moalem
02-06-2009, 09:39 PM
السلام عليكم ورحمة الله وبركاته
لما حصلت شهادتي من جامعة الخليج العربي (الجامعة التي بعثتني لها وزارة التربية عن طريق ديوان الخدمة المدنية) وقدمتها لوزارة التربية طلبوا مني معادلة الشهادة وطلبوا مني اختار أحد أمرين:
الأول: أن يقوموا باجراءات معادلة الشهادة رسمياُ ومخاطبة التعليم العالي بها.
الثاني: أن أقوم بنفسي من مراجعة التعليم العالي وطلب المعادلة.
اقترحت الموظفة بوزارة التربية أن أقوم بنفسي بمراجعة التعليم العالي أن كنت في عجلة من أمري فاخترت الخيار الثاني ومن هنا بدأت مأساتي مع التعليم العالي.
في تاريخ 23 -12 الماضي تقدمت بطلب معادلة الشهادة فذهب لقسم معادلة الشهادات وطلبوا مني مراجعة المبنى رقم 1 وتسليم خطاب وزارة التربية والشهادة.
رحت مبنى 1 وقابلت الموظفة واخذت مني خطاب وزارة التربية وصورة من افادة التخرج.
قالت: راجع بعد ثلاث ايام.
المهم بعد اسبوع مر ولا احد اتصل وراجعت وقالوا لما الحين ما توقع ومر ما يقارب ثلاث ايام واتصلت فيني بعدها موظفة في المبنى رقم 4 وقالت لي راجعنا وهنا توقعت المعادلة انتهت ولما رحت لها.
قالت: الحين نستلم منك الاوراق.
قلت: شنو اوراقه ليش الفتره اللي فاتت شنو؟
قالت: ذاك توقيع عشان نستلم منك والحين بنستلم.
قلت: طيب شنو تبين من أوراق.
قالت: شهادتك مصدقة من الخراجية والسفارة والشهادة اللي قبلها الباكالوريوس وكشف درجاتك وصورة من جوازك .....الخ
المهم رحت واليوم الثاني وانا جايب الطلبات.
قلت: هذي طلباتكم
قالت: اخذ رقم وانطر.
اخذت رقم ونطرت لما جاني الدور وبعد استلم مني موظف اسمه عبدالله وقال لي خلاص الحين حنا يوم الاربعاء ويوم الاحد بنطرش اوراقك مع الحقيبة الدبلوماسية للملحق الثقافي بالبحرين نتأكد من صحة البيانات قلت: طيب ليش قلتوا لي وقعها من الخارجية والملحق الثقافي بالبحرين ليش مو انتم من البداية سويتوها قال: هذا الاجراء. والحين بعطي الموظفة منى أوراقك تجهزهم للحقيبة
المهم يوم الأثنين اتصلت على الملحقية بالبحرين وكلمت موظفة اسمها س وقالت: ما وصل لك اسم
والاثنين طاف عليه اثنين واثنين ولما راجعت التعليم العالي قابلت موظف اسمه فهد ( بيض الله وجهة) قال: ما جانا رد من الملحقية من البحرين، قلت: يا فهد شلون يجيكم رد وأوراقي لما الحين ما رحت لهم. قال: ما يصير.
المهم الولد ما قصر راح ونبش وطلعت الموظفة اللي اسمها منى ما خذه من ذلك اليوم اجازة وارواقي على مكتبها. قام فهد وتعاون معاي وبعث فاكس للمحلقية بالبحرين وردو عليه ثاني يوم بصحة البيانات.
راجعت ولا حصلت فهد وحصلت سكرتيرة المدير الدكتور عبدالله البحر وحده اسمها عذاري وقلت هذا الفاكس وصل بصحة البيانات خلصي موضوعي قالت: ماكو مدير يوقع . وكان اليوم يوم ثلاثاء قالت: تعال يوم الخميس بيكون خالص .
سافرت السبت ورديت يوم الثلاثاء الفجر ورحت للتعليم العالي وهنا قابلت المدير عبدالله البحر. وقال خلاص تعال باجر وبيخلص موضوعك.
الاربعاء اضراب الموظفين.
جيت يوم الخميس ولقيت سكرتيرة المدير وقلت شصار على موضوعي قالت: ما ادري وأنا الحين بطلع.
طبعاً طلعوا كلهم رايحين للوكيلة رشا
قعدت على الكرسي ونظرت لما ردوا بحدود الساعة الوحده الا ربع وسكرتيرة المدير أولهم ( عذاري ) ولا ما اسمع الا التصفيق واليباب داخل القسم ( يمكن الوكيلة مواعدتهم بتعديل اشاء غلط )
المهم واثناء هالمشهد المفرح لهم ولي لاني توقعت اموري بتخلص دخل المبنى الموظف اللي اسمه فهد
قلت: فهد انا اتبهدلت قال: ليش ما خلصت لما الحين
المهم اخذ الوصل مني وعشر دقايق ولا رجع لي قال الموظفة اللي استلمت اوراقك اللي من الفاكس اخذت اجازة واوراقك بدرجها بس تعال يوم الاحد ولا يكون خاطرك الا طيب
طبعا انا الحين انطر يوم الاحد شنو راح يصير
اليوم كنت اقرى الجريدة واشوف هالموضوع عن اضراب اليومين اللي فاتت وتقول الوكيلة انه مو أضراب
طبعاً انا ما ألوم الموظفين بالقسم ذلك مظغوطين ولا فيه عدد ومتروس سوء ادارة ورساله اوجهها للدكتور عبدالله البحر شلون الموظفين يطلعون اجازة من غير لا يوقعون ورقة تسليم مهام وان مافيه ولا معاملة بعهدته.
ومثلي لما الحين صابر وخاطره وسيع فلا تلومون احد يا موظفين التعليم العالي مع هالتخبط اللي تمارسونه ان يطالب ويصارخ بصوت عالي
ضرب موظفات.. في «التعليم العالي»
كتبت نهى الفيلكاوي:
اعتراض ابدته موظفات في مبنى رقم 4 في وزارة التعليم العالي احتجاجا على اهانة مراجعين لهن «قذفنا بألفاظ بذيئة، وتطاولوا علينا، بل هناك من رفع عقاله على موظفة».. وهذا الأمر، دخلت على خطه الوكيلة الدكتورة رشا الصباح: «سنمنع اي مراجع يتطاول على موظفينا من دخول مباني الوزارة نهائياً».
وشددت الدكتورة رشا في تصريح لـ «الوطن» على «احترام الموظف اثناء تأدية واجبه الوظيفي، وانتهاج الاسلوب اللبق معه»، مضيفة «اجتمعت مع موظفي مبنى 4 في الوزارة، وابدوا اعتراضهم على المعاملة السيئة التي بدرت من بعض المراجعين».
ونفت اضراب الموظفين «فهم كانوا معترضين»، مبينة ان «غضب المراجعين اتى من عدم معادلة شهاداتهم»، خصوصا انهم لم يراجعوا الوزارة قبل الالتحاق بهذه الجامعات التي نعدها غير معترف بها في الكويت».
تاريخ النشر 06/02/2009
لما حصلت شهادتي من جامعة الخليج العربي (الجامعة التي بعثتني لها وزارة التربية عن طريق ديوان الخدمة المدنية) وقدمتها لوزارة التربية طلبوا مني معادلة الشهادة وطلبوا مني اختار أحد أمرين:
الأول: أن يقوموا باجراءات معادلة الشهادة رسمياُ ومخاطبة التعليم العالي بها.
الثاني: أن أقوم بنفسي من مراجعة التعليم العالي وطلب المعادلة.
اقترحت الموظفة بوزارة التربية أن أقوم بنفسي بمراجعة التعليم العالي أن كنت في عجلة من أمري فاخترت الخيار الثاني ومن هنا بدأت مأساتي مع التعليم العالي.
في تاريخ 23 -12 الماضي تقدمت بطلب معادلة الشهادة فذهب لقسم معادلة الشهادات وطلبوا مني مراجعة المبنى رقم 1 وتسليم خطاب وزارة التربية والشهادة.
رحت مبنى 1 وقابلت الموظفة واخذت مني خطاب وزارة التربية وصورة من افادة التخرج.
قالت: راجع بعد ثلاث ايام.
المهم بعد اسبوع مر ولا احد اتصل وراجعت وقالوا لما الحين ما توقع ومر ما يقارب ثلاث ايام واتصلت فيني بعدها موظفة في المبنى رقم 4 وقالت لي راجعنا وهنا توقعت المعادلة انتهت ولما رحت لها.
قالت: الحين نستلم منك الاوراق.
قلت: شنو اوراقه ليش الفتره اللي فاتت شنو؟
قالت: ذاك توقيع عشان نستلم منك والحين بنستلم.
قلت: طيب شنو تبين من أوراق.
قالت: شهادتك مصدقة من الخراجية والسفارة والشهادة اللي قبلها الباكالوريوس وكشف درجاتك وصورة من جوازك .....الخ
المهم رحت واليوم الثاني وانا جايب الطلبات.
قلت: هذي طلباتكم
قالت: اخذ رقم وانطر.
اخذت رقم ونطرت لما جاني الدور وبعد استلم مني موظف اسمه عبدالله وقال لي خلاص الحين حنا يوم الاربعاء ويوم الاحد بنطرش اوراقك مع الحقيبة الدبلوماسية للملحق الثقافي بالبحرين نتأكد من صحة البيانات قلت: طيب ليش قلتوا لي وقعها من الخارجية والملحق الثقافي بالبحرين ليش مو انتم من البداية سويتوها قال: هذا الاجراء. والحين بعطي الموظفة منى أوراقك تجهزهم للحقيبة
المهم يوم الأثنين اتصلت على الملحقية بالبحرين وكلمت موظفة اسمها س وقالت: ما وصل لك اسم
والاثنين طاف عليه اثنين واثنين ولما راجعت التعليم العالي قابلت موظف اسمه فهد ( بيض الله وجهة) قال: ما جانا رد من الملحقية من البحرين، قلت: يا فهد شلون يجيكم رد وأوراقي لما الحين ما رحت لهم. قال: ما يصير.
المهم الولد ما قصر راح ونبش وطلعت الموظفة اللي اسمها منى ما خذه من ذلك اليوم اجازة وارواقي على مكتبها. قام فهد وتعاون معاي وبعث فاكس للمحلقية بالبحرين وردو عليه ثاني يوم بصحة البيانات.
راجعت ولا حصلت فهد وحصلت سكرتيرة المدير الدكتور عبدالله البحر وحده اسمها عذاري وقلت هذا الفاكس وصل بصحة البيانات خلصي موضوعي قالت: ماكو مدير يوقع . وكان اليوم يوم ثلاثاء قالت: تعال يوم الخميس بيكون خالص .
سافرت السبت ورديت يوم الثلاثاء الفجر ورحت للتعليم العالي وهنا قابلت المدير عبدالله البحر. وقال خلاص تعال باجر وبيخلص موضوعك.
الاربعاء اضراب الموظفين.
جيت يوم الخميس ولقيت سكرتيرة المدير وقلت شصار على موضوعي قالت: ما ادري وأنا الحين بطلع.
طبعاً طلعوا كلهم رايحين للوكيلة رشا
قعدت على الكرسي ونظرت لما ردوا بحدود الساعة الوحده الا ربع وسكرتيرة المدير أولهم ( عذاري ) ولا ما اسمع الا التصفيق واليباب داخل القسم ( يمكن الوكيلة مواعدتهم بتعديل اشاء غلط )
المهم واثناء هالمشهد المفرح لهم ولي لاني توقعت اموري بتخلص دخل المبنى الموظف اللي اسمه فهد
قلت: فهد انا اتبهدلت قال: ليش ما خلصت لما الحين
المهم اخذ الوصل مني وعشر دقايق ولا رجع لي قال الموظفة اللي استلمت اوراقك اللي من الفاكس اخذت اجازة واوراقك بدرجها بس تعال يوم الاحد ولا يكون خاطرك الا طيب
طبعا انا الحين انطر يوم الاحد شنو راح يصير
اليوم كنت اقرى الجريدة واشوف هالموضوع عن اضراب اليومين اللي فاتت وتقول الوكيلة انه مو أضراب
طبعاً انا ما ألوم الموظفين بالقسم ذلك مظغوطين ولا فيه عدد ومتروس سوء ادارة ورساله اوجهها للدكتور عبدالله البحر شلون الموظفين يطلعون اجازة من غير لا يوقعون ورقة تسليم مهام وان مافيه ولا معاملة بعهدته.
ومثلي لما الحين صابر وخاطره وسيع فلا تلومون احد يا موظفين التعليم العالي مع هالتخبط اللي تمارسونه ان يطالب ويصارخ بصوت عالي
ضرب موظفات.. في «التعليم العالي»
كتبت نهى الفيلكاوي:
اعتراض ابدته موظفات في مبنى رقم 4 في وزارة التعليم العالي احتجاجا على اهانة مراجعين لهن «قذفنا بألفاظ بذيئة، وتطاولوا علينا، بل هناك من رفع عقاله على موظفة».. وهذا الأمر، دخلت على خطه الوكيلة الدكتورة رشا الصباح: «سنمنع اي مراجع يتطاول على موظفينا من دخول مباني الوزارة نهائياً».
وشددت الدكتورة رشا في تصريح لـ «الوطن» على «احترام الموظف اثناء تأدية واجبه الوظيفي، وانتهاج الاسلوب اللبق معه»، مضيفة «اجتمعت مع موظفي مبنى 4 في الوزارة، وابدوا اعتراضهم على المعاملة السيئة التي بدرت من بعض المراجعين».
ونفت اضراب الموظفين «فهم كانوا معترضين»، مبينة ان «غضب المراجعين اتى من عدم معادلة شهاداتهم»، خصوصا انهم لم يراجعوا الوزارة قبل الالتحاق بهذه الجامعات التي نعدها غير معترف بها في الكويت».
تاريخ النشر 06/02/2009