المساعد الشخصي الرقمي

مشاهدة النسخة كاملة : راح أستقيل من وزارة التربية ؟ شرايكم ؟



أميرة الورد
09-04-2008, 01:40 PM
السلام عليكم



طبعا واضح من العنوان ان بأستشيركم بموضوع الأستقاله ...


بصراحه مالقيت الا هالحل لمشكلي اللي ابتدت بموضوع نقلي ...

أختصار الموضوع !!


قدمت نقل خارجي وللأسف تنفذ ولما سويت اخلاء طرف من مدرستي رحت ابي استلم المباشره من المنطقه التعليمة علشان اكتشف ان مالي مركز عمل محدد

مع ان عندي ورقة مشروع نقل من التوجيه تفيد اني منقوله لمدرسة ولما سألت مراقبه التعليم المتوسط بمنطقة ........... ردت علي بأسلوب مو حضاري ولا تربوي ان ما عندي نقص الا بمنطقه توها جديده ...


المشكله مو بالنقل المشكله بالأسلوب خلتني ولا اسوى قدام الموظفين والمراجعين وهالشي خلاني ما اشيل فكره الأستقاله ...


يا ترى تأيدوني والا لا ؟؟؟

أميرة الورد
09-04-2008, 01:42 PM
حبيت اضيف ان انا استلمت اخلاء الطرف امس وللحين ما عندي مركز عمل افيدوني الله يخليكم ؟؟

همس الرووح
09-04-2008, 07:39 PM
عبير هالنوعية من البشر

لا يخلونج تستقيلين يبونها من الله


خلج قوية واسلوبهم الغير

حضاري بيي على رؤوسهم


لا تستعيلين ابد ،،،،

كا آنا في بلدي طلبت نقل ونقلوني

نفس المشكلة تصادفني ،،،

كل شيئ بيي بوقته عزيزتي ،،،

ابو بدر
09-04-2008, 11:58 PM
النصيحة :

أولا حاولي مرة أخرى مع المنطقة
وإذا هم مصرين .. عادي .. أنتقلي إلى هذه المنطقة الجديدة !
ترى الواحد ما يعرف وين خيرته .. ممكن هذه المدرسة الجديدة تكون إدارتها ممتازه ,,

وعلى كل حال ممكن بعدين تسوين نقل داخلي
لأن الداخلي اسهل بكثير من الخارجي

moalma
09-05-2008, 12:24 AM
هلا أموورة وكل عام وإنتِ بخير يا الغالية

أميرة حبيبتي

بالبداية ثقي أن امر المؤمن كلّه خير ...
فــ سبحان الله ..

الاستقالة أنا اعتبرها هروب من مسؤولية إنتي قدها ...ونص

استخيري وتقربي إلى ربج في كل أمر ...

وحاولي ان لا تصدري أحكام قبل التأكد من الأسباب 1
اما مسألة مخاطبتها لك بأسلوب غير تربوي حسب كلامك فهذا بالطبع قمة الجهل في التعامل ..

وأيضا لا يمكن أن تلجأ المراقبة لهذا الأسلوب إلا في حال ضرورة وإنلم يكن هناك سبب فأنا أؤيد اللجوء لمدير عام المنطقة وكتابة شكوى بالأمر

وتعوذي من الشيطان امووورة

كويتية
09-05-2008, 03:20 AM
اميرة

المراة عموما من تستلم منصب قيااادي بين رجال تصبح بلا ........يعني بالبدوي ماتهاب الرياجيل .......ولاتحشم أحد

هذا مستقبلج انتي ولاتخلين مثل هالموقف من ناقصة تربية تحطم مستقبلج

ربج هواكبر واسطة

ادعي ربج يفرجها عليج وادعي وانتي موقنة بالدعاء ان لانصير ولامعين لكِ إلا هو -جل وعلا-

معلمة انجليزي
09-05-2008, 07:15 AM
اميره الاموره .... حبيبتي انتي يديده عالتدريس صح ؟؟؟

اولا هالاشكال موجودين بكل مكان ... مو معقول كل ما تكلمت معاج وحده باسلوب بايخ تستقيلين ...


و ياما راح يمر عليج ناش اشكال و الوان عجيبه غريبه

العيب فيهم مو في الوزاره

خلج معانا و صمدي لوول

طبعااا ما أأيدج

أميرة الورد
09-05-2008, 08:24 AM
مشكورين وايد على الردود اللي طمنتني شوي


بالنسبه لوضعي ابشركم رحت لمديرة المنطقه وطبعا دورت عليها لحد ما وصلت لها بعد الفطور وبعد معاناة طبعا والحمد لله بشرتني انها راح تشوف هالموضوع ووعدتني ان يوم الأحد راح تلقى لي حل



همس الروح ...


لما يكون فرق الخبره بيني وبين المسؤل هو الشي الوحيد اللي يخليه يتحكم بالبشر اعتبر هالشي استبداد
وثانيا انا رحت للمدرسة اللي مقترحتها علي المشكله المدرسة للحين ما تشطبت والمنطقه بعيده عن بيتي واساسا المنطقه جديده ولا اعرف فيها اي شي وهذا اللي كرهني بالموضوع


أبو بدر ...


انا عندي ثقه ان دام دفتر تحضيري كامل وحصصي متممه على اكمل وجه ومعدل غيابي وتأخيري قليل فالأداره ما راح تلقى علي اي ممسك والشي الثاني ترى الشغل نفسه بكل مكان
وانا اللي طالبته حق من حقوقي ان يكون لي دوام ارتاح فيه

مو معقوله كل يوم بحط ببالي اني ممكن اسوي حادث لأن طريق المدرسة كله شاحنات (( للأسف المنطقه على الدائري السادس وما ادراك ما الدائري السادس ))


شمس ...


عارفه ان قرار الأستقاله صدر مني بلحظه غضب او استعجال وما اخبي عليج ان للحين افكر فيه والسبب ان الكرامه فوق كل شي

تخيلي الموقف المكتب كله مدرسين ومدرسات يستلمون مباشرات العمل وهذا غير المراجعين وتستلمج وحده بلسانها قدام هالحشود شنو بيكون موقفج

عندي امل يوم الأحد يتغير كل هالوضع وابشركم بأذن الله باللي بيصير معاي

كويتية ...


تصدقين بالله اني اذا رحت مراجعه وشفت الموظفه حرمه ارجع خطوتين برى المكتب واتعوذ من ابليس واقول (( اللهم ملكني قلب من احوجتني اليه ))
والشي اللي انا متأكده منه ان الحرمه ما تصلح لمنصب قيادي


معلمة انجليزي ...


أنا خلصت 3 سنوات بالتدريس وكأنهم 30 سنه
كان اول احلامي لما كنت صغيره هو التدريس ولو يرجع العمر فيني ما افكر حتى ادخل من باب المدرسة بعد تخرجي من رابعه ثانوي
واذا هالأشكال بكل مكان عيل كدينا خير




أخواني مشكورين على الردود ولا خلى ولا عدم يا رب



تقبلوا تحياتي



:(300):

moalma
09-05-2008, 12:47 PM
والشي اللي انا متأكده منه ان الحرمه ما تصلح لمنصب قيادي


:


أمورة ...حرام التعميم من موقف واحد !!

هل كل من كانت قيادية ظالمة ولا تصلح ؟؟؟؟

عبير الورد
09-05-2008, 03:10 PM
أميرة

كان يفترض بمديرتج إنها ما تخلي طرفك إلا بعد تحديد مركز عملك وهذا اللي تسويه مديرتنا

تخلي طرفج وعقب وين تروحين ؟!!!!!!

المهم

وسبحان الله الكلمة الحلوة صدقة لكن كثيرين محرومين منها

تعوذي من ابليس وأنتي قدها ويا حظها المديرة اللي إنتي عندها .

أميرة الورد
09-06-2008, 07:41 PM
شمس


انا ما عممت بس هذا رأي الأغلبية مو بس رأيي


تقبلي تحيتي أختي الغالية


:)

أميرة الورد
09-06-2008, 07:44 PM
عبير الورد


وانا بعد انصدمت لأني سألت كل رفيجاتي المنتقلات وعرفت ا لازم يكونون عارفين مقر عملهم الجديد قبل اخلاء الطرف


وبصريح العباره لحد اليوم انا مالي اي مركز عمل بكمبيوتر وزارة التربية وحاطيني احتياط لأي عجز عندهم ولا يهمهم ظروفي او وضعي


وتسلمين يا رب على الأطراء اختي العزيزة


تقبلي تحيتي


:)

قاسم - مشترك
09-10-2008, 11:29 PM
السلام عليكم



طبعا واضح من العنوان ان بأستشيركم بموضوع الأستقاله ...


بصراحه مالقيت الا هالحل لمشكلي اللي ابتدت بموضوع نقلي ...

أختصار الموضوع !!


قدمت نقل خارجي وللأسف تنفذ ولما سويت اخلاء طرف من مدرستي رحت ابي استلم المباشره من المنطقه التعليمة علشان اكتشف ان مالي مركز عمل محدد

مع ان عندي ورقة مشروع نقل من التوجيه تفيد اني منقوله لمدرسة ولما سألت مراقبه التعليم المتوسط بمنطقة ........... ردت علي بأسلوب مو حضاري ولا تربوي ان ما عندي نقص الا بمنطقه توها جديده ...


المشكله مو بالنقل المشكله بالأسلوب خلتني ولا اسوى قدام الموظفين والمراجعين وهالشي خلاني ما اشيل فكره الأستقاله ...


يا ترى تأيدوني والا لا ؟؟؟


اولا ..
هذي المشكله جت بوقتها .. قضيها برمضان نوم .. و بلا تدريس بلا هم .. لاحقه عليه .

ثانيا ..
حتى لو تبين تطلعين من التربيه .. ما راح يقبلون عشان فيه نقص .. مثل ما يقولون .

ثالثا ..
حتى لو طلعتي .. راح تستفيد ميزانية وزارة التربيه .. وهذا الغلط بعينه وعلمه .. يهبون افرط بالكادر .

رابعا ...
مادامج بالتربيه .. خليج مرنه .. يعني تتقبلين مثل النوعيات من المسؤولين .. اللى ما يفرقون بين بيوتهم وبين مكان مسؤوليتهم .

خامسا ..
خليها على الله يا بنتي .. دحنا غلابه

شكرا