـه ارفع مقامـك يـا عزيـز المقامـي
ارفع مقامك عـن عـدوك وتوذيـه ويلحقك من تركة رفيقـك ملامـي
حـق الرفيـق وواجبـه لا تخليـه يلزمـك مثـل الوالديـن الحشامـي
اختر عزيز الجار والحـق يعطيـه شبل علـى هـرج يقولـه يحامـي
ومن قارب الاجرب بالامراض يعديه عدواه تسطـي باللحـم والعظامـي
درب السلامـه بينـات مماشـيـه ودرب العطب يرث عليك اللكامـي

[مشعل المطيري]

راااااائعه يا شاعره اوراد ..

جميل ما إخترتي وجميل ما كتبتي ..

قصيدة نمر بن عدوان والسديري من أجمل القصائد ..

لكي حرية إختيار من يأتي بعدك .

[التوأم]

اوراد ,,,, لا تعليق يليق,, بصراحه انت مشروع شاعره نطلب منك محاوره مع البندر ,,, غاليتي ابدعتي واحسنت الاختيار لاخلا ولا عدم... تقبلي حبي

[البندر]

أوراد

للأمانه أكثر ما أعجبني أبياتك :)


لك مستقبل مليء بالشعــر :)




4- بيت شعر يحضرك دائما ؟!!

الوقت عجه والرفاقه قراطيس // ومن يجمع القرطاس وقت العجاجي


هههههههههههههههه لا تعليق :)




أما سالفة المحاوره يالتوأم كثري منها :)



أتمنى نشوف إبداعاتك يا أوراد



لك صادق الود والتقدير ،،،



متابع ،،،،

[مملكة العطور]

اوراد
الله يعطيج العافية
ماشاء الله صار عندنا شعار للساحة الحوارية
البندر والحين اوراد يا سلام عليكم
مطلوب منكم تأليف قصيدة في المنتدى :(184):

[اوراد]

راااااائعه يا شاعره اوراد ..

جميل ما إخترتي وجميل ما كتبتي ..

قصيدة نمر بن عدوان والسديري من أجمل القصائد ..

لكي حرية إختيار من يأتي بعدك .


الاروع تعليقك اخي بومشاري
اشكر لك اسلوبك الراقي

[اوراد]

اوراد ,,,, لا تعليق يليق,, بصراحه انت مشروع شاعره نطلب منك محاوره مع البندر ,,, غاليتي ابدعتي واحسنت الاختيار لاخلا ولا عدم... تقبلي حبي


محاااااوره مع شاعرنا بندر هذا شرف كبير لي
الله لا يحرمني وصلج يالغاليه اسعدني ردج حبيبتي

[اوراد]

أوراد

للأمانه أكثر ما أعجبني أبياتك :)


لك مستقبل مليء بالشعــر :)




4- بيت شعر يحضرك دائما ؟!!

الوقت عجه والرفاقه قراطيس // ومن يجمع القرطاس وقت العجاجي


هههههههههههههههه لا تعليق :)




أما سالفة المحاوره يالتوأم كثري منها :)



أتمنى نشوف إبداعاتك يا أوراد



لك صادق الود والتقدير ،،،



متابع ،،،،


شهاده اعتز فيها من شاعر متمكن
ولا تضحك جد بيت الشعر هذا دايما يحضرني لانه يضحك
تقبل صادق مشاعر الاحترامم والتقدير

[اوراد]

اوراد
الله يعطيج العافية
ماشاء الله صار عندنا شعار للساحة الحوارية
البندر والحين اوراد يا سلام عليكم
مطلوب منكم تأليف قصيدة في المنتدى :(184):


يا هلا وغلا بحبيبتي البلقاء
الله يعافيج وما يصير خاطرج الا طيب

[اوراد]

:(272): والحين اختاااااار

المتميزه دائما بازهارها الحمراء


..... المعلمه المتميزه .....


لبي دعوتنا يالغاليه ولا تبطين علينا
بانتظارج
:(273):

[مملكة العطور]

اوراد احسنت الاختيار
معلمة متميزة ناطرينج
اشتقنا للوردة ونثر قلمج
حياج الله :(315)::(315)::(315):

[غروري ضروري]

{..

لاهنتــــــــــــوا جميــــعا..

لي بآآآآآك مع الردود..

بس الآآآكييــــــــد أأني بشوف الابداع منكم..

..}