المساعد الشخصي الرقمي

مشاهدة النسخة كاملة : هذا ماحدث بجمعيه المعلمين



معلم كويتي
03-06-2009, 03:09 PM
مؤكدا بالوقت الذي سبق ان تم تداوله في هذا المنتدى عندما تم اغلاقق التسجيل في الافرع السنه الماضيه

طالب بفتح مقار لانتخابات إداراتها في المناطق التعليمية الست
العراج: مجلس «المعلمين» غير حيادي.. ويعوق الانتساب إلى الجمعية


غادة فرحات:
ناشد عضو قائمة المعلمين المهنية لانتخابات جمعية المعلمين الكويتية جاسم العراج وزير الشؤون الاجتماعية والعمل بالتدخل السريع لحفظ هيبة قانون جمعيات النفع العام والخاص بجمعية المعلمين التجاوزات غير المقبولة التي تحصل من قبل مجلس الادارة الحالي للجمعية والتي تمثلت في اعاقة ومنع تسجيل المعلمين والمعلمات الكويتيين من الانتساب الى الجمعية. وقال العراج في تصريح صحافي ان طلبات المعلمين والمعلمات التي قدموها للانتساب رُكنت منذ الصيف الماضي بحجة ان المتقدمين من انصار القائمة المنافسة للادارة الحالية، مبينا ان المتقدمين استوفوا الشروط المطلوبة وطلباتهم موقع عليها من قبل مسؤولي الجمعية انفسهم. ووصف موقف مجلس ادارة الجمعية في هذا الجانب بانه مخالفة صريحة لقانون جمعيات النفع العام والذي يجعل الجمعية شركة خاصة يقتصر الانتساب اليها على من ترضى عليه ادارتها الحالية. وابدى العراج استغرابه من عدم حيادية رئيس الجمعية الحالي لاسيما مايتعلق بتصريحه الاخير للصحف بانه مؤيد ومساند بقوة لقائمة جمعية المعلمين وهو الذي يمثل الجميع من معلمين ومعلمات في الوقت الحالي، مطالبا إياه بان يكون حياديا لحين انتهاء فترة رئاسته للجمعية. وانتقد قيام رئيس الجمعية بتسليم القائمة المفضلة لديه الكشوف التفصيلية لاعضاء الجمعية العمومية شاملة جميع البيانات التفصيلية من ارقام هواتف منزلية ونقالة وعناوين السكن بينما تم حجبها عن قائمة المعلمين المهنية وهذا ايضا خرق لقوانين جمعيات النفع العام. وتطرق العراج الى ماقامت به مراقبة التعليم الابتدائي في منطقة حولي التعليمية ليلى الشريف من تجاوز حيث توعدت المعلمات اللواتي سيمتنعن عن التصويت لقائمتها «قائمة الادارة الحالية» وبثت الرعب في نفوسهن بعد ان قدمت لهن كشفا للتوقيع بالتأييد لها مما يعد مخالفة لكل الاعراف التربوية والديمقراطية التي جبل عليها اهل الكويت كافة. وتمنى على وزير الشؤون الطلب من الادارة الحالية اتاحة الفرصة امام المعلمين والمعلمات لممارسة حقهم بالتصويت حسب المناطق التعليمية الست، والا يقتصر التصويت فقط في الفرع الرئيسي في الدسمة الامر الذي يعيق الكثير من المعلمين والمعلمات من المشاركة الفاعلة في الانتخابات، معربا عن امله في ان تعود الادارة الحالية عن قرارها وان تعطي المناطق الست حقا بفتح مقار للتصويت او على اقل تقدير فتح فرعين في الاحمدي والجهراء.




تاريخ النشر : 23 فبراير 2009
جريده الدار

منايا-29
03-06-2009, 08:55 PM
السلام عليكم...
طبعا قرأت الخبر بالصحف وما صدقته لأن بنفس الأسبوع زميلتان لى بالعمل انتسبتا للجمعية بدون أى عائق .... طبعا قدموا طلب والبيانات والصور والأسبوع اللى وراه استلموا العضوية .... واعتقد ان الكلام اللى كثر حول الأستاذة ليلى الشريف غير سليم وهذا ليس تحيز ولكن لأننا تعاملنا معاها مسبقا بمنطقة الأحمدى والكل يشهد بحسن تعاملها ورقيها .... ياليت نسلم من الاشاعات المغرضة لأن هذا ما راح يعزز ثقة الأعضاء فيهم لأن احنا بوزارة التربية نعرف بعضنا ... واللى ما يعرف شخص يقدر يسأل ألف شخص ويتأكد .... وانا اتمنى ان المنافسة تكون شريفة وواضحة ترى احنا بديرة الديمقراطية.. وربنا يوفق الجميع ...

moalma
03-06-2009, 11:42 PM
غريب هذا الخبر فعلا ...
معقولة يحصل هذا في مجتمع تربويين ؟؟؟!

أشعر إن الموضوع فيه تهويل ومبالغة الهدف منها للأسف تشويه سمعة مجلس الإدارة الحالي ..!!

مهما كانت النوايا فلكل معلم حريته وأتمنى ما يصل الأمر لشراء الأصوات وتوزيع حقائب ماركات في العملية الانتخابية في الجمعية ..!!:)

مدرس خصوصي
03-07-2009, 02:00 AM
على فكره العنصر النسائي هن ورقة النجاح
يعني اللي يبي يفوز يشتري من ابوميه
مو كل المعلمات عند محلات بوميه
واللي تصوت له يعطيها لزقات النجوم بلاش تلزقها في دفاتر تلاميذها :)

معلم كويتي
03-07-2009, 02:19 AM
السلام عليكم...
طبعا قرأت الخبر بالصحف وما صدقته لأن بنفس الأسبوع زميلتان لى بالعمل انتسبتا للجمعية بدون أى عائق .... طبعا قدموا طلب والبيانات والصور والأسبوع اللى وراه استلموا العضوية .... واعتقد ان الكلام اللى كثر حول الأستاذة ليلى الشريف غير سليم وهذا ليس تحيز ولكن لأننا تعاملنا معاها مسبقا بمنطقة الأحمدى والكل يشهد بحسن تعاملها ورقيها .... ياليت نسلم من الاشاعات المغرضة لأن هذا ما راح يعزز ثقة الأعضاء فيهم لأن احنا بوزارة التربية نعرف بعضنا ... واللى ما يعرف شخص يقدر يسأل ألف شخص ويتأكد .... وانا اتمنى ان المنافسة تكون شريفة وواضحة ترى احنا بديرة الديمقراطية.. وربنا يوفق الجميع ...

الخبر صحيح 100 %

عمتي ماقدرت اتسجل وقالولها روحي الدسمه

وبالنسبه للالغاء العضويات اقدر اجيبلكم الاسماء اذا بتاكدون

انا مو مع العراج ولكن كلمه كلمه صحيحه

موضوع الافرع

الكشوف

تسكير التسجيل بالجهراء شهر سته وسبعه

اما بالنسبه لباقي الاشهر اتوقع ما في مشكله لان اللي يسجل ماله حق التصويت

كويتية
03-08-2009, 01:34 AM
اما بالنسبه لباقي الاشهر اتوقع ما في مشكله لان اللي يسجل ماله حق التصويت

معلومة جديدة. . .

معلمة أون لاين
03-10-2009, 06:52 PM
الخبر صحيح 100 %

عمتي ماقدرت اتسجل وقالولها روحي الدسمه

وبالنسبه للالغاء العضويات اقدر اجيبلكم الاسماء اذا بتاكدون

انا مو مع العراج ولكن كلمه كلمه صحيحه

موضوع الافرع

الكشوف

تسكير التسجيل بالجهراء شهر سته وسبعه

اما بالنسبه لباقي الاشهر اتوقع ما في مشكله لان اللي يسجل ماله حق التصويت

أحلفك بالله ...شوف حلفتك :)

العضويات اللي تم عدم الموافقة عليها (وليس إلغاءها) هل كان هالشي بسبب أنهم من مؤيدي القائمة المنافسة ( التي لم يعلن عنها في شهر 6...شدارهم؟؟!! ما علينا :) ) أم لأن فيصل الوقيان وهو أحد

ممثلي قائمة المهنيين كتب جميع طلبات العضوية(بحدود 30 طلب ) ووقع عليها بنفسه وهذا مخالف للقانون و تزوير في أوراق رسمية ؟؟!!

قول الصج.....عرفت:)

للأمانه: الأستاذ المسؤول عن الموافقة على طلبات العضوية والذي قام بإيقاف تلك الطلبات وعدم الموافقة عليها طلب حضور المعلمات شخصياً ليتأكد من موافقتم وذلك لأن الانتساب للجمعية تترتب عليه التزامات ماليه و استقطاع من راتب المعلمات لذلك أمر بالاتصال على المعلمات للتثبت وهناك من راجع الجمعية
وتم اعتماد توقيعه وطلب عضويته وهناك من رفض خوفاُ من إحالة من قام بالتزوير للنيابة .

معلم كويتي
03-11-2009, 04:17 AM
أحلفك بالله ...شوف حلفتك :)

العضويات اللي تم عدم الموافقة عليها (وليس إلغاءها) هل كان هالشي بسبب أنهم من مؤيدي القائمة المنافسة ( التي لم يعلن عنها في شهر 6...شدارهم؟؟!! ما علينا :) ) أم لأن فيصل الوقيان وهو أحد

ممثلي قائمة المهنيين كتب جميع طلبات العضوية(بحدود 30 طلب ) ووقع عليها بنفسه وهذا مخالف للقانون و تزوير في أوراق رسمية ؟؟!!

قول الصج.....عرفت:)

للأمانه: الأستاذ المسؤول عن الموافقة على طلبات العضوية والذي قام بإيقاف تلك الطلبات وعدم الموافقة عليها طلب حضور المعلمات شخصياً ليتأكد من موافقتم وذلك لأن الانتساب للجمعية تترتب عليه التزامات ماليه و استقطاع من راتب المعلمات لذلك أمر بالاتصال على المعلمات للتثبت وهناك من راجع الجمعية
وتم اعتماد توقيعه وطلب عضويته وهناك من رفض خوفاُ من إحالة من قام بالتزوير للنيابة .

حلفتيني بالله

وعشان الحلف عظيم المفروض ما اجاوب بس راح اجاوب

العضويات اللي اعرف بموضوعهم ومالي معرفه بفيصل الا من فتره بسيطه جدا جدا جدا

الاعضاء

مشاري المطوطح

فواز راجح المطيري

سلطان مشعل المطيري

وهالثلاثه من طرف عبدالله المطيري اللي ماله علاقه لا بفيصل ولا غيره الا بعد اجتماع القائمه

والله على ما اقول شهيد

اكثر من هالشي شنو يرضيكم

وهالاسماء يقدرون جمعيه المعلمين يتاكدون منو معاه لانهم مع الاستاذ عبدالله المطيري ولا لهم علاقه بفيصل الوقيان على قولتكم

للعلم استاذ عبدالله المطيري مادرا عن الموضوع الا قبل يومين

وانا اعرفه معرفه شخصيه

قالي نفس كلامج

قالي يمكن الوقيان مسجلهم بدون حضور

ولما بحثنا بالكشوف مالقينا الاسماء الثلاثه

وانصدمنا

وطريقه الاستاذ عبدالله التسجيل عن طريق الدسمه واسالو اللي ماسك التسجيل هناك لان عبدالله كان يمره بشكل اسبوعي

يرضيج هالكلام

بس الاسماء الثلاثه الاخيره كانو من اهل الجهرا وقالهم الاستاذ عبدالله المطيري عندكم فرع هناك اقربلكم

وراحو سجلو

على فكره العدد يقولون عشرين يمكن كلامج صحيح لاني ما ادري عن البقيه

بس انا من المنطقه الرابعه واعرف اللي صار عدل

واسالج بالله ما مشو ربعهم ببلاش

انا لما سالتيني بالله جاوبتج باللي اعرفه عن ثلاثه من عشرين

ولا ادري بالباقي

انا اسالج بالله مو يسددون ربعهم بدون حضور وبدون فلوس

كنت بفتره التسجيل اساعد الاستاذ عبدالله المطيري وانصدمت ان التسجيل قوي والبطايق ما شاء الله

ومافيه الا ربعنا

هالبطايق شسالفتهم

الظاهر اشباح تسجل بدون لانشوفها

مع العلم اننا ننتظر ناس هناك بحكم ماعندنا فرع بالفروانيه

المهم طالبو معانا يكون التصويت بالافرع ترا الشئوون ماعندها مانع

ومتعب وجمال يقولون ماعندنا مانع

مدام ماعندك مانع ليش ماتوقعون على الورقه اللي جابها ابوخالد وورانا الورقه بالملتقى

ريحو المعلمين

لهدرجه خوف وحب بالكراسي

معلم كويتي
03-11-2009, 04:33 AM
اي صح اي معلمات تكلمين عنهم

انا ردي على المعلمين

مو معلمات

شنو توقيع وماتوقيع

معلم (ذكر)

على بالج حريم بالتزوير

يمكن منبه وتحضر ربعها

بس انا اتكلم عن ذكور

والاسماء موجوده

الظاهر ماسمعتي جمال السويفان لما قال اللي تكسب بووه العب بووه

مصيبه هالكلمه

الكويت كلها قايمه على حدس

وتنادي بالوطن بدون احزاب وتيارات

غسيل مخ الى متى

الواحد يشوف

المنطق شيقول

بهالمنتدى قولي اللي تبين تقولينه لاني جربته

مستحيل احد يقولج لا

واذا احد غلط عليج

قوليلي عشان ما اشارك معاهم الا بعد عقوبه

اخذي راحتج انا عندي استعداد لجميع استفساراتج وعندي قبول اذا كان بطيات كلامج مايقنعني

على الاقل لاتفكرين بعواطف فكري بعقل ومنطق

قولي قائمه الجمعيه صح والا غلط

هاللي يسوونه صح والا غلط

انزين صوتي امانه ونخوتي المفروض تكون للصح

هل كل الاسماء بقائمه المهنيه ماتستاهل

هل كلهم سيم سيم

هل قائمه الجمعيه كلهم افضل من المهنيه

والا ارجح منو واصوت لمنو

انا والله يقولون وسمعت ان بالانتخابات راح تنصدم راح تلقى المنظمه كلها موجوده

وراح تلقى اعمار صغيره يعلمونها ابجديات حدسيه

وراح تشوف شي كانك قاعد بين حماس وحزب الله

وانتخابات اقرب من جهاد بالنسبه لهم

عكس انتخابات العالم الثانيه كلها

يعني مجلس الامه تشوف الكويتين والحياه الديمقراطيه

والناس تصوت وتسلم

وهم غير يروعونك

وبعد الفوز يغنون ويهللون كانهم حرروو غزه

انا اسمع عن العموميه وراح اشارك هالسنه

بشوف شراح يسوون

هل راح يعدلون الصوره

ويخلون الافرع وهالشغلات والا بس تصفيق وتطبيل كالعاده

معلم كويتي
03-11-2009, 04:40 AM
على فكره اذا حبيتي نشوف موضوعهم ولايهمج بس والله مشغولين بهالكشوف المعقده اللي سلمتوها لنا

عطو نفس ماعطيتوهم وحنا نقدر ننسق معاكم هالموضوع

واذا الوقيان مسجلهم بدون حضور ابشرو باللي يوققف معاكم

وماينلام متعب بهالنقطه اذا حريم

لان فيها استقطاع

بس الرياجيل شكو

يعني هذولا ثلاثه الله يستر على الباقي

لان جاري البحث وتنسيق الكشوف

الله يوفقكم

بشاره للاخوان اللي بالمهنيه بعد بكره راح ينتهي تنسيق الكشوف كامل

على فكره هذي مهي مزايده تقدرون تتاكدون ما شاءالله اللي اشوفه كل الاخبار بما فيها الاشاعات واصله

moh
03-12-2009, 03:16 AM
لنا عودة على هذا الموضوع

معلمة أون لاين
03-12-2009, 10:15 AM
وهالاسماء يقدرون جمعيه المعلمين يتاكدون منو معاه لانهم مع الاستاذ عبدالله المطيري ولا لهم علاقه بفيصل الوقيان على قولتكم

للعلم استاذ عبدالله المطيري مادرا عن الموضوع الا قبل يومين

وانا اعرفه معرفه شخصيه

قالي نفس كلامج

قالي يمكن الوقيان مسجلهم بدون حضور

مدام ماعندك مانع ليش ماتوقعون على الورقه اللي جابها ابوخالد وورانا الورقه بالملتقى
ريحو المعلمين

لهدرجه خوف وحب بالكراسي

صدقني مو خوف و لا حب كراسي

بتشوف اللي يرضيك في يوم ملتقى قائمة جمعية المعلمين إن شاء الله ...تفاءل الخير و احنا مع راحة المعلم
صدقني .
ليش عبدالله المطيري ...قالك: يمكن فيصل مسجلهم وبدون حضورهم ؟؟!!:)
هالكلام نقدر نعتبره اعتراف من عبدالله المطيري بالتزوير اللي قام فيه فيصل الوقيان على فكرة :)

معلمة أون لاين
03-12-2009, 10:23 AM
مو معلمات

شنو توقيع وماتوقيع

معلم (ذكر)

على بالج حريم بالتزوير


وهم غير يروعونك



أفا ما عاش اللي يروعك ...أروعه والله :)
آنا عممت " معلمات " في مداخلتي الأولى...المفروض أكتب معلمين ومعلمات...غلطه مطبعية
بالنسبة لأعضاء قائمة المهنيين....فيه واحد منهم فقط عاجبني كفكر وطرح و أتمناله كل التوفيق .
أما الباجين ففيه منهم من نزل للوجاهه و للمركز الاجتماعي.
وفيه منهم همه يوصل حق كراسي الوزارة .
وفيه منهم همه الفلوس واللعب.
وفيه منهم من يبي يقوي ويعزز مكانة القبيلة فقط :(300): وفيه اللي يبي الطائفة وغيره وغيرة وبالأخير
كلها أهداف شخصية ...والأيام القادمة بتكشفهم على حقيقتهم

معلم كويتي
03-12-2009, 04:55 PM
أفا ما عاش اللي يروعك ...أروعه والله :)
آنا عممت " معلمات " في مداخلتي الأولى...المفروض أكتب معلمين ومعلمات...غلطه مطبعية
بالنسبة لأعضاء قائمة المهنيين....فيه واحد منهم فقط عاجبني كفكر وطرح و أتمناله كل التوفيق .
أما الباجين ففيه منهم من نزل للوجاهه و للمركز الاجتماعي.
وفيه منهم همه يوصل حق كراسي الوزارة .
وفيه منهم همه الفلوس واللعب.
وفيه منهم من يبي يقوي ويعزز مكانة القبيلة فقط :(300): وفيه اللي يبي الطائفة وغيره وغيرة وبالأخير
كلها أهداف شخصية ...والأيام القادمة بتكشفهم على حقيقتهم

الله يهديج على هالقذف هذا

ابي قائمه الجمعيه ماتعرفين عنهم شي

لان معرفتج بالمهنيه ما شاء الله وصلت مرحله تعرفين اللي داخل صدورهم شنو

فقوليلنا عن قائمه الجمعيه شنو هدفهم

معلم كويتي
03-12-2009, 05:05 PM
تعرفين عدل منو همه الكراسي

وحب الكراسي

غير قائمه اللي تبي تجمع بين القبليه والطائفيه واللي قلتيه كله

الظاهر رجعنا للاعاقه الذهنيه

كل ماسكرنا باب طلعتولنا بمليون باب

قبل لاننتقل للاتهام الاخير

الواحد لما يجيب اتهام جديد

دليل ضعف بالتهم اللي قبلها

المصداقيه المصداقيه

خلينا من شي يرضيج ماحدث بجمعيه المعلمين

انتي ككويتية يرضيج

يرضيج اللي يسوونه هالايام اخاواننا بجمعيه المعلمين

ليش مايخافون ربهم ويقولون الصج

ردي على مشاركتي مثل مصداقيتي بالرد عليج

ولا تتهربين بتهمه جديده واشاعه جديده كل ماصكينا باب

واجهو الشعب ياحدس

عبرو عن رايكم بمصداقيه

ليش خايفين

الله يقوي الكويت عليكم

منايا-29
03-13-2009, 07:29 PM
متابعة بصمت الحوار الشيق .... ( ولكن بابتسامة)