المساعد الشخصي الرقمي

مشاهدة النسخة كاملة : ديوانية دار المنتدى ... حيااااكم



الصفحات : [1] 2

الفيلسوفة
05-25-2009, 11:33 PM
يا حيالله من جانا ولفانا وسكن وسط القلب وما تعدانا ...

حيالله اخواني وخواتي .. مرحبا ميااار ومية مسهلا :(306):

حبيت اشارك معكم في عمل حلو ويارب يعجبكم .. :(304):

وهي هذه الصفحة بنخليها حق هذرتنا وسوالفنا .... :(282):

يعني اللي ماعنده موضوع او ماشاف موضوع يشارك فيه

يدش هنا ويسولف معنا ..

اكيد الكثير راح تلاقون من يشارك ان شاء الله معكم ......

وحتى نرتب الجلسة او الهذرة او الدوانية مثل ماتبون تسمونها ...

بنخلي هذه الدوانية مفتوحة للجميع ... كافة شرائح مجتمعنا ...

والمواضيع اللي ينطرح فيها مفتوحة .. :victory:

وطبعا هذا الكلام ينسحب على الكل من خوات واخوان طيبين معنا في هذا المنتدى ...

بانتظار مشاركاتكم .. :(273):

اماااانه كلكم شاركوااا خلوا المنتدى يحيى من جديد .. :(280):

احببببكم :(202):

الفيلسوفة :(308):

الفيلسوفة
05-26-2009, 02:06 AM
صبحكم الله بالخير ..
:(283):
ادري بتقولون وراها دوام وشمدخلها هالحزة بس شنسوي ورانا صلاة فجر ما اطوفها ولا انام الا ليما اصليها .. :(311):

اليوم سمعت ثلاث اخبار حلوة .. كان يوم عجيب .. الحمدلله

اول من يفتح الدوانية الفيلسوفة

اشلونكم مع فيتامين واو ؟؟؟

وربي شي عجيب والأغرب منه موقف سويته تلقائيا بدون أي مقدمات والأدهى منه النتيجة

خل اقولكم السالفه واحكموا ...

تخيلوا يا جماعة الخير .. كنت انا ورفيجتي رايحين مكتب احد الوزارات ودخلت بطلب وظيفة كنت احن عليها من زمااان

ما خليت باب ما طقيته بدون أي نتيجة .. المهم جبت واسطة كبيرة حيييل من أحد أهل القرار عندنا .. بحكم علاقة

الاهل واسطة لها وزن كبير طبعا ماراح اتصدقون بس مركز الوالد عند أهل القرار يخوله أن أي معاملة تمشي بس

بالتليفون تخيلوا الفيلسوفة داشة عالسكرتير جان اقوله بقابل الرئيس الكبير عندكم قال في موعد قلت لا قال سيدا

لي من طرف منو ؟؟؟ اهني انا طقتني البوهه جان اقول بقلبي ماني قايله بشوف شنو نهايتها ؟؟ عاد بيني وبينكم

والله لو يدري منو واسطتي ليقوم يهتز من مكانه بس عاااد انتوا اتعرفون الفيلسوفة وراسها يابس اللي براسها

اتسويه لو شنو كان المهم اول ما قالي من طرف منو ؟؟ قلت روح لرئيسك وقوله من طرف نفسها :(203): انصدم

المسكين ودش على رئيسهم وبلغه الكلام بعدها قال عطينا الاسم الكامل وتفضلي بالدخول .. اول ما دخلت جان

يوقف الرئيس وقال تفضلي قلت الموضوع كيت وكيت وانا جايه من طرف نفسي فيتامين واو ماعندي .. مع انه

الواسطه بايدي بس اعناد بشوف شنو بيصير قال روحي يابنت الاجواد نقي المكان اللي تبينه شاوري عليه واعتبري

نفسج موظفه فيه اتعرفين ليش قلت ليش قال .. انا احب في الشخص وثوقه بنفسه .. قلت الحمدلله انا شهاداتي

تتكلم عني وقدراتي عاليه ما احتاج واسطة احد .. بس بقول شي قبل ما اطلع .. ترا افلان الفلاني يسلم عليك ..

قال شنو وليش ما قلتي من الأول قلت لاني ماحب استخدم الواسطة .. جان يقول روحي الله يوفقج قويه وواثقه ..

قلت الفضل لله .. وبعد ما طلعت جااان اقول بقلبي والله هالرجال شهم .. الحمدلله ثبت نفسي .. بدوووون فيتامين

وااااو اشرايكم في بنت الرجال :(283):

moalem
05-26-2009, 07:58 AM
يالله بالتوفيق يارب

انا ولد أخوي اوديه المدرسة كل يوم بحكم انها على طريقي

قعدت امس الصبح ونزلت السياره المهم العادة الغتره مالبسها الا اذا وقفت عند باب المدرسة فأكون معلقها بالسيارة والعقال يكون على التكاية، المهم ابو الشباب حط العقال على راسه وقال عمي بداوم جذيه قلت داوم أو ما يشوفون العقال بينجحونك ضحكت وضحك

الهم نزل ومشيت ولما وصلت المدرسة طبعاً على وشك بداية الطابور ، أدور العقال منيه مناك ماحصلته ، ذكرت انه على راس الولد المهم لبست الطاقية والغتره وشعري نافش تحتهم تقول توني جاي من البر ، ومن دخلت المدرسة من يسلم علي أحد لازم يرفق وياها كلمة (عسى ماشر) قلت ولا شر ولاشي بس احب اغير شوي كل يوم عقال عقال :)

الولد لما نزل المدرسة وشاف العقال على راسه ولأن كتبه حاطهم (بسير) خاف يدش المدرسة والعقال وياه وحطه على برادت المدرسة طبعاً العقال راح (فدوته) :)

الفيلسوفة
05-26-2009, 08:17 AM
صباح الخير اخوي خالد .. :(283):

هههههههه وربي مت ضحك تخيلت شكلك ...
:(209):
عاد لا تطري البر .. حرام عليك اتصحي حنينه بقلبي .. :(309):

صراحه ما تنلامون الله يعينكم .. بس العقال له ميزه اتعرف شنو ؟ :(308):

اخوي الكبير اذا يبي مني طلب حط اعقاله فوق راسي وقال نخيتج .. :(280): اهني عااااد اضعف لازم انفذ طلبه .. :(167):

عندكم العقال شي كبير .. :(304):

عاد اتعرف من له حيله فاليحتال انا كل ما ابي اطلب شي من اهلي وخايفه يرفضونه .. آخذ العقال والبسه عشان ما

انرد .. وانفعت معاااي حييييييل الا بموضوع السياقة :(190):

الفيلسوفة
05-26-2009, 08:26 AM
انا فيني خووووف مو طبيعي .. من قريت موضوع من اسبوع بالجريدة انا راح يطلع لنا انفلونزا الخيول

قلت لا كلش ولا هذا .. انا تعودت عالخيل اهتم فيه واراعيه واوكله بأيدي واركبه والحين بنحرم منه ؟ :(217):

مابي مابي مابي :ah: انا هاذي هوايه عندي ماقدر استغني عنها :z060:

همس الرووح
05-26-2009, 09:15 AM
السلام عليكم

وينكم يااهل الديوانية :(308):


اسمع صدى صوتي ،،،،،،،:(273):

يالله بخليكم الله يذكر ك بالخير وادي المسك

كانت عنده ديوانية بس تقفلت واغلق الموضوع


الفيلسوووفة حياج وبياج ربي


المعلم فاطسة ضحك على سالفتك آخر مرة تنسى

رزة العقال ترى الرزة بدون عقال مانسميها رزة أبد


يالله فتكم بعافية آنا في الدوام والحين


بسكر مع السلاممممممممممة



************** :(308):

moalem
05-26-2009, 09:27 AM
صباح الخير اخوي خالد .. :(283):

هههههههه وربي مت ضحك تخيلت شكلك ...
:(209):
عاد لا تطري البر .. حرام عليك اتصحي حنينه بقلبي .. :(309):

صراحه ما تنلامون الله يعينكم .. بس العقال له ميزه اتعرف شنو ؟ :(308):

اخوي الكبير اذا يبي مني طلب حط اعقاله فوق راسي وقال نخيتج .. :(280): اهني عااااد اضعف لازم انفذ طلبه .. :(167):

عندكم العقال شي كبير .. :

عاد اتعرف من له حيله فاليحتال انا كل ما ابي اطلب شي من اهلي وخايفه يرفضونه .. آخذ العقال والبسه عشان ما

انرد .. وانفعت معاااي حييييييل الا بموضوع السياقة

العقال تعبير رمزي ومنه عدم شرب القهوة عن الضيوف ، لكن بعض الناس يفكر ان ابناء البادية اذا تبي منه شي بس قط عقالك او لا تشرب قهوته وينفذ طلبك !!

طبعاً هالاشياء ما تصير الا في واجبها وعلى أصولها وهذا للتنبيه لأنه بالوقت هذا اختلط الحابل بالنابل وسمعت بعض اللي ما يمتون للعربية بصله يسألني (صج البدو لما تقط عقالك ليه او ما تشرب القهوة عنده ينفذ طلبك) قلت انت لا لو تجيني وتاخذ اسبوع ما تشرب قهوة عادي :) ولو مو تقط عقالك لو تقط دشداشتك ما أوجبك اذا انت فاهم هالشي بالطريقه هذي!!


لأن كل شي له اصول وهذي من الرمزيات وانتي عاد الل يعينهم عليج اذا بتلبسين عقالهم ، على فكرة كانت المرأه العربية بتثير حمية قومها ترمي ( الشيلة ) عند بعض القبائل عاد انتي قطي الشيله على اخوج لا بغيتي شي وقولي والله مالبسها لما تلبي طلبي:)

الفيلسوفة
05-26-2009, 09:34 AM
هلاااااا بالغاليه .. فديتج همووووس :(283):

كاني كاني موجوده بس كنت اتريق مع رفيجاتي وعاد اتعرفين قعدة البنات ما اتخلص سوالف ... :(282):

شوووفي عتبج على غيابي عالعين والراس بس شسوي الحياة مشااااااغل .. واعناد فيج بعد بالصيف امسافره

شهر :z039: .. عاااد مشيها لي امااانه انتي ادرى بالصيف وحره بروح مصر ام الدنيا ... :(284):

اتصدقين على طاري العقال ذكرتيني بسالفة ناس :(252): .. كانوا ميتين حر عاااد عندهم رزة الغترة والعقال اهم

شي ..

فقالوا نستغني عن الدشداشه وانخلي الغترة عاااد تخيلي المنظر يسوق سيارة وعليه فنيله وامكسر وحاااط

النسفه امااااانه مو شي يضحك هههههه :(298): ... رياجيل آخر زمن ... :(312):

الفيلسوفة
05-26-2009, 09:53 AM
اخوي ماعنده ما عند جدي .. لو اقط الشيله جدامه قال قطي بعد النقاب احسنلج ... هههه

اقولك شي تتعجب منه مرة كل اهلي واخواني وعمي وابوي قاعدين ورحت لبست دشداشة اخوي ونسفت الغترة

والعقال واخذت كحله وخطيت شاربي ولا وازيدك من الشعر بيت حطيت سكسوكه بعد يعني ماشيه عالموضه .. :(272):

وادش على اهلي وتقوم امي وخواتي يتغطون عبالهم رجال غريب واللي تنحاش وانا احاول اثقل الصوت واخشنه

مافي امل وجكوني والكل قام يضحك .. ويوم قالي ابوي ليه امسويه بنفسج جذي قلت عندي طلب قال عمي الله

يرحمه .. طلبج مجاب :(204): ... اهني تذكرت حامي الديار عنتر في الاوبريت يوم يقوله طلبك مجاب يا عنتر ... :)

شوف شغلة القهوه هاذي فعلا صحيحه بس هذا زمان وراح ونشوفها بس بالمسلسلات البدويه .. ليما بيخطب الرجال

البنت من اهلها حط القهوه ليما يقوله الابو تم .. وعلى قولتك لو ما تشرب مني لي باجر اقهوه ولا احد سأل عنك ..

يا حلو عاداتنا قبل حسافه عليها ..

بس بسألك يا خوي خالد هل هالشي موجود .. العقال اي وانا أأكد عليه .. بس القهوه ما اعتقد والا انت اشرايك ؟

moalem
05-26-2009, 10:03 AM
يا الفيلسوفة

مثل ما قلت لج

هذه رمزيات سواء قهوة أو عقال


يعني اللي يستاهل التوجيب من غير لا يسوي هالأشياء يتم تلبية طلبه ويفرح الواحد انه يلبي له طلب ، بس اللي ما يستاهل لو شنو يسوي ما ينتوجب إلا في حالات نادرة

مثل له اخوان لهم تقدير او ابو له تقدير والعادة هالأشياء تكون بالمال مو بالزواج .

طلب مني شخص شفاعه عند محقق بقضية مشاجرة من سنه وشوي المهم سألته عن سببها قال لي سوء تفاهم ومن هالكلام ونبي تكلمه لنا يعطل الموضوع لما نشوف حل مع الطرف الثاني

المهم بغيت أكلم المحقق بس بعدين قلت خل اتأكد تفاصيل القضية بالضبط ، أتصصلت على قريبه وسألته عن الموضوع قال لي سبب المشاجرة هي "معاكسة " قلت يكون خير

المهم اتصل علي يسألني اذا كلمت الحقق او لا ، فقلت المواضيع هذي ما اتدخل فيها لو شنو ...انتهى

طبعاً مثل ما قلت لج فيه مواضيع الشيمة تجبرك على تلبيتها وبعض المواضيع تدنس صاحبها وتدنس اللي يتدخل فيها

فهذه امثله حبيت اوضح لج ان التشييم يعتمد على الشخص وموضوعه


بس تصرفاتك عجيبة

الفيلسوفة
05-26-2009, 10:16 AM
اهاااا اوصلت الفكرة .. من ناحية تصرفاتي عجيبه فهي ام العجب عادي عادي متعودين علي .. فيني طفوله

طاغيه .. على قولة اهلي مدري متى تكبرين قلت لهم اشلون اكبر وفيني ضرس لبني من ايام الطفوله .. :(248):

امس كنت رايحه الافنيوز ودخلت عالم بروي عشان العب ولد اختي تخيل وربك هديت ولد اختي عمره سنتين مع

اخوي وقمت انا العب بداله .. مادري متى اكبر ؟

بس شدني موقف اهناك مشالله أبو داش القلعة الكبيرة وماسك الكرة ويلعب مع اعياله الصغار ويرسم معاهم

والله نادر ما اتلاقي والدين مهتمين باعيالهم .. شاغلتهم الحياة عنهم الله يعين ..

عبير الورد
05-26-2009, 08:21 PM
السلام عليكم

خوش سوالف ..


ودي اشتري سيارة جديدة بس ما ادري متى انسب وقت ...الحين ؟ والا انطر لين شهر 7 ؟

الفيلسوفة
05-26-2009, 09:20 PM
وعليكم السلام عبوره .. يا حيالله من جانا

شوفي قلبي انا لا اسوق ولا اعرف عن السيارات شي بانتظار شباب المنتدى يردون عليج :(308):

اتصدقين كان خاطري اسوق بس عندي أبو يخاف علي من الهوا الطاير ما يرضى وبعدين انا اسهى بتفكيري واجد

وساعات ما انتبه عشان جذي احسن اني ما سقت جان بلشت الناس :(193):

فديتج يا قلبي وحياج الله

الفيلسوفة
05-26-2009, 10:00 PM
مساء الخيرات على الجميع ..

امس كنت في جولة بحولي جان اتذكر بو محمد الشيخ فهد البناي أطال الله في عمره ورزقه من حيث لا يحتسب ..

مريت عليه في محله وسلمت عليه بما انه يتواجد كل اثنين وخميس .. وسألني عن أحوالي قلت الحمدلله يا شيخ

اموري طيبه .. طبعا هذا الشيخ غني عن التعريف تعالوا شوفوا الزحمه عنه .. اهو طبعا مفسر احلام ومعالج

بالاعشاب والطب البديل ومتخصص بالحجامة .. طبعا الوالد واخواني كل 6 شهور يسوون حجامة عنده مشالله كل من

يقصده من بعيد وقريب من داخل او خارج البلد .. الله يوفقه عالجني من سنتين من عين اصابتني .. وتميت اعالج

عنده 45 يوم من قراية

ورقية شرعية وماي مقري والقسط البحري والخلطات النبوية والسنا والسنوت والسدر اللي وصى عليهم الرسول

والله عانيت ليما تشافيت الحمدلله والفضل الله ثم لهذا الانسان ..

تراه يعالج كل شي بالعسل والاعشاب .. واهم علاج نبوي وصى عليه رسولنا الكريم الحجامة والعسل .. فهي شفاء

من كل داء .. حسافة والله ان الحجامة نادر ما انلاقي مرأة متخصصه فيها والا جان سويتها كل مدة .. صراحة هذا

الرجل الصالح يعجز الكلام والمدح عنه ..وراح تلمسون هالشي من تعاملكم معاه ..

يا شباب المنتدى يا من تعانون من العلات تشافوا بالحجامة .. وكما قال رسولنا هي سنة قد هجرها أمتي من بعدي

أي احد يرغب في التواصل مع الشيخ .. أنا بالخدمة راح ارسل كل بياناته لمن يرغب عالخاص ..

عبير الورد
05-26-2009, 10:24 PM
ما شاء الله ..لكني أفضل الواحد هو يقرى على نفسه وإذا التزم بأذكار الصباح والمساء مستحيل يصيبه شئ إلا بإذن الله

لكن للأسف الناس تتساهل بترك الأذكار والتحصن بالله مع أن هالدنيا تغيرت والنفوس شانت وكل من يطالع غيره على أدنات الدون

ومن الأدعية التي أذكرها وأحافظ عليها بإذن الله

" بسم الله الذي لايضر مع اسمه شئ في الأرض ولا في السماء وهو السميع العليم " 3 مرات في الصباح والمساء

عمري ما اصابني ضر إلا كنت ناسيه أقول هالدعاء .

كذلك هناك دعاء وهو

" اللهم أنت ربي لا إله إلا أنت عليك توكلت وأنت رب العرش العظيم ما شاء الله كان وما لم يشأ يكن أعلم أن الله على كل شئ قدير
وأن الله قد أحاط بكل شئ علما اللهم إني أعوذ بك من شر نفسي ومن شر كل دابة أنت آخذ بناصيتها إن ربي على صراط مستقيم".

طبعا مع الأدعية الأخرى والله المستعان .

في شغلة مهمة صحيح أن العين حق لكن أيضا المفروض ما تكون شغلنا الشاغل ما دمنا قد اتخذنا كل السبل للتحصن .

الفيلسوفة
05-26-2009, 10:32 PM
صح وانا معاج في كل كلمه قلتيها .. بس ترا هذا الكلام من سنتين والحين الحمدلله يارب ما يمر يوم صبح او مسى

الا والاذكار على لساني مع الادعية والقرآن .. الله يثبتنا يارب ..

بس عاد الحجامه حسافه مافي مرة اتسويها عدل لان جسم المرة حساس مو نفس جسم الرجال .. عشان جذي

قالي الشيخ دري بالج ترا المرة جسمها غير يبيلها مرة شاطرة .. قلت خلاص دام جذي عجل ماني اسويه خلي

الحجامه لرياجيلها بس ياريت يسوونها لانها فعل شفاء .. وكافي رسولنا الكريم اموصي عليها ..

ابو بدر
05-26-2009, 11:00 PM
السلام عليكم
كيف الحال جميعا
أختي العزيزة على جميع أعضاء المنتدى الفيلسوفة
الله يعطيك العافية على هذه الديوانية الجميلة بمواضيعها وروادها

الحجامة
أنا سويت حجامة قبل شهرين من دكتور مصري مختص
بسبب حرارة لا تطاق في القدمين وخاصة عند النوم
للأسف لم تؤثر علي
الظاهر محتاج أسويها كذا مرة

-- على كل حال أنصح الكل يسويها وخاصة الرجال
من باب تجديد الدم والتخلص من السموم

الفيلسوفة
05-26-2009, 11:51 PM
وعليكم السلام مسيك بالانوار ياخوي

سلامتك يا بو بدر ..

توكل على الله وخلك عنك المصري وجرب بو محمد وراح تدعيلي بس صوم قبلها ب 3 ساعات عالاقل

وانا دزيتلك المعلومات

بالسلامه يارب :(205):

الفيلسوفة
05-27-2009, 02:46 AM
صباح الخيييير

اكره الدوام ماحبه ياربي ماداني قومة الصبح دورولي حل

قبل كان في ناس اتشجعني اداوم الحين ماكو احد بس بريحاتي :( الله المستعان

الفيلسوفة
05-27-2009, 02:58 AM
اخوي معلم صباح الخير بما انك طالب ماجستير ودي افضفض ..

الحين ليش المحاضرات متأخرة قبل درست كورس مادتين ما انخلص الا 8 بالليل ياخوي والله صعبه لنا

اشلون الواحد يشوف حياته واهله والتزاماته :( هذا اللي امأذيني وخلاني انسحب قبل :(

moalem
05-27-2009, 07:55 AM
صباح الخيييير

اكره الدوام ماحبه ياربي ماداني قومة الصبح دورولي حل

قبل كان في ناس اتشجعني اداوم الحين ماكو احد بس بريحاتي :( الله المستعان

lمنتي مجبورة على الدوام مدام ما تحبينه


اخوي معلم صباح الخير بما انك طالب ماجستير ودي افضفض ..

الحين ليش المحاضرات متأخرة قبل درست كورس مادتين ما انخلص الا 8 بالليل ياخوي والله صعبه لنا

اشلون الواحد يشوف حياته واهله والتزاماته :( هذا اللي امأذيني وخلاني انسحب قبل :(

لأن الدوام يا يكون صباحي او مسائي فشي طبيعي ان المحاضرات لو بدت على الساعه 4 أو 5 راح تنتهي 8 او 9 مساءاً

بس هي مجرد المواد متى ما خلصتيها وبديتي بالرسالة تهون المسأله ، اذا دوامك مافيه كادر أو بدلات اخذي اجازة دراسية

همس الرووح
05-27-2009, 08:41 AM
صباح الخيييير

اكره الدوام ماحبه ياربي ماداني قومة الصبح دورولي حل

قبل كان في ناس اتشجعني اداوم الحين ماكو احد بس بريحاتي :( الله المستعان



اقول للحاضرين صباح الخير


الفيلسوووفة ليش بريحاتج وين الأهل

المهم آخر مرة أشوف لج تواجد بهالساعة

شفتي الساعة وتقولين ماتدانين القومة من الصبح

ليش ان السهر ذابحنج ،،،،

وقتي نفسج لالالاتسهرين اوكيييه

يالله مع السلامة


&&&&&&&&&&

الفيلسوفة
05-27-2009, 09:51 AM
اهلين اخوي معلم صباح الخير .. سوري طولت عليكم بس توني داومت كنت بمراجعة ..

والله يا خوي احب الدوام بالعكس انا ميولي اكاديمية .. بس مشكلتي الابديه ماحب قومة الصبح حتى لو نايمه من

الساعه 9 بالليل ماحب قومة الصبح الله يعينا بس ..

بالعكس الجامعة اعلى كادر عندنا والحمدلله دوامنا بما انه بالابحاث كله حوافز .. اتصدق يبيله اجازه دراسيه ..

بس ما اتوقع المدير يرضى ..

بحاول ان شالله اكون عند حسن الظن .. والله يعين على مواد الفلسفة السبعة .. ودورة المكتبات .. ذكرتني

الفيلسوفة
05-27-2009, 09:57 AM
صباااااح الخييييير هموووووس ..

اتعرفين ليش اقعد لي هالحزة عشان ما تطوفني صلاة الفجر خلاص تعودت .. ويا قلبي المسألة مو مسألة سهر

لاااا بس انا طبعي جذي ماحب قومة الصبح احب اداوم على كيفي مثلا الساعة 10 وناااااسه ..

بس الجامعة صرامة ومن طبقوا البصمة مفيش يما ارحميني .. :(183):

ههه لا هموس وين رحتي بعيد انا اقصد ان قبل كانت رفيجتي اتشجعني على قومة الصبح ونحس بنشاط ..

والحين اهي امسافرة فصابني حالة كسل .. والا الاهل موجودين الله يخليهم لي .. :(205):

الفيلسوفة
05-27-2009, 10:43 AM
بغيت اسألكم صج الحين عندي بدريشتي عصافير كل يوم الصبح يمرون علي واحطلهم ماي .. بس الاكل

احطلهم بسكوت بالككاو ياكلونه وما يخلون منه شي واذا حطيت لهم اكل صحي مثل فتات خبز ما يعبروني ويزعلون

علي اسبوع ولا اشوفهم .. الظاهر يحبون الحلا .. عصافير آخر زمن ... :(298): بس اللي بطلب رايكم فيه ..

نوعية العصافير اللي عندي لونهم بني ومنقارهم اصفر مادري شنو يصلحلهم أكل ؟؟ :confused: خل اعطيهم اكل

الحمام العادي أو لا .. ياريت تردون علي ضروري .. هذول العصافير صاروا من الاهل .. وفلازم اعتني فيهم لاني

مسؤوله عنهم ..

همس الرووح
05-27-2009, 10:44 AM
صباااااح الخييييير هموووووس ..

اتعرفين ليش اقعد لي هالحزة عشان ما تطوفني صلاة الفجر خلاص تعودت .. ويا قلبي المسألة مو مسألة سهر

لاااا بس انا طبعي جذي ماحب قومة الصبح احب اداوم على كيفي مثلا الساعة 10 وناااااسه ..

بس الجامعة صرامة ومن طبقوا البصمة مفيش يما ارحميني .. :(183):

ههه لا هموس وين رحتي بعيد انا اقصد ان قبل كانت رفيجتي اتشجعني على قومة الصبح ونحس بنشاط ..

والحين اهي امسافرة فصابني حالة كسل .. والا الاهل موجودين الله يخليهم لي .. :(205):



الفيلسووفة وايد زين البصمة


رووعة تخليج ملتزمة


حاولي تنامين مبجر ووقتي المنبه بعيد عنج

لصلاة الفير ،،،، وربي يساعدج في القومة

اسألي مجرب ،،، الفيلسوفة ربي يوفقج ويبارك فيج

والحين اقول لكم مع السلامة


&&&&&&&

الفيلسوفة
05-27-2009, 10:46 AM
ان شاء الله عمتي ما طلبتي غالي .. :(311):

اوكي مع السلامه نشوفج مو اطولين الغيبه ؟ بانتظارج

الفيلسوفة
05-27-2009, 10:59 AM
يا حلو الصباح مع فنجال قهوه فرنسيه بالبندق .. شي عجيب يعدل المزاج ويخلي الراس جذي :(304):

الفيلسوفة
05-27-2009, 11:11 AM
وينكم يا شباب المنتدى رودوا على تساءل عبير الورد ودها تشتري سيارة وماتعرف هل تشتريها الحين والا تنطر لي

شهر 7 انتوا أبخص في هالمواضيع

همس الرووح
05-27-2009, 11:31 AM
الفيسلسوفة حاملة سويجي

قابضة باب المنتدى بطلع

بس حبيت أقولج أنا وإنتِ في المنتدى

الظاهر بعدهم في نوووووووم عميييييييييق


مع السلامة غلاتي


*********

الفيلسوفة
05-27-2009, 11:34 AM
ههههههه اي والله الظاهر بس انا وانتي مع بو بدر ومعلم وعبير الورد .. والباجي بس يتطمشون ..

يالله بالتوفيق يالغالية .. اشوفج على خير ...:(266):

عبير الورد
05-27-2009, 09:36 PM
السلام عليكم

فديتج يا الفيلسوفة ...ترى جدامي وقت يا الغالية فلا تحاتين :)

الفيلسوفة
05-27-2009, 10:19 PM
بعد قلبي ما سويت شي انتي تستاهلين ..

اليوم الجو عجيب شي مو طبيعي عالبحر قعدت اتمشى ونااااسه .. تذكرت ايام منتجع خليفه السياحي ولياليه عالبحر ونااااااسه

الفيلسوفة
05-27-2009, 10:30 PM
هذا موقع الشيخ فهد البناي المعالج بالطب البديل للحجامه والعسل والاعشاب الطبيعية

www.bannay.com/ اتمنى تتطلعون عليه شي حلو ..

الفيلسوفة
05-27-2009, 10:34 PM
شكلي اكلم نفسي يلا مع السلامه .. المنتدى مملللل مافي حركه .. الله يعين :(309):

انا بطلع سلاااااااام

الفيلسوفة
05-27-2009, 10:36 PM
يا حيالله بو بدر تو ما نور المكان .. ترا المنتدى صاير ملل مادري شالسالفه

عبير الورد
05-27-2009, 10:43 PM
بالعكس الجو اليوم حاااااااااااااار جدا جدا

أنا النت عندي صاير يعلق وايد ما ادري ليش >>>>>>>يمكن الكيبل البحري قطعوه مرة ثانية :)

اليوم خطر ببالي فكرة أن نورية الصبيح لو رشحت نفسها لانتخابات مجلس الأمة تتوقعون تنجح ؟ ( حدي ما عندي شغل :) )

الفيلسوفة
05-27-2009, 10:47 PM
لا يبا ما تنجح مع اني بقرارة نفسي اقول حسافه ما عطوها الوقت الكافي عشان تنجز وهذا حااال كل الوزراء عندنا

آخ حسافه على خسارة ذكرى الرشيدي مو عشان بنت عمي لا والله بس صراحه رهيبه وانسانه ثقافه واسلوب راقي

بس حرام دامها بدائرتنا مستحيل تنجح لانها دائرة قبليه

ابو بدر
05-27-2009, 10:48 PM
ما أعتقد راح تنجح ..

يا هلا الفيلسوفة
يا هلا عبير الورد

ابو بدر
05-27-2009, 10:49 PM
مشكورة على الموقع الفيلسوفة

الفيلسوفة
05-27-2009, 10:50 PM
العفو ياخوي حياك الله .. امانه بو بدر دورلي حل مع عصافيري شنو اسوي لهم ؟؟:(175):

ابو بدر
05-27-2009, 10:57 PM
أفضل شيء لهم
حبوب مخصصة للعصافير
موجودة في سوق الحمام أو أي محل يبيع العصافير
سعره رخيص وبنفس الوقت هو قيم
وأتوقع والله أعلم .. سوف تكسبين الأجر الكبير

ابو بدر
05-27-2009, 10:59 PM
بالنسبة لعبير
لو تنتظر للصيف .. لأن في الصيف تكثر العروض
على كل حال أنصحها بالجديد

الفيلسوفة
05-27-2009, 10:59 PM
خلاص والله بطرش باجر اخوي يشتريلي اكلهم .. اقولك شي يمكن ماراح اتصدقه ..

شفت ليما انزل من السيارة بدش دوامي بممر الحديقه يمشي عصفور يمي ليما اوصل انصدم

ينطط وانا امشي وابتسم واضحك واول ما امد ايدي يطيييييير ..

الفيلسوفة
05-27-2009, 11:05 PM
وين بتسافرون بالصيف .. انا بروح مصر مع الاهل لمدة شهر وهمووووس امعصبه تقول بعد قطاعه شهر

عاد شسوي بغير جو :(199):

اتصدق اني بمهادي وانا بمصر كل سنه ارووووح واشتغلت اهناك بالصيدله جم اسبوع تجربه واااي ذكريات عجييبه

ابو بدر
05-27-2009, 11:06 PM
ممكن عصافيرك .. موصينه عليج
وممكن بطريقة لا نعرفها .. يعرفون أنج تحبينهم

أحيانا اتابع العصافير .. أحس أنهم يحبون الغشمرة كثير
العصافير يذكروني بالأطفال .. دائما يلعبون ودائما هم في حالة سعادة

ابو بدر
05-27-2009, 11:09 PM
الله يهنيك .. راح يفتقدك المنتدى كثير ,,
بالنسبة لي .. الأمر مو واضح حتى الآن

وين راح تروحين في مصر ؟!

الفيلسوفة
05-27-2009, 11:10 PM
العصافير اموت فيهم .. اتصدق اربي خيل في جاخورنا وربيت قبله جرو اصغنونو

وارنوب وواجد اشياء واهم شي سلاحفتي :) :(208):

الفيلسوفة
05-27-2009, 11:13 PM
مشكور ياخوي .. بروووح القاهرة وعندنا شقة بالمعادي الجديدة منطقة شعبية بس رووووووعه

انزل السبته واطلب كباب ويحطونه لي بالسبته واصعدها ليما توصل بايدي من البلكونه اللللله

حياتي دايما بالمركب عالنيل .. وعندنا مزرعه اهناااااك بس نجيها بالبراد اخاف من الناموس :(308):

ابو بدر
05-27-2009, 11:27 PM
ما شاء الله عليج
عالمج مليء بالحركة والمؤثرات
جاخور وخيل وشقة ومزرعة وهم عصافير
وتشتغلين في الجامعه .. وليالي القاهرة
هذه أمور تخلي الواحد دائما مشغول باله
أشلون تفضين بالج وفكرج للدراسة العليا
وخاصة الفلسفة والمنطق ؟!

كنت أعتقد في السابق أن اللي يكمل دراسته يغلب عليه الفراغة والهدوء ..

الفيلسوفة
05-27-2009, 11:30 PM
الشي العجيب بمصر ركوب الحنطور عاد اهناك يشغلون اغنيه واركب الحنطور واتحنطر ..

عااد اموت ضحك .. اجواء الليل بمصر شي عجيب حلاته طلعه بالليل لي الفجر .. بس ماحب حياة الفنادق احب الحياة

الشعبية ..

الفيلسوفة
05-27-2009, 11:37 PM
عاد يابو بدر الله يهديك شوف السفر اهي مرة بالسنه بس شهر 7

والجواخير بالشتا والخيل كل مده اروح اعطيه سكر واجي واخوي يطيح فيني زف الخيل حامل وانتي اتوكلينها سكر جبتيلها سكر حمل اشلون باجر بنولدها ... هههه

السلاحف عاشت معاي سنه وبعدها سافرت ويوم رجعت ماتت .. والجرو اول ما تزوجت زوجها هديتها ماحبها ..

واذا على دراستي مادري الله يستر كل ما ادرس واجيب درجات عاليه انسحب شكلي مصكوكه عين ..

عاد اتصدق حاصله على بعثه دراسيه على حساب الدولة مع مرافق بس اخواني مو فاضيين ولازم دوله اجنبيه هاذي

شروطها بما اني اولة الدفعة .. بس ماعندي احد يوديني عشان جذي قلت ادرس مني .. مادري يمكن تتغير حياتي

واقعد بالبيت كل شي جايز

ابو بدر
05-27-2009, 11:44 PM
هههههههههههههههههههههههه
هذا اللي كنت أعتقده ..
بس يا بخت اللي يجمع بين الأثنين
( الحين عرفت ليش معطينج عين .. )

...............

صج أنتي أي دفعه ؟! :(169):

الفيلسوفة
05-27-2009, 11:48 PM
اتصدق شنو امنيتي بالحياة احد يقعدني عن الوظيفة ياخي ماحب قومة الصبح اكرها .. ويصرف علي ذبحت امي وابوي بمصاريفي هذا وانا الله يعينهم ..

روح اسأل شفيقة بستكي تقولك اي دفعه:look_down:

الفيلسوفة
05-27-2009, 11:50 PM
يلا ياخوي بو بدر الثلث الاخير من الليل ما بقى شي ويبتدي .. يادوب استعد له ورانا قيام ليل ..

انشوفك على خير

ابو بدر
05-27-2009, 11:56 PM
ذكرتيني بايام الدراسة
كانت أجمل أيام حياتي
بالنسبة لشفيقة بستكي .. أنا لم أخذ عندها أي مادة في الباكريوس
لأنها كانت عميده أيامي ..

ابو بدر
05-27-2009, 11:57 PM
تصبحين على خير

وأنا بعد على وشك الخروج

الفيلسوفة
05-28-2009, 08:42 AM
صباح الخير على الجميع ...

الله يخسف في كل ليبرالي .. يدعي كبت الحرية .. فالليبرالية هي الحرية المطلقة بدون قيود .. حرية قوم لوط

للأسف وكل الأسف .. ما ينتهجه البعض من تهجم وتهكم على الدين .. أن الله عليهم لقدير ..

من بضع سنوات كنت من المتابعين لشبكة اللبرالية الكويتية عن بعد .. وقد آلمني إدعاء البعض والتهجم على الذات

الإلهية .. وتأويل القرآن على هوى نفوسهم المريضة .. فيا من تعلق قلبه بالدنيا واتبع سبيل الجدل العميق .. ان الله

عليك وعلى من هم بشاكلتك .. والحمدلله رب العالمين ..

الفيلسوفة
05-28-2009, 09:03 AM
احمد ربك اخوي بو بدر انك ما اخذت عند الدكتورة شفيقة بستكي ..

الله يعين اذكر كنت ماخذه عندها مادة نظرية المعرفة والله امتحاناتها موضوعية عاد تخيل فلسفة وموضوعي اشلون

مدري :(243):.. عودونا عالمقالي .. تخيل يوم الامتحان الفاينل .. هديت القلم وقمت اطالع الأسئلة قلت لا عزالله

سقطت :(295):

والله ماعرفت ولا اجابة أسئلة داهية مو غموض الا ام وابو الغموض :(222): .. يالله شي رهيب .. وربك كل من طلع يبجي

واصراخ :(201):.. وانا اضحك مصدومه قلت لا يبا وربي ساقطه خلاص مافيها كلام .. ويوم النتايج الله وكيلك ما شالتني

ارجولي .. واشوف على بابها اسمي ويمه امتيااااااااااااااز :(312):... الللللللللللللللللللللللله شنو هالصدمه .. لا لا اخاف

مو أنا وبعدها جت وسلمت وقامت تبتسم تقول تستاهلين :(298): .. كل من طالعني بطرف عين قال هاذي المغرورة اللي

طالعه تقول ساقطه اطلعت جايبه امتياز ما ينخاف عليها :(193): .. انا اطالع وربك مو عارفه اتحجى اربط الساني ..

لحد الحين مو عارفه اشلون عديتها الحمدلله :(280):

الفيلسوفة
05-28-2009, 10:40 AM
يالله .. مادري اشفيني عقلي مو براسي :(247): .. كل يوم الاثنين والخميس اصوم لله ..

تخيلوا يوم الاثنين صمت جان ارد البيت واتغدا مع اهلي .. وآكل وآكل ومن هالعيوش والمجابيس والفلفل

والسلطات بعد ما شبعت جان اقول حق امي انا بعد اشوي حزة الفطور ............ جان اقول ياويلي اللهم اني

صااااااايمه واركض الحمام واغسل حلجي :(177): .. وادق على ابوي جان يضحك قال هذا رزق من الله خليج صايمه كملي

صيامج .. وبعدها اليوم الخميس صايمه تخيلوا دقت علي رفيجتي واعزمتني بمكتبها على نسكافيه لندني .. وقمت

اشرب واسولف وخلصت الكوب عقب ما رديت من مكتبي ........ قلت ياللللللللللللله اللهم اني صايمه ... ياربي

اشفيني أنا وادق توني عالفتوى ويضحك الشيخ قال يومين ورا بعض هذا رزق من ربج كملي صيامج قلت ما علي

ذنب قال لا يا بنتي ويرزقكم من حيث لا تعلمون انت محبوبه من رب العالمين .. قلت الحمدلله يا شيخ ... امبيه عاد

دايما اصوم اشمعنه هالاسبوع طاقتها اكل مدري .. الحمدلله على رزقه والحين انا صايمه يارب تقبل مني :(280):

الفيلسوفة
05-28-2009, 11:09 PM
مسااااااااء الخير عالجميع .. توني مستلمة مكافأة الاعمال الممتازة وطقيناها انا واخوي طلعه ... وناااااااااسه :)

عبير الورد
05-28-2009, 11:56 PM
السلام عليكم

احسن شئ سويتيه :)

الفيلسوفة
05-28-2009, 11:59 PM
اهلين حبيبتي .. عقبالج يا قلبي .. شخبارج بشري عنج

ابو بدر
05-29-2009, 12:52 AM
صباح الخير على الجميع

عبير الورد
05-29-2009, 12:54 AM
أنا الحمد لله مرتاحة جدا خاصة بعد ما رصدت الدرجات ..هم وانزاح


تصدقين فلوس العطلة راحت :(

الجمعيات اللي اشتركت فيها

والمبلغ اللي حاجزته للسيارة

وفلوس للعيد

وفلوس للسنة الدراسية الجاية


صج المعاش ..ما عاش

عبير الورد
05-29-2009, 12:56 AM
عندكم فكرة عن شاليهات حلوة وخدمتها جيدة غير الخيران ؟

ابو بدر
05-29-2009, 01:19 AM
عندكم فكرة عن شاليهات حلوة وخدمتها جيدة غير الخيران ؟
بالنسبة لي .. ما عندي فكرة
بس اللي أعرفه .. أنهم يعلنون في الجرايد الأعلانية

وادي المسك
05-29-2009, 01:28 AM
مساكم الله بالخير او صبحكم الله بالخير الي تبون اثنينهم يصيرون :)



يا اختي عبير الورد الله يعينك ويرزك يارب كل هالمصاريف ودورين شاليه ؟ أنا اقول حمام سباحه النايلون ينتفخ ويملأ بالماء وقعدم بالبيت اربك

الفيلسوفة
05-29-2009, 02:17 AM
قوووووه ... مسيكم بالخير للموجودين ....

هههههه الله يقطع ابليسك يا وادي ذكرتني بزمان اول كانت هاذي حركاتنا انعبي الحوض بالحووووش وهووووب

عالسباحة سيدا ... :(185):

افا عليج ام الشاليهات انا ما طلبتي غالي ...

بو بدر اشلونك تبي سلف ..

الفيلسوفة
05-29-2009, 02:24 AM
شوفي صراحه احلى شاليه رحتله منتجع خليفه السياحي شي رهيب وناااااسه واسعاره مناسبه وعلى حسب حجم الشاليه

اذا مطل عالبحر مباشرة اغلى واذا مطل على الواجه الخاصة بحمام سباحة الاطفال والعائلات ارخص

شوفي يالغاليه احنا كنا حاجزين لمدة 5 ايام مع بيت عمي كلنا يعني جمعة حجزنا اثنين شاليه بس مطل على حمام سباحة الاطفال

وكان الجو روعه في اهناك قهوة للعائلات وفي آيس كريم الصبايا يمي يمي روعه وفي بعد الله يسلمج جم مطعم تصعدينله عالجسر

الساعة 12 يشغلون السينما وسط الزرع والشاليهات طبعا اجنبي .. ومسابقات وموسيقى واجواء حلوه ..

وعاد الفيلسوفة من تشوف الفيلم سيدا عالبحر انزل للبحر بالسلم واقعد ليما يطلع الفجر وهذا وقته ترا لا يطوفج الجو عجيب عندهم

الفيلسوفة
05-29-2009, 02:31 AM
في حمام سباحه نسائي خاص بالسرداب ننزله تحت وفي مدربه مختصه .. ياهو كنت بغرق وبختنق بس انقذتني

يحليلها .. البحر شي مو طبيعي لان في اصخور اصغيرة قطي انعولج وانتي بكرامه وخلج حافيه ونططي عالصخور

وراح تشوفين السمج الصغار ينطط على ارجولك ويدغدغج ..... واااااااي ايام حلوه شوقتيني ... بحاول اروح انشالله

طبعا كل شاليه في غرفة الماستر لونها احمر مزدوجه وغرفة فيها سريرين منفصل فردي وخدفة خدامة .. لا يطوفج

البلكونه كنا ندق على الخدمة نطلب شوايه واحنا بالبلكونه فووق وولد عمي ومرته يشوون ونكت الماي على راسهم

عبالهم مطر مايدرون ان احنا فوقهم مشا***ن ذيج الايام

الفيلسوفة
05-29-2009, 02:38 AM
اووووف الله يعينج عبوره .. اي هذا عيب المعاش اذا جا مره وحده ملوت العطله ..

لا والله انا اليوم نزلي المكافأة وطلعت مع اخوي واستانسنا دلعني آخر دلع بس طلب اعبي البانزين على حسابي

واعشيه على حسابي والباجي بخشهم لمصر عشان ادلع نفسي :(276): وبروح الخميس الجاي للخبر انا واخوي مع

اختي وزوجها جولة ونرد السبت بروح اشتري خامات حق عرس اختي بعد العيد :)

الفيلسوفة
05-29-2009, 02:43 AM
نصيحه لا يطوفج منتجع خليفه ..

شوفي منتجع شيك امسوين شغله جايبين يخت تحجزينه لمدة ساعه او اكثر في الوقت اللي تبينه .. في كل التجهيزات ..

رومانسي وروعه .. وفيه غرفه وحمام ومطبخ تجهيزي اصغنونو ... لا يطوفج .. روحي واخذي سنارتج معاج واذا تعبتي طقيها نومه بالغرفه

كلاسيك ومريح :) واي سؤال آمريني .. لا تنسين جمعي قواقع من كل شاليه نفس طريقتي ... وبعدها عطيني

اياهم مو تنسين ..

ابو بدر
05-29-2009, 02:47 AM
ما بي سلف .. السلف تلف
أبي هدية .. ههههههههه
//////////////////////////////////////////////
هذه الأوقات المعلم يصير غني
وفي نهاية العطلة بقدرة قادر يصير فقير
//////////////////////////////////////////////

يالله تصبحون على خير

الفيلسوفة
05-29-2009, 02:49 AM
وانت من اهله حياك الله

الفيلسوفة
05-29-2009, 02:51 AM
ويييييييييييه وانا من اليوم من قاعده اسولف معاه عبالي عبير موجوده :( يالله الخيرة

الفيلسوفة
05-29-2009, 02:55 AM
ياربي مافيني نوم بقعد اتقلب :(:(:(

بكره عطله :( ليش اتخلوني :(

الفيلسوفة
05-29-2009, 03:09 AM
يالله تصبح على خير اخوي بو بدر .. انشوفك على خير ..

الفيلسوفة
05-29-2009, 10:25 PM
مساء الخير .. قوه ابو بدر اشلونك .. انشاء الله بخير

ابو بدر
05-29-2009, 10:34 PM
يا هلا وغلا الفيلسوفة
شخبارج اليوم

الفيلسوفة
05-29-2009, 10:38 PM
تمام الله يسلمك .. اليوم كان عندنا حوسه اخوي امسوي عشا بالديوانيه وقمت انا وامي انسوي اطباق سويت حلو التويكس وحلو
تشيز كيك الفراولة ومعكرونه بالبشاميل وسلطة ذره وامي سوت اعيوش ومرقوق وشغل عدل ..

ابو بدر
05-29-2009, 10:57 PM
ما شاء الله عليكم

أنتم حريم مال أول :(184):

مو حريم هالأيام :(172):

الفيلسوفة
05-29-2009, 11:00 PM
اوووووه الله يستر شكلك بتصكني عين ...

لازم انبيض وجه اخوي ...

الفيلسوفة
05-29-2009, 11:16 PM
اتصدق يقولون طبخ الرياجيل اطعم من طبخ الحريم صج هالكلام

الفيلسوفة
05-29-2009, 11:25 PM
اي صج بسألك بو بدر يقولون قبل رجاجيل الباديه كانوا يسوون الخبز اتعرف اشلون كانوا يدفنون العجينه وسط الرماد ليما يستوي

صج هالكلام

ابو بدر
05-29-2009, 11:33 PM
اتصدق يقولون طبخ الرياجيل اطعم من طبخ الحريم صج هالكلام
الرياجيل أفضل من الحريم في كل شيء:(192):
ما عدا تربية الأطفال :(272):

ابو بدر
05-29-2009, 11:35 PM
اي صج بسألك بو بدر يقولون قبل رجاجيل الباديه كانوا يسوون الخبز اتعرف اشلون كانوا يدفنون العجينه وسط الرماد ليما يستوي

صج هالكلام

نعم صحيح
ويكون طعمه عجيب

الفيلسوفة
05-29-2009, 11:37 PM
يما منك يابو بدر احنا الكشخه والذرابه والسنع وكلللل شي وانتوا مهمتكم الصرف هالله هالله بالصرف شد حيلك وتتشوف شي يبيض وجهك

الفيلسوفة
05-29-2009, 11:38 PM
اشلوووووووون تاكلون شي كله رماد اسود مهما اتنفضه ما يروح الله يديم النعمة .. اقول بس شب التنور وتتشوف الخبز السنع

ابو بدر
05-29-2009, 11:42 PM
اشلوووووووون تاكلون شي كله رماد اسود مهما اتنفضه ما يروح الله يديم النعمة .. اقول بس شب التنور وتتشوف الخبز السنع

بالعكس
بعد التنظيف والتخلص من القشرة الخارجية
اللي داخل شيء مو طبيعي
على كل حال ... تقريبا مرة وحدة اللي ذقته

الفيلسوفة
05-29-2009, 11:46 PM
صج ونااااسه ... ابو بدر بسألك اسئلة عن البر .. بس بطلع الحين والساعه 1 ونص انشالله بدخل ..

مع السلامه

ابو بدر
05-29-2009, 11:49 PM
الله يسلمك
وأنا كذلك

الفيلسوفة
05-30-2009, 01:35 AM
مو جنكم نايمين ؟

ابو بدر
05-30-2009, 02:01 AM
لا تو الناس

الفيلسوفة
05-30-2009, 02:02 AM
قوه ابو بدر اشلونك ان شاء الله بخير

ابو بدر
05-30-2009, 02:04 AM
الحمد لله بخير

اليوم الظاهر الأعضاء ماخذين إجازه من صج

الفيلسوفة
05-30-2009, 02:05 AM
اي والله هالمنتدى غريب اعضاءه يدخلون وما يشاركون مادري ليش ..

الفيلسوفة
05-30-2009, 02:07 AM
ابو بدر بسألك اشفيها منطقة ظلم بالسعوديه ليش عند محطة البنزين امعلقين راس ذيب وجربوع

ابو بدر
05-30-2009, 02:09 AM
هذا الموضوع تم مناقشته من قبل

وتوصلنا إلى أنه منتدى تربوي علمي

ومثل هذه المنتديات .. هذه هي طبيعتها ,,

يعني لا تتوقعين الحضور المستمر للأعضاء

يعني هو منتدى علمي أكثر منه أجتماعي

ابو بدر
05-30-2009, 02:11 AM
صج !!!
والله ما أدري

الفيلسوفة
05-30-2009, 02:12 AM
لا ياخوي لان هذا المنتدى مقروء لكل الناس بهذا يقل حجم اعضاءه .. شوف مثلا منتدى جمعية المعلمين الآن لا يمكن قراءة

موضوعاته الا بالتسجيل فيه .. وهالطريقه عندي احسن

الفيلسوفة
05-30-2009, 02:13 AM
من صجك انت روح سافر لمنطقة ظلم وشوف محطة البنزين بس نصيحة لك اخذ احد معاك لانها منطقة تسكنها الجن واقولك الحين شنو سالفتها من

كلام ابوي

ابو بدر
05-30-2009, 02:15 AM
أعتقد مو حلوه أجبار العضو على التسجيل

الشخص بعد أطلاعه على المنتدى ..

إذا شاف نفسه حاب ينظم ويشارك .. هو من نفسه راح يسجل

الفيلسوفة
05-30-2009, 02:19 AM
شوف ياخوي ابوي يقول كان السعوديين قبل يذبحون كل ذيب يشوفونه بالبر .. ما يخلون ذيب الا ويقتلونه .. وبعدها كثر في بر السعوديه

في الصمان وظلم وواجد مناطق الجن قامت تسكن فيها .. لان عدو الجن الوحيد الذيب فإذا شفت ذيب يركض بالبر بقوة اتلاقيه يركض ورا

جني عشان يذبحه .. عشان جذي امر ملك السعوديه ان الذيابه ما تنذبح عشان ما تكثر الجنون في بران السعوديه عرفت الحين ..

في منطقة ظلم جذي امعلقين راس ذيب ناشف على المحطه خوفا من تجمع الجن حوالينها .. بس نصيحه عد المنطقة ولا اتعبي بنزين

عشان ما يصير فيك شي لان محطة البنزين مافيها ناس انت اتعبيها كل من يخاف يجيها ترا انا حذرتك

ابو بدر
05-30-2009, 02:24 AM
بصراحة معلومة جديدة
مشكوره عليها
وتبقى السعودية عالم كبير .. يستحق الأستكشاف ,,

الفيلسوفة
05-30-2009, 02:26 AM
اشرايك بوزيرة التربية الجديده

ابو بدر
05-30-2009, 02:29 AM
مرتاااح منها كثير

الفيلسوفة
05-30-2009, 02:31 AM
اي والله كل من يمدحها .. اسكت ابوي مستانس حده يقول صبيحه راحت .. فكه منها .. ههههههه ما يواطنها

ابو بدر
05-30-2009, 02:31 AM
أتوقع أن الوضع راح يتطور بعهدها
أو على الأقل لن يتراجع
والأهم .. أتوقع أنها راح تكون مع المعلم
لأن نورية أغلب توجهها ضد المعلم .. والناس أجمعين
على الأقل هي طيبه وتحب الناس

الفيلسوفة
05-30-2009, 02:32 AM
بو بدر انت تاكل جرابيع وضبان ؟

ابو بدر
05-30-2009, 02:34 AM
ههههههههههههههههههههههه

الفيلسوفة
05-30-2009, 02:36 AM
ههههههه اي والله ابوي حده مستانس اليوم وانا ادلع فيه وامد ايدي بجيبه عشان اسحب بوكه .. هاذي فرصتي

ابو بدر
05-30-2009, 02:37 AM
الله يخليه لج .. ويطول بعمره يا رب

الفيلسوفة
05-30-2009, 02:38 AM
آميييييييين يارب اجمعين

الفيلسوفة
05-30-2009, 02:42 AM
بو بدر شنو تخصصك

الفيلسوفة
05-30-2009, 02:44 AM
انت من دفعة 96-97 بالجامعة صح ؟

ابو بدر
05-30-2009, 02:45 AM
أنا من دفعة 98

الفيلسوفة
05-30-2009, 02:45 AM
ماااااااا صدق من كلية الآداب ؟

ابو بدر
05-30-2009, 02:46 AM
وتخصصي فلسفة

طبعا المفترض من دفعة 96

الفيلسوفة
05-30-2009, 02:47 AM
وربك عاد ماصدق

ابو بدر
05-30-2009, 02:47 AM
ليش ما تصدقين ..

الفيلسوفة
05-30-2009, 02:48 AM
مادري ما كنت متوقعه انك فلسفه ..

ابو بدر
05-30-2009, 02:50 AM
طيب .. من أي دفعة أنت ؟!

الفيلسوفة
05-30-2009, 02:51 AM
اصغر منك ... بس بشويه

ابو بدر
05-30-2009, 02:52 AM
طيب شنو كان علبالج تخصصي ؟ موسيقا مثلا

الفيلسوفة
05-30-2009, 02:53 AM
اخذت عند الطبطبائي منطق ؟ يماااااا كان يخرع محد يحبه كان عسر بس شي عجيب عطاني امتياز بمنطق رياضي رمزي عشان جذي حبيت المنطق

الفيلسوفة
05-30-2009, 02:53 AM
تخصصك اجتماع او جغرافيا مادري حسيت جذي

ابو بدر
05-30-2009, 02:56 AM
أنا كذلك أخذت عنده منطق رياضي ورمزي -a

الفيلسوفة
05-30-2009, 02:58 AM
مادري احس انك معروف اذا قلت جم معدل يمكن اصيب الهدف

ابو بدر
05-30-2009, 03:00 AM
لا شخصيتي مو معروفه كثير !!!
أي معدل تقصدين

الفيلسوفة
05-30-2009, 03:03 AM
لا خلاص عجل

الفيلسوفة
05-30-2009, 03:04 AM
يالله يا بو بدر شكلنا طولنا ورانا صلاة فجر ..

تصبح على خير ومع السلامه

ابو بدر
05-30-2009, 03:05 AM
الله يسلمك أختي الفيلسوفة
وأنت من أهله

همس الرووح
05-30-2009, 11:20 AM
مادري ما كنت متوقعه انك فلسفه ..



صبحكم الله بالخير


الفيلسوفة حدسي صادق

كان عندي يقين بأن بو بدر


فلسفة وطلع فلسفة


صج آنا جذي:(304):

يعطيكم العافية قلت لكم

كافي سهر واتسمعون حجي تالي الليل :(161):


&&&&&&&&&&&

عبير الورد
05-30-2009, 12:14 PM
منطقة ظلم أسمع وايد حوادث تصير فيها

عموما الواحد في السفر لازم يكون معاه شخصين أو أكثر لأن

"رسول الله صلى الله عليه وسلم قال الراكب شيطان والراكبان شيطانان والثلاثة ركب"

وهذه فائدة في الحديث

‏قال المظهر : يعني مشي الواحد منفردا منهي وكذلك مشي الاثنين , ومن ارتكب منهيا فقد أطاع الشيطان ومن أطاعه فكأنه هو , ولذا أطلق صلى الله عليه وسلم اسمه عليه . وفي شرح السنة : معنى الحديث عندي ما روي عن سعيد بن المسيب مرسلا : الشيطان يهم بالواحد والاثنين فإذا كانوا ثلاثة لم يهم بهم . وقال الخطابي : معناه أنه التفرد والذهاب وحده في الأرض من فعل الشيطان وهو شيء يحمله عليه الشيطان ويدعوه إليه وكذلك الاثنان , فإذا صاروا ثلاثة فهو ركب أي جماعة وصحب , قال : والمنفرد في السفر إن مات لم يكن بحضرته من يقوم بغسله ودفنه وتجهيزه , ولا عنده من يوصي إليه في ماله ويحمل تركته إلى أهله ويورد خبره إليهم , ولا معه في سفره من يعينه على الحمولة , فإذا كانوا ثلاثة تعاونوا وتناوبوا المهنة والحراسة وصلوا الجماعة وأحرزوا الحظ فيها انتهى .

المهم شطاري عليج يا الفيلسوفة تسألين عن الجرابيع؟ :)

خير الناس
05-30-2009, 11:50 PM
السلام عليكم .. ما عندي موضوع بس بغيت أسلم عليكم .. وودعكم .. اسمحولي .. وعذروني عندي ظروف قاسية تجبرني أطلع

مابي غير دعواااااتكم . . لا إلــــــــــــــه إلا أنت سبحانك إني كنت من الظالمين

الفيلسوفة
06-01-2009, 08:43 AM
السلام عليكم .. ما عندي موضوع بس بغيت أسلم عليكم .. وودعكم .. اسمحولي .. وعذروني عندي ظروف قاسية تجبرني أطلع

مابي غير دعواااااتكم . . لا إلــــــــــــــه إلا أنت سبحانك إني كنت من الظالمين


بعد قلبي ربي يفرج همج .. ويوسع عليج من رزقه .. ويفتحلج كل أبوابه وكل أمر معسر ..

وما يبتلي الله غير المؤمن .. وعليج بقيام الليل فإن سهام الليل لا تخطيء .. والصبر مفتاح الفرج ..

ودائما رددي يا هم ان لي رب كبير .. يا هم ان لي رب كبير .. ربي اني مسني الضر وأنت أرحم الراحمين .. :(280):

ويا أزمة اشتدي تنفرجي .. بانتظارج يا قلبي ..

الفيلسوفة
06-01-2009, 09:06 AM
منطقة ظلم أسمع وايد حوادث تصير فيها

عموما الواحد في السفر لازم يكون معاه شخصين أو أكثر لأن

"رسول الله صلى الله عليه وسلم قال الراكب شيطان والراكبان شيطانان والثلاثة ركب"

وهذه فائدة في الحديث

‏قال المظهر : يعني مشي الواحد منفردا منهي وكذلك مشي الاثنين , ومن ارتكب منهيا فقد أطاع الشيطان ومن أطاعه فكأنه هو , ولذا أطلق صلى الله عليه وسلم اسمه عليه . وفي شرح السنة : معنى الحديث عندي ما روي عن سعيد بن المسيب مرسلا : الشيطان يهم بالواحد والاثنين فإذا كانوا ثلاثة لم يهم بهم . وقال الخطابي : معناه أنه التفرد والذهاب وحده في الأرض من فعل الشيطان وهو شيء يحمله عليه الشيطان ويدعوه إليه وكذلك الاثنان , فإذا صاروا ثلاثة فهو ركب أي جماعة وصحب , قال : والمنفرد في السفر إن مات لم يكن بحضرته من يقوم بغسله ودفنه وتجهيزه , ولا عنده من يوصي إليه في ماله ويحمل تركته إلى أهله ويورد خبره إليهم , ولا معه في سفره من يعينه على الحمولة , فإذا كانوا ثلاثة تعاونوا وتناوبوا المهنة والحراسة وصلوا الجماعة وأحرزوا الحظ فيها انتهى .

المهم شطاري عليج يا الفيلسوفة تسألين عن الجرابيع؟ :)


فديتج يا الغالية .. صح بالسفر لابد من الصحبه والجمعه ... صاجه وربي ..

هههه الجرابيع سالفتها سالفة بس احتفظ فيها لنفسي بيني وبين الوالد الله يخليه لي يارب :(170): .. شوفي احنا ما ناكل

الجرابيع :(284): .. حدنا بس ضبان :(192): .. وخصوصا عكرة الضب .. جربها بو بدر وتعال قولنا شنو تحس وانت اتجرب

تاكلها

:(182):

الفيلسوفة
06-01-2009, 09:09 AM
صبااااح الغبرة على الجميع .. يارب يتعدل الجو الخميس عشان اسااافر يارب ..

بروح الخبر والدمام ... ونااسه .. يارب يتعدل الجو ويصير عال العال :)

الفيلسوفة
06-01-2009, 10:53 AM
يالله ياربي انا شسوي بهالعصافير ....

سمعت كلام بو بدر وجبت لهم اكل خاص فيهم .. كا صارله جم يوم أكل وماي بس يشربون الماي ويمشون ,,

ما يبون ياكلون حبوب الظاهر تعودوا على بسكوت الككاو افتته واعطيه لهم ..

صج عصافير آخر زمن .. الله يعيني على دلعهم ... :(:(

الفيلسوفة
06-01-2009, 11:01 AM
الحمدلله تحققت لي 3 دعوات ربي استجابهم .. من قام الليل ودعى ربه وتيقن وما قال مستحيل واحسن الظن بالله شوفوا اشلون بيصير المستحيل

شي هين مافي مستحيل على رب العالمين .. اعقلها وتوكل .. وعقبال الدعوه الكبيره يارب ربي يحققها لي عشان تكتمل فرحتي بإذن الله ..

اتصدقون من خمس سنوات حلمت رؤية .. قالي المفسر 3 أمنيات كبيرة تتحقق لج اللي قلتيهم بالحلم .. وفعلا تخيلوا تحققت ثنتين

وحده بعد الحلم بسنة ووحده بعد الحلم بسنتين .. والامنية الكبيرة قال راح تاخذ وقت بس راح تتحقق بإذن الله الحمدلله ... الله كريم يارب .. ادعوا الله

وبتشوفون .. :)

الفيلسوفة
06-01-2009, 11:39 AM
ابوي حبيب قلبي امس عطاني شقه أكبر من داري والحين ياربي .. مادري ودي أغير واسنع واشتري أثاث جديد

واغير كل شي كل شي وبحط نافوره اصغنونه بغرفة النوم عشان اسمع صوت الماي اللللللله جو عجيب .. محتاره باللون ..

ودي اختار اللون الوردي .. واعيش الطفوله وكل شي بداري ينقلب وردي .. اشرايكم .. والا اخلي كل شي تركواز مع الذهبي ..

مليت من الاحمر الكرزي والذهبي ..

ابي رايكم امااااانه نخيتكم :)

الفيلسوفة
06-01-2009, 11:47 PM
طق طق .. منهو .. احم احم .. الفيلسوفة

مامن غريب اتفضلي .. وين أهل الديوانية قلت أسأل عنهم .. وجايبتلهم معاي القهوه والجاي والحلو لزوم انقوم بالواجب ..

الظاهر مافي احد .. طيب خل اطلع وارد بعد اشوي كود انلاقي احد انسولف معاه .. فمان الله ...

الفيلسوفة
06-02-2009, 01:14 AM
يالله يارب سهل امر ولادة اختي في هالساعات القادمة يارب العالمين

الفيلسوفة
06-02-2009, 01:30 AM
يالله قعدت اشوف اصوري وانا اصغنونه عمري سنتين بحضن ابوي وهو يمشط شعري ... ايااام يا ليتها ترد ..

يختي علي وعلى جمالي الطفولي ... ابوك يالوثوووق :)

الفيلسوفة
06-02-2009, 01:32 AM
خاطري الحين في في تربية صقر من صقور عمي .. وربي ماراح يعطيني لو شنو الواحد قيمته بالآلاف ,, علمني كل شي عن حياة الصقور

كان صقار بو راشد الله يخليه لنا يارب

الفيلسوفة
06-02-2009, 01:35 AM
بقول نكته ... هههه

شدعوه ؟ يعني اذا ما سوينا مشكله ما تسألون ؟ !!!! امحشش متصل على 777

هههههههههه

الفيلسوفة
06-02-2009, 01:38 AM
يا حليلك بو بدر كنت امسوي جو .. القعده بدونك مو شي شكلي أكلم نفسي .. انشوفلك على خير يا فيلسوفنا

الكبير

ابو بدر
06-02-2009, 08:56 AM
صبا ح الخير على الجميع
شخبارج أختي الفيلسوفة

-- أئشوفكم مساءا ,,

ابو بدر
06-02-2009, 09:04 AM
صج !
تروحين وتردين لنا بالسلامة أختي الفيلسوفة

الفيلسوفة
06-02-2009, 09:43 AM
اهلين صباح الورد بو بدر .. حياك الرحمن في هالصباح ..

انا طيبه طاب حالك وممشاك ..

اوكي نشوفك في المساء ..

الفيلسوفة
06-03-2009, 12:14 AM
قوه بو بدر .. اشلونك ... بروح اشوي ساعه وبعدها برد بااااي

الفيلسوفة
06-03-2009, 01:20 AM
صباح الخيييير غلى بو بدر

ابو بدر
06-03-2009, 01:25 AM
يا هلا الفيلسوفة

توقعت أنج راح تسافرين اليوم ..

الله يعطيك العافية على المواضيع الحلوه واللي في وقتها

الفيلسوفة
06-03-2009, 01:30 AM
تسلم بو بدر .. لا انا قلت الخميس .. بس مو اكيد احتمال .. لان اخوي يدرس وعنده امتحانات بالقاهرة .. ووعدني هالايام ..

الفيلسوفة
06-03-2009, 01:32 AM
بو بدر شسوي بعصافيري .. سمعت رايك وانقلبوا ضدي :(

ابو بدر
06-03-2009, 01:36 AM
صح قلتي الخميس
ما أدري ليش حاس أن ايامي كلها خميس .. هذه الايام !!!

الظاهر ماكو شغل .. بدأت العطلة عندنا ...

الفيلسوفة
06-03-2009, 01:39 AM
يا حظك عقبالي يارب

ابو بدر
06-03-2009, 01:40 AM
بو بدر شسوي بعصافيري .. سمعت رايك وانقلبوا ضدي :(

معقولة ؟!
إيه من تعود على الحلو ( البسكوت ) أشيبي بالشعير ( خلطة الحبوب ) :(196):

هذا نهاية الدلع !
دلعتي عصافيرك كثير يالفيلسوفة :wink:

الفيلسوفة
06-03-2009, 01:42 AM
هههه اي والله :)

اقول بو بدر اشرايك بالرماية

ما تعرف ان الفيلسوفة ترمي باحتراف بس عطني ام صجمه وشوف بعينك

ابو بدر
06-03-2009, 01:46 AM
ما شاء الله عليج
فاااارسه
تركبين الخيل .. والرماية ,,
شنو خليتي لنا ؟!!!

ما شاء الله عليج

ابو بدر
06-03-2009, 01:47 AM
متى راح تتقدمين .. للدراسات العليا

الفيلسوفة
06-03-2009, 01:50 AM
هوايات شنسوي بعد .. وفي اكثر من جذي ..

شوف اعتني بالخيل واركبه بصعوبه بس امشي فيه اشوي اشوي مادري احس مافي توازن اميل يمين ويسار جني بطيح

يبيلي تعود .. وياما اخذت منها جم طقة بس تمون الحين صرنا سمن عالعسل :)

وبعد صقاره بس يعني ما تعودت لان فيني خوف من الصقور اتشمخ ايدي لازم البسها برقع عشان تهدى .. هاذي تعاليم الصقار عمي بو راشد

ابو الصقور لو اتعرف جم واحد عنده بس .. وكل واحد سعره اوووف غالي ..

ابو بدر
06-03-2009, 01:51 AM
موقع للترجمة الفورية
رااااااائع
فقط أكتب الكلمة .. وهو سوف يترجمها لك فورا وبدون أنتر !!!
http://www.expenglish.com/dic/

الفيلسوفة
06-03-2009, 01:53 AM
اممممم مادري انا اللي امأذيني ان المحاضرات مسائية ما رد البيت الا الساعه 8 ونص او 9 صعبه حييييل .. انت اتعرف احنا حريم

وواجد عندنا ارتباطات ..

الفيلسوفة
06-03-2009, 01:54 AM
واااااو بحفظه عندي للاهمية ميغسي بوكو

ابو بدر
06-03-2009, 01:58 AM
هوايات شنسوي بعد .. وفي اكثر من جذي ..

شوف اعتني بالخيل واركبه بصعوبه بس امشي فيه اشوي اشوي مادري احس مافي توازم اميل يمين ويسار جني بطيح

يبيلي تعود .. وياما اخذت منها جم طقة بس تمون الحين صرنا سمن عالعسل :)

وبعد صقاره بس يعني ما تعودت لان فيني خوف من الصقور اتشمخ ايدي لازم البسها برقع عشان تهدى .. ذاهي تعاليم الصقار عمي بو راشد

ابو الصقور لو اتعرف جم واحد عنده بس .. وكل واحد سعره اوووف غالي ..

مااا أذكر أني ركبت خيل في حياااتي

أما الجمال فقبل لا يقل عن عشرين سنه !

يعني ما له داعي تطيح وتتكسر :(276):
وحتى الألعاب في الملاهي .. يعرفون ربعي أني ما أحب ألعبها :(217):

الظاهر أني ما أحب الحركة السريعة
أحب الهدوء والهون أبرك ما يكون :)

الفيلسوفة
06-03-2009, 02:00 AM
هههههههه اموت على حياة المغامرات تعطيي الحياة طعم اما الملاهي حدث ولا حرج كل شي كل شي اجربه ..

ادخل اللعبه وتفر راسي وجسمي فر جني ملابس بالغساله .. ونااااسه

ابو بدر
06-03-2009, 02:01 AM
اممممم مادري انا اللي امأذيني ان المحاضرات مسائية ما رد البيت الا الساعه 8 ونص او 9 صعبه حييييل .. انت اتعرف احنا حريم

وواجد عندنا ارتباطات ..

لا تطوفين الفرصه
وسجلي بسرعه
شنو بعد عندج التوفل ,,,

وعلى فكره الدراسه سهله
والدوام لكل مادة يوم في الاسبوع
واللي أعرفه ( من 2 إلى 5 مساء )

الفيلسوفة
06-03-2009, 02:03 AM
ادري ادري انا دارسة كورس كامل وبعدها هديت الدراسه .. مادري بفكر ..

والله يكتب اللي فيه الخير والصالح ..

الفيلسوفة
06-03-2009, 02:03 AM
يلا بو بدر وراي دوام تصبح على خير

ابو بدر
06-03-2009, 02:10 AM
وأنت من أهله أختي الفيلسوفة

الفيلسوفة
06-03-2009, 10:53 PM
مساء الخير عالجميع

الفيلسوفة
06-03-2009, 10:55 PM
باركولي صرت خاله جابت اختي بنوته تشبه القمر مشالله .. جمال مو طبيعي الحمدلله .. تعبت من الصبح وانا بالمستشفى توني رديت

الفيلسوفة
06-03-2009, 11:33 PM
احس اني تعبانه يومين مو نايمه كلش كله بالمستشفى مع اختي بنام وراي دوام بكره تصبحون على خير جميعا :)

ابو بدر
06-04-2009, 09:34 AM
باركولي صرت خاله جابت اختي بنوته تشبه القمر مشالله .. جمال مو طبيعي الحمدلله .. تعبت من الصبح وانا بالمستشفى توني رديت

ألف ألف مبروك المولودة
تتربى بعزكم .. و الله يسعدها ,,

الفيلسوفة
06-04-2009, 10:48 AM
ألف ألف مبروك المولودة
تتربى بعزكم .. و الله يسعدها ,,

مشكور ياخوي تسلم وعساك عالقوه والله يبارك فيك وبذريتك

عبير الورد
06-04-2009, 11:41 PM
ألف مبروك يا الفيلسوفة

والحمد لله على سلامة اختج

الفيلسوفة
06-05-2009, 01:43 AM
ألف مبروك يا الفيلسوفة

والحمد لله على سلامة اختج

أهلين فيج حبوبه .. بعد قلبي والله ما اتقصرين .. الله يبارك في عمرج .. وعقبال ما نفرح

فيج آمين ..

الفيلسوفة
06-05-2009, 01:52 AM
صباح الخير على الجميع ..

ابو بدر طلبك تم ونزلت لك السياحة في استراليا .. شوف الموضوع :(182):.. وكذلك عدة دول طب وتخير بينهم ..

واذا ما اعجبك شي انطرني ترا كل يوم انزل دول جديده .. :(204):

الفيلسوفة
06-05-2009, 11:52 PM
مساء الخير عالموجودين

moalem
06-06-2009, 01:55 AM
صار لي فتره مارحت البحر واليوم عيالي بعد ما تعشوا قالوا يبا ودنا البحر

المهم وديتهم البحر ولفت انتباهي شي غريب

الناس كالعادة جالسين لكن الملفت للانتباه ان ثلاث عوايل من اللي يمي لازم بينهم واحد معاه لاب توب ولاهي عن اسرته ولا هو داري عنهم

يعني حتى بوقت الطلعه والوناسة مشغل كمبيوتر ولا انت داري عن اهلك !!

الفيلسوفة
06-06-2009, 02:01 AM
اهلين اخوي معلم ..صراحه انا ما اييد هالشي .. النت عندي له وقت معين .. ماحب يشغل جزء كبير من حياتي ..

انا افتحه بس بدوامي اذا كنت فاضيه او بس بالليل بعد ما افضى .. وتبيني ازيدك من الشعر بيت .. هذا لابتوب اختي اول ما اتخلص نفاسها بتاخذه

وعاد بسافر وماراح اتلاقيني اشبك الا بالدوام وبس لان بالبيت ما عندي لابتوب ولا تقولي اشتري لاني ماحب وجوده عندي .. ماحب يشغلني

ولا يكون جزء من حياتي

الفيلسوفة
06-06-2009, 02:03 AM
انا اتضايق ليما الناس تهد شغلها وعملها واتطنش بالدوام وامجابل النت .. امانه شنو بينفعك .. وهذا الشخص اللي طالع من اهله وهاد اعياله وامجابل النت جان قعدت بالبيت ابركلك .. ترا النت ادمان ..

الفيلسوفة
06-06-2009, 02:05 AM
اتصدق اخوي معلم انصدمت من شغله يشربونها الرجاجيل ولا عارفين عنها شي :( اذا قلت لك اكيد بتنصدم

الفيلسوفة
06-06-2009, 02:10 AM
شفت اصبع الزقارة اللي تشربونها .. اتعرف ان مصانع السجاير العالمية اتنقع لفافة الزقارة اقصد البيضا الخارجية الورقة بخمر لمدة

ثلاث شهور الى ست شهور عشان تعطي ادمان للشخص اللي يدخن ويخلي طعمه مستساغ لشربه .. هاذي معلومه قالها اخصائي

مكافحة التدخين .. قال هذول الناس اللي تشربها ما يعرفون انهم ناس يذنبون بشربها لانها تحوي على خمر لا حول ولا قوه الا بالله

الفيلسوفة
06-06-2009, 02:15 AM
والمصيبه ان في هالزقارة 500 مادة مسرطنة وكيماوية من منظفات واوساخ وقذارة .. عندنا بحث بالجامعة سووه الدكاترة بمجلتنا

لو تقرا بس عن محتويات الزقارة جان قلت مستحيييييييييييل يا ويلي على نفسي .. الله يعين بس .. الله يهدي شبابنا يروحون

للمرض الخبيث بارجولهم .. ليش جذي يقتلون نفسهم .. هالنفس امانه من ربك حافظ عليها ..

والداهيه الاكبر ان اصبع الزقارة صارت من كل لون .. احمر واصفر وازرق عشان يشوقون البنات بشربها .. وفيها نكهات .. فراولة ومانجا

عشان ليما تشرب البنت او الولد ما يجكونهم اهلهم .. هذا كلام الدكتور وما خفي اعظم ..

الفيلسوفة
06-06-2009, 02:19 AM
في داعية من رجال الدين بإذاعة القرآن الكريم قال اي ابو يشرب الزقاير لابد يكون في ذريته او عياله ولد او بنت تشرب .. عقاب له من رب العالمين ..

هاذي دعوه من الفيلسوفة اي احد من شباب المنتدى يشرب الزقاير ان يبتدي يتخلص منها رضى لرب العالمين
اول ورسوله الكريم عندما قال في حديثه الشريف لا ضرر ولا ضرار

ولصحته ولنفسه واعياله .. :)

الفيلسوفة
06-06-2009, 02:26 AM
اخوي معلم ماراح اتسافر هالصيف ؟

ابو بدر
06-06-2009, 02:40 AM
صبا ح الخير على الموجودين

شخباركم

الفيلسوفة
06-06-2009, 02:43 AM
صباح النور والنوير اخوي بو بدر حياك الله انا تمام وبخير .. اشحالك

الفيلسوفة
06-06-2009, 02:45 AM
حسافه ما قدرت اروح الخبر لان اخوي يدرس بالرياض عنده امتحانات وقالي ليما ارد اوديج

ابو بدر
06-06-2009, 02:49 AM
يا هلا وغلا الفيلسوفة

اليوم مسوية حمله عن التدخين ..

الفيلسوفة
06-06-2009, 02:51 AM
اي والله .. شنسوي بعد من كثر ما تعقدت ..

وربك عاد والله ماداني اقعد اجابل شخص يدخن .. سبحان الله نفسي تتقزز منه .. جذي اكره كل من يشرب زقاره

الفيلسوفة
06-06-2009, 02:52 AM
بو بدر اعجبوك صور استراليا .. او بتغير الوجهه والله انصحك بالمالديف ياخي شي عجيييب صج جنة الارض روعه

ابو بدر
06-06-2009, 02:53 AM
هذا معناه
أن أهلج ما يشربونها .. ولله الحمد
عشان جذيه أنت مو متعوده

ابو بدر
06-06-2009, 02:56 AM
مشكووووورة
على الصور

قبل سنتين كنت راح أسافر للماديف
بس جزر المالديف محتاجه لخوي وجو معين

أما أستراليا قبل سنتين كنت فعلا راح أسافر لها
وفعلا سويت الفيزا لها .. ولكن بسبب ظروف كنسلت السفره

الفيلسوفة
06-06-2009, 02:56 AM
وييييه عندي اثنينا من اخواني الله باليهم بهالزقاير بس انا وراهم .. ما يتجرؤون يشربونها بالبيت

عند ابوي ممنوع .. الله يهديهم بس .. الربع والصحبه يأثرون .. اهم يحترمون وجهة نظري عشان جذي مافي واحد منهم يشبها جدامي كلش .. الله يهديهم

ويقطعونها آمييين

الفيلسوفة
06-06-2009, 02:59 AM
مشكووووورة
على الصور

قبل سنتين كنت راح أسافر للماديف
بس جزر المالديف محتاجه لخوي وجو معين

أما أستراليا قبل سنتين كنت فعلا راح أسافر لها
وفعلا سويت الفيزا لها .. ولكن بسبب ظروف كنسلت السفره

توكل على الله واخذ ام بدر للمالديف وجددوا حياتكم .. :(190):

المالديف صح يبيلها جو معين وخاص .. ما يبيلها ربع كلش .. :(305):

ابو بدر
06-06-2009, 02:59 AM
من ناحية التدخين ..
بصراحة يؤلمني ويعصر قلبي أني أعرف وعلى يقين أن أخوي الصغير ( 16 ) يدخن السيجاره .. ولا أفعل شيئا

والسبب أخواني اللي أكبر منه ..
لأنه عاش وكبر وهو بينهم ويراهم يدخنونها
وأحيانا كثيره يطلبون منه أن يشتريها لهم !!!

الفيلسوفة
06-06-2009, 03:04 AM
اتعرف شنو اتسوي وده حق مركز مكافحة التدخين وخل الاخصائي يكلمه وانشالله يقتنع ويهدها .. ترا انت مسؤول عنه .. لا تهمله

ترا الرقابة ومتابعة الصحبه امر مطلوب منك .. كلكم راع وكلكم مسؤول عن رعيته .. ترا التدخين باب يجر وراه مصايب واجد .. واللي يدخن ترا نفسه

ضعيفه جدام الغلط .. الله يهديه يارب

الفيلسوفة
06-06-2009, 03:08 AM
يقولك اصعب سن اللي يدخن وعمره 15 سنه وبعدها واللي يدخن وعمره 30 وبعدها هذول ناس من الصعب يهدونها لانهم ادمنوا عليها وصارت بدمهم

لا تقولي انا احسن من غيري اشرب بس وحده والا ثنتين باليوم او بالاسبوع .. الزقارة وحده وضررها واحد .. والله يعين بس

ابو بدر
06-06-2009, 03:10 AM
للأسف !!!
مع أنه كان تربيتي !
لا ولو تشوفين جسمه كأنه عايش في أفريقيا .. ضعيييف ,,,
الله يهديه يااارب
أنا الظروف منعتني من الأهتمام به
ومع هذا أشوف أني مقصر كثير معاه ..
بصراحة ضميري يؤنبني تجاهه

ابو بدر
06-06-2009, 03:14 AM
أفكر في العطله أني أرجع العلاقة معاه
والله يهديه
وخاصة هو الان في سن المراهقة !
يعني أصعب مراحل العمر .. ومنه تتشكل وتتحدد الشخصة

الفيلسوفة
06-06-2009, 03:15 AM
يلا الباب مفتوح جدامك .. تو الناس اخذه واطلع معاه وخل جذي يوم بالاسبوع خصصه له وسولف معاه باللي يحبه وخلك اقريب منه

واسأله عن احواله وربعه .. ونشالله راح يقرب منك اكثر ويسمع كلامك ..

انا والله عندي شخص غالي على قلبي حيل اتمنى يهد الزقارة يارب .. قبل كنت ارقب احواله الحين صارت ظروف يارب الله يهديه ويهد الزقارة

الفيلسوفة
06-06-2009, 03:16 AM
ايوا خير ما تعمل ..

الفيلسوفة
06-06-2009, 03:17 AM
سفري لمصر اول شهر 7 وناااااسه

الفيلسوفة
06-06-2009, 03:18 AM
بروح بقعد شهر اهناك الللللللله

ابو بدر
06-06-2009, 03:20 AM
إن شاء الله
الله يسمع منج

moalem
06-06-2009, 03:22 AM
والله ما ادري اسافر او لا لما الحين مو مقرر شي

الفيلسوفة
06-06-2009, 03:22 AM
بنشتري شقة جديدة مطلة عالنيل سيدا هالصيف مليت من المعادي

ابو بدر
06-06-2009, 03:23 AM
الله يسعدك يا رب

وبصراحة الكويت ما ينقعد فيها في الصيف
الجو سيء والاماكن فاضية .. يجييييك شعور بالوحشه ,,

الفيلسوفة
06-06-2009, 03:23 AM
يلا سافروا وغيرو جو ترجعون بنشاط وحيوية لو اسبوع .. انتوا المدرسين يبيلكم استجمام عشان تسترجعون طاقتكم

ابو بدر
06-06-2009, 03:24 AM
شخبارك أخوي خالد
إن شاء الله بخير

الفيلسوفة
06-06-2009, 03:26 AM
فعلا كلامك صحيح .. وبعدين صراحه الانسان وده ياخذ ريلاكس يقعد مع نفسك اشوي يعيد حساباته .. اتغير الناس اللي تشوفهم كل يوم :)

.. وناسه السفر

الفيلسوفة
06-06-2009, 03:27 AM
صلاة الفجر .. وراي قومة الصبح مع الوالدة يلا تصبحون على خير

ابو بدر
06-06-2009, 03:29 AM
أنا أحب السفر كثير
وشكلي راح أسافر هذه الصيفية
إن شاء الله ما يكون هناك مانع

moalem
06-06-2009, 03:30 AM
شخبارك أخوي خالد
إن شاء الله بخير

ابشرك بخير والحمدلله

ننطر هالدوامات تخلص


الروتين الممل متعب


انت بشرني عنك


وهل في بالك نرد الدردشه القديمة بالموقع

ابو بدر
06-06-2009, 03:31 AM
صحيح .. وقت الصلاة
أنا في الجاخور ومافيه مسجد
جزاج الله خير

مع السلامة

ابو بدر
06-06-2009, 03:34 AM
ابشرك بخير والحمدلله

ننطر هالدوامات تخلص


الروتين الممل متعب


انت بشرني عنك


وهل في بالك نرد الدردشه القديمة بالموقع

يا هلا أخوي خالد
إيه والله لو تردون الدردشة يكون أحسن
الدردشة تخلي التواصل أكثر حرية وخصوصية
المواضيع المكتوبة تكون مقيدة أحيانا ولا تحتمل الكلام المسترسل

همس الرووح
06-06-2009, 01:19 PM
السلام عليكم هلا بالكل والجميع



وينكم اسمع صدى صوت همس :haha1:


يالله فتكوا بعافية :(311):

الفيلسوفة
06-07-2009, 01:24 AM
اليوم قعدت اراجع الابحاث اللي راح تنزل بمجلتي شهر 7 ومن بين الابحاث بحث تاريخي جدا روعه ومشوق وموثق علمي

عن النزاع القبلي في منطقة الاحساء من قبيلتي العجمان وبني هاجر وصراعهم ضد النفوذ البريطاني القديم .. معلومات اول مرة اعرفها

والادهى انا هالقبيلتين كان بينهم صراع وحروب وبعدها اتجهوا توجه آخر ضد المستعمر ..

الفيلسوفة
06-07-2009, 01:34 AM
يلا تصبحون على خير وراي دوام :)

IBRAHIMFAHAD
06-07-2009, 09:03 AM
اليوم قعدت اراجع الابحاث اللي راح تنزل بمجلتي شهر 7 ومن بين الابحاث بحث تاريخي جدا روعه ومشوق وموثق علمي

عن النزاع القبلي في منطقة الاحساء من قبيلتي العجمان وبني هاجر وصراعهم ضد النفوذ البريطاني القديم .. معلومات اول مرة اعرفها

والادهى انا هالقبيلتين كان بينهم صراع وحروب وبعدها اتجهوا توجه آخر ضد المستعمر ..


صباح الخير أختي الفيلسوفة في البداية أشكر لك المبادرة بإطلاق ( ديوانية المنتدى ) والتي تحقق التواصل المباشر بين أعضاء المنتدى وتبادل الأراء فيما بينهم فلك الشكر الجزيل هل هذه المبادرة .

كما أنني ارجوا من الله تعالى أن ييسر عليك إكمال دراستك العليا وترتحين من همها ومن ووجع الرأس وتتفرغين لدراستك وأبحاثك بالدرجة الأولى وثانياً لتتحفين هذه الشبكة وأعضائها ( كما هي عادتك ) بكل مميز وفريد مما في جعبتك.

أختي الفيلسوفة ذكرت بأن لديك مجلة تصدرينها ..... فهل هذه المجلة إلكترونية أو ورقية ؟ وهل في الإمكان الإطلاع عليها ؟ وكيف ذلك ؟

بإنتظار ردك .... تحياتي الخالصة لك .

الفيلسوفة
06-07-2009, 09:16 AM
صباح الخير أختي الفيلسوفة في البداية أشكر لك المبادرة بإطلاق ( ديوانية المنتدى ) والتي تحقق التواصل المباشر بين أعضاء المنتدى وتبادل الأراء فيما بينهم فلك الشكر الجزيل هل هذه المبادرة .

كما أنني ارجوا من الله تعالى أن ييسر عليك إكمال دراستك العليا وترتحين من همها ومن ووجع الرأس وتتفرغين لدراستك وأبحاثك بالدرجة الأولى وثانياً لتتحفين هذه الشبكة وأعضائها ( كما هي عادتك ) بكل مميز وفريد مما في جعبتك.

أختي الفيلسوفة ذكرت بأن لديك مجلة تصدرينها ..... فهل هذه المجلة إلكترونية أو ورقية ؟ وهل في الإمكان الإطلاع عليها ؟ وكيف ذلك ؟

بإنتظار ردك .... تحياتي الخالصة لك .

اهلا وسهلا بك أخي الكريم .. صباح الورد .. شكرا على هذا الاطراء والديوانيه هذه لكم

لتجمعنا على الخير أسرة واحده فلا شكر على واجب ..

شاكرة لك اخي الكريم هذه الدعوه ولك مثلها .. سدد الله خطاك ووفقك لما يحبه ويرضاه ..

نحن هيئة متكاملة في جامعة الكويت نصدر أبحاث في جميع الاختصاصات وشتى فروع العلم ومجالات المعرفة من

مختصين داخل دولة الكويت وخارجها ..

هذا هو الويب سايد الخاص بالأبحاث ..

http://pubcouncil.kuniv.edu.kw/

IBRAHIMFAHAD
06-07-2009, 10:56 AM
موقع متميز بحق .

شكراً لك على سرعة التجاوب .

الفيلسوفة
06-07-2009, 11:07 AM
موقع متميز بحق .

شكراً لك على سرعة التجاوب .

حياك الله ..

IBRAHIMFAHAD
06-07-2009, 11:26 AM
أما قول أن الفلسفة هي أم العلوم كلها - ففيها قولان - فالعلوم منها النظري والعملي وهما يقومان على مبادئ ونظريات ثابتة في معظمها ومن هذه المبادئ والنظريات تتطور هذه العلوم .

أم الفلسفة وما تتناوله فمنذ قديم الزمان وحتى الآن كانت محل خلاف حتي بين الفلاسفة أنفسهم . حتى فيما يسمى بفلسفة العلوم . وأنا الآن أكتب هذا الرد وبين يدي كتاب يتكلم عن فلسفة الرياضيات حاولت قرأته سابقاً فضلاً عن إستيعابه ولكن لم أستسغه وقد اطلعت قبل ذلك على كتابي ( تهافت الفلاسفة ) و ( تهافت التهافت ) محاولا القراءة ولم تنجح محاولاتي . لعل إرتباطي بالتخصص العلمي في مجال تدريس الرياضيات تعلماً وتعليماً بعد ذلك ولا زلت , له علاقة مباشرة بعدم تقبلي للفلسفة وما تخوض فيه .

أولاً وأخيراً هو رأي شخصي لي يحتمل الخطأ بدرجة كبيرة . أما عن أم العلوم فلا أعتقد بأن للعلوم أم فكل فروع العلوم تخدم بعضها البعض ... مع اني سمعت بعض من يقول بأن أم العلوم ( العلمية ) هي الرياضيات .... تبين الصراحة يأختي في هذا الزمن كل واحد يمدح سوقه ... حتى هواية جمع الطوابع يقولون عنها ( ملكة الهوايات وهواية الملوك ) .

أختي الكريمة صدرك وسيع وودي من باب المداعبة لاغيررررررر أضيق صدرك بكم سؤال إستفزازي ؟؟؟؟؟؟

أحياناً نقول عن شخص ما - فلان فيلسوف - فهل حنا نقول العبارة هذي على سبيل المدح ولا الذم له ؟

التقدم التكنلوجي اللي حنا عايشين فيه هو من نواتج الفلسفة ولا الرياضيات مثلاً ( أبا أمدح سوقي ) ؟

عيالنا نبي نربيهم أحسن تربية ونحاورهم بأفضل أساليب الحوار ... تتوقعين نستخدم معهم الفلسفة ؟ وإذا إستخدمنا معهم طرق الفلسفة وشي النتيجة المتوقعة ؟

ما هو موقف الأديان السماوية من الفلاسفة ومن المواضيع إلي كانوا يطرحونها ؟


تحياتي لك ..... وسامحينا على شين النفس ..... ايه معلم رياضيات ما عنده لعب 1 + 1 = 2 .... الله يعينه على نفسه .

الفيلسوفة
06-07-2009, 11:27 AM
اوكي شكرا لك .. انشالله برد عليك بس عندي جم شغله مطلوبه مني من المدير

الفيلسوفة
06-07-2009, 12:41 PM
أما قول أن الفلسفة هي أم العلوم كلها - ففيها قولان - فالعلوم منها النظري والعملي وهما يقومان على مبادئ ونظريات ثابتة في معظمها ومن هذه المبادئ والنظريات تتطور هذه العلوم .

اخوي الكريم القول بأن الفلسفة أم العلوم فهو قول رجع الى أن الفلسفة تتناول في محتواها جميع العلوم
نحن في دراستنا للفلسفة .. ندرس الطبيعة .. الرياضيات ( المنطق الرياضي الرمزي ) .. الفن .. اللغة .. الجمال ..
الأخلاق .. التربية .. السلوك البشري .. المادة والماهية .. أصول الأشياء .. المعرفة .. كل العلوم بشتى مجالاتها لابد أن تدخل فيها الفلسفة ..
فهي فلسفة عقل أولا واخيرا .. تبحث في كل شي ..
الآن عندما يدرس أي شخص أي مادة في الدراسات العليا هناك فلسفة لهذه المادة .. فلسفة ادارة .. اقتصاد .. تربية
فلسفة اجتماع .. وهكذا إلخ ...
الفلسفة تدخل في جميع مناحي العلوم نظرية عقلية خالصة كانت أم تجريبية

أم الفلسفة وما تتناوله فمنذ قديم الزمان وحتى الآن كانت محل خلاف حتي بين الفلاسفة أنفسهم . حتى فيما يسمى بفلسفة العلوم . وأنا الآن أكتب هذا الرد وبين يدي كتاب يتكلم عن فلسفة الرياضيات حاولت قرأته سابقاً فضلاً عن إستيعابه ولكن لم أستسغه وقد اطلعت قبل ذلك على كتابي ( تهافت الفلاسفة ) و ( تهافت التهافت ) محاولا القراءة ولم تنجح محاولاتي . لعل إرتباطي بالتخصص العلمي في مجال تدريس الرياضيات تعلماً وتعليماً بعد ذلك ولا زلت , له علاقة مباشرة بعدم تقبلي للفلسفة وما تخوض فيه .

لاحظ أخي الكريم أن العلم في تطور مستمر .. حجج وبراهين وأدلة كل يوم في جديد .. هذا هو العلم .. وكذلك الفلسفة يأتي شخص ويضع قانون يحتمل الصح أم الخطأ ويأتي آخر ويفنده للوصول الى قوانين اعمق واشمل ..
شمولية الفلسفة أتت من هذا المنطلق .. مقدمات ومباديء تحتمل الصدق أم الظن .. كل شي يخضع للدقة والفحص للوصول الى القطع بالبرهان ..

أن عدم استساغتك للكتاب ينبع من رفض نفسك الفلسفة وكره أهلها .. افهم الفلسفة بالمعنى الصحيح لها وسوف تحبها وتستطيع قراءة كتبها وفهم محتواها ..

أخي الكريم الفلسفة كلها قائمة على النقد ليس النقد المتعارف عليه لا بل النقد العلمي الذي يهدف بنا للوصول الى
الحقائق والنتائج ..
الرياضيات ومعادلاتها ترتبط ارتباط وثيق بالفلسفة ..

أولاً وأخيراً هو رأي شخصي لي يحتمل الخطأ بدرجة كبيرة . أما عن أم العلوم فلا أعتقد بأن للعلوم أم فكل فروع العلوم تخدم بعضها البعض ... مع اني سمعت بعض من يقول بأن أم العلوم ( العلمية ) هي الرياضيات .... تبين الصراحة يأختي في هذا الزمن كل واحد يمدح سوقه ... حتى هواية جمع الطوابع يقولون عنها ( ملكة الهوايات وهواية الملوك ) .

لا والله يا أخي الفلسفة أم العلوم لأن طبيعتها تستلزم دراسة كل العلوم ولذلك هي سميت كذلك .. وكل العلوم تستلزم دراسة الفلسفة ..

أختي الكريمة صدرك وسيع وودي من باب المداعبة لاغيررررررر أضيق صدرك بكم سؤال إستفزازي ؟؟؟؟؟؟

أحياناً نقول عن شخص ما - فلان فيلسوف - فهل حنا نقول العبارة هذي على سبيل المدح ولا الذم له ؟

الفيلسوف حكيم بطبعه .. قادر على نقد ما تقدمه بحجج وبراهين كفيله بإسقاط حجتك .. ليس الهدف منها السفسطه لا بل النقد العلمي البناء للوصول للحقائق وليس الجدل العقيم الذي لا فائدة ترجى منه ..

التقدم التكنلوجي اللي حنا عايشين فيه هو من نواتج الفلسفة ولا الرياضيات مثلاً ( أبا أمدح سوقي ) ؟

كل تقدم نجده فهو نتاج العلوم كلها ..

عيالنا نبي نربيهم أحسن تربية ونحاورهم بأفضل أساليب الحوار ... تتوقعين نستخدم معهم الفلسفة ؟ وإذا إستخدمنا معهم طرق الفلسفة وشي النتيجة المتوقعة ؟

أكيد .. هناك فلسفة للتربية والحوار الهادف المثمر أخي الكريم اطلع عليها وسوف تفيدك .. النتيجة هي ان باستخدام الفلسفة تصل الى اقناع الشخص الذي أمامك بحجتك

ما هو موقف الأديان السماوية من الفلاسفة ومن المواضيع إلي كانوا يطرحونها ؟

هذا سؤال متشعب يدخل فيه كثير من المقدمات .. الفلاسفة الغرب أو المسلمين بدوا من مقدمات وصلوا فيها
إلى أن هذا الكون منظم وكل شي يسير في نظام معين متبع وهذا النظام لابد له من وجود مدبر يدبره ووهو الرب
وهكذا ..

تحياتي لك ..... وسامحينا على شين النفس ..... ايه معلم رياضيات ما عنده لعب 1 + 1 = 2 .... الله يعينه على نفسه .

بالعكس حياك الله اخوي الكريم سعدت بتواجدك كثيرا .. :)

عبير الورد
06-07-2009, 11:00 PM
السلام عليكم

موقع مجلس النشر ممتاز


الله يعطيكم العافية ..حوار ممتع


أظن التشعب في الفلسفة ممكن يؤدي للالحاد .

الفيلسوفة
06-08-2009, 12:10 AM
السلام عليكم

موقع مجلس النشر ممتاز


الله يعطيكم العافية ..حوار ممتع


أظن التشعب في الفلسفة ممكن يؤدي للالحاد .

اهلين اختي عبوره ..

لا والله التشعب بالفلسفة لا يؤدي الى الالحاد ولا شي .. يا قلبي لا تنظرين الى السطح ادخلي الى العمق .. لا

تنظري الى القشور .. فالفلسفة علم المباديء الاولى للاشياء وتبحث في أصولها ..

فالفلسفه ليست كما يشاع عنها .. المطلع ليس كما المتبحر فيها ..

لا تقولي اظن .. فليس هناك مجال للظن فنحن نسعى لليقين بتأكيد الحجج والبراهين

الفيلسوفة
06-08-2009, 12:55 AM
صبحكالله بالخير بو بدر

الفيلسوفة
06-08-2009, 12:57 AM
اتصدق احاتي انسان غالي والله ما سمعت اخباره الله يطمني انشالله عنه :(

ابو بدر
06-08-2009, 01:04 AM
صبحك الله بالنور أختي الفيلسوفة

---- الله يرد الغائب .. والغائب حجته معاه ,,

الفيلسوفة
06-08-2009, 01:14 AM
اقول بو بدر شفت حلقة المحامي مع المرشحه:(177): اللهم لا شماته

ابو بدر
06-08-2009, 01:21 AM
نعم !!
طبعا أنا أعتب _ وبنفس الوقت لا أستغرب _ على المحامي
أتوقع أنها مريضة عقليا .. وقد لا تكون كذلك
على كل حال موضوعها غير قابل للعلن
( يعني شنو الفائدة المرجوه من عرضه في الحلقه )

الفيلسوفة
06-08-2009, 01:27 AM
اي والله .. الحين اخلصت المواضيع والمآسي في الدنيا عارض مقابلتها لنا .. هي صج يمكن مريضه الله يشافيها يارب ..

تستهزأ واجد شنو خالد بن الوليد .. وجبريل .. وين قاعده .. مسكينه امصدقه نفسها ..

هو طايحلي تمصخر عيب عليك .. محامي ويطلع منك جذي .. وبالنهاية شوف زفها وقالها روحي اي دولة يمكن احد يعجب

فيج ويتزوجج .. استغفر الله .. ربنا لا تآخذنا بما فعل السفهاء منا .. الله يهديها عرضت نفسها للسخريه .. بس العتب على

هالقناة اللي ما حطت شي ينفع .. استغفر الله

ابو بدر
06-08-2009, 01:29 AM
ما شاء الله عليهم أخوانا في السعودية .. في حالة تطور مستمر ,,
http://www.youtube.com/watch?v=FI2kqt3KNxA&eurl=http%3A%2F%2Fwww%2Enationalkuwait%2Ecom%2Fvb% 2Fshowthread%2Ephp%3Ft%3D66611&feature=player_embedded

الفيلسوفة
06-08-2009, 01:33 AM
اي والله انا اشهد والخير موجود بكل ديرة ..

ابو بدر
06-08-2009, 01:34 AM
صراحة أنا بدأت أشك في مصداقية هذا المحامي
يعرض مواضيع ليس لها هدف سليم بحيث يستفيد منها الناس
كل ما يهمه فقط الظهور والبهرجه الاعلامية

--- على العموم المحامين بشكل عام يجب الحذر منهم ,,

الفيلسوفة
06-08-2009, 01:37 AM
اي والله الله يعين .. صراحه من بعد هالمقابلة طاح من عينا .. ولا وجايبلنا مقابلات اهل الحمام والمزادات .. صج مرضى

الفيلسوفة
06-08-2009, 01:38 AM
صوت البنوته الجديده وهي تبجي جنه صوت جفره اصغنونه يا حلو خشمها ..

وي وي وي .. مزعجه ودلوعه

الفيلسوفة
06-08-2009, 01:42 AM
يلا بو بدر وراي دوام تصبح على خير ..

ابو بدر
06-08-2009, 01:47 AM
وأنت من أهله

ابو بدر
06-08-2009, 01:48 AM
صوت البنوته الجديده وهي تبجي جنه صوت جفره اصغنونه يا حلو خشمها ..

وي وي وي .. مزعجه ودلوعه


الله يعينكم عليها .. ويسعدها يا رب ,,

تصبحون على خير

الفيلسوفة
06-09-2009, 12:52 AM
اتصدق احاتي انسان غالي والله ما سمعت اخباره الله يطمني انشالله عنه :(

يالله يا كريم اتطمني :(:(:(

الفيلسوفة
06-09-2009, 12:55 AM
طمني

أنسى الزعل 00 أنسى اللي راح 000
أنســى الألم 00 أنسـى الجــراح 00 طمني بس
طمنـي بـس 00 طمنــي خّلني أرتاح
طمني قول 00 صبري راح 00 طمني بس
وواعدني لو تغيب 00 عن بالك ما أغيب
وواعدني بالسـؤال لو يعني البعد طــال
وواعدنيي بكلمتين 00 مـو أكـثر كلمتين
أرضي فيهم حنين 00 عمره سنين 00 طمني بس

الفيلسوفة
06-09-2009, 11:49 AM
صباح الخير على الموجودين ...

اليوم ممل :(

الفيلسوفة
06-09-2009, 12:12 PM
ابي ديرفه :cry2: ابي ديرفه .. :(

امس رحت لسوق الاثاث وتعجبني ديرفه روعه على شكل بيضه حق غرف النوم .. امي مارضت اشتريها

:cry2: تقول شنو جاهل :(:( مابي مابي :(201): والله لرد المحل وآخذها :ah:

ابي دييييييييرفه :(309):