المساعد الشخصي الرقمي

مشاهدة النسخة كاملة : لا تسوي شي عشان ما تغلط ونستجوبك



حافي بشارع التاريخ
09-22-2008, 09:00 AM
عاصرت بحدود 7 وزراء مروا على التربية بداية بالدكتور احمد الربعي بداية التسعينات والغانم والابراهيم والهارون والحمد والطبطباي وبعدين نورية الصبيح .

لكن الغريب ان اغلبهم دخل وطلع محد درى فيهم طبعاً ولأنهم ما كانوا يشتغلون فشي طبيعي انهم ما يخطون . بس اللي يعمل ويشتغل لابد انه يكون عنده اغلاط لان اي عمل انساني ما يكون كامل لازم يصير فيه اغلاط . والجماعة بمجلس الامه الحين صار شغلهم الشاغل شلون يتصيدون على الوزراء بلا استثناء ومن بينهم الست نورية .

اعجبني كلام قريته بمقابلة مع رجا حجيلان لما قال الوزيرة تبي من يقدم لها النصيحة والوقفة. وبغض النظر عن كون الوزيرة نورية او غيرها لازم يكون هناك تعاون ولازم يكون هناك لقاء ولازم اي مسؤو ما سوا شي جديد وصار تعديلات بفتره معينة انه يبعد عن منصبة . ولازم يكون هناك جهة مستقلة تتبع الوزير مباشرة تقيم المسؤولين ولازم يتم تفعيل دور ادارة البحوث والدراسات بشكل اساسي ويكون لها سلطة على الجهات المعنية بالوزارة ولازم ولازم ولازم .

لكن يكون دورنا انا نحدد المشاكل ونحط الحلول ، لان اللي صار مشاكل عايمة وبس ، فيه مشاكل لكن لازم تتحدد وتنحط كل مشكلة ومنى المسؤول عليها وتنعرف اسباب هالمشاكل

كويتية
09-22-2008, 03:30 PM
لما يقوم النجار بعمله فهنالك نسبة بسيط أن يخطئ

ولما يقوم المعلم بتعليم تلاميذه فهنالك مجال أن يخطئ لكن بحذاقته وسرعة بديهته يصحح الخطا الذ وقع فيه

لكن لما وزيرة تطلق تصريحات منرفزة فهذا أمر جلل

لأن أي تصريح يجب أن يكون مسبوق بسكرتارية منتخبة من قبل الوزيرة تتكتك لها تصريحها وتعدل لها كلامها وفق معلومات مؤكدة

مو امسكي المايك وارتجلي كلام (نودي عيالكم المخفر إذا تأخرتوا عن اصطحابهم بالذمة هذا تصريح تربوية!!)

أخي المحترم:

الوزراء السابقون كانوا أصحاب خبرات وعلم وعقل وفهم وصلوا بحزبهم ،بعلمهم ،وبشهاداتهم

وليس بعائلتهم

حافي بشارع التاريخ
09-22-2008, 11:55 PM
الوزراء السابقون كانوا أصحاب خبرات وعلم وعقل وفهم وصلوا بحزبهم ،بعلمهم ،وبشهاداتهم

وليس بعائلتهم

مو حنا الحين نجني ثمرة الوزراء السابقين الجامدين الميتين وهم أحياء
عموما الفكرة من الموضوع ان الوزيرة ماهي معصومة بس من وجة نظري انها افضل من غيرها من الوزراء اللي قبل

moalma
09-23-2008, 04:31 AM
مو حنا الحين نجني ثمرة الوزراء السابقين الجامدين الميتين وهم أحياء
عموما الفكرة من الموضوع ان الوزيرة ماهي معصومة بس من وجة نظري انها افضل من غيرها من الوزراء اللي قبل

كنت دايما أحاول توضيح وجهة نظري اللي رفضها الأغلبية

ولا زلت أقول ما هو الإنجاز العظيم اللي تركه الوزراء الرجال السابقين حتى تبونه من استاذة نورية ؟؟؟

مع إني ما شفت التطور إلا في عهد نورية الصبيح

عبير الورد
09-23-2008, 01:51 PM
نورية زينة وتحاول التغيير لكن مشكلتها في

الجروبات اللي كونتها حولها

واسلوبها الذي هو أقرب للخط السياسي منه للتربوي التعليمي

حبها لكثرة اللجان والمستشارين

عندها رغبة في الانتقام واضحة

بعدها عن التروي في اتخاذ القرارات