ديوانية دار المنتدى ... حيااااكم [الأرشيف] - الصفحة 2

الفيلسوفة

06-09-2009, 11:47 PM

مساء الخير .. الحمدلله تطنمت أخيرا .. اليوم اول ما وصلت الدوام دقيت وتطمنت يالله لك الحمد ..

سبحان الله والله ان ليما اتطمن على الناس الغاليين علي واللي احبهم واتأكد انهم بخير خلاص احس براحة وسعاده مو طبيعيه ..

والله ان هالشي اهم شي بحياتي ..

مابي شي من هالدنيا الا ان اللي اغليهم يكونون بخير وسعاده ..

الفيلسوفة

06-10-2009, 12:21 AM

مراحب بو بدر .. بشر عن الصحه وانا اختك

ابو بدر

06-10-2009, 12:26 AM

يا هلا وغلا الفيلسوفة
شخبارج إن شاء الله بخير

الفيلسوفة

06-10-2009, 12:27 AM

انا زينه :(

ابو بدر

06-10-2009, 12:30 AM

انا زينه :(

جذيه زينه !!!:(294):
عسى ما شر ؟!
كل هذا عشان الديرفه !!!
ههههههههههههههههه

الفيلسوفة

06-10-2009, 12:32 AM

جذيه زينه !!!:(294):
عسى ما شر ؟!
كل هذا عشان الديرفه !!!
ههههههههههههههههه

اي اي اي :(

الفيلسوفة

06-10-2009, 12:38 AM

ابشرك اليوم العصافير يسلمون عليك .. حطيت لهم صمون وقاموا ياكلون ومستانسين عالآخر

ابو بدر

06-10-2009, 12:40 AM

ما لقيت صور للديرفه

دبري نفسج بهذه اللعبه ..
http://www.abunawaf.com/filesplus/2007-07/item-2sFyVuP7om.jpg

الفيلسوفة

06-10-2009, 12:42 AM

هههههههههه مابي هديتك مو حلوه مليت من ركوب القاري

ابو بدر

06-10-2009, 12:43 AM

ابشرك اليوم العصافير يسلمون عليك .. حطيت لهم صمون وقاموا ياكلون ومستانسين عالآخر

الله يسلمهم يا رب ..

أمانه لا تنسين الماي .. صيفنا حاااار ,,

الفيلسوفة

06-10-2009, 12:44 AM

لا اتحاتي كل شي ماشي تمام مثل الساعه

الفيلسوفة

06-10-2009, 12:47 AM

اليوم الوالد زفاني :(

الفيلسوفة

06-10-2009, 12:51 AM

اقوله ليش تزفني يقول جذي استانس اشوفج مزفوفه

تخيل قاعده احفظه القرآن وكل آيه يقولها وراي يضحك مو راضي يسكت واذا شافني عصبت قال خلاص خلاص كملي ويرد يضحك

ابو بدر

06-10-2009, 12:52 AM

اليوم الوالد زفاني :(

صج !! عسى ما شر ؟!
شمسويه ؟

...............................

محشش دق ع الخطوط يحجز قاله الموظف: ذهاب وإياب ؟؟
قال: لا .. خروج مغلوب ...

:(272):

الفيلسوفة

06-10-2009, 12:54 AM

صج !! عسى ما شر ؟!
شمسويه ؟

ما سويت شي ياربي يعجبهم شكلي وانا مزفوفه
...............................

محشش دق ع الخطوط يحجز قاله الموظف: ذهاب وإياب ؟؟
قال: لا .. خروج مغلوب ...

:(272):

ههههههههههههههههههههههههههههههههه

الفيلسوفة

06-10-2009, 12:57 AM

بعد بعد ابي نكته

الفيلسوفة

06-10-2009, 12:58 AM

في عمارة لها شامه ليييييييييييش

عبد قاعد يطل من الدريشه

:)

ابو بدر

06-10-2009, 12:59 AM

بحث علمي استغرق عاماً من العمل الدؤوب أميط اللثام في أطرف نكتة في العالم. ففي مشروع وصف بأنه أكبر دراسة علمية عن الدعابة سألت الرابطة البريطانية لتطوير العلوم مستخدمي الانترنت حول العالم ان يبعثوا بنكاتهم المفضلة وان يرتبوا النكات التي يبعث بها الآخرون حسب درجة طرافتها.http://forum.moalem.net/file/2009/06/43.gif

وأوصل الى الرابطة أكثر من 40 ألف نكتة من سبعين دولة وأكثر من مليوني تعليق وفازت النكتة التالية: "كان صيادان في الغابة ووقع أحدهما فاقداً للوعي وتوقف تنفسه وجحظت عيناه. فاتصل زميله بالنجدة وقال لاهثاً للموظف الذي رد عليه: صديقي مات ماذا يمكنني أن أفعل". ورد عليه الموظف في هدوء: "فلتهدأ... أولاً تأكد أنه مات بالفعل". وساد الصمت للحظة ثم صوت طلقة قبل أن يعود الصياد الى هاتفه ليقول: "الآن تأكد موته... ماذا أفعل الآن". ووجد الباحثون فروقاً ملحوظة بين الدول في أنواع النكات التي يجدونها مضحكة.
http://forum.moalem.net/file/2009/06/44.gif
فالناس في بريطانيا وجمهورية ايرلندا واستراليا ونيوزيلندا يفضلون النكات التي تشمل اللعب على الألفاظ بينما يفضل الأميركيون والكنديون النكات التي يبدو أبطالها أ***اء. أما في أوروبا فيفضل الكثير من الناس النكات ذات الطابع الذهني.

الفيلسوفة

06-10-2009, 01:02 AM

بااااااااااااايخه

ابو بدر

06-10-2009, 01:02 AM

مرة ثلاثة صقور يتراهنوا على ألي يصيد أحسن فريسة فراح الصقر الاول ورجع على منقاره دم قليل وقالهم شايفين الشجرة ألي هناك قالوله أه قالهم أصطد من عندها أرنب راح الثاني ورجع على منقاره دم كثير وقالهم شيفين الصخرة ألي هناك قالوله أه قالهم أنا أصطد من عندها غزالة راح الثالث ورجع كله دم و قالهم شايفين العمود ألي هناك قالوله أه قالهم أنا مشفتوش

ابو بدر

06-10-2009, 01:04 AM

بااااااااااااايخه

بحث علمي !!!!!!
أكيد راح تكون النكته المختاره بايخه
ههههههههههههههههههههههه

الفيلسوفة

06-10-2009, 01:05 AM

هههههههههههههههههههههههه حلللللللللللوه الظاهر احول

الفيلسوفة

06-10-2009, 01:07 AM

بما اني بعد جم اسبوع بروح مصر بعطيك جم نكته مصريه هههههههه

الفيلسوفة

06-10-2009, 01:09 AM

مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

ابو بدر

06-10-2009, 01:10 AM

بما اني بعد جم اسبوع بروح مصر بعطيك جم نكته مصريه هههههههه

ههههههههههههههههه
يالله قولي ...
عاااد شعب مصر .. أهل النكت ,,,

الفيلسوفة

06-10-2009, 01:14 AM

الفيلسوفة

06-10-2009, 01:16 AM

ابو بدر

06-10-2009, 01:18 AM

واحد *** عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصل الى ميه وتسعة وتسعين ...كبس عليه النوم … قام جري غسل وشه ورجع للسرير يكمل العد

يعني .. :)

.........

http://forum.moalem.net/file/2009/06/45.gifhttp://forum.moalem.net/file/2009/06/45.gifمحشش قالوا له في الصين كل دقيقه ينولد واحد
قال العن ابو التطور مهوب حنا كل 9 أشهر!! http://forum.moalem.net/file/2009/06/46.gif

الفيلسوفة

06-10-2009, 01:19 AM

انشالله اعجبوك

الفيلسوفة

06-10-2009, 01:20 AM

هههههههههههههههههههههه

ابو بدر

06-10-2009, 01:20 AM

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

ههههههههههه

ههههههههههههههههههههه حلوه :d

محشش ابوه مااات يوم غسلوه قالوله عط الرجال 50 ريال قال والله لو انه لكزس

الفيلسوفة

06-10-2009, 01:21 AM

هههههههههههه الله يقطع سوالفك

الفيلسوفة

06-10-2009, 01:23 AM

ورااااااااااااي دوااااااااااااام تصبح على خير بو بدر

ابو بدر

06-10-2009, 01:25 AM

ورااااااااااااي دوااااااااااااام تصبح على خير بو بدر

وأنت من أهله :)

كان في واحد محشش شرى سيارة جديدة كان يبغى يطلع في الليل يتفاخر فيها قدام الناس فطلع ركب السيارة فوجد الطبلون والدركسون مسروقين راح اتصل على الشرطة قلهم الحقوني انسرق الطبلون والدركسون قالولوا جين بسرعة وبعد شوي اتصل على الشرطة مرة ثانية قالهم معاليش شباب أنا كنت راكب في المقعدة إلي وره :(174):

الفيلسوفة

06-10-2009, 08:40 AM

امبيه اشفيني اليوم .. رحت الدوام وكل من شافني من رفيجاتي قالوا اشفيج عسى ما شر !!

قلت مافيني شي قالوا بلى اعيونج حزينه اليوم .. قلت مادري .. يمكن ..والله ماكو شي .. عادي

رحت الحمام قعدت اطالع اعيوني بالمراية حمرت ونزلت جم دمعه فجأه جذي .. مادري اشفيني اليوم

الظاهر صايره حساسه ..

الفيلسوفة

06-11-2009, 10:15 AM

صباح الخير كويتيه ومعلم .. اشلونكم انشالله بخير :)

الفيلسوفة

06-11-2009, 10:28 AM

هااا اشلونكم يا معلمين مع موسم الامتحانات ... الله يعينكم

مع اني مالي شغل فيكم ولا بمهنتكم بتاتا .. بس وضع الامتحانات امأثر علي ..

كل ما قول لبابيتو بطلع قال مافي اخوانج امتحانات :z060: ... مليييييييت :(223): والطلعه مع خواتي مو شي :(203):

مع اخواني احلى طعم :(272):

يارب متى متى اتخلص هالامتحانات وافتك منها :(280): ابي اغير جو :(233):

الفيلسوفة

06-11-2009, 10:42 AM

يا ما حلا الفنجال مع سيحة البال ... في مجلسن مافيه نفس ثقيله

هذا ولد عم وهذا ولد خال ... وهذا رفيقن ما لقينا مثيله

صح لسان الشاعر راكان بن حثيلين العجمي

عزالله انك صاج .. يا زين المجلس اللي مافيه نفس رديه

الفيلسوفة

06-11-2009, 11:16 AM

شموووووووووس قوه امبيه انتي شمس اشلونج حبيبتي عاش من شافج

كويتية

06-13-2009, 03:40 PM

كويتية

06-13-2009, 03:42 PM

وشمس سلامة الاسفااار رديتي والا بعد ؟

الفيلسوفة

06-13-2009, 11:33 PM

اخونا وادي المسك صارله اسبوع ما شفناه عسى المانع خير يارب

الفيلسوفة

06-14-2009, 08:24 AM

يا هلا ومرحبا اختي الفيلسوفة

على البجي تحوشنا لحظات من خلانا وبالنا نبجي جذي من غير سبب :)

واااي ع التصحيح مقعدينا في صف وعلى طاولات الابتدائي نصف قوس ويا كراسي جلد >> يعني راحمينا شوي

والله قمت تقولين عجوز مكسرة عظيماتها لابارك الله في هالطاولات

اهلين فيج حبيبتي .. صح كلامج .. بس انا فيني طبع ماحب احد يسألني اذا كنت متضايقه او حزينه .. لان بسرعه

من احد يسألني ما اقضب ادموعي سيدا تنزل واشاهق جني جاهل .. مادري اشفيني صايره حساسه :(

الحمدلله اني ما دخلت سلك التدريس .. الله يعينكم يارب .. والله لو منج اشتري راحتي واجيبلي غنفه طواليه

وانسدح عليها واصحح بهالامتحانات .. عاد اتعرفين الفيلسوفة ألزم ما عليها راحتها ..

عبير الورد

06-14-2009, 08:26 PM

الحمدلله اني ما دخلت سلك التدريس .. الله يعينكم يارب .. والله لو منج اشتري راحتي واجيبلي غنفه طواليه

وانسدح عليها واصحح بهالامتحانات .. عاد اتعرفين الفيلسوفة ألزم ما عليها راحتها ..

خوووش فكرة :)

عشان نلقى نفسنا بالشارع مطرودين.

كويتية

06-14-2009, 11:10 PM

هلا الفيلسوفة

والله سالفة الغنفة لا بأس فيها لكن مافي مكان بالصف :) لها

الحمدلله خلصنا اليوم اختبارنا الثاني وبجذي خلصناااااااااا لكن برضوا حنداوم هالأسبوع والأسبوع القادم

كويتية

06-14-2009, 11:13 PM

وعلى طاري البجي أمس لما كتبت لج الرد كنت عند اهلي دخلت غرفة اختي وألاقي مجلة فيها موضوع عن البكاء :)

يقولج سبحان الله البكاء والدموع تساعد في تخفيف الضغوط النفسية والعصبية

وكذلك إخراج السموم من الجسم :)

ويجلب البكاء الراحة النفسية بعد الانتهاء منه

لكن مشكلة المراة لما تتعرض لأي موقف قوي يرتخي الحبل الشوكي في ظهرها فدنها بجية بسرعة

الفيلسوفة

06-15-2009, 07:28 AM

خوووش فكرة :)

عشان نلقى نفسنا بالشارع مطرودين.

الله يعينكم يارب :)

الفيلسوفة

06-15-2009, 07:31 AM

هلا الفيلسوفة

والله سالفة الغنفة لا بأس فيها لكن مافي مكان بالصف :) لها

الحمدلله خلصنا اليوم اختبارنا الثاني وبجذي خلصناااااااااا لكن برضوا حنداوم هالأسبوع والأسبوع القادم

يالله هانت ماعاد بقى شيء وتعطلون .. يا حظكم .. انا كلها 35 يوم بس خاشتهم لرمضان اجازه :(175):

كويتية

06-15-2009, 08:44 AM

السلام عليكم ورحمة الله وبركاته

صباح الخير والخيرات أختي الفيلسوفة

يالله أحنا حنداوم نص رمضان ونصه حنحس بأجواء رمضاااااااااااااان

مايندرى عن بنت الحمود شنو ناوية لنا !!

الفيلسوفة

06-15-2009, 08:50 AM

السلام عليكم ورحمة الله وبركاته

صباح الخير والخيرات أختي الفيلسوفة

يالله أحنا حنداوم نص رمضان ونصه حنحس بأجواء رمضاااااااااااااان

مايندرى عن بنت الحمود شنو ناوية لنا !!

صباح الورد .. ياريتها امكمله رمضان عطله عاد اهم شي العشر الأواخر شالفايده دوام بآخر رمضان دنيا مقلوبه

كويتية

06-15-2009, 08:59 AM

ما تدرين يمكن هالدكتورة تأجل موعد رمضان رحمة بنا من لواهيب الصيف !!

يصير يصير كل شيء بوزارة التربية لا تستغربين

الفيلسوفة

06-15-2009, 09:05 AM

صج ! الله يعينكم ..

بتسافرين هالصيف ان شاء الله ؟

كويتية

06-15-2009, 09:11 AM

والله مدري لغاية الآن

ويا انفلونزا الخنازير اللي اصبح وباء عالمي الله يستر منه

الفيلسوفة

06-15-2009, 09:14 AM

عاد اتصدقين بنت عمي اهناك اهي وزوجها في باريس تقول انتوا امهولين الموضوع زياده عن اللزوم تقول عندهم الوضع اهناك طبيعي وماكو شي

انا ما بقى على سفرتي الا اسبوعين وامشي .. صراحه الواحد وده يغير جو لاني ملوله بطبعي واحب السفر ..

كويتية

06-15-2009, 09:17 AM

السفر له فوائد كثيرة >> علشان جذي كان موضوع التعبير للامتحان النهائي لتلميذاتنا عن السفر

والله أنا أحاتي عيالي في المقام الأول أخاف عليهم علشان جذي ودي بديرة ما يكون فيها حالات كثيرة مكتشفة

الفيلسوفة

06-15-2009, 09:22 AM

صح .. عندج ماليزيا روعه ولها جو عائلي .. هم بعد مصر عشان انشوفج اهناك :)

كويتية

06-15-2009, 09:45 AM

هلا . . .

ماليزيا من ضمن الخطة . . .وربي يسهل امورنا نبي لو اسبوعين بس نغيير جو

مصر حر ما احب الحر :( لكن ماتدرين يمكن نتلاقى

الفيلسوفة

06-15-2009, 09:47 AM

بالعكس مصر مو حاره جوها روعه الللللللله يا حلاة النيل ... مركب وقت الفجر هوا يرد الروح

صح يمكن نتلاقى رب صدفة خير من ألف ميعاد

الفيلسوفة

06-15-2009, 09:50 AM

امس عاد العب البنوته الصغنونه سميناها ليلى على جدتها اسم أم زوج اختي .. عاد تخيلي عاد اقولها شعر

الليل يا ليلى يعاتبني .. واهي تخزني وتضحك وغمازاتها بارزه .. يا حلاتها عمرها اسبوعين

كويتية

06-15-2009, 10:25 AM

الله يخليها لكم يارب

لي كبرت ليلى ما تجوز لها هالابيات تبي نمونة شاطر شاطر

moalem

06-15-2009, 10:05 PM

للمتزوجين

ارسل لي احد الزملاء نموذج طلب ويشرح نفسه

عبير الورد

06-15-2009, 10:58 PM

السلام عليكم

متى يخلص التصحييييييييييييييييييح:cry2:

moalem

06-15-2009, 11:13 PM

السلام عليكم

متى يخلص التصحييييييييييييييييييح:cry2:

اعتقد اذا انتهت الامتحانات :)

الفيلسوفة

06-15-2009, 11:27 PM

ما فهمت يعني شنو نموذج طلب للمتزوجين !? .. احم احم يعني طرده

الفيلسوفة

06-15-2009, 11:35 PM

عبور الله يعينج يا قلبي يلا هانت .. اليوم الوكيلة داقه على ابوي اتبشره بنجاح حمني اخوي آخر العنقود في المواد اللي خلصها وباجي مادتين وان شاء الله ينجح عشان يسافر معاي ويودع الابتدائي

عبير الورد

06-16-2009, 12:17 AM

أكيد بيخلص التصحيح مع انتهاء الاختبارات :(

لكن أبي أفضفض

مبروك يا الفيلسوفة على نجاح عبد الرحمن

كويتية

06-16-2009, 02:17 PM

هانت يا عبور هااانت لكن هالايام اللي باقية تمضي مثل طعم الحلتية ع السبد !

هلا اخوي معلم والله خوووش تصريح شي يعلم رياجيل الكويت النظام والانتظام . . .امعصي ما راح نقدر نطبقه :(

هلا الفيلسوفة مبروووووووووووك نجاح حمني ومنها للأعلى . . . والله خوش الوكيلة متصلة تبشر معاملة vip:)

الفيلسوفة

06-17-2009, 08:43 AM

ههههههههه :(185): اللللللله انت جذي :(204): اوووووه وربي خوووووش تصريح للزوج :(287): .. بس شوف اذا بنطبقها بنخليها 4 تصاريح

فقط للخروج بالشهر للاعمال الشخصيه :z039: .. أما الأعمال الرسمية فهي مفتوحة :(252): .. لقضاء حاجات الزوجة والبيت

هههههه الله الحين بسوي نسخ وبوزع حق كل اللي اعرفهم :(193): .. وجاري التطبيق .. والحكم على صلاحية الموضوع

بعد النظر في النتائج :(170): .. وما ستؤول اليه الحياة الزوجية بعد ذلك .. :(183):

الفيلسوفة

06-17-2009, 08:45 AM

أكيد بيخلص التصحيح مع انتهاء الاختبارات :(

لكن أبي أفضفض

مبروك يا الفيلسوفة على نجاح عبد الرحمن

الله يبارك فيج يا قلبي .. هانت هانت يا حلوه :(284): .. وبتعطلين من قدج ... عقبالي ياااااااارب :cry2:

الفيلسوفة

06-17-2009, 08:54 AM

هلا اخوي معلم والله خوووش تصريح شي يعلم رياجيل الكويت النظام والانتظام . . .امعصي ما راح نقدر نطبقه :(

هلا الفيلسوفة مبروووووووووووك نجاح حمني ومنها للأعلى . . . والله خوش الوكيلة متصلة تبشر معاملة vip

ليييش بنطبقه ونص ... تصريح خروووج ودخوووول بعدددد ... لا اتحاتين حبيبتي ... :victory:

الله يبارك بعمرج .. تسلمين يالغاليه :(208): .. اي بعد لازم الوكيلة والناظرة وكل الهيئة التعليمية والتدريسية .. حبيبتي هذا

حمني .. هذا الشبر من ذاك الأسد .. يوبا أمس داشة الوكيلة بنفسها وقالت حق المراقبين ديري بالكم على الولد

... عزالله انج صاجة معاملة VIP :look_down: .. بس ترا حموني يستاهل :(175): ..

الفيلسوفة

06-20-2009, 12:14 AM

اووووه اليوووووووم تعبت .. كان عندنا استقبال .. والصالة مترووووووووسه حريم .. تعبت وانا اقهوي :(309):

عاد توه اخوي الكبير قالي تعالي اقعدي يمي وقهويني :(172): .. قلت مابي مابي انا تعبانه ..... :(236):

وبعدها قهويته بس ترست الفنجال ترس عشان ما يطلب اقهوه مره ثانيه .. زفاني قالي كتيه مابيه .. :(297):

قلت شنووو عادي انت اخوي منت غريب .. اذا قعدت اقهويك اعرفك ما اتقوم لحد ما اتخلص المطارة .. :mad:

وزعل قلت يووووووه كلش ولا زعل اخوي حبيبي .. وصبيت فنجال ثاني اشوي اشوي ليما شبع وخلص :(194): :)

الفيلسوفة

06-20-2009, 12:18 AM

المنااااااااااااااافسة ضاربة مع اخواني حدها ...... مع البلي ستيشن

خلصنا الجولة الأولى من المنافسة بكرة القدم .. والساعة 1 ونص تبتدي الجولة الثانية ......... وانا حصلت

المركز الثالث ........ يارب افووووووووز عليهم .... :(183):

الفيلسوفة

06-20-2009, 12:23 AM

يااااااااا سلاااااااااام على الآيس كريم بالحررررررر دقيت على اخوي وقلت ابي برد :z037:

روعه هالبرد شي عجيييييييب ....... يمي يمي :(199):

جابلي اخوي كوووووووب مليااااااان ثلج على نكهة توت وفراولة ....... ومعاهم جيس كله برداااااات

يمي يمي ... عشان اتشجع وادخل المنافسة على المركز الأول بالبلي ستيشن كرة قدم يووووووهووووووو :(287):

يارب :(280):

الفيلسوفة

06-20-2009, 12:47 AM

ياللللللللللله ميته جووووووع ما تعشيت بروووووح اسويلي بيض طماط

الفيلسوفة

06-21-2009, 01:11 AM

بو بدر شخبارك .. طولت الغيبه

الفيلسوفة

06-21-2009, 08:06 AM

ثلاث وردات صباحية اهديهم ل :

النائب شعيب المويزري وأقوله ما قصرت وعساك عالقوة .. وهذا مو غريب عليك .. :(304):

لأختي وزوجها وأقولهم تروحون وتردون بالسلامة انشالله .. والكويت ظلمة بدونكم .. :(161):

لرفيجتي وصديقة الدرب الطفولي وأقولها مبروك الملجة وربي يتمم زواجج على خير .. بالرفاه والبنين .. والله

عوض صبرج خير .. :(315):

وبوكيه شوك ل :

الشاب اللي رمى على سيارتنا من ساعة قوطي بيبسي مليان وكسر اشوي من الجامة .. هاذي مو غريبه على

المستهترين من أمثالك .. والله يهديك :(177):

ابو بدر

06-21-2009, 09:41 AM

صباح الخير

شخبارج أختي الفيلسوفة

الفيلسوفة

06-21-2009, 09:43 AM

صباح الورد والياسمين والشهد ..

اشلونك ياخوي .. انا طيبه طاب حالك

الفيلسوفة

06-21-2009, 09:45 AM

خلاااااص يا بوبدر هالاسبوع وبعدها ماشيه .. وتبتبدي عطلتي الصيفية

ابو بدر

06-21-2009, 09:49 AM

و الله مشتاقين لسوالفكم
الامتحانات والمراقبات هم اللي لاهينا عنكم ..

ألف لا بأس .. وخطاك السو .. من الشاب المستهتر راعي القوطي :(183):

الفيلسوفة

06-21-2009, 09:54 AM

اي والله شفت اشلون قط القوطي وكسر الجامة ولا ولا همه طار مطير جدي .. ابوي عصب قال جان كتبتي

رقم سيارته عشان اوديه ورا الشمس .. قلت لا يبه خله الله يهديه

ابو بدر

06-21-2009, 09:55 AM

راح نشتاقلك يالفيلسوفة
نتمنى لج والاهل رحلة سعيدة

وان شاء الله تكون لنا فرصة السفر هذا الصيف

الفيلسوفة

06-21-2009, 09:57 AM

طافك سايقنا ,, اهو امطوع .. وساعات يأذن بمسجدنا

اول ما قط الولد القوطي قال الللللللللللله يهدي امك اللي جابتك .. امبيه مت من الضحك قلت .. قول الله يهديه شكو امه ..

الفيلسوفة

06-21-2009, 09:58 AM

تشتاقلك العافيه ياخوي .. يارب الله يسهل امورك اتسافر ..

ابو بدر

06-21-2009, 09:59 AM

المفترض ما تسامحينه
حتى يكون عبره لربعه

الفيلسوفة

06-21-2009, 10:01 AM

شسوي انا من طبعي دايمن عيني بالارض واسبح بالسياره .. ما احب التفت .. والسياره امغيمه ..

ما انتبهت الا بقوة ضربة الجام .. والمصيبه ان الضربه جايه على الجام اللي عندي .. زين ما ادخلت علي وحاشت وجهي

ابو بدر

06-21-2009, 10:06 AM

لا حول ولا قوة إلا بالله
لج الاجر يا أختي

والمسامح كريم ,,,,

لأن ممكن الولد مو متعمد !!!

ابو بدر

06-21-2009, 10:08 AM

الفيلسوفة أستأذن ..

عندي تصحيح بعد عشر دقائق

أشوفكم على خير

الفيلسوفة

06-21-2009, 10:20 AM

اشلون مو متعمد واول ما ضرب الجاي ضحك ضحكة قوية وازيدك من الشعر بيت مو اصغير .. عمره جذي بالثلاثينات .. الله يعين

سوري طولت بس كنت عند مديرتي طقيناها سوالف .. انشوفك على خير ياخوي .. الله يعينكم عالتصحيح ..

الفيلسوفة

06-21-2009, 12:41 PM

صباح الخير اخوي معلم انشالله تكون بخير .. اشلون التصحيح معاكم .. الله يعينكم

الفيلسوفة

06-21-2009, 12:46 PM

عندي لك لغز .. بس امانه عليك لا تغش جاوب سيدا اذا ماعرفت قول ماعرف ..

ليش خاتم الدبلة يلبسه الرجل والمرأة باصبع البنصر بالذات ؟

الفيلسوفة

06-21-2009, 12:53 PM

انا بجااااااااوب .. لان اصبع البنصر بالذات فيه أوردة توصل للقلب مباشرة .. عشان جذي يكون موقع الدبلة قريب من القلب مباشرة

الفيلسوفة

06-21-2009, 01:30 PM

معلومة قرأتها .. تقول ان

الزوج أو الرجل بصفة عامة اذا أعطى تفصيلا لسيدة ما في الخارج بكل جزئي أو كلي .. فهنيئا لكي يا سيدتي .. زوجكي اعيونه زايغه .. :(252):

فعلا والله أنا أؤيد هذا الكلام .. لهذلك أمر ديننا الحنيف الرجل بغض البصر ..

يلا يا حريم أي وحدة زوجها واهي طالعة معاه لأي مكان وصف مرة شنو لبسها ولونه شكلها العام جسمها أو اعطى

أي تفصيل .. اعرفي انه يطالع .. وحاسبيه عشان تكسبين أجر فيه واتخلينه يغض البصر مرة ثانيه .. :(193):

الفيلسوفة

06-22-2009, 11:36 AM

ياااااااالللللله يااااااااااااالللللللللله يا رب لك الحمد

الحمدلله عدد خلقه ورضى نفسه وزنة عرشه ومداد كلماته .. الحمدلله كما ينبغي لجلال وجهك وعظيم سلطانك

يارب العالمين

اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حال

نحمدك ونستعين بك ونستهديك ..

السر ..

ربي تقبل مني ويسر أمري واستجب دعوتي سددت كل ألتزاماتي المالية الربوية من بطاقات إئتمانية وقرض من

البنك الربوي وانتقلت لبنك اسلامي .. صدق الحق تبارك ( يمحق الله الربا ) ( فإن لم تفعلوا فأذنوا بحرب من الله

ورسوله ) لاخير في الربا محق للصحه والبركة والرزق وسبب في رد الدعاء

يا كريم اجعلني أحوز على رضاك عني يا أرحم الراحمين .. الحمدلله رب العالمين

الفيلسوفة

06-23-2009, 08:28 AM

صباح الخير اخوي بو بدر ..

هههه امس قعدت مع عمي خووووووش قعدة .. اول ما قعد قهويته وقلت عمي ممكن اناقشك بموضوع

جان يقول فلسفة زايده مابي :z060: ههههههه قلت يووووه شنو الفلسفة داخله داخله سواء شئنا أو أبينا ..

قال الله يعين عليج هههه تفضلي تفلسفي :look_down: هههههه يما منه احرجني

الفيلسوفة

06-23-2009, 08:32 AM

اخوي بو بدر بسألك .. انت ناصر اللي بمنتدى جمعية المعلمين ؟ اللي انا سميته الفيلسوف

ابو بدر

06-23-2009, 08:35 AM

صباح النور يا هلا أختي الفيلسوفة

...........................

خطوة رائعة أنتقالج لبنك إسلامي
وإن شاء الله عقبالي

الفيلسوفة

06-23-2009, 08:37 AM

صباح النور يا هلا أختي الفيلسوفة

...........................

خطوة رائعة أنتقالج لبنك إسلامي
وإن شاء الله عقبالي

اي والله صاج عقبالك انشالله

ابو بدر

06-23-2009, 08:38 AM

نعم هو أنا
وهذا معروف عند الكل

معقولة توج تعرفين !!! :smile:

الفيلسوفة

06-23-2009, 08:43 AM

نعم هو أنا
وهذا معروف عند الكل

معقولة توج تعرفين !!! :smile:

اقسم بالله توني اعرف .. اتعرف اشلون ؟

امس كنت اتعبث بمواضيع قديمه وقريت موضوع حق اختنا شمس شجرة المنتدى .. اول ما لقيتك

كاتب ناصر :(216): ... انصدمت :(312): .. مادري بس احس مواضيعك ومشاركاتك اهناك غير عن اهني .. اهناك لها طابع

تخصصي أكثر .. عشان جذي سميتك الفيلسوف :(197): ....

الفيلسوفة

06-23-2009, 08:44 AM

اتعرف اخوي ناصر ان القول اللين يغلب الحجة ولو كانت عظيمة ؟

ابو بدر

06-23-2009, 08:53 AM

صحيح
كتاباتي أو مواضيعي أختلفت
ليس بسبب المكان ولكن ممكن الزمن أثر في ذلك
إلى جانب أسباب أخرى

الفيلسوفة

06-23-2009, 08:57 AM

صحيح
كتاباتي أو مواضيعي أختلفت
ليس بسبب المكان ولكن ممكن الزمن أثر في ذلك
إلى جانب أسباب أخرى

اهاااا .. عادي عادي المهم اني اكتشفت :(298): عشان جذي لا تلومني يوم قلت لك اني انصدمت ان

تخصصك فلسفه .. لو كنت ادري انك الفيلسوف ناصر جان بصمت بالعشرة ان تخصصك فلسفه بحته :(172):

الفيلسوفة

06-23-2009, 09:01 AM

الكلام عن أن القول اللين يغلب الحجة ولو كانت عظيمة بحاجة الى أطروحة ماجستير ..

لانه يدخل في نواحي كثيرة ومنها فلسفة سياسية واسلامية وهكذا .. لو انا ماحب المنطق جان كتبت اطروحتي فيها

هذا الموضوع تكلمت فيه مع عمي ( النائب السابق في مجلس الأمة ) ودخلنا في مناحي سياسية تخلق جو حواري

حول الاستعانة بالقول اللين لدحض الحجة .. ياريت كل نواب المجلس ياخذونه جان ما صار هذا حالهم

ابو بدر

06-23-2009, 09:04 AM

اتعرف اخوي ناصر ان القول اللين يغلب الحجة ولو كانت عظيمة ؟

طبعا
المتحدث يستطيع توصيل أفكاره أو حتى حججه أفضل من المفكر
ولكن في النهاية تبقى الثقة في المفكر أقوى من المتحدث عند الآخرين

أختي الفيلسوف النت في المدرسة بطيء جدا :(290):

أشوفج في أوقات أخرى على خير :)

الفيلسوفة

06-23-2009, 09:05 AM

اوكي .. مع السلامة :)

الفيلسوفة

06-26-2009, 02:47 AM

الحمدلله فوز ولد عمي بالانتخابات ...... وناااااااااااااااااسه

والحمدلله شركة اخوي اهو الوكيل لشركة فرنسيه لمستحضرات التجميل والعطور .. يوزع على كل الشركات الكبيرة داخل الكويت

الحمدلله الشركة باسم عايلتنا ونااااااااسه

سبحان الله كان يائس جان اشجعه واوقف معاه واراجع كل التراخيص والعقود ليما صار تاجر ....

والحمدلله فتحنا مركز للورد والكوش ومسكات العروس ..

قلت لازم تعطيني عمولة ما رضى :( قال كل ما نزل مستحضر جديد لج هديه ونااااااااسه :)..

حتى انا ببتدي افتح مشروع خاص فيني انشالله :)

تشجعوا يا شباب وافتحوا مشاريع .. ترا اولها خوف وبعدها كل شيء تمام :(272):

عندي مشاريع واجد براسي

ابتدوا حياتكم العملية وراح تتوفقون بإذن الله:(204): .. وراكم فتح بيوت .. الله يعينكم

الفيلسوفة

06-26-2009, 02:50 AM

بووووووووووكره السفر الللللللللله ..... مصر اسبوعين وبعدها لندن اسبوع مع اخوي الكبير :z039:

بروح اغير جووووو

يارب تتوفق يا اخوي بو بدر واتسافر مثلي ..

ابو بدر

06-27-2009, 01:15 AM

تسافرين وتعودين لنا بالسلامة

بس لا تنسين الهدايا :smile:

إن شاء الله يارب أساااااافر

الوقت والفلوس .. كل شيء متوفر

بس الرغبة والتوجه مو واضح

راح توحشينا أختي الفاضلة الفيلسوفة ..

الفيلسوفة

07-21-2009, 10:34 AM

طبعا ماراح اعلن اغلاق الديوانية بسبب عدم وجودي بينكم لانكم اهلها وانا وانتم واحد

انشوفكم على خيررر

فمان الله :(184):

يلا مع السلااااااامه هذا آخر شيء اكتبه في هالمنتدى

الفيلسوفة

07-21-2009, 10:35 AM

تسجيل خروووووج

الفيلسوفة

09-27-2009, 11:04 AM

السلام عليكم اخواني وخواتي

ويييييييه صارلي 40 يوم ما دشيت المنتدى ... شكلي غبرت

شخباركم ان شاء الله بخير

كل عام وانتوا بخير وعسى الله يتقبل منا ومنكم صالح الاعمال انه ولي ذلك والقادر عليه

الفيلسوفة

09-27-2009, 11:07 AM

امانه امانه عليكم بعد اسبوعين بسوي عمليه طلبتكم دعواتكم اقوم بخير وصحه وتنجح العمليه واقول بالسلامه

صارلي سنتين وانا كل يوم اجل فيها ليما بديت اتعب ...... يلا دعواتكم للفيلسوفة

كلها يومين بس بالمستشفى والله يستر

لان اختكم خواااااافه درجه اولى

moalem

09-27-2009, 12:34 PM

ان شاء الله تجرينها وتقومين منها بالسلامه

ابو بدر

09-27-2009, 09:10 PM

بالسلامة أختي الفيلسوفة

وما تشوفين شر

الفيلسوفة

09-28-2009, 07:42 AM

ان شاء الله تجرينها وتقومين منها بالسلامه

الله يسمع منك ياخوي والله يسلمك
وكل عام وانت بخير وتقبل الله طاعتك

الفيلسوفة

09-28-2009, 07:43 AM

بالسلامة أختي الفيلسوفة

وما تشوفين شر

الله يسلمك بو بدر والشر ما يجيك دعواتك :(280):
وكل عام وانت بخير وتقبل الله منا ومنك صالح الاعمال

همس الرووح

09-28-2009, 08:46 PM

مساكم الله بالخير

اشلونكم ياجماعة ،،،،،

إنتوا هنا والا الكل ناااااااااااايم

الله العالم ماشوف البقية فاقدة كثير منكم

***********

الفيلسوفة

09-29-2009, 09:29 AM

اهلييين هموووس اشلونج يا قلبي لج وحشه ادري زعلانه علي :(252):

طافج مصر هالسنه شيء عجيييييب والله ودي احط لكم الصور بس عجزانه ومالي خلق

اتصدقين كنت قبل اموووت على فندق جراند حياة بس الحين من شفت فندق الفور سيزون مال الوليد بن طلال وانا اعيوني زااغت رووووووعه فوق الوصف :(308):

بس غااااااالي الاجنحة الملكية وااااااو زووووووووغه :(204):

امبيه كلش ولا حمامات الفندق خيااااااال والعشا في الاجنحة الملكية على ضوء الشموووع جو ولا اروع

تكسرت مجاديف الميزانية حدها واستعنا بالوالد :z037: حبيب قلبي الله يخليه لي :(266):

رحت ركبت تكسي :(190): زرت رفيجتي شوشو العجمي على جبال المأطم وصورت القاهرة على الجبل لان شقتهم على فوق الجبل والنيل آاااخ يا النيييل ذكريااااات

طبعا انا واخوي ما خلينا مكان نطلع من بعد صلاة العشا ما نرد الا الفجر وناااااسه لان الحياة بمصر بس بالليل

طبعا لا يخفى عليج اني من كنت بالمهاد :(248): وانا بيبي اصغنونه كل سنه اروووح مصر ليما طفحت منها
بس يختج احبهاااا

اشتغلت فيها لمدة اسبوع في صيدليه ( طبعا اهني يكمن سر احتفظ فيه لنفسي ) وحضرت افرااح ورقص الخيل في حلوان

بحاول بحاول احط لكم تقريري المصور ولو اني عارفه انكم بتشوفونه بعد عنااااااء :(209):

الفيلسوفة

09-29-2009, 10:25 AM

لا يخفى عليكم روعه السفر بالسياره للسعوديه وكانت الرحله عبارة عن 10 ايام
تجوال من القصيم الى عرعر الى حايل الى منطقة جبلة والطايف .. إلخ :(304):

والى منطقة بر كلها عشب وخبرات الماي ورملها كله لونه ترابي غامج وكله شجر بس يا كثر الشوك اللي فيه يوم كامل وانا اطلع الشوك من ارجولي مافي فايده :(201):

المواقف كثيرة ولا ننسى رفيق السفر مشروب الطاقة ريدبول وبايسون ( كلك حركات :z039: عاية المشروب وكان له مواقف مع اخوي الكبير ) اخواني ينامون بالطريج كنت اعطيهم واشرب معاهم ... طعم بايسون ملييييييق بس اتحمل

كل ما غابت الشمس وبدا الليل يظلم علينا بالسياره تبتدي سوالف الرعب :(178):... اجواء مخيفه حدها الكل نايم بالسياره الا انا واخوي .. والنذل عاد يعرف اني خوافه يبتدي يسولف سوالف يرقع لها القلب:(297): والطريج ظلمه وانا عند الباب لازقه باخوي من الخرعه وفجأة وانا مندمجه بالسالفه والا تهب علينا بمنطقة ظلم عاصفه رمليه والله ما شفنا الطريج منها والله ستر علينا مع سيارة عمامي كنا بندش في بعض :(179):

منطقة جبلة هاذي كوم والسفرة كوم ثاني صوب القصيم عند نفي كله اجبال بيضا كبيرة وجبالها من النوع الملسا يعني رحت دورت جبل سنع ملس لقيت واحد على زاويه بين اجبال كبيره واهو اصغير ومرتفع بس عالخفيف عاد انا ما صدقت صعدت فوق وقمت اتزحلق .. صار مو جبل الا زحلاقيه
شنسوي بنعيش طفولتنا :(248):

الطايف آااااخ يا حلو الطايف وحياتها وناسها ومنتزهاتها ( هذا اهم شي عند الفيلسوفة ) واسوء شي فيها هالشواذي يخرعون لي نطوا على جامة سيارتنا افتح اشوي من الدريشه بعطيهم موز ويجيني واحد من بعيد ينط على الجامه اللي عندي ومد ايده داخل يبي الجيس كله وربي لولا ستر الله بغى يغمى علي صارخت صرخه ههههه يا لهوي :(236):
يا حلوج يالطايف ويا حلو بيوت الشعر فيها عالجبل منظر عجيييب

الفيلسوفة

09-29-2009, 10:30 AM

صبحكم الله بالخير

اخوي معلم اشلونك ان شاء الله تكون بخير

اشلون الدوام معاكم

الفيلسوفة

09-29-2009, 11:15 AM

يا للعجب

الحين توني قاعده بمكتبي اشرب قهوه بالبندق مع رفيجتي واسمع صوت عصفور بقوه يغرد قلت
لرفيجتي اللللللله عصفور سمعي صوته شكله قريب والف راسي صوب الدريشه ما لقيت شي الا اطالع عند الباب لقيت عصفور ينطط عند بابي ههههه امبيه قعدت اضحك شمدخله الدوام الظاهر وحده من الموظفات فاتحه الديشه وداش العصفور داخل ...
احب العصافييييير بكل انواعها واشكالها :(208):