المساعد الشخصي الرقمي

مشاهدة النسخة كاملة : رئيسة قسم يديده



New H.O.D
09-16-2010, 12:45 AM
السلام عليكم


معاكم New H.O.D رئيسة قسم يديده ( تخصص انجليزي )
:(276):

اتمنى من اهل الخبره يساعدوني في النقاط التالي:

* شنو اسوي من اول يوم ادخل فيه باب المدرسه
* اهم الاشياء الي لازم اناقش فيها معلماتي
* المواضيع الي اطرق لها في اول اجتماع فني مع القسم
* اي شي مفيد
ويعطيكم الف عافيه:(185):

المعلمة75
09-16-2010, 01:58 AM
هلا والله فيج أنا بعد أول سنة بس راح أقولج اللي عرفته (1) بالبداية تروحين للمديرة أتعرفينها بنفسج وبعدين إهي راح توصلج للقسم عن طريق أي أبلة من مدرساتج
(2) في أول يوم لا تناقشين مجرد إنج تسلميين وتعرفينهم بنفسج وتعرفي عليهم بس خليج رسمية معاهم وطبعا لا تنسين الإبتسامة وحاولي في أول الأيام إنج تكونين مستمعة ليما تفهميين نوعياتهم وطبعا خذي نظرة على الجدول وشوفي المنهج اللي ماخذيته وإجتمعي فيهم بعد يومين أو ثلاثة في أول إجتماع رحبي فيهم وناقشي المناهج وتوزيع الدرجات طريقة التحضير بس خللي إجتماعج الأول خفيف عليهم وطبعا الإدارة راح تجتمع وياكم ولازم أول شي توصلينه للقسم هذا الإجتماع أتمنى إني ساعدتج هذي المعلومات اللي قدرت أجمعها من كذا رئيسة قسم وأنا تخصصي رياضيات ثانوي وطبعا في الخدمة إذا إحتجت أي شي نتعاون مع بعض وسلامتج صج إي قرقة صدعت راسج الله يعيين معلماتي

قيثارة
09-17-2010, 09:55 AM
أولا مبروك ندبك كرئيسة قسم..وشدي حيلج واثبتي جدارتج لهذا المنصب حتى يكون تقديرج امتياز وتتثبتين ان شاء الله كرئيسة قسم...أول ماتدخلين المدرسة طبعا تقرئين الدعاء في قلبج وتتوكلين على الله..تدخلين غرفة المديره المساعده وتعرفين باسمج وكونك رئيسه القسم الجديدة للماده الفلانيه..بس خليج واثقه من نفسج لأن اهم شي الانطباع الأول..وتعطينهم أوراق تعيينج واخلاء الطرف من المدرسه السابقةوبطاقتج المدنية...وبعدها تدخلين على المديره وتعرفين بنفسج..وطبعا اهي من طرفها بتعرفج بالمدرسه وقوانينها ومعلمات قسمج..وأحب انبهج ان المديرات دايما يسألون عن مدرستج القديمه وشلون ادارتها؟؟؟فكوني حريصه لما اتجوبين على هذا السؤال..
ومثل ماقالت اختي معلمه بالبدايه لاتناقشين خلي الموضوع تعارف..وتعرفي على كل وحده وسنوات خبرتها..واذا كان في خبرات أكثر منج حاولي تبينين انهم بيكونون ايدج اليمين في القسم..وحاولي تثنين على معلمات القسم وانج سمعتي عنهم كل خير..واذا لقيتي رئيسه القسم الي قبلج موجوده حاولي تشوفين سجلاتها والفورمات الي عندها..نصييييييييحه امسكي العصا من النص فلا تكن لينا" فتعصر ولا صلبا" فتكسر..وحاولي تروحين للتوجيه بالمنطقه التعليميه تعرفين منها موجهج وتسألينه بالأمور الفنية....وأتمنى لج من أعماق قلبي التوفيق

اوراد
10-01-2010, 03:37 PM
عالبركة رئاسة القسم