دوانية أبوي

[الفيلسوفة]

مرحبتين في أهل المنتدى ... ادري بتقولون يا امطول الغيبات بس شنسوي الحياة مشاغل ..

المهم انتوا اشلونكم واشحالكم ... انشالله تكونون بخير ...

مابي أطول عليكم بدخل بالموضوع على طول أمس كنت طالعه رايحه الجمعية الوالده اموصيتني على

أغراض ... عاد وانا كنت بالسيارة وسرحانه وقاعده أقلب بالراديو الا أسمع برنامج شعري ...

عاد مثل ما اتعرفون أو قد يخفى على بعض منكم أني متذوقة جدا للشعر ومستمعه له :(308): ... فجأة سمعت

أبيات شعرية يلقيها أحد المشاركين وجت الصدمة :(312): .. هاذي نفس الابيات تقريبا اللي قصدها

واحد في أبوي من أكثر من 25 سنة والرجل هذا سمع في أبوي وكرمه وحبه للناس ومرجلته وكتب

القصيده واهدها لأبوي مع أن ابوي ما يعرفه واستانس منه حييل

فقط الملقي غير في بعض الأسماء .. معقوووووووله عاد اهني أنا عصبت وشبيت نااار :(193):

عاد يوم وصلت البيت وكعادتي اذا مافي احد بالدوانيه ابوي يدق علي ويسكر باب الديوانيه عشان اتقهوى

معاه وقعدنا سواااالف عن أيام أول :(282): وعلمته بالسالفه جان ينحبط وصار وجهه جذي :(309):

قلت ماعليك حقوق النشر محفوظة لك بالتجوري ولا تزعل :(283):وبعدها نسيته الموضوع

وقلتله نكت اتضحكه :look_down: ليما طوف السالفه

بس أنا حبيت أسألكم معقوله في أحد يسرق أشعار مكتوبه مدح في أحد ويغيرون الأسماء فيها جنها مكتوبه

لهم وين قاعدين :z060:

[استاذ أحمد]

طبعاً ما هي غريبه ولا نستبعد هالأِياء لأنا عرب والعرب ما توفر شي ولا تحترم الحقوق الفكرية للآخرين

زكل شي ملطوش ومنسوب لغيره فلا تتعجبين من هالتصرفات من قبل هالضعفاء

يا كثر المجلدات الملطوشه والمبيوقة والمنسوبه لغيرها بس مفروض يكون فيه شي اسمه ثقافه عند الجميع ان الشي ينسب لأصحابه وهالشي راح يساعد على الانتاج الفكري

يعني الحين عندي فكره وهدف مشروع طيب عرضته على واحد من الاشخاص

ولا صارت نشبه قال لي الله عطاك شهرين اذا ما سويته انا بسوية

شوفي المصخره فكرتي ومشروعي ويعطيني مهله لبنيات أفكاري بسبب ان عنده فلوس ويقدر ينفذه بمدة قصيرة وانا لو اكمل سنه يا دوب أول خطواتي

الحين انا ندمان اني عرضت الفكره على هالناس التعيسة

[عبير الورد]

حيا الله الفيلسوفة

نبي الغنايم من اللي طول الغيبات :)

شوفي يالطيبة أنا لو منج اتصل على نفس البرنامج وافضح هالشاعر لأنه مثل ما سرقكم بيسرق غيركم .

وباجر بيشتهر على قفا هالسرقات والناس تاخذ فيه مقلب . :mad:


اما بالنسبة للاستاذ احمد

فهذا موصديق والحمد لله اللي الله اكشفه لك ودامه ناشبك في المشروع خرب عليه

وخبر اللي حولك من الاصدقاء المشتركين ان عندك مشروع وناوي تسويه خلال سنة

واذكر خطوطه العامة عشان ما ينسب الفكرة لنفسه .

هذا إذا كان عنده حيا ووجهه مو مغسول بمرق :mad:

[كويتية]

هلا أختي الفيلسوفة أهم شي تكونين بخير . . .

وبالنسبة للطش القصيدة أنا لو منج اتصل على الإذاعة واخلي ابوي يكلمهم . . .واطالبهم بتنويه مهم بعد :)

وأستاذ احمد :

شنو مشروعك >>>> بتلطشه