ليش ما ينقلونهم نقل إجباري ؟

[عبير الورد]

بعض المدارس الأقسام العلمية فيها عايشة بربيع

والبعض الآخر من المدارس الأقسام عندهم طاقهم الضيم

المدارس الجديدة صايرة مثل الآفة تبي معلمين ومو ملحقة

وكثير من المدارس القديمة فقدت جزء من معلميها نتيجة انتقالهم للمدارس الجديدة

والتوجيه ما يسوي شي ومراقبة التعليم ما يسوون شي...المناطق بكبرها ما تسوي شي:(217):



نطلب من التوجيه ونقول .............


نبي معلماااااااااات

الرد ..

هناك عجز وخاصة في المرحلة الثانوية

........

وين معلمات العملي ؟

يروحون لمدارس معينة

....

ليش ما تنقلون المعلمات اللي تم اجبارهم على التحويل للمتوسط أو الابتدائي حتى لو ندب

ندبهم صعب وعندهم واسطات

.................

يعني شلوووووووون ؟؟:(217):


يبيلكم واااااااسطة :look_down:

.........

ليش ما تنقلون البعض إجباري وخاصة المدارس اللي عندها تكدس ومرفوع عنهم القلم

هنا التوجيه يسكت عن الكلام المباح


لأن عجزهم عن الفعل لاح .

[ابو بدر]

شكل نصابك مرتفع ... لووووووووووووول
وإن شاء الله ضغطك ما أرتفع ,,,

نعود ونقول أن التنسيق سيء في وزارتنا ... كل شيء مخربط !!!
طبعا هذا يعود إلى نوعية المسؤولين عندنا ... مستواهم الإداري والفكري .. أي شيء

والسالفة مو سالفة واسطه !!!
لأن عدد أصحاب الواسطات قليل مما لا يؤثر على توازن الوزاره
السالفة سالفة تخبط إداري !

[moalem]

هالموضوع هذا لامسته قبل ثلاث سنوات قبل اطلع من التدريس ولامسته الأيام هذي وانا اعود للتدريس

القصة كنت بالعارضية تحديداً مدرسة سعود العبدالرزاق كان نصابنا فيها 18 حصة ، المدرسة الثانية اللي بالعارضية متوسطة نصابهم بمتوسط 12 حصة ورئيس قسمهم 3 ، حزتها كنت متوقع ان المسئولين ما يدرون سواء مراقب او رئيس التوجية ذيك الفتره كان ابو احمد المنيفي المهم رحت له وكلمته ولا يقول ناصبكم هو النصاب الطبيعي 18 حصة وشنو لك بغيركم من المدارس !!!

طبعاً هالأيام هذي انتقلت لمنطقة الاحمدي التعليمية سألت عن المدارس قالوا كيت وكيت ..الخ

رحت المراقب قال لك وحدة من ثلاث مدارس طبعاً النصاب للي فيها مرتفع جداً، قلت ماشي خلني ازور المدراس بعدين ارد لك خبر ، تجولت بالمدارس طبعاً ماكلين هواا المدرسين فيها وأِفقت عليهم جداً ومن بين الاقسام في مدرسة " الفارسي " قسم الفنية ما فيه الا مدرس واحد وبالمدرسة 32 صف!!

أنا ادري والمسؤولين بالمنطقه يدرسون ان فيها مدارس في بحبوحة من رغد الراحة ومدارس ترزح تحت ....

المهم القسم اللي انا فيه نصابهم الحالي 18 حصة وقلت ما طلبوتا من المراقب مدرس يشيل عنطك شوي من الشغل ، قالوا اتصلنا عليه وقال انتم نصابكم وافي انتم ما عندكم نقص انتم تبون تعزيز مدرس ، فإن حصل زين على زين وان ما حصل فنصابكم تمام ولا فيه زيادة.

طبعاً لما يكون النصاب 18 حصة فمعدل 4 -4 -4 -3 - 3 بالاسبوع . وين وقت يتابع التلاميذ وين وقت يحضر درسة وين وقت يفكر ووين ووين.

طبعاً فيه ميزة بصراحة وهي تحسب للوزارة من باب ولا تبخسوا الناس أشيائهم ان الفصول ما يتعدا عدد الطلبة فيها 25 طالب . لكن لو يمكن المشوار ويكون عدد المدرسين متفر بعد يا سلام