وربي الحين أقول الله يعين قلب شمس على فراق أبوها

[الفيلسوفة]

أبوي كان يعاني من عدة أمراض استمرت جم سنه معاه تضخم بالقلب وروماتيزم بالقلب وتصلب شرايين وضغط 24 ساعة مرتفع يوصل الى 600 واملاح وكولسترول وووو ... والحمدلله على كل حال ... ما خلينا مستشفى حكومي أو خاص
الا وراحله ... ابوي ماكان ينام الليل الا سويعات .. كان يشكي من كثر البلغم وضيج التنفس كل يوم ... لحد ما انصحه
واحد من ربعه لأحد المعالجين بالسعودية ... وجا يوم السفر الموعود ... أول مرة ابوي يسافر مكان ويخليني .. عانيت طول الايام اللي فاتت أيام من سفر الوالد للعلاج في السعودية ... وربي الاكل ما يطب حلجي ونزلت جم كيلو ..

كنت أتصل عليه بس يسمع صوتي يسكر التليفون بوجهي ما يقدر يكلمني لان ادموعه تسبق كلامه ... طبع الوالد نفسي دمعته قريبه بالفرح بالحزن حتى بالجمعة العائلية أو أي مناسبة نجتمع ونقعد حواليه تنزل ادموعه في مرضه
تشوف دمعته ... نفس حالي دمعتنا اقريبه ما نقدر انداريها ... تخليوا 5 ايام عدت ما سمعت صوته كانت نفسيتي جدا تعبانه ... ابوي عندي غييير كل الناس .. الله يطول بعمره وبعمر امي انشالله يارب وعمر والدينكم ...

قبل امس رد من المعالج ورجله متورمه من التعب ودايخ حده من كثر ما اسحبوا دم منه واسحبوا كل اللي كان يعاني منه بصدره .. وصار زين بس آثار التعب امبينه على ملامح وجهه ...

عاد قمت وجبت تب فيه ماي دافي وملح خشن وحطيت رجله عشان ابتدي اهمز ارجوله وادلكهم عشان يخف التورم
تخيلوا قااام وسحب ايدي ووقفني وقال شتسوين قلت بدلك رجلك جااان يرفع وجهي ويقول ماعاش اللي ينزلج للارض
او تقعدين تحت رجله قلت انت ابوي قال وانتي حبيبة ابوها قومي وقفي واقعدي يمي هذا مكانج لا تقعدين عن رجل اي أحد جان اقوله الله يخليك لي يا يبه كل رجاجيل الدنيا ما يسوون شعره من شعر راسك ... الله يرفع قدرك مثل ما رفعت قدرتني ..

محد في هالدنيا يحبني مثل محبة ابوي لي .. الله يخليه لي تاج على راسي

صج شيم الرجال يعاملون المره معاملة وصى عليها الرسول صلى الله عليه وسلم رفقا بالقوارير ... استوصوا بالنساء

وابشركم ابوي بعد فضل الله علينا وكرمه هد العصا وقام يمشي وينام مرتاح وامدلعني آخر دلع ... شنسوي البنت بنت ابوهاا ...

الله يغمد روح ابو شمس الجنة ويغفرله ويتجاوز عنه ويخليلنا والدينا تاج على روسنا ... آآآآآمييييييييين

الفيلسوفة

[عبير الورد]

الله يخليلج ابوج وعساج ما تنحرمين منه ........قولي آمين

[moalma]

بكيت حتى ابتلت ثيابي

بلحظة قراءة موضوعك صوت بكاي علا في الغرفة


الله يرحمك يبه وربي مشتاقتله

وربّي مشتاقتله يا ناس



حبيبتي

ربي يخلي لك الوالد ولا تشوفين يومه

وربي مافي بالدنيا رجل يعادل غلا الوالد ...





حرام عليج

[moalma]

أصارحك بشي

ردت الأحزان لي والليلة ليلة بكا ..!!

[الفيلسوفة]

ليش تقولين جذي وربي زعلت منج :-(:-( امحاربتج انا
شمس ابوج راح للي اعز مني ومنج راح لربه متنعم بإذن الكريم بجنات عرضها السماوات والارض
انا ادري اني قلبت عليج المواجع اقسم بالله صار حلجي الحين جذي :-(:-( امسحي دموعج وعيشي حياتج بعز اهلج وزوجج واعيالج

[الفيلسوفة]

شموس اوعديني هالليله ليلة سعادة وفرح وهدوء وراحة بال مو ليلة بكا اضحك للدنيا تضحكلك :-) ادري وانا اوخيتج ان شكلي انا وياج ليما اعيونا ادمع ونبجي نصير حلوين ويزداد حلانا حلا .. ما تعرفين شنو السر ?

[moalma]

العبرة اللي منها شف تبلعمت ..
وقام يتغارق منها موق عيني ....

جاهدتها مرة ومرات وسلّمت ..
سلّمت نفسي للبكـــــا يحتويني !!!

[الفيلسوفة]

انظري امامك ولا تلتفتين ورائك وتستسلمي لاحزانك عندي فلسفة صينية راح تنفعج واجد بحياتج بس ماراح اقولها لج الا بالوقت المناسب ;-) شمس طلعي من هالموضوع وروحي حق طرائف من حياتي راح تضحكين غصب وقولي الفيلسوفة قالت :-)

[moalma]

انظري امامك ولا تلتفتين ورائك وتستسلمي لاحزانك عندي فلسفة صينية راح تنفعج واجد بحياتج بس ماراح اقولها لج الا بالوقت المناسب ;-) شمس طلعي من هالموضوع وروحي حق طرائف من حياتي راح تضحكين غصب وقولي الفيلسوفة قالت :-)

منورة يا الغالية

حسبي الله على عدوج ..وين اختفيتي ؟؟:)

[الفيلسوفة]

مدري وين الله قاطني ادش وفجأه اطلع :-) المهم عندي شغل بسويه وبنام وراي دوام
شموسه ياهو عندي موضوع بيكسر الصخر بس قاعده اقرا عنه واتثقف فيه وامارسه وبعدها بقوله لج وانشره بإذن الله بس شي بيغير حياتنا للافضل .. الله يعينج الفيلسوفة وتتفلسف ما عزالله خلصت

[الفيلسوفة]

شوفي صورة البيبي اللي حاطته تراه نسخه مني :-):-)

[عبير الورد]

يا حليلج يا الفيلسوفة

والله فاقدين سوالفج من زمان

بس الله يهداج انتِ وشمس قلبتوها تراجيديا :)


الله يحفظ الأحياء ويرحم الأموات وهذه سنة الحياة

[moalma]

شوفي صورة البيبي اللي حاطته تراه نسخه مني :-):-)


هقوتي إنتي أحلى ...!!!:):(300):

عبير الغلا :

عاد آنا من الصبح أدور البكا ...والسّبه عيالي ..خذوا موبايلي ومسحوا من غير ما يدرون صور أبوي ..مت قهر ..!

وجتني تركض الفيلسوفة ...ربي يشافي أبيها يا رب

الله يرحم كل مسلم ومسلمة يا رب العالمين

[الفيلسوفة]

الله يخليلج ابوج وعساج ما تنحرمين منه ........قولي آمين

آااااااميييييييين يا قلبي مشكورة عبورة ما اتقصرين ولج مثل هالدعوة بظهر الغيب :(266):

مرورج اسعدني

الفيلسوفة

[الفيلسوفة]

شوفي صورة البيبي اللي حاطته تراه نسخه مني :-):-)


هقوتي إنتي أحلى ...!!!

عبير الغلا :

عاد آنا من الصبح أدور البكا ...والسّبه عيالي ..خذوا موبايلي ومسحوا من غير ما يدرون صور أبوي ..مت قهر ..!

وجتني تركض الفيلسوفة ...ربي يشافي أبيها يا رب

الله يرحم كل مسلم ومسلمة يا رب العالمين

هههه جنج حاسه اني أحلا منه ( أبوك يا الوثوق ) :(313): ههه لا والله وجه الشبه بيني وبين البيبي
سلم قلبه عرض الوجه والخدود والحلج بس .... :look_down:

شمس انتي وعبير عالعين والراس وانا اوخيتج ... والصور تقدرين تردينهم عند أي محل ... وتبين الصراحة زين اعيالج يسوون فيج ... :) ماحبج تتكدرين :(300):

وجتني تركض الفيلسوفة ... حشا حشا راكبة حصان مهب ريح وانا مدري :(284): وييييييه شخباري حصاني اللي ربيته ذكرتيني بوفاتها يوم اولدت الله يسامحج :(201):

الله يرحم أمواتنا وأموات المسلمين يارب ويقر عين شمس يارب هذا بوكيه ورد لج ولعبير :(315): اخذوه من ايدي تعبت وانا اشيله :(280):