قصيدة خطب فيها ابنه عمه المليونير

[التوأم]

--------------------------------------------------------------------------------



__________________________________________________ __________________________________________________ ______________________




وزود عمه طلباته عليه فقال القصيده:






سبحان من يرزق بتوع الملاييـن---------------





------------------الرازق اللي ما يخيب الرجـابـه





لي عم عنده معـرضٍ للصواليـن---------------





-------------------أموت واعرف بس من وين جابـه





وإذا سألته قـال بعـت الدكاكيـن---------------





------------------ما يدري إني ما هضمت الإجابـه





الشاهد إني رحت له قبـل يوميـن---------------





---------------------في قصره العامـر ودقيـت بابـه





قال ارحب ارحب عدّ ورد البساتين---------------





---------------------يا مرحبا باللـي لفـا يـاهلا بـه





قلت البقا عـدّ النفـل والرياحيـن---------------





-----------------يا شيخ شمل اهل الكرم والذرابـه





قال اسلم الله يحفظك لي من العين---------------





-----------------وآمر أوامر حضرتـك مستجابـه





قلت الصراحة طالبٍ قرب غاليـن---------------





-------------------ودي تزوجنـي كريمتـك يـابـه





ثنّى وقال اهليـن والله وسهليـن---------------





----------------والكون ترخص لجل عينك رقابـه





لكن ترى عندي شـروط وقوانيـن---------------





----------------قلت اشرط اشرط يا حبيب الغلابـه





قال أولاً مهر العروسـة ثمانيـن---------------





---------------غير الرسوم وغير حق العصابه





والثانية عمك يبي منـك سبعيـن---------------





-----------------رسم الأبـوّة والنسـب والقرابـه





وام العروسة حقها منـك ستيـن---------------





-----------------عشانها ست الحسـن والمهابـه





واخوانها كلن يبي منـك خمسيـن---------------





------------------عداً ونقـداً تنـدرج فـي حسابـه





وخواتها الخمس عطهن من ثلاثين---------------





-----------------عشان تتوثـق عـروق النسابـه





وتجيب طقم عيار واحد وعشريـن---------------





---------------وخاتم من الماس المصفى ترابـه





واكياس متروسة كعوب وفساتيـن---------------





-----------------ألوانهـا واشكالهـا مـاتشابـه





وموتر بسواقـه وفيـلا بدوريـن---------------





------------------أثاثهـا مـن بطرتـه ينحكـا بـه





واحجز لنا قاعة بقصر السلاطيـن---------------





------------------وعزم أميـر المنطقـة بالنيابـه





هذي الشروط اللي على بالي الحين-------------





---------------وذكرني اللي ما حسبنـا حسابـه





قلت اذكر الله يا عـدو المساكيـن---------------





------------------واستغفـره لا يبتلـيـك بعـذابـه





الظاهر إنك منت عارف أنا ميـن---------------





----------------أنا لو ارقا فـوق متـن السحابـه





ماجبت حتى نص درزن مواعيـن---------------





--------------واضحك بكيفك واعتبرهـا دعابـه





شروطكم هذي شـروط المجانيـن---------------





---------------شروطكم شغـل ابتـزاز ونهابـه





شروطكم تقصم ظهـور البعاريـن---------------





-----------------شروطكـم همّـن وغـم وكآبـه





شروطكم والله سيوف وسكاكيـن---------------





--------------تذبح بنات المجتمع مـع شبابـه





وين الرضا والعطف واليسر واللين---------------





----------------اللي ذكرهـا الله بمحكـم كتابـه





وين الصفات اللي أمرنا بها الديـن---------------





------------وين اختفى نهج النبي والصحابـه





ياعم جعل اللي خلقنا من الطيـن---------------





----------------يرد عقلك مـن خطـاه لصوابـه





ويجعل نصيبي عند غيرك قل آمين---------------





------------ويحسن عزا الصابر ويجزل ثوابه





قال انت لو فكرت تفكير صاحيـن---------------





-------------ما شفت في مجمل شروطي غرابه





حنا بعصـر العولمـة والمزاييـن---------------





------------ماهوب عصر الفلسفة والخطابـه





الناس تسعى للرتـب والنياشيـن---------------





---------------وانت اهتمامك بالشعـر والكتابـه





والشعر ما ينفعك لو هو دواويـن---------------





----------------ما دام جيبك مثـل بيـت الخرابـه





يابوك لا تسمع كلام المصاخيـن---------------





------------واسأل مجرب عاش في وسط غابه





قلت الله اكبر يا محـرر فلسطيـن---------------





--------------من يسمعك يحسبك ذيـب الذيابـه





تراك شايب راس مالـك رياليـن---------------





-------------والبنت ما تسوى جنـاح الذبابـه





قال انقلع مالت على وجهك الشين---------------





----------------لا عاد اشوفـك عندنـا يالزلابـه





قلت ابشر ابشر لكن الباب من وين---------------



مما اعجبني

[مملكة العطور]

أختي التوأم سلمت يداك ...قصيدة جميلة
انتقاء جميل لمواضيعك

[التوأم]

حبيبتي البلقاء شكرا لك دائما تشجعين على الافضل

[همس الرووح]

يعطيك العافية ع القصيدة

بارك الله فيك

****

[البندر]

قال انقلع مالت على وجهك الشين

لا عاد اشوفك عندنا يالزلااااااااااااااابه



ههههههههههههه



صح الساانك يالتوأم


اخياار اكثر من راائع


تقبلي تحيااتي وتقديري


اخوك : بنــــــــدر

[التوأم]

شكر على مروركم الطيب يالغالين