المساعد الشخصي الرقمي

مشاهدة النسخة كاملة : للي يبون يصيرون نظار وناظرات بأقصر وقت ممكن



مدرس خصوصي
02-19-2009, 02:23 PM
ادري دشيتو على طول تبون تصيرون نظااار ...اوكي اوكي عندي الجواب :)

.................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................
شركة سيتي باص للنقل المنافسه لشركة النقل العام تبي نظار محطه على خطوط 65(الشويخ والمرقاب)وخط 24(الجهراء)بند المكافئات ..على الاقل صرنا نظار بالطريقه هذه لأن اللي بينطر دوره الشياب اوه آسف اقصد الشباب والشابات ماسكين الكراسي نظار وناظرات لل
لمدارسنا وان شاء الله راح يتقاعدون 20059

استاذ أحمد
02-19-2009, 05:03 PM
أنا والله فرحت قلت مدرس خصوصي عنده تعليمات خصوصية ولا كنت محاتي إلا سعرك يكون غالي حبتين

بس موضوعك فيه بشارة ان راح يتقاعدون 20059 لأني معتقد انهم ماراح يتقاعدون للأبد


إلا صج اهم نظار ولا مديري ومساعدين مدير

بعدين ما يبون من الحريم ناظرات محطات باصات

كويتية
02-20-2009, 02:30 AM
دربق دربق سيدددددددددددده من قريت العنوان قلت يمكن عندك خطة جديدة غير الرياااء والتمصلح للمديرة

:) :)

لا يبوووووونا نقضب وظيفتنا انفع لناااااااااااااا

مدرس خصوصي
02-20-2009, 02:56 AM
استاذ احمد وابله كويتيه عقبال اشوفكم ناظر وناظره اقصد مدير ومديره..اربي مادري اشفيني معلق على مسمى ناظر ووكيل...بس على فكره بواحميييد تغير المسمى من ناظر الى مدير ومن وكيل الى مدير مساعد بس البشوات هم هم ماتغيرو...تعتقد شنو السبب!!!؟؟؟...من ناحيتي ناظرنا تغير لما استلم مسمى مدير صار يخلي الغتره هدد على بو وزير الطيب ...انت اشسوا ناظركم لما صار مدير ؟:)....
وابله كويتيه طيعيني مديرة محطه خوش مسمى ونتي كيفج :)

استاذ أحمد
02-20-2009, 10:36 AM
استاذ احمد وابله كويتيه عقبال اشوفكم ناظر وناظره اقصد مدير ومديره..اربي مادري اشفيني معلق على مسمى ناظر ووكيل...بس على فكره بواحميييد تغير المسمى من ناظر الى مدير ومن وكيل الى مدير مساعد بس البشوات هم هم ماتغيرو...تعتقد شنو السبب!!!؟؟؟...من ناحيتي ناظرنا تغير لما استلم مسمى مدير صار يخلي الغتره هدد على بو وزير الطيب ...انت اشسوا ناظركم لما صار مدير ؟:)....
وابله كويتيه طيعيني مديرة محطه خوش مسمى ونتي كيفج


حلو مديركم بدت عليه آثار التغيير يعني تبيني افهم ان مديركم بعد ماكان مبطل غولت دشداشته وكموم دشداشته مصوفرة وجرينبه صار يتعامل مع المصابغ (حلوة المصابغ) وأهتم بروحة إلا صج شصار على عصايته ام تيب اصفر ومن العرق اللي عليها صاير سواد بطرافها

شوف مديرنا اصلي تغير المسمى ولا ما تغير لما الحين على مسماه القديم واللوحة اللي على مكتبه شاطب على كلمة مدير ومخلي كلمة ناظر وكاتب تحتها بين قوسين قديمك نديمك بس يا خوك بدت عليه آثار الاستزراع في الأرض الحين مو قادر يتحرك من كرسية اشك ان طلع من رجولة جذور وثبت بالمكتب عاد انت حلها متى ترفع وزارة التربية لوزارة الزراعة وشوف عاد الروتين بين الوزارتين متى يشيلونه ويودونه احد هالمزارع يثبونه ولو اني اقترح يكون بحديقة العمرية لأن راح يكون للزوار اللي اغلبهم طلبه مثل المكافح في العمل او يحطونه على دوار مجمع الوزارات للموظفين اللي يتسربون من دوامهم

كويتية
02-20-2009, 03:23 PM
أوكي اخوي مديرة محطة لكن موباصات أبي طيران وخل يودوني فرنسا أو ايطاليا

الطـبـيـب
02-20-2009, 03:46 PM
أخوي مدرس خوصوصي هل أنت فعلا معلم ؟

moalma
02-21-2009, 12:36 AM
أخوي مدرس خوصوصي هل أنت فعلا معلم ؟

سؤالك في محلّه

أنا برأيي مو مدرس طبعا ولا هو هذا أسلوب المعلم طبعا

مهما كان للمدراء احترامهم وكذلك احترام تواجد الأعضاء هنا مطلوب
حتى لو كان الطرح هدفه ترفيهي !!

واللي يبي يصير مدير ( طبعا مو ناظر) يقدر يوصل ..إن تميز في عمله !!

وغيره خل يترك التعليم أحسن له

ميرسوو

مدرس خصوصي
02-21-2009, 03:21 AM
استاذ احمد بصراحه فيك روح الدعابه .... :)
طبيب انت صج طبيب !
وابله شمس يعني المعلم مو آدمي مايتقشمر.. ومدراء المدارس معصومين او شنو ... ليش احنا فينا الهاله هذه لشي اسمه مدير او مديره :) وعموما نتمنى من القائمين على هذا المنتدى الطيب اضافة رابط هنا بإسم استراحه او ترفيه او اضحك معنا ويقطوني انا واستاذ احمد نعلق وللي يبي يضحك يروح لنا هناك وشموسه انتي لاتدشين برابطنا الفرعي اضحك معنا لأنج بتصيرين ناظره جريب ولازم تعيشين الدور من الان :) صج ابله كويتيه بتصير طياره كاهي ليه ماقلتي شي عنها ها ها ليه بس علينا انا وبو احمييد تهاوشينا على بو بتصيرين مديره :)

كويتية
02-21-2009, 11:51 PM
لا مدرس خصوصي هاوشتكم لأنها مديرة صج :) ماعليه أختكم وتمون عليكم

مدرس خصوصي
02-22-2009, 01:37 AM
عموما طاح الحطب لما تدخلتي يا ابله كويتيه...
وتعالي لما ابله شمس ناظره اشحقه تشكين لنا مديرتكم قاطتكم مراقبه عالزحلاقيات ... نقلي عند ابله شمس ...لا لالا تدرين اشلون لاتنقلين عندها لأن اسلوبها معانا مبين انها راح اتزحلقج عدل لما تنقلين عندها لايحوشج :)

كويتية
02-23-2009, 01:42 AM
هلا مدرس خصوصي . . .

بالعكس شموسة خووووووووووش مديرة لكن مرحلتها مختلفة عن المرحلة اللي أدرسها وهم بعد منطقتها بعيدة على :(

وإلا شموسة ما تطوووف اقل شي ارز فيسي بمكتبها وازاحمها بغرفتها >> اصير ربع انا ومديرتي

مدرس خصوصي
02-23-2009, 02:12 AM
إذاجذي تكفين ابلة نقلينا انا وبواحمييد عندها بليز بليز بليز :)

مدرس خصوصي
02-23-2009, 02:15 AM
اذا جذي نقليني انا وبواحمييييد عندها بليز بليز بليز :)

moalma
02-23-2009, 02:50 AM
اذا جذي نقليني انا وبواحمييييد عندها بليز بليز بليز :)

أعطيك مقبول :look_down:

مدرس خصوصي
02-23-2009, 01:51 PM
زين انا قلت بتعطيني ضعيف...مو قلتي قبل اسلوبي مو اسلوب معلم...بس مثل ماقالت ابلة كويتيه قلبج كبير يا سيدتي :)

ladybird
10-05-2009, 09:56 PM
حسبوني معاكم .. انا واقفه بالدور ابي اصير ناظرة اقصد مديرة :)

moalma
10-11-2009, 10:33 PM
منو يبي يصير ناظر ..؟؟؟

في شي اسمه ناظر الحين ...؟؟؟:)