المساعد الشخصي الرقمي

مشاهدة النسخة كاملة : سؤال لكل مديرة روضه ومسؤوله عن الميزانية



خاص
10-04-2008, 04:27 AM
السلام عليكم ورحمة الله وبركاته

اشلونكم وشخباركم؟

اتمنى ان هالسنه تكون سنة خير علينا وعليكم وعساكم دايم مرتاحين .

حبيباتي من زماااان وانا تقرقع بقلبي سالفة ميزانية الروضه لأن فرق كبيييييييييييييييييييييييييير بين روضه وروضه يعني راح اقول لكم تجربتي اللي صار لها 9 سنوات برياض الاطفال تنقلت خلالها في اكثر من روضه بمحافظة الفراونيه.

ما عمري شفت خلالها دينار واحد من ميزانية الروضه ينصرف لا على صفي ولا اغراضي

ما عمرها ادارة من الادارات اللي شفتهم وهم تقريبا 5 إدارات سألتني شنو ناقصج يا أبله وشنو محتاجه لصفج وولا حتى شرتي لي دفتر تحضير او سجل مهارات للصف

في حين ان الرياض الثانيه ينصرف عليهم من الميزانيه لا وبعد يعطون كل معلمه مبلغ كل كورس بحدود 30 او 50 دينار وكل شهر 10 دنانير ويشترون لهم سجل المهارات ودفتر التحضير وحتى الصدريات هذا غير الالوان مالت الاصابع والالوان الشينيه والورق والصمغ والمقص والدباسات والذي منه ...الخ!

بالله بعرف هل احنا دوله داخل دوله ؟

بروضتي الحاليه كل شي من جيب المعلمات من صبغ الممرات والفصول والنجارين وضيافه وحتى بحفلات التخرج تجبر المعلمات عالمبادرات ويحطون لها من جيبهم مدرجات وكراسي وفلوس الجمعيه اللي حق الماجله ما نشوف شي منها وكله يروووح لبيتها حتى وقت التخضير استغفر الله تطرش الشتلات حق بيتها طبعا هذا غير الوجبات مالت الاطفال الحمدلله والشكر حشى جنها طاقها الفقر ودايم عذر الناظره ان هذا يحسب لج تعاون يا أبله؟؟؟

طبعا ما انسى اجبارها للمعلمات على بيع الصور بدينار على الاهالي وتجبر المعلمه اللي تستلم الصور انها تدفع من جيبها الخاص وعقب تحاسب المعلمه الاهالي!!بالله احنا معلمات ولا بياعات صور؟؟

المفروض الوزارة تمنع هالطريقه اللي تتبعها المديرات للمتاجره يعني قيمة الصوره ما تتعدى ربع دينار وبطنها 750 فلس هذا غير حق حفلات التخرج تاخذ 5 من الاهالي وتسوي لهم درع من كرتون ومعاه صوره ما يتعدى قيمته دينار ونص والباقي في بطنها !!!


بحدود 6000 دينار قاعده ترووووح ما ادري وين؟؟؟

الادهى ان في صمت غريب من قبل الوكيله والمراقبه وهذا يدل ان في تقسيم للتركه حسبي الله ونعم الوكيل!

الغلط وكل الغلط ان النشرات ما يقدرون المعلمات يطلعون عليها بخصوص أوجه الصرف لميزانية الروضه وشنو عليهم وشنو لهم وايضا ان اللي تشتكي وتتكلم تروح فيها لأن ادارة المنطقة التعليمية ضد المعلمه ومع الادارة!!

يا ريت لو الاخت شمس تفيدنا بالنشرات اللي توقف هالاشكال عند حدها وجزاها الله كل خير.

عبير الورد
10-04-2008, 11:37 AM
الله يعينكم

بند التعاون صار مشكلة وتعريفه مطاطي لأبعد الحدود

والمناطق التعليمية للأسف لا تحرك ساكن تجاه بعض المخطئين وتغض الطرف بطريقة غريبة .

moalma
10-07-2008, 10:58 PM
السلام عليكم ورحمة الله وبركاته

يا هلا فيج إختي خاص

سؤالج في محله ولج حق كبير إنج تتسائلين لأني آنا وحدة من الأعضاء تفاجئت بما قرات في موضوعج !!

فهل فعلا لا زال هناك مديرات يتعاملون مع المعلمات بنفس تعامل مديرتكم بعد كل الذي حدث من احتجاجات
وبعد ما حرصت الأستاذة نورية على تخصيص ميزانية كبيرة لرياض الأطفال بالذات !!

رياض الأطفال طبعا ما عندهم مقصف مدرسي ويعتمدون على ميزانية واحدة هي الصندوق المالي المخصص من الوزراة للروضة

في بداية السنة ينزل ما مقداره 4200 دينار وبعدها في اول ابريل ينزل 200 دينار
فهذا اعتقد كفاية لأن تحرص المديرة على توفير احتياجيات المعلمات !!

ثم ان هناك ميزانية يتابعها التوجيه الفني ممثل بالموجهة الفنية لروضتكم مقدارها 630 دينار لاحتياجات المعلمات ومدرجة في جدول ونشرة المفروض تكونون قارينها وعارفين ما هي الاحتياجات التي يسمح لكم بشراءها !!

وهناك نشرة من نورية الصبيح فيها تحذير لكل مديرة تتقبل أن تأخذ أي مال من المعلمة حتى لو كان من رضاها !!

فأنا اشعر انك تبالغين اختي

فهل هي ضربت بعرض الحائط كل تلك النشرات ؟؟؟؟

انتظرك

خاص
10-08-2008, 11:02 AM
السلام عليكم ورحمة الله وبركاته
وعليكم السلام ورحمة الله وبركاته

يا هلا فيج إختي خاص

اهلا فيج استاذه

سؤالج في محله ولج حق كبير إنج تتسائلين لأني آنا وحدة من الأعضاء تفاجئت بما قرات في موضوعج !!

وما خفي أعجب وللعلم مو بس روضتي

فهل فعلا لا زال هناك مديرات يتعاملون مع المعلمات بنفس تعامل مديرتكم بعد كل الذي حدث من احتجاجات
وبعد ما حرصت الأستاذة نورية على تخصيص ميزانية كبيرة لرياض الأطفال بالذات !!

اكيد لازال مادام اللي صار لهم اكثر من 30 سنه موجودين...أكيد مو حب للمهنه فقط ولكن لشي اخر!!


في بداية السنة ينزل ما مقداره 4200 دينار وبعدها في اول ابريل ينزل 200 دينار
فهذا اعتقد كفاية لأن تحرص المديرة على توفير احتياجيات المعلمات !!

ماشفنا منها فلس حمر اذا السجل مال المهارات من جيبنا!!
اعتقد قصدج 2000 مو 200 يعني المجموع 6200!!!

ثم ان هناك ميزانية يتابعها التوجيه الفني ممثل بالموجهة الفنية لروضتكم مقدارها 630 دينار لاحتياجات المعلمات ومدرجة في جدول ونشرة المفروض تكونون قارينها وعارفين ما هي الاحتياجات التي يسمح لكم بشراءها !!


هل المبلغ 630 دينار مستقطع من الميزانيه؟؟

وبعدين لا شفنا نشره ولا الاشياء المسموح لنا بشرائها؟؟؟
ياليت تفيدينا فيها بالمنتدي

وهناك نشرة من نورية الصبيح فيها تحذير لكل مديرة تتقبل أن تأخذ أي مال من المعلمة حتى لو كان من رضاها !!

ولا شفنا هالنشرة ولا عندنا علم فيها...!

بنتظار إفادتج لنا بوضع تلك النشرات لتكون عون للمظاليم


فأنا اشعر انك تبالغين اختي

الله يسامحج ...أقسم لج بالله العلى العظيم في حياتي كلها ما شفت فلس من الادارات اللي مريت عليهم وحالي حال الكثيرات ولا مره شرو لنا سجل مهارات او قالو لنا شنو محتاجين للفصول

فهل هي ضربت بعرض الحائط كل تلك النشرات ؟؟؟؟

نعم ضربت فيهم ونص ...وشغلها قانوني 100% اشلون ما ادري؟؟


انتظرك

وانا كذلك انتظرك بالنشرات التي ممكن تفيدنا

ايضا احب اعرف هل هالمبلغ ثابت لكل الرياض ام على حسب المعلمات والفصول؟؟

تحياتي لك وشكرا

moalma
10-08-2008, 10:48 PM
خاص
النشرات روحي سئلي عنها السكرتارية عندكم وسئلي موجهتكم الفنية

وثانيا نتمنى أن لا نثير المعلمات على مديراتهم

وحاولي تتفاهمين مع مديرتج بشكل ودي حول احتياجاتكم ..ثقي ما راح تردج لكن انتوا تتحجون وتروحون تدفعون وشكلكم راضي على هذا الشي !!!!!!!


630 دينار هي فقط المخصصة لأغراضكم التي توفرها المديرة
وباجي الفلوس طبعا لاحتياجات المبنى والصيانة والأنشطة وما إلى ذلك


شكرا لك

خاص
10-09-2008, 01:49 AM
ولو انا لاقيه النشره عند السكرتاريه ما كنت كتبت الموضوع

وكلمتج انج ما تبين تثيرين المعلمات على المديرات ما فهمتها !!

قاعده اقول لج ما شفنا نشرات وتقولين لي إثارة المعلمات على المديرات؟؟

قاعده اقول لج ما شفت شي من هال630 دينار للمعلمات وتقولين لي اثارة المعلمات !!

اشوف انج نسيتي انج كنتي معلمه بيوم من الايام وما ترضين ان احد يستغفلج ويقول لج دفعي يا ابله ويجبرج على هالشي بعد وتقول لج هذا بند تعاون يا ابله!!

للعلم يا استاذه شمس انا بروضتي احتياجات الروضه من جيوب المعلمه وتحتسبها الناظره تعاون ومبادرات!!
والانشطه المقامه طوووووووووووول السنه من جيوبهم بعد!

وتقولين لي اروح اتفاهم وياها ودي؟؟؟؟

إلا راح تحط على حطه مو طبيعيه لأنها متعوده على هالشي والمعلمات بالفعل راضين على هالشي عندي بروضتي لأن على بالهم كل الرياض جذي