شنو يقصد ؟؟؟

[moalma]

يا جماعة لقيت هالموضوع في النّت واستغربت طبعا موضوعه بالبداية وأعترف إني ما فهمت شنو يقصد ؟؟
وانصدمت للأسلوب اللي تتبعه هذا العضو في موضوعه !!
فهل نرجو التربية لأبناءنا أولياء أمورهم بهذا الشكل ؟؟؟!!!




ياناس ياعالم هاذي بشر ولا يايه من المريخ اول مره اشوف وزيره التربيه تبي تعقد عيالنا منهج ابتدائي مال ثانويه والله حرام عليج ليش تعقدون اطفالنا من الدراسه حسبالها ان كل الاطفال مستواهم زين في الظعيب وفي الذكي شوفو الدراسه العالميه بالكمبيوتر واحنا معطينهم كتب والله انا ياكبير ماقدر اشيلها والله حرام عليج يالصبيح ولا انتي ماعندج عيال شكلج ماتزوجتي عشان جذي تحطين حرتج بعيالنا .

بس شنقول كل يوم نزداد تخلف وهاذي الوزيره احدى اسباب التخلف اذا تبين تقوين عيالنا حببيهم بالمنهج وسهليه عليهم الله يسهل عليج

ياجماعه نبي رايكم يمكن على وعسى الله يهديها وتصير آدميه وتحس بالناس





فهموني:(217):

[قاسم - مشترك]

عزيزتي شمس ..
يقولون الصراخ على قدر الألم .. والرجل يتألم .
يتحدث عن مناهج المرحله الابتدائيه الجديده .. و أنه كولي أمر لا يعرفها .. فكيف بابنه ..
أما في النقطه الثانيه .. التى تحدث عنها ..
فالوزيره في اول تصريح لها عند تولي حقيبة التربيه .. تكلمت عن تخفيض الحقيبه المدرسيه ..
ومع هذا .. يقولون أن المرحله الابتدائيه زادوها أربع كتب !!!

عزيزتي شمس ..
ما تحدث عنه الرجل .. أصبح فاكهة مجالسنا مع بداية العام الدراسي .
يعني أصبح شي عادي جدا .. حيا الله سلبيه من سلبيات كثيره .
الوزيره فشلت كل مشاريعها .. ودخلت الآن مرحلة الترقيع ..
وهي مرحله خطره .. يمر فيها وزراؤنا .. في أواخر حياتهم السياسيه .. قال آمين عشان خاطري .

يا اخت شمس ..
الأوضاع أصبحت خطيره جدا ..
إلى درجة أن اولياء الأمور أصبحوا يصرخون بالنت بكلام غير مفهوم .
و ما نقلتيه .. دليل على ذلك .

[كويتية]

بالعكس شموسة كلامه مفهووووووووووم بس كلمة ظعيب =ضعيف

فعلا الكتب زادت والمناااهج تغيرت حتى معلمات الرياضيات يقولون لي والله مو عارفين شلون نشرح المنهج الجديد لادورات عطونا ولاتوجيه فهمنا !!

[moalma]

قاسم
شنو الأربع كتب اللي زودوها ؟؟

وكيف يتم إدراج كتب بالمنهج دون أن تكون هناك دراسة وموافقة من التوجيه ؟؟

أكيد الأمر مدروس ..مو معقول يا جماعة ؟؟

أما عن ولي الأمر خيرته بيتعوّد على مستوى تدريسي يختلف عن ما سبق !!!

[moalma]

بالعكس شموسة كلامه مفهووووووووووم بس كلمة ظعيب =ضعيف

فعلا الكتب زادت والمناااهج تغيرت حتى معلمات الرياضيات يقولون لي والله مو عارفين شلون نشرح المنهج الجديد لادورات عطونا ولاتوجيه فهمنا !!

أهااا... ضعيف !!!

يفترض كل معلمة رياضيات لديها الخبرة الكافية لتتوقع أي مستجد تربوي على مادتها ...ولاّ وين التميّز يكون ؟؟!!

[عبير الورد]

شمس الله يهداج أنتي بس تبين تدافعين وبس

ليش مو راضية تقتنعين أن الأمور ملخبطة والمناهج ما يتم التدريب عليها إلا بنفس السنة يعني يطوف نص الوقت ياااااالله

يستوعب المعلمين الطريقة المطلوبة .

والقصة مو مرتبطة بقدرة المعلمين على الفهم

القصة لها علاقة بالكيفية التي يرغب التوجيه فيها بتدريس الطلبة

لازم منهج وكيفية معينة ووسائل

والا كل واحد خل يدرس على كيفه .

[moalma]

شمس الله يهداج أنتي بس تبين تدافعين وبس

ليش مو راضية تقتنعين أن الأمور ملخبطة والمناهج ما يتم التدريب عليها إلا بنفس السنة يعني يطوف نص الوقت ياااااالله

يستوعب المعلمين الطريقة المطلوبة .

والقصة مو مرتبطة بقدرة المعلمين على الفهم

القصة لها علاقة بالكيفية التي يرغب التوجيه فيها بتدريس الطلبة

لازم منهج وكيفية معينة ووسائل

والا كل واحد خل يدرس على كيفه .

عبورة : أدافع عن منو يعني ؟؟؟ وشنو مصلحتي ؟؟ ومنو يعرفني اهني ؟؟
عبير حبيبتي :

يعني كلامج إنه طرأ مستجد على طريقة التدريس ..حسب فهمي لمشاركتج !
طيّب هل هذا شي جديد ؟
طول عمرنا واحنا تطرأ علينا تغيرات في مناهجنا من أهداف وكيفية تحقيقها والوسائل اللازمة لها !!
هي فقط تحتاج أن يتقبل المعلم هذا دام هي من نفس تخصصه ويحاول استيعاب الجديد بنفسه من خلال اجتهاده ولا يقعد ينتظر تدريب وجدول زمني حتى يعرف طريقة تدريس مادّته !!

التهويل لكل قرار هذا أصبح طبع المعلمين والمعلمات للأسف !!
ما يبون التجديد ولا يبون للديرة أن تتطوّر ...
يبون شيء جاهز وما يتغير ولا كأنه كل شي في الحياة تغير ويحتاج لمسايرته !!

[كويتية]

شمسسسسسسسسسسسسس

ترى لاعت جبدي كله دفاااع عن سداااح

لاتخليني اجيج بيتكم ونتفاااهم :(


الوضع مزري بالتعليم

الرياااض مرحلة مختلفةةةةةةةةةةة

[عبير الورد]

عبورة : أدافع عن منو يعني ؟؟؟ وشنو مصلحتي ؟؟ ومنو يعرفني اهني ؟؟
مو شرط أحد يعرفج بس احسها قناعة عندج


عبير حبيبتي :

يعني كلامج إنه طرأ مستجد على طريقة التدريس ..حسب فهمي لمشاركتج !
طيّب هل هذا شي جديد ؟
طول عمرنا واحنا تطرأ علينا تغيرات في مناهجنا من أهداف وكيفية تحقيقها والوسائل اللازمة لها !!

كلامج صحيح صار التعليم لعبة


هي فقط تحتاج أن يتقبل المعلم هذا دام هي من نفس تخصصه :(217):ويحاول استيعاب الجديد بنفسه من خلال اجتهاده ولا يقعد ينتظر تدريب وجدول زمني حتى يعرف طريقة تدريس مادّته !!

يعني علشان نفس تخصصنا لازم نتقبلها وندرّسها على كيفنا :(174):


التهويل لكل قرار هذا أصبح طبع المعلمين والمعلمات للأسف !!
ما يبون التجديد ولا يبون للديرة أن تتطوّر ...

هذا اتهام لا نرضاه



يبون شيء جاهز وما يتغير ولا كأنه كل شي في الحياة تغير ويحتاج لمسايرته !!


بالعكس نحب التجديد لكن التجديد المدروس

اللي قبل نزول المنهج تكون كتبه جاهزة والدورات التدريبية قد تمت لمعلمي المنهج

مو ندرّس على كيفنا وبدون منهج

وعقب ما يطوف الوقت يقولون لنا ترى الدرجات مو جذي وترى المنهج مو جذي ويسوون دورة على منهج خلصنا ثلثه

وعقب كل هذا يتحدثون عن ضرورة جاهزية المعلم وان يكون على أتم الاستعداد ...والله خرطي



وسلامتج يا شمس

[كويتية]

وينج شمس ؟!!

شربي الفيمتو وبردي على جبدج وتعالي اهنيه

[مستشار قانوني]

وزاره التربيه مثل الكويت

الحافظ الله يا كويت

وعلى البركه مركب بدون قبطان في وزاره التربيه
<<<<<<<<<<<<< منقهر من الوزاره واللي ماسكينها

[قاسم - مشترك]

شمس ..
كلامج فيه نوع المنطق لما قلتي ان المدرسين فيهم تهويل بعض الشي ..
واخالف فيه اختنا عبير ..

لكن من ناحيه ثانيه .. أأيدها بكلامها .. لما يكون التطوير غير مدروس ..
صراحه .. المسؤولين بالتربيه انزعوا الثقه من قلوبنا تجاههم .. للمهازل اللى يسوونها ..
واعطيج مثال بالاحصائيات اللى كل سنه يطلعون لنا باحصائيه جديده .. ويغثونا فيها ..
وين هالاحصائيات ؟؟ وشنو النتايج اللى اطلعوا فيها ؟؟
كله كلام في كلام ..

لذلك .. لا اتلومينا ولومي اللى انزعوا منا الثقه فيهم

شكرا شمس .. شكرا عبير