المساعد الشخصي الرقمي

مشاهدة النسخة كاملة : حافي بشارع التاريخ



حافي بشارع التاريخ
08-30-2008, 03:54 AM
بعض العضوات بالشبكة مستغربين من اسمي


حافي بشارع التاريخ

انا انسان ابي اصير عظيم ، كل ما اطق باب مسكر بمزلاج وقفل وعليه حارس معاه صولجان


1- كنت عسكري وادرس ، ودخلت الانتخابات من اوسع ابوابها ، راحو الوشاه من المنافسين ووشو فيني اني ادرس بداومي ، ولا احال للشئون القانونية وبعدها انفصلت من دوامي.

2- بعد ما فصلوا عيال الحرام ما عندي لا مصرف ولاهم يحزنون وبرقبتي ناس عد وخربط انا المسئول عنهم ، رحت أحاول اني أتاجر وحلم اني بكون رجل اعمال ضخم المهم وثقت بواحد له لحية توصل لسرة وبعد مدة خسرت كل راس مالي والادهي من هذا كله اني ماطلعت سالم لا طلع علي ديون لما الحين اسددها

3- تخرجت من الجامعة بمعدل 3.12 ، وقدمت على البعثات ابي ادرس حطوا لي الف سبب وسبب اني ما اطلع بعثه اشدهم كان عمري. وبنفس الوقت حاجتي للوظيفة.

4- المهم انتسبت للوزارة التعيسة وزارة التربية اللي ما تقدر لا عمل ولاهم يحزنون اخذ تقارير امتياز من أول شي وقلت اكيد الصبر مفتاح الفرج ولما جا ذاك اليوم وصلنا ترشيح مدرسين اوائل وفرح فرح شديد قالوا تقبل قلت اقبل. وبعد جم يوم جاينا كتاب استبعاد لانهم قالوا نبي اللي خبرتهم 8 سنوات.

المهم استأت وكرهت هالشغلة وعرفت اني بكون يد عاملة معاشي يروح لهوامير البلد.

مدة ولا جاي نقلنا للمرحلة المتوسطة المهم قلت يمكن المتوسطه هي مفتاح الفرج ، ولما نقلونا داومت سنة وجا ترشيح لرؤساء الاقسام ، ولا اسمي مو وياهم ، واراجع قالوا لي انت ماعندك خبرة بتدريس المتوسط انطر لما تمر على المراحل كلها ويصير عندك خبرة.

الحين خدمتي بالدولة على وشك التقاعد وعرفت اني حافي بشارع التاريخ


على فكرة الحافي مو حافي الفلوس ولا الجزمة ، الحافي اللي ما يقوم بعمل يخلد اسمه التاريخ

وكل اللي تم عرضه سابقا محد درى عنه الا انتم والجهاز اللي اكتب عليه. وباقي سر في آخر امعائي ،


حاولت اني اوقف على اسباب اني صرت حافي توصلت لأسباب

السبب الأول : اني عصامي بنفسي والمفروض اني اكون عظامي بالناس اللي حولي واحب خشم زيد وعبيد.

السبب الثاني : اني احسنت النية بكل احد ابتداء بالربع اني قلت لهم انا عسكري وادرس خشاشي ، بالدكاترة وكنت اقول مستحيل يظلمون احد او يرفعون احد ، اكتشفت بعدين ان بعض الدكاترة وكويتين يقلقصون عند بعض الطلبة اللي ابوانهم معروفين او ......... يبنشرون سيارتاهم


السبب الثالث : عرفت ان اي كفاءة لازم احد يتبناه .

السبب الرابع : ماصرت مقلقص عند الشلة ولا عرفت اختار شلة وصخة تصعدني .

السبب الخامس : كنت احمل مشروع اصلاحي بوقت الموجود خربان ومشروعي اللي اصرح فيه يظرهم ويظر عيالهم


السب السادس والسابع والثامن احتفظ فيه لنفسي


الحين احاول اصنع من عيالي عظماء بشارع التاريخ

كويتية
08-30-2008, 08:24 AM
عااااااااااااادي جداااااااااااااا إللي مريت فيه

تدري ليش؟

لأنك عيشت نفسك في المدينة الفاااضلة وزمنك الواااقعي كاااان خليطي من كل صنف ولون شي سييء وجيد وحقير وشي

مجرد شي بلا ضمير >>>تصلح مقطع غنائي

فعلا كنت مستغربة دائما من اسمك وأقول في نفسي شلون يمشي حااافي على قااار التاااريخ وبعزالقوايل بعد


وأنا اختك أهم شي أنك وصلت

وتعليمك لأبنائك الطلبة نوع من أنواع الجهاد بتؤجر عليه

وانت واصلت تعليمك رغم اللي صارلك كله وصلت وخذيت الشهااادة وهذا بحد ذاته إنجاااز فاليش معومس نفسك ومكدر خاااطر نفسك ؟!!!!!!!!!!!!

أما سااالفة التجااااااااااارة تراها توااافيج من رب العااالمين

ودااايما في مثل هلسنكي يقول :

ألعب وحدك تجي راضي .

وانت الله يهديك ما لعبت إلا ويااا المتسترين بستاار التدين ........

في امور إيجااابية كثيررةةةةةةةةةة بقصتك لكن أنت ماشفت إلا الشي المؤلم منهااااااااااااااااااا

ياريت تقولنا السادس والسااابع






الحين ابي اعرف السابع وقبله السااادس

ريحانة امجد
08-30-2008, 12:16 PM
الحياة يا أخى تجارب وأختبارات قدنعقد الأمال على الوظيفة أو الشهادة قد نحلم وتتحقق وقد نحلم ونظل أحلام المهم هو الانيأس واذا ارت أن تكون مشهور اومعروف فلتنظر الى الدنيا نظرة أنها زائلة وأجعل أرتباطك بربك قوى وهذا مايجعلك مشهور اومعروف عند أهل السماء مغمور عند أهل الآرض وهذا لايهم الاأعرف عندهم وصدقنى هذا هو الباقى لك

ريحانة

همس الرووح
08-30-2008, 02:28 PM
أحيي فيك روح الأمل أخي

حافي على قار التاريخ

بقتها من كويتية كلمة قار عيبتني وايد

المهم القصة مافيها مايصح إلا الصحيح

لو بعد 20 سنة ،،،،،،،،،

يااخي بالرغم من الألم إلا قصتك فيها

جوانب كثيرة رائعة وحلوة ،،،،


ليش الكدر ياأخي الله كرييييم


تقديري لك ،،، همس الرووح

moalma
08-30-2008, 09:46 PM
تصدق اخوي حافي بشارع التاريخ

حكايتك سامعتها من زميلة لي في العمل ...

أعتقد ربما تكون زوجتك أو اختك ...بس فعلا سامعتها :)

عموما ..

صدقني كثير هم اللي مثلك ولا تظن هالشي مر عليك بس إنت !!

أعرف زميلة وربي عندها عيال كبرها وقررت تكمل دراستها على كبر ..
وكانت موظفة بالشئون ...وتتحمل العمل لحاجتها المادية ..وتروح تدرس بالجامعة ..
تقضي يومها كله متواصل بدون ارتياح المسكينة

الى أن تعينت بالتربية
وشوف بعدها التربية ..وإنت أخبر فيها

الهدف:
إنك شخصية مكافحة وهذا بحد ذاته يجب أن تفخر فيه ..

شكرا لك


خارج الموضوع
تصدق اول ما كتبت اسمك كتبت حافي بشارع الخليج:(184):