bodalal
11-02-2008, 10:26 PM
مساء أمس كان حفل اختتام مؤتمر الكويت الخامس " من الكويت نبدأ وإلى الكويت ننتهي " والذي كرمت فيه شخصيات كبيرة من رجال الكويت .. ومنهم د. أحمد الربعي رحمه الله
المؤتمر استمر 4 أيام وكان فيه تكريم لـ 17 شخصية .. كل يوم عدد من أهل المكرمين يتحدثون عن سيرة الشخص المكرم ..
مساء أمس تحدث عبدالرحمن الربعي شقيق د. أحمد رحمه الله .. كان حديثا مؤثرا .. أثر فيني على الأقل
عندما انتهى من حديثه قال .. أتمنى من الحضور ممن لديه أي شيء عن أبو قتيبة يخبرني عنه لأنني أقوم بجمع تلك الأحاديث .
...
بعد انتهاء الحفل .. رحت حق الأخ عبدالرحمن الربعي ( وهو أكبر من أبو قتيبة بسنتين ) وكان قاعد يمه أخوهم الكبير عبدالله الربعي
قلت له عندي سالفة بقولها لك صارت وياي مع د. أحمد الربعي
كنت طالب بقسم الفلسفة سنة 1992 .. وكنت ماخذ مقرر مبادئ الفلسفة عند د. أحمد الربعي رحمة الله عليه ، وبنفس الوقت كنت موظف بوزارة التربية بمدرسة مقررات .. فكانت محاضرات الصبح اتعبني بسبب الدوام .. خاصة ان الناظر والوكيل بذاك الوقت ما كانوا يهتمون بدراستي ولا ساعدوني ..
المهم .. بعد فترة د. أحمد صار وزير للتربية .. استانست .. قلت بس .. دكتوري صار الوزير .. هانت
د. أحمد الربعي الله يرحمه كان شخص متواضع بشكل عجييييب .. يحب الغشمرة والضحك واااااااايد .. يوقف ويانا بالمررات ويسولف معانا ويقول لنا نكت ويمشي
فكنت أتصور إنه واحد من الربع من كثر الميانة ..
كان عندنا بقسم الفلسفة بالآداب سيمينار ( محاضرة متخصصة ) كل يوم اثنين ( بعدين صارت كل يوم أربعاء ) .. وكان بو قتيبة ما يطوف هالسيمينار أبد .. مع ان وقتها بايخ شوي .. الساعة 3 العصر
المهم .. ذاك اليوم قلت خلاص اكلمه يشوفلي حل .. خاصة إني بديت آخذ مقررات تخصص مستوى 300 وما كانت تنزل غير مقرر واحد الصبح بس
خلصنا المحاضرة .. رحت للدكتور أحمد .. قلت له دكتور أبي أكلمك بموضوع
قال تفضل ..
قلت له السالفة كيت وكيت .. وآنا تعبت من الدوام .. ويا ليت في شغل .. بس وجود وحضور على الفاضي .. وهالحين محاضرات التخصص أغلبها الصبح .. شوفلي حل ..
قال لي يعني شنو تبي بالظبط ؟
قلت له .. انقلني لمكان ما فيه شغل والا كلم المنطقة أو المدرسة يخفون عني شوي
( كنت من صجي متخيل جذي .. انه وزير ويسوي اللي يبيه ههههههه )
رد علي بكل بساطة .. قال لي .. قدم نقل حق الناظر وخل المعاملة تمشي بشكل قانوني .. إذا لك حق بشي وحرمك منه أحد تعال قوللي ..
قلت له حاولت وماكو فايدة .. أبيها منك دكتور
جان يقوللي .. مني ؟! اطلبني عيوني وآنا حاضر .. لكن أتجاوز القانون لأ
هني .. أخوه عبدالرحمن الربعي نزل راسه شوي .. وقام يمسح دموعه !
قاللي أخوه عبدالرحمن .. زعلت منه ؟
قلت له لا والله بالعكس .. حبيته أكثر
قاللي أقولك شي .. أقسم بالله العظيم أختي معلمة وكان عندها استثناء من وزير التربية قبل الربعي د. سليمان البدر .. ولمه صار بو قتيبة وزير ألغاه
أختي كلمته .. قالها نفس الكلمة .. طلبي عيوني حاضر .. لكن لا تتوقعين أعطيج استثناء .. حالج حال الباجي .
واليوم .. الست نورية ما تركت وحدة من أهلها إلا حطتها مسئولة :)
رحمة الله عليك يا بو قتيبة .. وجزاك الله كل خير عن كل حرف تعلمته منك .. وكل قيمة اكتسبتها منك
ورد وود ..
المؤتمر استمر 4 أيام وكان فيه تكريم لـ 17 شخصية .. كل يوم عدد من أهل المكرمين يتحدثون عن سيرة الشخص المكرم ..
مساء أمس تحدث عبدالرحمن الربعي شقيق د. أحمد رحمه الله .. كان حديثا مؤثرا .. أثر فيني على الأقل
عندما انتهى من حديثه قال .. أتمنى من الحضور ممن لديه أي شيء عن أبو قتيبة يخبرني عنه لأنني أقوم بجمع تلك الأحاديث .
...
بعد انتهاء الحفل .. رحت حق الأخ عبدالرحمن الربعي ( وهو أكبر من أبو قتيبة بسنتين ) وكان قاعد يمه أخوهم الكبير عبدالله الربعي
قلت له عندي سالفة بقولها لك صارت وياي مع د. أحمد الربعي
كنت طالب بقسم الفلسفة سنة 1992 .. وكنت ماخذ مقرر مبادئ الفلسفة عند د. أحمد الربعي رحمة الله عليه ، وبنفس الوقت كنت موظف بوزارة التربية بمدرسة مقررات .. فكانت محاضرات الصبح اتعبني بسبب الدوام .. خاصة ان الناظر والوكيل بذاك الوقت ما كانوا يهتمون بدراستي ولا ساعدوني ..
المهم .. بعد فترة د. أحمد صار وزير للتربية .. استانست .. قلت بس .. دكتوري صار الوزير .. هانت
د. أحمد الربعي الله يرحمه كان شخص متواضع بشكل عجييييب .. يحب الغشمرة والضحك واااااااايد .. يوقف ويانا بالمررات ويسولف معانا ويقول لنا نكت ويمشي
فكنت أتصور إنه واحد من الربع من كثر الميانة ..
كان عندنا بقسم الفلسفة بالآداب سيمينار ( محاضرة متخصصة ) كل يوم اثنين ( بعدين صارت كل يوم أربعاء ) .. وكان بو قتيبة ما يطوف هالسيمينار أبد .. مع ان وقتها بايخ شوي .. الساعة 3 العصر
المهم .. ذاك اليوم قلت خلاص اكلمه يشوفلي حل .. خاصة إني بديت آخذ مقررات تخصص مستوى 300 وما كانت تنزل غير مقرر واحد الصبح بس
خلصنا المحاضرة .. رحت للدكتور أحمد .. قلت له دكتور أبي أكلمك بموضوع
قال تفضل ..
قلت له السالفة كيت وكيت .. وآنا تعبت من الدوام .. ويا ليت في شغل .. بس وجود وحضور على الفاضي .. وهالحين محاضرات التخصص أغلبها الصبح .. شوفلي حل ..
قال لي يعني شنو تبي بالظبط ؟
قلت له .. انقلني لمكان ما فيه شغل والا كلم المنطقة أو المدرسة يخفون عني شوي
( كنت من صجي متخيل جذي .. انه وزير ويسوي اللي يبيه ههههههه )
رد علي بكل بساطة .. قال لي .. قدم نقل حق الناظر وخل المعاملة تمشي بشكل قانوني .. إذا لك حق بشي وحرمك منه أحد تعال قوللي ..
قلت له حاولت وماكو فايدة .. أبيها منك دكتور
جان يقوللي .. مني ؟! اطلبني عيوني وآنا حاضر .. لكن أتجاوز القانون لأ
هني .. أخوه عبدالرحمن الربعي نزل راسه شوي .. وقام يمسح دموعه !
قاللي أخوه عبدالرحمن .. زعلت منه ؟
قلت له لا والله بالعكس .. حبيته أكثر
قاللي أقولك شي .. أقسم بالله العظيم أختي معلمة وكان عندها استثناء من وزير التربية قبل الربعي د. سليمان البدر .. ولمه صار بو قتيبة وزير ألغاه
أختي كلمته .. قالها نفس الكلمة .. طلبي عيوني حاضر .. لكن لا تتوقعين أعطيج استثناء .. حالج حال الباجي .
واليوم .. الست نورية ما تركت وحدة من أهلها إلا حطتها مسئولة :)
رحمة الله عليك يا بو قتيبة .. وجزاك الله كل خير عن كل حرف تعلمته منك .. وكل قيمة اكتسبتها منك
ورد وود ..