سؤال عاجل جزاكم الله خير

[نجمه*]

مساء الخير






السؤال الاول: هل المعلمه اللي تاخذ اجازه امومه شهرين تنزل عن الامتياز؟؟

السؤال الثاني: هل للناظره الحق في منع العرضي الاي معلمه واهي اصلا عندها العرضي كامل ماخذته؟؟


في انتظار الرد

[كويتية]

هلا أختي وحياج الله بالمنتدى

إجازة الأمومة تنزل من تقدير المعلمة إلى جيد جدا . . .

من حق المديرة أن تقبل أو ترفض العرضي . . .لأنه مشروط بموافقتها . . .

[moalma]

التقدير يعود للمديرة في كل الأحوال ...

أجازة الأمومة وخاصة أن المعلمة متميزة فلا أعتقد مدة شهرين سيؤثر على تقديرها ..

إلا إذا كانت الأجازة أطول من ذلك فقد تؤثر ...!!

أما العرضي فهو حق مكتسب وتخطئ المعلمة التي تعتقد أنه من حقها ..

أبدا
فللمديرة كامل الحرية في رفض العرضي حسب ما تراه مناسبا لمصلحة العمل ..!!

[كويتية]

لدينا 15 يوم فقط للغياب إذا تعدى ال 15 لا يحق للمعلمة أن تحصل على الامتياز

[moalma]

كويتية

وربي يا الغالية كل شي يرجع للمديرة :look_down:

[كويتية]

هلا شموسةةةةةةةةةةةة ما اعتقد لان كذا معلمة ورئيسة قسم خذوا امومة وفشي امتياز !!

شكلي بنتقل عندج وهاااه ما اوصيج مكتبي يمج

[moalem]

التقدير يعود للمديرة في كل الأحوال ...

أجازة الأمومة وخاصة أن المعلمة متميزة فلا أعتقد مدة شهرين سيؤثر على تقديرها ..

إلا إذا كانت الأجازة أطول من ذلك فقد تؤثر ...!!

أما العرضي فهو حق مكتسب وتخطئ المعلمة التي تعتقد أنه من حقها ..

أبدا
فللمديرة كامل الحرية في رفض العرضي حسب ما تراه مناسبا لمصلحة العمل ..!!

كلام شمس سليم 100% فالأمر أولاً وأخيراً بيد المديرة ولا يوجد قانون أو لائحة يحرم الموظف من تقدير امتياز بسبب أي نوع من أنواع الإجازات

[نجمه*]

اشكر ردودكم وتسلمون ماقصرتوا

بس انا عمري ماخذت اقل من امتياز معقوله تنزلني عشان امومه وهذه اول مره اخذها؟؟!!!!!!!!

انزين انا طالعة رئاسه قسم واذا الناظره ماعطتني امتياز يعني تعييني يوقف في هذه الحالة مثلا؟؟

وبعرف بعد اذا الناظره راح تنزلني من الامتياز في هالحالة يعني تناديني عشان اوقع على تقدير جيد جدا؟؟

انا للحين ماتعدى غيابي 15 يوم....... ولا خذت العرضي شنو الحل؟؟

[كويتية]

هنالك نشرة بخصوص الغياب انه يحق للموظف 15 يوم غياب مرضي ان تعدى الـ 15 ينزل تقديره

راجعوا المنطقة التعليمية وسألوهم

[moalem]

هنالك نشرة بخصوص الغياب انه يحق للموظف 15 يوم غياب مرضي ان تعدى الـ 15 ينزل تقديره

راجعوا المنطقة التعليمية وسألوهم


أنا سألت بخصوص هذا التساؤل

لا يوجد اي نشرة تخص ان الغياب بعذر يمنع صاحبة من أخذ امتياز

[moalem]

اشكر ردودكم وتسلمون ماقصرتوا

بس انا عمري ماخذت اقل من امتياز معقوله تنزلني عشان امومه وهذه اول مره اخذها؟؟!!!!!!!!

انزين انا طالعة رئاسه قسم واذا الناظره ماعطتني امتياز يعني تعييني يوقف في هذه الحالة مثلا؟؟

وبعرف بعد اذا الناظره راح تنزلني من الامتياز في هالحالة يعني تناديني عشان اوقع على تقدير جيد جدا؟؟

انا للحين ماتعدى غيابي 15 يوم....... ولا خذت العرضي شنو الحل؟؟


بالنسبة للترقي لرئيس قسم يشترط انك تكوونين حاصة اخر سنتين على امتياز فلو ما اخذتي امتياز هالسنة معناها تنطرين سنتين عشان تاخذين فيهم امتياز عشان تترقين

فشوفي لج درس نموذجي او استضيفي اي احد بالمدرس يسوي محاضرة تكونين انتي مرتبتها

يعني بالعربي سوي شي يونس مديرتك

[moalma]

المعلمة المتميزة لا يمكن أن يؤثر غيابها على تقديرها خاصة إن ثبت مصداقية غيابها الذي نتج عن ظروف قاهرة ....

وين احنا قاعدين ؟؟؟

معلمة سعودية والله أخذت ثلاث أشهر أجازة لتخليص معاملاتها في السعودية لطفلها الوليد ...وكانت متميزة
لم يؤثر هذا على تقريرها ...فهو يعود أولا وأخيرا للمديرة أو المدير ..

ثقي يا كويتية ويا زملائي الأفاضل أن ليس كل غياب يؤثر على صاحبه

بحالة واحدة فقط إذا تعدى المدة المحددة لأيام حضورها ..

فــ ستة أشهر أو أربعة أشهر قد تؤثر على درحتها ..!!

بالنسبة لوضع الزميلة نجمة فلا أؤيد فعلا أن تأخذي الأجازة ما دام إنك تعديت ونجحت لرئاسة القسم ..
لكن حاولي أن تفيدي مجال عملك بما ينفع مثل ما قال بو عبدالله

شكرا لك

[نجمه*]

اشكر كل من رد علي وجزاكم الله خير

اختي شمس انا مترقية وخالصة بس ناطرة التعيين

يعني معقوله الناظره تنزلني عن الامتياز واهي تدري اني طالعة رئيسة قسم كل هذا عشان امومه؟؟

واذا نزلتني يعني مااتعين الا بعد سنتين؟؟


رجاءا ابي اللي يجاوب يكون متاكد من معلوماته الله يخليكم

[moalma]

اشكر كل من رد علي وجزاكم الله خير

اختي شمس انا مترقية وخالصة بس ناطرة التعيين

يعني معقوله الناظره تنزلني عن الامتياز واهي تدري اني طالعة رئيسة قسم كل هذا عشان امومه؟؟

واذا نزلتني يعني مااتعين الا بعد سنتين؟؟


رجاءا ابي اللي يجاوب يكون متاكد من معلوماته الله يخليكم


هلا إختي نجمة

أولا اسمها مديرة وليسب ناظرة خاصة إنك وصلتي للمرحلة الأولى في الإدارة التربوية

ثانيا نحن نتكلم من جد ولا نجيب شي من عندنا

ثالثا إذا نزلت درجتك طبعا ما راح تتعينين والله أعلم بكل شيء

رابعا : اللي درجتها 90 أو 91 مثلا قد تتأثر درجتها بأجازة الأمومة
لكن مثل ما ذكرت المعلمة المتميزة لا تتأثر درجتها والمتميز يختلف عن الممتاز

هل هذا واضح لك الآن عزيزتي نجمة ؟؟؟؟

شكرا لك

[نجمه*]

شكرا لج اختي شمس

يعني مو فارقه ناظره والا مديره

انا مابيها تنزلني عادي اكلمها بهالموضوع والا مو من حقي؟؟

[نجمه*]

صج نسيت بغيت اسال جم درجه على بند الغياب والالتزام بالدوام؟؟

صج يقولون 10؟؟

يعني المديره لو حطت لي صفر من 10 اخذ 90 مثلا؟؟

[كويتية]

سؤال داش عرض :

ما الفرق بين امتياز 93
وامتياز 94؟

يمكن غيروا وصار المرتفع من 93 وإلا مثل ما اهو يبدأ المرتفع من 94؟