مهنة المنبّــــــــــــــه

[البندر]

السلام عليكم ورحمة الله وبركاته ....



عندي موضوع حبّيت اتناقش معكم فيه وأتمنى أنا أقرأ آرائكم .....



أولاً المعلّم أول المدرس بالأخص ملازمه على مدار اليوم المنبّه :)


والدليل إنه قبل لا ينام ويحط راسه على المخدّه يظبّط التلفون أو المنبّه على الوقت ..


ثانياُ : بعد ما يصحى على صوت المنبّه الشجّي :) يلبس ويهندم ويمشي على الدوام ويتغانم الوقت قبل أن يدق الجرس لبدأ الطابـــــــور ..

ثالثاً : وبعد حضور الطابور يرن الجرس لبدأ الحصّه ويالله كل واحد على صفـّه ..

رابعاً : يرن الجرس لإنهاء الحصّــــه ..


خامساً : يرن الجرس لـ بدأ الحصّه اللي وراها وهلمّا جرى

إلى أن ينتهي الدوام ولكن جرس الهدّه غيييييير حتى في صوته ، وحنا يالمدرسين لولا السحا كان ركضنا مع الطلاب وكل مدرس يمسك طرف ثوبه :) ...

والنهاية هل المعلم يحتاج إلى منبه كي يؤدي عمله ؟

وهل يوجد غير المنبه المزعج .... يعني كصوت فيروز أو صوت أبو نوره يكون أفضل بكثير هههههه

[المعلمة المتميزة]

:: ×× أ. بندر الدوسري ×× ::
في البدايهـ نرحب فيكـ بانضمامكـ لاسرتنا المتواضعهـ ...
بالنسبة هل المعلم يحتاج الى منبه كي يؤدي عملهـ ... صراحهـ الوضع يحتم علينا ذلكـ ... كما اسفرت من خلال طرحكـ ... شكرااا لك ... تقبل تحياااتي
http://forum.moalem.net/file/2010/03/54.gif (http://www.q8ow.com/up/)

[البندر]

شاكر تواجدك يالمتميزه :)



ووجودك اظافة للمتصفح الكثيييييييييير



تحياتي

[loora]

هههههههههههههههه

انا من كثر منهبات اقعد قبل لايدق لان مالي خلق انزعج من صوته

احنا مدرستنا موسويه حركه ان بدل الجرس المزعج حاطين اغاني وطنيه امبيه لو تشوف شلون خربتهم
هههههههه والله حب الوطن شي والروح للكرف والهم والازعاج شي ثاني بصراحه مو مكانه

لازم نطالب بالغاء الجرس احنا نعرف وقتنا مو يهال :frown:

الله يعين بس
بس بالنسبه للمنبه اتحداك اذا ماضبطته تروح الداوم هههههههههه
كل الشكررر لك موضوع حده نااايس مع اني ماحب المنبه

[همس الرووح]

بندر من الطبيعي وجود المنبه

فنحن البشر كل واحد فينا يملك

منبه بيولوجي الله خلقه فينا

ليتم التوازن في حياتنا فمابالك

بعدم وجود المنبه في المدارس تخيل وتصور أخي

[أبو ناصر]

شكرا لك على الموضوع الحيوي


المنبه أحد أركان العملية التربوية إن صح التعبير


وهو على نوعين


منبه قلبي
ومنبه الساعة


ولابد من اجتماعهم معا


لان من مات قلبه لن تنفعه جميع المنبهات


شكرا لك

[البندر]

لورا شاكر مروووورك العذب :)



أمّا المطالبه بإلغاء الجرس اضم صوتي لـ صوتك :)






تحياتي

[البندر]

همس الروووح



شاكر مروورك العذب


تحياتي

[البندر]

أبو نـــــــــــــاصر




شكراً على الكلاام الجميييل



تقبل تحيااتي

[الجرح أكثر شي يحبني]

والله با أخ بندر الموضوع له عدة جوانب ... من ناحية الإزعاج فعلا الجرس مزعج ومكن حله بعدة طرق .. مثل تبديله بأغاني وطنية وغيره مثل ماسوت مدارس وايد ... اليهال مالهم ذنب بهالازعاج...المفروض ينحط لهم بس وقت الفرص والهدة ..والمدرسات المقروض عارفين وقت حصصهم .. وفعلا طبقوا هالشي ويت نشرة من الوزارة .. بس لاتشوف الفوضى اللي صارت...والله بعضهم ما ينعطون ويه قاموا يغيرون توقيت ساعاتهم عشان اذا سألناهم ليش متاخرين يقولون ساعتنا كذا....
البلا يا بندر بالمدرسات .. ( وما ادراك ببعض المدرسات ) وأقرب مثال صارلي اليوم ...أنا ماخذة اشراف إداري
والحصة الخامسة تبدي 11 الا خمس ... وقعدت أنطر أبلة الصف لي الساعة 11 و15 وحضرتها ما شرفت .. صعدت لها وقلتلها عندج حصة .. قالت صج ؟ أنا عندي الحصة الخامسة مو ألحين ,,, قلت لها والله صج هههههههههههه
خلصت السنة وصارلج سنين تشتغلين ماتدرين متى تبتدي حصصج ؟؟وماعندج ساعة بإيدج؟؟
هالنوعية الله يخليك اشلون تتعامل معاهم ....... والمواقف كثيرة ..... هذيلي مو مال جرس وبس الا مال صفارة إنذار ويالله يفيد معاهم ...

وآسفة على الإطالة .. وشكرا على هالموضوع

[ألماس]

الأخ بندر الدوسري
يسعد مساك
شكرا على هالموضوع الصغير في الطرح و الكبير في الردود
كل انسان لديه جرس ينبهه للأشياء المهمة في حياته بدون ما يحط له منبه و يوقته على ساعة معينه
و لكن مثل ما تفضلوا الاخوة و الاخوات فعلا في ناس بحاجة انه نذكرها بموعد حصتها على الرغم من صوت الجرس المزعج و هذي النوعية ليس لديها اهتمام بالعمل و لا يوجد لديها عطاء و المواقف كثيرة تجعل الواحد يتنرفز غصب لأن الشخص الملتزم يتأثر باهمال الغير لأنه لا يرضى بأن يتعامل مع هالنوعيه و لا مبادئه تسمح له يشوف الغلط و يسكت عنه
رحمنا الله برحمتة و كفنا الله شر اللا مبالاة

[الناصر]

يعجبني اختيارك للموضوع يا الدوسري


والله هو مزعج بس لو ما يطق الجرس كان الكل لاهي بس ابو نوره جرس


ياااااااا سلامي عليك اصير انا مسؤل الجرس :)

[قيثارة]

أخ بندر أولا اشكرك على موضوعك الحلووو..انا كنت اتمنى الموسيقى الكلاسيكية بدل الجرس:(303):..لكن..
و من واقع التجربة قررت في يوم من الأيام مديرة مدرستنا أن تلغي الجرس وكل معلمة تعتمد على ساعتها بتوقيت الحصص....الله لايوريك:(312): الكل حاس وصار الوضع محتاس..وعرفنا من يومها قيمة الجرس

[سيدة]

ههههههههههههههههه

عندك حق كل واحد لازم يظبط المنبه قبل ما ينام غير كدة هيتأخر:(184):

[البندر]

الجرح أكثر شي يحبني


شاكر مروورك العذب


تحياتي