المساعد الشخصي الرقمي

مشاهدة النسخة كاملة : محاضر لنصح الطلبه



loora
03-31-2010, 02:34 PM
السلام عليكم ورحمة الله وبركــــــــاتهـ

شخباركم ان شاء الله بخيرر

بصراحهـ انا باول مشواري المهني وانصدمت بالواقع
توظفت مدرسه بمدرسة صبيان

ومع الايام اكتشفت اشياء بصراحهـ غاية الانحراف الاخلاقي عن جد ماتوقع الصبيان جذي طبعا مو الكل

والاقليه هذي قاعده تاثر علي الغالبيه بشكل جدا كبير

فقررت ان اسوي محاضره ننصح فيها هالعيال اللي حاسهـ انهم بيضعون من افكارهم السوده
وابي المحاضر يكون دكتور اي شخص يكون اسلوبه حلوه معاهم ويسمعون له لانهم ملون من كلام الابلات
واللي عرفته ان هالاقليه اغلبها ظروفها صعبهـ

فابي منكم بليز تقترحون لي اسماء مشايخ دكاتره + ارقام تلفوناتهم
اذا ماعليكم كلافه
ابي يأثرون فيهم والله شي يخوووف

لو سمحتوا والله العيال هذول امانه وحرام نخليهم بدون نصيحه ونوجهم وعسي يهديهم كلهم
:(280):
وبس ودعواتكم

المعلمة المتميزة
03-31-2010, 03:01 PM
:: ×× loora ×× ::
بادرهـ جميلهـ منكـ ....مع تمنياتي لكـ بالتوفيق :)
شوفي مكاتب الاستشااارت الاجتماعية ... بالجرائد ... يمكن يفيدونج :)
تقبلي مروري وتحيااااتي

البندر
04-01-2010, 12:13 AM
عليكم السلام يا هلا لورا :)



أمّا بالنسبه للصبيان عندي لك خوش فكره :)



هذولا ما يبيون دكاتره يبون والله الخيازرين منقّعه في ماي وملح


ولسب عليهم لين تطلع قلوبهم :)



وصدقيني خوش فكره لا تفوتك :)



وشي جديد بعد هههههههههه

loora
04-02-2010, 12:47 AM
هلا حياتي معلمه متميزه

اممم دقيت علي كذا واحد واعتذر

وهذا واجبنا بس اهم مايساعدون نصحنا لين ماله امد قلت يمكن يبون من ريال مثلهم يتقبلون

ومشكوره قلبي ع الرد

loora
04-02-2010, 12:52 AM
هلا فيك

ههههههههههههههههه بندر ناوي توديني ورا الشمس

يقولون الطق ممنوع
الا صج مدامه ممنوع ليش مايدرسون الاشكال اللي ندرسها
اتوقع بقولون القتل مشروع فيهم هههههههههههه


والله انا اخوي اهداني بعد شهر تعين خيزرانه وكنت اخاف استخدمها

بس يعدين صارت سلاح اخاف ادخل بدونها وتبي الصج بدونها آنا ولاشي

تخلي للواحد هبيه بس استعمال لا اخاف


هالنوعيه يبي لهم مدرسين مو احنا

الله يهديهم بس

والله مادري شنو اسوي لهم استخفوا

أبو ناصر
04-02-2010, 02:32 AM
اختي بادرة طيبة منك

وفعلا هذه الامانة التي نرجوها من الجميع


عموما يمكنك الإتصال بإدارة الثقافة الإسلامية بوزارة الأوقاف

فلديهم برنامج جميل لعلاج مثل هذه الأنحرافات على ايدي مشايخ ماهرين في النزول الى فهم هؤلاء الصغار


ماعليك الا الاتصال ويقومون بتنسيق برنامج متكامل لكم ان اردتموه اسبوعا ثقافيا

هذا موقعهم وفيه أرقامهم

http://islam.gov.kw/thaqafa/topics/current/index.php?cat_id=16

همس الرووح
04-03-2010, 11:18 AM
ان شاء الله الأخوة والأخوات

راح يفيدونج خالص التوفيق غلاي

ولكن هناك اسلوب الجذب واللي ممكن ينفع معاهم

****

loora
04-04-2010, 10:53 PM
بوو نااااااااصرر

عن جد ماقصرت موقع حده مفيده وحتي اهم ماقصرروا

جزاك الله خير وجعله بميزان حسناتك