المساعد الشخصي الرقمي

مشاهدة النسخة كاملة : البــــدون..



moalma
06-14-2007, 02:04 PM
حنا البدون وشمعة الدار حنا وبفعالنا يا كويت والله تشهدين
حنا من أجل دارنا يا ما تعبنا وخضنا المعارك لأجلها بالميادين
قالوا شهيد قلت هذا ولدنا بدمنا نرويك وما بعد ترضين
وكل الدواير ساهموا فيها أهلنا و وجودنا من قبل خمسه وستين
أدويرتن طابت لنا ولها طبنا من قبل ما يطلع بها نفط وبنزين
من يوم البداوه وشمسها هي ظلنا وأجدادنا قبورهم تنذكر للحين
واليوم صار وجودنا من عدمنا وأصبحنا عليكم ياجماعه ثقيلين
من عقب ماكنتوا لنا ولكم كنا ياحيف صرنا اليوم غير محددين
الظلم هو مو سلمكم يا عربنا وشلون حنا برضنا ومهجرين
هو بدل ما نمنح هوية بلدنا ندور جوازات النصارى المشركين
للكندا ولندن هجوا بعضنا ضاقت علينا أرض العرب يا مسلمين
كتابنا القرأن و نبينا وكيف نبي نعيش بأرض الملحدين
وش عذرنا لعيالنا لو سؤلنا وقال الولد وليش حنا مهددين
يبوك يا مشاري ياما صبرنا ونبي نصبر على البلوى ترى الصبر زين
أبي أنخا رجالات البلد هم سندنا وأخص أبوناصر وين الأمير وين
أرجوك يا شيخنا ما تصدنا ترى الأمل بالله ثم فيك متأملين
تامر لنا بجنسية فيها عزنا نرفع بها روسنا لنا موطين
وماظنتي يبي يأثر عددنا حيث أن أرض العز تاسع ملايين
هانت وأبشركم يعيالي هينا حنا زبنا شيوخ ماهم بهينين
وصلاة ربي على اللي وضع سنا رسولنا المختار شفيع المصلين


المانعي

غير مسجل
09-21-2007, 08:20 PM
أتمنى أن تسعى الحكومة لحل هذه القضية بسرعة

البلد محتاجة لمشاريع إنمائية والتفرغ لها واجب .

moalma
09-29-2007, 12:51 AM
أتمنى أن تسعى الحكومة لحل هذه القضية بسرعة

البلد محتاجة لمشاريع إنمائية والتفرغ لها واجب .

حلت القضية بسرعة بس بقرار نهائي هو اقفال ملف البدون نائيا بتجنيس خمسة لآف فقط من بين 80 الف تقريبا :confused:

:(265):