{.. قآآلووا تزوج..

[غروري ضروري]

قالـوا تـزوّج واكثـر الهـم ينـزاح
وتصير بعد العرس رايـق ومسـرور



تلقى السعـاده والوناسـه والاربـاح
بنت الحلال الهـا علـى راحتـك دور



صدقـت هالمفهـوم والقلـب مرتـاح
اهم شي (البنـت) والمهـر مقـدور



وقعدت اخطط كيف تحقيـق الاطمـاح
والعبد بـاذن الله منهـي ومـأ مـور



عند الشويّـب قمـت المّـح تلمّـاح
واقول يابويه تـرى العـرس مذكـور



القصد واضح مايبـي منـي ايضـاح
وانته خبير وعـارف ٍ كـل مستـور



قال انتبه فالعـرس ماتصلـح امـزاح
ان كنت صادق فـاجعل الهرج مقصور



زوجتك عنـدي جاهـزه والنكـد راح
ابو سعـد رجـال بالطيـب مشهـور



عنـده ابنيّـه خدهـا بــارق ٍ لا ح
كن القمر مـن نورهـا ياخـذ النـور



فيها الجمال وكـل مايعنـي اصـلاح
ماكنّها الا فـي حلاهـا مـن الحـور



اخـذت رايـه وانطلقنـا بمـسـراح
و سمعت منه الشور ياحـي هالشـور



جينا لبيتـه مـع تباشيـر الاصبـاح
بيت ٍ على فعـل المواجيـب معمـور



نبي نخطب اللـي لهـا سدنـا بـاح
ونبغا الاجابه من ابوها علـى الفـور



جتنا الاجابه تـم واعلنـت الافـراح
وانا من اول من عنا الوقـت مقهـور



والحظ عزّه قـام مـن بعـد ماطـا ح
وانا احسب انه يقضي العمر معثـور



هذي حقيقـه مابهـا كـذب وامـزاح
اثر الزواج يخلي الرجـل مسـرور!!








بما راق لي :(306):..



<< لا عاااد اشوووف واااحد موو متزوج الحين :tongue::(180):

[التوأم]

قالـوا تـزوّج واكثـر الهـم ينـزاح
وتصير بعد العرس رايـق ومسـرور

لا لا لا هذا البيت فيه اعادة نظر للمتزوجين عشتي يالغاليه على هالابيات الجميله ,,,,تقبلي مروري

[البندر]

ياسلاام :)



عند الشويّـب قمـت المّـح تلمّـاح
واقول يابويه تـرى العـرس مذكـور



الله الله الله :)




أنا أضم صوتي لـ صوت التوأم :)


صح السااانك ابياات حلوه من ذوق حلو :)


تحيااتي

[غروري ضروري]

نووووورتووووووا يالغاليـــــــــن..
آآفا لا لا ليـش تحطموون آآحلامي الورديه :p
ترى توني ماخشيت دنيـــــا :p خخخخخ
حياااااااااااااااكم..:):)

[التوأم]

والله يالضروري خلينا كذا احسن وش لنا بالغثى لو خشينا دنياهم كان قعدتي عالنت للحين ... اي هين ,,,, فرقاهم ولا لاماهم :(252):لا عاد اشوفج اتفكرين بالموضوع

[مشعل المطيري]

<< لا عاااد اشوووف واااحد موو متزوج الحين :tongue::(180):



إحم إحم ليه الطرده ..

الفال لنا إن شاء الله :)

[غروري ضروري]

لووول ..
ان شاااءالله كلكم تتزووجوون.. بتذبحني توآمي :p
نوورتووني لا خلا ولا عدم..:):)