هل تذكر أول فصل قمت بتدريسه ؟

[bodalal]

السلام عليكم جميعا .. أعتذر عن طول الغياب .. وما لي من عذر !

..


كنا نسولف بالدوام عن هالموضوع .. كل واحد كان يتذكر تجربته بأول تعيينه كمعلم وشلون كانت التجربة مع أول فصل قام بتدريسه .. حبيت أنقل الموضوع هني

بالنسبة لي .. وكخريج كلية الآداب ولا عطوني لا دورة ولا شي ... تعينت بالتدريس سنة 1996 .. وعلى طول عطوني 3 مقررات 15 ساعة بالأسبوع .. مقرر 10 تاريخ الكويت صفين ومقرر 87 مبادئ الفلسفة

رئيس القسم وقتها الله يجزاه خير لمه عرف إني على الزيرووو وأول مرة أدش صف وأدرس .. تركني أول أسبوعين أدش مع الزملاء بالحصص وأتعلم منهم .. وهم ما قصر شرحلي أساسيات التدريس والتعامل مع الطلبة

كان أول فصل أدش عليهم بروحي وأعطي حصة كاملة حق مقرر 87 فلسفة .. الطلبة كبار وأطول مني

طبعا أول مشكلة واجهتني اهي ضبط الوقت .. خلصت الدرس أول ربع ساعة وبعدين ما عرفت شقول هههههههه وتعرفون الطلبة .. منو عنده سؤال ؟ محد ولا واحد عنده سؤال .. فاهمين كل شي ؟ اي فاهمين .. ووقت الامتحان يالله يكتبون أساميهم

المهم .. خلصت الحصة على خير .. طلعت من الصف والا يلحقني واحد من الطلبة .. قديييم وكبيير
تخيلوا شنو يبي !
الأخ موظف بالداخلية وعنده يومين بالأسبوع دوام صبح يتأخر .. ويبيني ما أسجله غياب

قلت له انت شلون موظف ؟ تو الناس خلص ثانوية ولاحق على الوظيفة
جان يقول لي آنا متزوج هههههههه قلت بعد .. الله يعينك عيل

المهم .. لمه دشيت ثاني حصة على طلاب مقرر 10 كان الوضع أهون .. خاصة إني توني طالع من طلاب مقرر 87 الكبار

يمكن استمرت معاي الرهبة والارتباك وعدم القدرة على ضبط الوقت أسبوعين أو أكثر .. خاصة مع طلبة الفلسفة لأنهم خريجين وكبار ومشاكلهم كانت كبيرة

لكن الحمد لله .. الله وفقني ومشى الحال ..

من المواقف اللي أذكرها وياهم .. طبعا غير سوالف الكتابة على الطوفة .. خاصة رسمة الدقمة اللي يكتبون عليها " اضغط الزر يختفي المدرس " ههههههه

كان 90 % من الطلبة يدخنون .. ولما كنت أروح للصف وأفتح الباب أصيدهم يدخنون .. أسحبهم للإدارة .. فكنت كل أسبوع تقريبا ألقى سيارتي مشخطة والا مبنجرين ت****ن ( ولازم ت****ن علشان أتبهدل عدل

الغريب ان كان عندي 15 حصة بالأسبوع .. ومراقبة يومية حصة .. وكنت مرشد ( نظام المقررات ) .. ورئيس القسم كان مسوي لجان بالقسم ومعطيني لجنة الاختبارات فكان طباعة كل الاختبارات لكل الزملاء المعلمين آنا أطبعها .. تدرون معلم جديد والوحيد اللي كنت أعرف للكمبيوتر
وهم كان مكلفني بلجنة الوسائل التعليمية بالقسم وهذي تبهدلت فيها عدل لأني قعدت أجمع كل الخرايط والأفلام التعليمية والمجسمات وغيرها وأسويلهم فهرس بكل تفاصيلهم ونموذج استعارة للأقسام الثانية ومدري شنو ..

المهم كان اليوم الدراسي والله العظيم شغل وكراف من أول دقيقة لي آخر دقيقة .. هذا غير شغل الارشاد اللي نقعد فيه ساعتين عقب الدوام أو نضطر نرجع للمدرسة بالليل علشان نخلصه ..

ومع هذا كنت بقمة السعادة .. وإذا غاب أحد من الزملاء أستانس إني آخذ حصته أو أراقب بداله .. الشكوى كانت قليلة .. وكان عندنا حرية كبيرة بالتصرف بالمنهج ووضع الاختبارات

ما أدري ليش هالحين عسى ما تقول حق معلم جديد شي أو تطلب منه طلب صغير إلا قب بويهك وقال شمعنه آنا !!!


أتمنى باجي الأعضاء يحطون تجاربهم مع بداية تعيينهم وأول صفوف درسوها

ورد وود للجميع ...

[moalma]

حيا الله ...ودام غيابك بدون عذر حكمنا عليك المؤبد بالشبكة :look_down:

عجبتني هالسالفة

" اضغط الزر يختفي المدرس "

بس هــ الزّر وين مكانه بودلال ؟؟؟:)

المواقف كثيرة أكيد ولنا عودة لهذا الموضوع الجميل:(228):

[همس الرووح]

هلا بالأخ والزميل

بودلال من طول الغيبات

مب الفترة اللي غبت فيها


اشوي قصييييييييرة:look_down:


لا بدون عذر ،،،،،،،، وين المعلم عنك


يحكم عليك ،،،،،،،،!!!!!


المهم عوداً حميداً ،،،،،،

وان شاء الله آخر الغيبات ......

بالنسبة للموضوع بالمختصر المفيد

اول يوم دراسي لي ،،،،،

اعتقدت طالبات المدرسة اللي عينت فيها


ثانوية للبنات اعتقدن بأنني مسؤووولة


من الوزارة ،،، يقولون شخصية قوية


وبالموت أبتسم ،،،،، جدية اكثر من غشمرجية


يقولووووووووووون ،،،،،، بس يوم رائع وجميل

[كويتية]

حمدلله ع السلامة بو دلال >>>الصوغة لا تنساااها

أمممم

3فصول درست 18حصة وقبلها العملي كان مقررات >>تصدق نسيت شلي صااار وياااي

إن تذكرت شي لي عودة للموضوع-بإذن الله -

[bodalal]

حياكم الله اخواني وخواتي المعلمين والمعلمات .. ومشكورين على الترحيب الرائع

أعتذر مرة ثانية عن الغايب " القصير " .. اختي همس الروح .. كلها 8 أشهر .. مو وايد :)

تحياتي للجميع .. وان شاء الله نستمتع بقراءة تجارب جميع الزملاء

ورد وود للجميع

[moalem]

مرحبا ابو دلال


الموضوع شيق

لكن ما أذكر اول صف درسته فعلياً ، لكن اللي اذكره لما ذهبت ميداني ، كان مرسة في صباح السالم ، وكان اللي يشرف علي الدكتور فهد خليف اللميع واستاذ نسيت اسمه ( لأنه كان مكرهني بفكرة التدريس )، المهم أول يوم دشينا المدرسة اجتمع فينا المدير وعطانا تعليمات ( أي كلام ) وعمل لنا توقيع ...الخ

بعدين المدير الله يسلمكم حزتها كان اسمه ناظر مدرسة طلب من رئيس القسم اللي هو حزتها المدرس الأول انه يوزع علينا الحصص الأخيرة ، لكن الله سهل العملية وحضر الدكتور فهد اللميع متأخر ورجع الأمور لنصابها وطلب ثلاث حصص فقط لنا على ان تكون بين الساعه 9 إلى الساعه 12 ، طبعاً اسقبلونا المدرسين وكل واحد يبنا ناخذ من نصاب التدريس ماله على الرغم ان ما كان عندهم جدول كانوا في متوسط 9 حصص تقريباً ، قال المشرف خلك حازم من أول يوم مع الطلبة ، وهذا اللي خلاني احس بتأنيب الضمير لليوم هذا ، وهو اني لما دخلت على الصف الله يسلمك لقيت ولد يشاغب وكانت ماشغبته بسيطة المهم وعشان افرض الشخصية مثل ما وصاني المعزب مسكت الولد وكسرت ايدنه من الطق ( الجهل ظلمات ) المهم من كثر ما ضربته الصف يرجف حسيت بنشوة الانتصار وفرض الشخصية ( لليوم هذا واحد من العيال اللي بالصف ) طبعا الحين اعتقد بالجامعة ما خذ مني موقف رهيب يقول عسى اخوانك او اعيالك ما يجون عنده.

طبعاً نرجع لأصل الحديث اللي هو الصف وتدرسيك له

اول صف رسمي درسته ، طلب مني رئيس القسم اعادة التحضير ، وكتب ( المدرس يستخدم اسلوب لم نعهده من قبل ) لان طريقة تحضيري كنت ولا زلت اشوف انها عملية وسهله وواقعية في ضوء اهداف المنهج اللي كان بدليل المعلم . ومن بعدها لايومك هذا انا على الطريقة التقليدية الا اني استخدمت فيها الكمبيوتر في اخراج التحضير.

[moalem]

مرحبا ابو دلال


الموضوع شيق

لكن ما أذكر اول صف درسته فعلياً ، لكن اللي اذكره لما ذهبت ميداني ، كان مرسة في صباح السالم ، وكان اللي يشرف علي الدكتور فهد خليف اللميع واستاذ نسيت اسمه ( لأنه كان مكرهني بفكرة التدريس )، المهم أول يوم دشينا المدرسة اجتمع فينا المدير وعطانا تعليمات ( أي كلام ) وعمل لنا توقيع ...الخ

بعدين المدير الله يسلمكم حزتها كان اسمه ناظر مدرسة طلب من رئيس القسم اللي هو حزتها المدرس الأول انه يوزع علينا الحصص الأخيرة ، لكن الله سهل العملية وحضر الدكتور فهد اللميع متأخر ورجع الأمور لنصابها وطلب ثلاث حصص فقط لنا على ان تكون بين الساعه 9 إلى الساعه 12 ، طبعاً اسقبلونا المدرسين وكل واحد يبنا ناخذ من نصاب التدريس ماله على الرغم ان ما كان عندهم جدول كانوا في متوسط 9 حصص تقريباً ، قال المشرف خلك حازم من أول يوم مع الطلبة ، وهذا اللي خلاني احس بتأنيب الضمير لليوم هذا ، وهو اني لما دخلت على الصف الله يسلمك لقيت ولد يشاغب وكانت ماشغبته بسيطة المهم وعشان افرض الشخصية مثل ما وصاني المعزب مسكت الولد وكسرت ايدنه من الطق ( الجهل ظلمات ) المهم من كثر ما ضربته الصف يرجف حسيت بنشوة الانتصار وفرض الشخصية ( لليوم هذا واحد من العيال اللي بالصف ) طبعا الحين اعتقد بالجامعة ما خذ مني موقف رهيب يقول عسى اخوانك او اعيالك ما يجون عنده.

طبعاً نرجع لأصل الحديث اللي هو الصف وتدرسيك له

اول صف رسمي درسته ، طلب مني رئيس القسم اعادة التحضير ، وكتب ( المدرس يستخدم اسلوب لم نعهده من قبل ) لان طريقة تحضيري كنت ولا زلت اشوف انها عملية وسهله وواقعية في ضوء اهداف المنهج اللي كان بدليل المعلم . ومن بعدها لايومك هذا انا على الطريقة التقليدية الا اني استخدمت فيها الكمبيوتر في اخراج التحضير.

[عبير الورد]

انا ولله الحمد

ممكن ينطبق عليّ المثل المصري ( من الباب للطاق )

من اول حصة درست ومن الصبح حتى ما خلوني على الأقل إلى الحصة الثالثة

يالله ما عليه ........الله يسامحهم

التحضير كان تحفة وعلى كيف كيفك

طبعا من شدة الحماس

ما دريت عن الوقت ولا الجرس لين فتحت الباب مدرسة الحصة الثانية

الشي الأكيد إني شرحت نصف الدرس فقط

من كثرة الأمثلة والاستشهادات اللي طرحتها

لما وصلت القسم حسيت اني طالعة من معركة بس الحمد لله ما كان مبين عليّ:)

ومع ان علاقتي كانت طيبة مع الطالبات لكني كنت شديدة جدا عليهن

لما أتذكر هالشي يكسرون خاطري.

شكرا بو دلال على طرح هالموضوع .

[bodalal]

مشكورين على التفاعل والتواصل ..

والله سالفة التوصية للمعلم انه يكون شديد تحتاج لها وقفة ... يعني شنو المشكلة إذا المعلم يصادق طلابه ويعاملهم مثل اخوانه على المحبة والاحترام ؟!

ليش يبون المعلم بالصف كأنه شرطي يخوف .. حتى الشرطي مو لازم يكون يخوف بعد :)

عقليات ديناصورية .. شتتوقعون منهم

ورد وود للجميع

[ليه يادنيا علي]

خريجة متوسط وثانوي اسلامية ؟؟؟؟؟؟؟؟؟؟؟؟؟؟؟
درست أولى ابتدائي عربي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
شلون مادري قالوا تعلمي؟؟؟؟؟؟
وكنت اقول ياربي ليش العربي حصتين !!!!!!!!!!!!!!!!!!!!!!
حصة وحدة وواجد؟
الله لا يحاسبني مو ذنبي؟
وحصة الدين زارتني الموجه كان ذاك الفترة اولى عن خلق الله
وطول الحصة انا قاعده يم المشرفة والموجهة مشغلة فلم عن البراكين!!!!!!!!!!!!!!1
واهاوش الاولاد اذا تحركوا واقول لهم جذي راح يصير بيوم القيامة؟؟؟؟
خرشت قلوبهم؟؟؟؟
واسالتني الموجهة عن كتابي التحضير قلت ناسيته بالبيت؟
وانا اصلا مو محضرة؟؟؟؟؟؟
هذي اول سنة؟؟؟؟؟؟
وبعد ثمن سنوات قال لي الموجه اللي بالمنطقة الثانية؟؟؟
أبلة ............ خلقت لتدرس منهج الصف الاول الابتدائي
سبحان الله الخبرة لها دور...........