المساعد الشخصي الرقمي

مشاهدة النسخة كاملة : وبعدين يعني ؟؟!!!!



moalma
06-10-2007, 10:45 PM
وبعدين مع الناس؟؟؟؟

شلون يعني؟؟؟


إن عطيت ريج حلو .. كلوك


وإن دقرتهم وحقرتهم .. طلعوا فيك امية عذروب وعذروب


وإن تماشيت معاهم .. خالفت مبادئك وقيمك


أي نعم ارضاء الناس غاية لا تدرك


لكن في شي اسمه فن التعامل




ليش الناس صارت تمشي ورا المصلحة وبس


ليش الضحكة والسوالف يختبئ ورائها عشرات الأقنعة


البعض من الناس فنان باللف والدوران


والبعض الآخر مثل الحية .. جلد ناعم من برة .. ومن داخله سم قاتل


ليش؟؟؟؟




لهالدرجة متمسكين بالدنيا؟ لهالدرجة ناسين إن لكل شئ حد وأولها عمر الإنسان


دبجة بهالدنيا .. ويتراقعون مثل اماعين المطبخ ..ودياجة أم أحمد .. والحالة حالة


بس بالآخر شنو؟؟؟ أبي أعرف إلي بيوصلونله شنو؟؟؟


القصد .. ليش الناس ما تتصرف بحب .. وسلام .. ونفس حلوة


أدري الأمزجة مختلفة .. والتكوين الشخصي يختلف من انسان لأخر


بس احيانا .. أشعر بتعب بداخلي .. وأتساءل ليش؟؟؟؟




ليش لما الواحد يسوي الشي الزين .. ينقلب ضده؟


ليش لما الواحد يبدي بالمساعدة .. بالآخر ينوكل بلا ملح؟


ليش الواحد يعطي من قلب .. وبعدين ... يكون أول شخص خارج حدود الحياة؟


من بعد ما تنمد الإيد وينفتح القلب .. للأسف بس نلف ظهورنا إتييلنا طعنة جاسية


ليش .. وليش .. وليش




أحيانا أغوص في أحلامي وأوصل لمكان بعيد ..وأقول


الله لو الكل يحب الكل .. إلي أقصده إن الناس تحب لغيرها مثل ما تحب لنفسها وبالمطلق




بالشغل أحزاب .. وحفر .. وهذرة ولغوة .. واحد يتصيد عالثاني .. ونفاق إداري


وواحد بيصعد على ظهر الثاني




العلاقات الإجتماعية .. قايمة على المجاملات والسوالف الكشاخية وكل من يبي يكون بالصدارة


وواحد يحر الثاني بس باسلوب حضاري




الحياة العامة .. تململ ... تشكي .. حسد




الأصدقاء .. أحيان كثيرة إتي القرصة منهم .. عاد هالقرصة .. أكثر قرصة تعور .. إتيي بالقلب




البعض من الناس مثل الحبة بمقلة .. مايهداله بال ولا يرتاح إلا لما يعرف خصوصيات غيره .. يستغلها مادة للسوالف


يا شين هالنموذج .. الله يكافينا شره




والبعض الآخر يجيد وبمهارة التلون .. حسب الأجواء والظروف المحيطة .. ديروا بالكم هالنوع خطر


ساعات أتساءل .. هل ببيته ومع أقرب الناس له يتعامل بهذا الشكل .. أم هي من مستلزمات الصعود إلى القمة


من أجل الفليسات والقريشات .. أو عشان مركز مرموق .. أو تربط عصاعص .. في هذي الحالة كل شي وارد




ليش مافي شي من قلب؟


ليش ما يطلع الشي سواء كلمة أو تصرف من طبيعة الإنسان ومن صميم أعماقه؟


قلوبنا صارت حذرة جدا في تعاملاتنا .. امية حاجز وحاجز والسبب نجهل من أمامنا والخوف من المفاجآت والصدمات إلي اتيينا من الطرف الثاني .. حتى مع صفاء النية ننصدم




شحقه جذي




ياجماعة الخير آنا مو معترضة على تصرفات الغير ... لكن إلي أبيه المصداقية بالتعامل وعدم اللف والدوران والتحيلق والتميلق من أجل أسباب دنيونية زائلة




وأحلى شي بالدنيا إن الإنسان ينذكر بالخير




بس اللهاة والركضة فيها شغلت الناس عن أمور كثيرة




وبـــــــــس




على قولة شغالتنا: قلب مال آنا واجد أور




وبالآخر ما أقول إلا



على فكرة كل ما سبق مو لي الحديث ..لأن هذا موأسلوب شمس ...بس حبيت اشرككم في اللي قريته :D

كويتية
06-10-2007, 10:55 PM
خوش حجي . . .وخاصة بدية الدياجة يعني شنو دياجة ؟

ما علينااااااا

والله يا أم عثمان . . .عامل الناس كما تحب ان يعاملوك حكمتى السابقة في التعامل اصبحت من النادر اطبقها . . .

لأني توصلت لحكمةوشغلة مهمة في هالحياة وهي :

عامل الناس حسب شخصيته . . .

المنافق . . .له طريقه

المتسلق . . .له طريقه

الطيب . . .له طريقه

الكذوب. . .له طريقه

الجبان . . .له طريقه

المجنون . . .له طريقه

الطفل. . .له طريقه

وسلامتج وما قصرتِ على هالموضوع . . .

بس دياجة من شنو تشكي ؟

moalma
06-10-2007, 11:12 PM
خوش حجي . . .وخاصة بدية الدياجة يعني شنو دياجة ؟

ما علينااااااا

والله يا أم عثمان . . .عامل الناس كما تحب ان يعاملوك حكمتى السابقة في التعامل اصبحت من النادر اطبقها . . .

لأني توصلت لحكمةوشغلة مهمة في هالحياة وهي :

عامل الناس حسب شخصيته . . .

المنافق . . .له طريقه

المتسلق . . .له طريقه

الطيب . . .له طريقه

الكذوب. . .له طريقه

الجبان . . .له طريقه

المجنون . . .له طريقه

الطفل. . .له طريقه

وسلامتج وما قصرتِ على هالموضوع . . .

بس دياجة من شنو تشكي ؟

يا سلام عليكي يا كويتية ....

كلج سنع :rolleyes:

اما الدياجة ذي حاولت الاقي لها مصدر في القاموس المحيط يا وخيتج ما لقيت !!!!:D

AZOZ
06-10-2007, 11:34 PM
فـِـعلاً .. ليــش النــاس كــذا ؟؟

ماحد يحب الثــاني إلا عــشان مــصلحه ..!!

لكن شو نسوي .. هذي هي الحــياة

فيهــا الضــعيف .. وفيها القــوي

فيــها النــصاب .. وفيها الــطيب

فيـــها البــخيل .. وفيــها الكــريم

.......

اشــكركِ أخــت / شــمس .. ع المــوضوع .
...........
مـُـصـطلحات :-


دْياجَةْ اِمْ احْمَدْ .

دياجة: دجاجة. ام احمد: كنية امرأة. يضرب مثلاً للشخص البليد ضعيف الهِمَّة.

دمــتم بأمان .. وحــفظ الرحمن - إن شاء الله
http://forum.moalem.net/
Rashed

moalma
06-11-2007, 12:00 AM
شكرا راشد ...

مشاركة جميلة

بس أعتقد والله اعلم ..إن كلمة دياجة يقصد بها ديكة ..أي جمع ديك !!!:)

AZOZ
06-11-2007, 12:22 AM
دْياجَةْ اِمْ احْمَدْ .. كلمة عـِـراقيه

وهـُـنا المــصدر ..

http://iraqiat.jeeran.com/alwaha/46.HTM

انزلي حــتى توصلين إلى حــرف الدال ..

moalma
06-11-2007, 12:28 AM
دْياجَةْ اِمْ احْمَدْ .. كلمة عـِـراقيه

وهـُـنا المــصدر ..

http://iraqiat.jeeran.com/alwaha/46.HTM

انزلي حــتى توصلين إلى حــرف الدال ..


اعتقدكلامك صحيح !

عموما موضوعي هذا مصدره ..

http://almas-newlife.blogspot.com/