مخرجات تفتقر إلى الإتقان

[moalem]

قال الموجه الفني العام لمادة العلوم في وزارة التربية براك البراك ان التعليم القائم على التلقين وحشو المعلومات يضفي إلى مخرجات تفتقر إلى الاتقان والمهارات الابداعية، مشددا على ضرورة التسلح بالمهارات وتنمية القدرات.
وأضاف البراك خلال كلمته في معرض «انجازات المناطق التعليمية في تفعيل المناهج الجديدة المطورة.. عقلي يتنور في منهج العلوم المطور» أمس تحت رعاية وحضور الوكيل المساعد للتعليم العام منى اللوغاني، ان الكتاب المدرسي يجب أن يحفز المتعلم على التفكير ويستثير فضوله ويلح عليه بالتساؤلات ليفكر في ما حوله ويربط ما يتعلمه من معلومات بالواقع.
وأشار إلى ان الأنشطة التعليمية تعد أسلوبا ونظاما متكاملا في التعليم فرضته حركة العصر ومطالب المجتمع في تطبيق ما تطالب به البحوث الحديثة في سيكولوجية التعليم.

[الجرح أكثر شي يحبني]

شكرا لطرحك للموضوع أخ خالد .. انا بتكلم عن المنهج واتمنى كل معلمي ومعلمات العلوم يبدون رايهم عنه بعد .. اولا بالنسبة للصف الأول والثاني والثالث بصراااحة المنهج وااايد حلو وأحسن مليون مرة من المنهج القديم .. والطالبات متجاوبين معاه .. ولكن كراسة التطبيقات ( تطبيق الأنشطة العلمية والتجارب ) تحتوي على بعض التجارب اللي مالها داعي ولا تخدم الطالب ولا المنهج في شي .. بالإضافة إلى أن بعض التجارب تحتاج إلى متابعة مستمرة قد تستمر إلى أكثر من 10 أيام ( وغالبا ما تفشل لأن تتخللها عطلة نهاية الإسبوع وغيره من العطل )..وبعضها ماينفع عندنا في الكويت وجونا..وماننسى عدم وجود حديقة ولا حظيرة في المدرسة..فاشلون يشوفون ويجاوبون على شي مو موجود جدامهم؟
بس بصرااااحة الجانب الحلو اللي فيه ان يعطي معلومات حللوة للطلبة وبدو يفهمون الجهاز الهضمي والعصبي والتنفسي وغيره بهالعمر وهذا حلو وعيالنا ماشاءالله عليهم قادرين يستوعبون هالأشياء بسرررعة ..
نيي الحين للصف الخامس ... انا ابي افهم اشلون يبون الطالب يفكر ويستنتج المعلومة وغيره وغيره..والمنهج ملياااان بشكل مو طبيعي..الدروس طوييييييلة وكلها معلومات ما يمدي في أغلب الحصص ان الطالب يشارك لانك ملزوم بالحصص اللي عندك..وانا ما يعجبني هالحال .. فالدرس المليان اخليه على حصتين وفي المقابل طبعا الحصة الزايدة تكون إضافية على جدولي ..وخذ هالشي بالاسبوع مرتين تقريبا..وبعض التجارب فاااشلة وحاولنا فيها بأكثر من طريقة..التوجيه ماقصر يسوي ورش عمل بس وقتهم غلط...
لأن الورش هذي المفروض تصير في بداية الدوام ( من أول الكورس ) يخلونها مثل الدورة لمدة جم يوم .. موعقب ما نخلص يسوونها ... شالفايدة؟؟
وبعدبن ليش العيلة في تطبيق منهج الصف الخامس والسادس؟؟المفروض الشنة الياية ينزلون خامس واللي وراها السادس..حرااام عليهم الطلبة انظلموا في هالشي ..ويقولون المنهج يتبع الطريقة الحلزونية لتلقي المعلومات
( تراكمي ) قمة التناقض :) وغيره كلام واااايد بس انطر الردود واكمل معاهم ان شاءالله ...

[الجرح أكثر شي يحبني]

واعتذر عن الإطااااالة :)

[يامن ناصر]

مناهج العلوم الجديدة وايد حلوة
فيها الكلام الكثير لكن بالامكان ان ناخذ الافكار من هذا الكلام الكثير
فعندما ناخذ هذه الافكار سوف نجد جمالية هذه المادة
انا ارى ان المناهج الجديدة صحيح صعبة على طالب الصف السادس والسابع
لكن لماذا نزرع كلمة ( صعبة ) في عقول طلابنا فعندما نحن المعلمون او اولياء الامور نقول صعبة فماذا يقول ابناءنا
بل يجب ان نقول سهلة امام طلابنا
لماذا لانحببهم بالمادة
فالانسان عندما يحب شيء يتقنه

[الجرح أكثر شي يحبني]

أولا أرحب فيك يا أخ يامن وأقول حياااك الله معانا في المنتدى..بالنسبة للموضوع أنا ماذكرت إنها صعبة..المشكلة بأولياء الأور واللي يقولونه جدام عيالهم..انا بالعكس دايما احبب البنات بالمادة وأبين لهم فايدتها بكل درس .. ونظمت أفكارهم كثر ما أقدر :)
على فكرة إذا انت تدرس خامسة .. انا نزلت في المنتدى مذكرة أسئلة وتلخيص الكتاب كامل ماعدا آخر درسين :) عليك بالعافية .. :)

[يامن ناصر]

نعم اختي المشكلة باولياء الامور

للاسف مادرس خامسة

ادرس متوسط

بس انشاء الله يستفاد منها

مع جزيل الشكر