المساعد الشخصي الرقمي

مشاهدة النسخة كاملة : معلم وندمان



ابو ناصر
08-09-2008, 03:36 AM
السلام عليكم ورحمة الله وبركاته
معاكم اخوكم الصغير ابو ناصر معلم رياضيات وندمان عدد شعر راسي، ودي اقولكم قصتي مع اللاب توب ، تصدقون اني الى يوم الثلاثاء الماضي ما اعرف عن الكمبيوتر الا اسمه وكنت رافض شي اسمه كمبيوتر في البيت ويوم الثلاثاء الماضي كنت عند واحد من الربع وقالي شرايك تاخذ خدامه عندي وفوقها لاب توب بسعر رخيص ووافقت طمعا في الخدامه لاني مدرس وزوجتي مدرسه وما عندنا خدامه والمدارس على الابواب ورمضان على الابواب ولما اخذته ابتدت المعاناه :-
اللي يعلمني شلون اشغله واللي يعلمني شلون اطفيه واللي يعلمني شلون اشبك وهلم جرا
وتصدقون اني من الساعه 2 الظهر وانا احاول اشترك في المنتدى هذا وتوني الحين قدرت الساعه 3,30 الفجر.
واخيرا اتمنى اكون اخ وصديق للجميع

moalem
08-09-2008, 03:49 AM
السلام عليكم ورحمة الله وبركاته
معاكم اخوكم الصغير ابو ناصر معلم رياضيات وندمان عدد شعر راسي، ودي اقولكم قصتي مع اللاب توب ، تصدقون اني الى يوم الثلاثاء الماضي ما اعرف عن الكمبيوتر الا اسمه وكنت رافض شي اسمه كمبيوتر في البيت ويوم الثلاثاء الماضي كنت عند واحد من الربع وقالي شرايك تاخذ خدامه عندي وفوقها لاب توب بسعر رخيص ووافقت طمعا في الخدامه لاني مدرس وزوجتي مدرسه وما عندنا خدامه والمدارس على الابواب ورمضان على الابواب ولما اخذته ابتدت المعاناه :-
اللي يعلمني شلون اشغله واللي يعلمني شلون اطفيه واللي يعلمني شلون اشبك وهلم جرا
وتصدقون اني من الساعه 2 الظهر وانا احاول اشترك في المنتدى هذا وتوني الحين قدرت الساعه 3,30 الفجر.
واخيرا اتمنى اكون اخ وصديق للجميع
أول شي وعليكم السلام ورحمة الله وبركاته

يا بوناصر والله اما رفيجك ما قصر مدام خدامة ولابتوب والسعر رخيص. هذا بالنسبه لك

ورفيجك هم معروفة وصل للشبكة واللي كان هو سبب غير مباشر انك تشارك ويانا بالشبكة.

وبالنسبه للخدم صار لي سنة وانا بمعاناة مع الخدم فالكثير خصوصا الكويتين حاسين باللي انت حاسة من مشاعر وأحاسيس بحصولك على خدامة ان شاء الله ما تعاني بعد تحويل اقامتها.

طبعاً ماراح ناقش سبب ندمك على مهنة التدريس لأن هالموضوع مخصص لك وللترحيب فيك

ابو ناصر
08-09-2008, 04:03 AM
بيض الله وجهك ووجه رفيجي
وانا بصراحه شدني للمنتدى مواضيعه اللي تكلم عن التعليم لاني كرهت شي اسمه تعليم وودي افضفض في هالمنتدى
وتسلم على ترحيبك

moalem
08-09-2008, 04:08 AM
ابو ناصر انت بعطله يعني مو مشتاق للمدارس وللطلبة :)

أجل اسمع مدام انت كاره التعليم أنا متأكد أن عندك روايات ويوميات كرهتك بالتعليم ، الأسلوب اللي كتبت فيه موضوع " معلم وندمان" يكشف انك تجيد الوصف لذا اتمنى اقرا بعض يومياتك اللي كرهتك في التعليم

ابو ناصر
08-09-2008, 04:16 AM
مشتاق .............. الا ودي على فرقا المدارس والطلبه ويا ليت العطله ما تنتهي
واذا عن الروايات واليوميات عندي بلاوي لان المدرسه اللي انا فيها مو مدرسه وما اعتقد بالكويت مدرسه مثلها بالسوء طبعا وما اقول الا الله يعيني عليها وادري راح تقول ليش ما تنقل وتفارقها الجواب مقدر وبس وعلى فكره صارلي ست سنين فيها

حافي بشارع التاريخ
08-09-2008, 04:21 AM
هلا بو ناصر وقدرك كبير واخونا الكبير ونشوفك انشاء الله من اللي يحبون التدريس ويموتون فيه لأن اوضاع المدرسين بتتتحسن وبيحطون مع كل مدرس مساعد مدرس والوراتب بيزيدونها وبيحطون نادي المدرسين وبدل سياره وبدل ملابس وبدل ضغط وبدل كره تدريس
والأكثر من هذا ان هالبدلات يقولون ما تطيح حتى بالتقاعد

والأكثر من هذا المدرس الطلب بالأسكان ما يطول يقدم مني ويستلم بيته مني يعني بس مجرد تسليمك لعقد زواجك تستلم بيتك

لا والكهرب والماي ببلاش وتذكره سنوية لك ولعيالك ومصروف السفر كامل من إلى لا وبعد الله يخليهم مو ناسبن طبايعنا نحب نهدي اذا رجعنا من السفر حاطين مبلغ اسمه العادات والتقاليد اللي هو مخصص للهدايا وأشياء كثيرة ما قريتها لأن هالاشياء تكفيني

moalem
08-09-2008, 04:24 AM
مشتاق .............. الا ودي على فرقا المدارس والطلبه ويا ليت العطله ما تنتهي
واذا عن الروايات واليوميات عندي بلاوي لان المدرسه اللي انا فيها مو مدرسه وما اعتقد بالكويت مدرسه مثلها بالسوء طبعا وما اقول الا الله يعيني عليها وادري راح تقول ليش ما تنقل وتفارقها الجواب مقدر وبس وعلى فكره صارلي ست سنين فيها

انا بانتظار هالرويات واعتقد بيكون لك متابعين ، ومدام ما انتقلت اكيد بتكون وصلت مرحلة "التكيف" لكن انا بانتظار الاشياء اللي بتتحفنا فيها

ابو ناصر
08-09-2008, 04:27 AM
هلا اخوي حافي بشارع التاريخ
يا زين سوالفك عسى الله لا يخليني منك
والله لو يعطوني كل اللي قلت ما تغير نظرتي بالتدريس

ابو ناصر
08-09-2008, 04:36 AM
اخوي المعلم
السوالف واجد والروايات اكثر واليوميات اكثر واكثر
مثلا 1- عمرك شفت مدرسه فيها 1400 طالب
2-مر علينا في ست سنين اكثر من عشر مدراء وعشرين مدير مساعد
3- قسمي اللي انا فيه مساحته عشره في سته وفيه اكثر من 14 مدرس
4- انا ماسك اشراف الصف السادس وعندي في الجناح 13 صف وكل صف فيه 35 طالب
اقول صل على النبي وخلني ساكت تراني مقهور حدي

حافي بشارع التاريخ
08-09-2008, 04:51 AM
هلا اخوي حافي بشارع التاريخ
يا زين سوالفك عسى الله لا يخليني منك
والله لو يعطوني كل اللي قلت ما تغير نظرتي بالتدريس

مو بكيفك لو يعطونك هالميزات وهالبيزات صدقني لو شنو بتحب التدريس ويمكن تسكن بنفس المدرسة يقولون يابو ناصر عطله تقول لا ما ابي العطله

moalem
08-09-2008, 04:56 AM
اخوي المعلم
السوالف واجد والروايات اكثر واليوميات اكثر واكثر
مثلا 1- عمرك شفت مدرسه فيها 1400 طالب
2-مر علينا في ست سنين اكثر من عشر مدراء وعشرين مدير مساعد
3- قسمي اللي انا فيه مساحته عشره في سته وفيه اكثر من 14 مدرس
4- انا ماسك اشراف الصف السادس وعندي في الجناح 13 صف وكل صف فيه 35 طالب
اقول صل على النبي وخلني ساكت تراني مقهور حدي

طبعاً البيئة الموجوده بلاشك بيئة طارده بنسبة 50% حسب اعتقادي

لكن ننتظر قصتك اول سنة تدريس وشنو كنت تتوقع وشنو أملك

moalma
08-09-2008, 12:48 PM
...๑۩۞۩๑ السلام عليكم ورحمة الله وبركاته๑۩۞۩๑...

حياك الله أخي الكريم بو ناصر بيينا في الشبكة

نتمنى من الله لك طيب الإقامة


حللت اهلا ونزلت سهلا

ابو ناصر
08-09-2008, 01:00 PM
هلا اختي شمس ومشكوره على الترحيب

ابو ناصر
08-09-2008, 01:18 PM
اخوي المعلم
انت الظاهر في مدرسه فيها 12 صف ونصابك 8حصص بدون اشراف وبدون اي شي ومرتاح حدك ( عسى الله لا يغير عليك ) وعلى بالك ان كل المدارس نفس مدرستك.
وبعدين بيئتي طارده بنسبة 50% اجل البيئه الطارده بنسبة 100% شلون تكون.
ونرجع لقصتي مع التدريس ، اول سنه كنت توني شباب وصغير وعلى بالي اقدر اغير وزارة التربيه وانصدمت بالواقع كل المدرسين القدامى اهم شي عندهم اقل حصص وما ياخذون الحصه الاخيره وما ياخذون اشراف ويحاولون ياخذون منهج واحد
وانا داخل كلي طموح وابي اصلح العمليه التعليميه والكل كان يضحك علي وكان نص معاشي يروح على الوسائل التعليميه وعلى هدايا للطلبه ومع الاسف للحين نص معاشي رايح على هالشغلات
وما خفي كان اعظم

عبير الورد
08-09-2008, 03:00 PM
المعلم الناجح يندم إذا قارن نفسه بغيره من بعض المعلمين الكسالى الذين ليس لهم هدف غير التحبيط والاستهزاء

أما إن كان لديه هدف فلا يندم على ما قدم

وأظن يكفي في هذا الشأن أن المعلم الناجح يترك أثرا طيبا وفعالا على الطلبة لا تعادله كل كنوز الدنيا .

ابو ناصر
08-10-2008, 12:30 AM
الاخت عبير الورد
مشكوره وما قصرتي
الفرق بيني وبينج اني اتكلم بالواقع وانتي تكلمين بالمثاليات
بكل بساطه

moalem
08-10-2008, 02:33 AM
ابو ناصر

كلام الزميلة عبير الورد ماهدو مثالي ، لكن فعلاً لو بتقارن نفسك مع غيرك من المحبطين بتحبط نفسك ، لكن اذا كنت ترى فعلا ان الإدارة اللي انت فيها ما تساعدك على العطاء بتحصل اداره افضل تساعدك على العطاء.

moalma
08-10-2008, 02:45 AM
بو ناصر

أبد اكلام الأخت عبير الورد عين العقل وواقعي امية بالامية ..

والله أعرف معلمات من كثر حرصهم على الطالبات كأنهم بناتها تقعد في كل حصه تعطيهم نبذة عن بعض السلوكيات وتهذيب النفس ومنهم إختي الله يبارك فيها

لا تستغرب هذا الشيء

أنا مديرة صحيح

لكن والله في أولياء أمور يبحثون عني في كل مكان حتى يكون عيالهم في مدرستي
لأنهم لمسوا الوفاء بعملي والإخلاص

الأمر مو راجع لك والله يعينك لأنه يبدو فعلا ان هناك مزاجية لدى بعض المدراء في تعاملاتهم مع المعلمين

وهذا الشي طارد لهذه المهنة وتسبب بإحباط كبير للبعض بالرغم من تميزه

ابو ناصر
08-10-2008, 05:36 PM
اخواني واخواتي الاعزاء
احب بس اعطيكم نبذه بسيطه
صارلي في التدريس سبع سنوات ولا يوم غياب ولا طبيه ولا عرضي ولا تاخير ولا استئذان ، يا جماعه المنظومه التربويه كلها غلط بغلط وبعطيكم امثله صغيره :-
* شلون مدير مدرسه كان بالاصل مدرس فنيه ويزور مدرس رياضيات ويقيمه فنيا ومستقبلي يكون في ايده
* شلون موجه فني يزورني مرتين في العام ويقيمني
*شلون اصحاب القرار في الوزاره بالاصل مو مدرسين حتى اللي كان مدرس حد علمه بالتدريس قبل عشرين سنه
* وشلون وشلون وشلون
والله انا واقعي بس انتم عايشين بعالم المثاليات اللي درسناها بالجامعه
لكن انا عندي سؤال واتمنى واحد يجاوبني
هل ما درسته في الجامعه ( الماده العلميه ) له علاقه بالذي تدرسه الآن ؟

basmala
08-10-2008, 07:22 PM
حمد لله على السلامه
وأتمنى لك التوفيق و الأقبال على التعرف على ما هو جديد و مفيد فى الحياه العمليه

عبير الورد
08-11-2008, 11:01 PM
أظنك نسيت نفسك كثيرا وسط معمة التدريس وبالتالي صارت عندك ردة الفعل هذه .

مو معنى أنك تجتهد في عملك وتبذل جهدك في اتقانه إنك تنسى نفسك

فإذا كنت مريض فعلا فليش ما تغيب ؟

وإذا كان أولادك يحتاجون مراجعتك لهم في مدارسهم ليش ما تروح لهم ؟

وإذا كانت عندك مراجعة مهمة ليش ما تستأذن وتقضيها ؟

الإحباط يجي للشخص لما ينسى حقه كانسان ويبذل كل جهده ثم يرى من هم أدنى منه ولايعملون شئ وعايشين حياتهم

ومع هذا ينالون الامتياز حالهم حاله ..وهو الذي لايغيب ولا يستأذن ولا ولا ولا .

كويتية
08-12-2008, 07:21 AM
اخواني واخواتي الاعزاء
احب بس اعطيكم نبذه بسيطه
صارلي في التدريس سبع سنوات ولا يوم غياب ولا طبيه ولا عرضي ولا تاخير ولا استئذان ، يا جماعه المنظومه التربويه كلها غلط بغلط وبعطيكم امثله صغيره :-
* شلون مدير مدرسه كان بالاصل مدرس فنيه ويزور مدرس رياضيات ويقيمه فنيا ومستقبلي يكون في ايده
* شلون موجه فني يزورني مرتين في العام ويقيمني
*شلون اصحاب القرار في الوزاره بالاصل مو مدرسين حتى اللي كان مدرس حد علمه بالتدريس قبل عشرين سنه
* وشلون وشلون وشلون
والله انا واقعي بس انتم عايشين بعالم المثاليات اللي درسناها بالجامعه
لكن انا عندي سؤال واتمنى واحد يجاوبني
هل ما درسته في الجامعه ( الماده العلميه ) له علاقه بالذي تدرسه الآن ؟

هلا بك بالمنتدى والساااعة المباااركة اللي حصلت فيها الخدامة واللاب توب والابرك انضمامك للمنتدى


بالنسبة لما سبق وذكرته قالها الله يرحمه الربعي هرم مقلووووب

أبو ناااصر أنت الآن تعيش سنوات التحلطم وهي تكون مابين أول سنة وثامن سنة تدريس

يعني وضعك طبيعي لاتحاااتي

تاسع سنة بتكون رؤيتك للأمور أوضح وأشمل وبتكون أكثر خبرة في مادتك ومتميز وهم بعد الأهم بتعرف من أين تؤكل الكتف وحط تحتها 3خطوط بالبنط العريض :(228):

ولاتنس أن أجرك عند رب العالمين علشان جذي أدي عملك بإخلاص وترى طيور الجنة خوووش سوووق للهدايا :)

عبير الورد
08-12-2008, 08:32 PM
اخواني واخواتي الاعزاء
احب بس اعطيكم نبذه بسيطه
صارلي في التدريس سبع سنوات ولا يوم غياب ولا طبيه ولا عرضي ولا تاخير ولا استئذان ، يا جماعه المنظومه التربويه كلها غلط بغلط وبعطيكم امثله صغيره :-
* شلون مدير مدرسه كان بالاصل مدرس فنيه ويزور مدرس رياضيات ويقيمه فنيا ومستقبلي يكون في ايده
* شلون موجه فني يزورني مرتين في العام ويقيمني
*شلون اصحاب القرار في الوزاره بالاصل مو مدرسين حتى اللي كان مدرس حد علمه بالتدريس قبل عشرين سنه
* وشلون وشلون وشلون
والله انا واقعي بس انتم عايشين بعالم المثاليات اللي درسناها بالجامعه
لكن انا عندي سؤال واتمنى واحد يجاوبني
هل ما درسته في الجامعه ( الماده العلميه ) له علاقه بالذي تدرسه الآن ؟

كل ما ذكرته حضرتك هو واقعنا المرير في المدارس وتكيفنا معاه

ومثل ما يقول المثل "لو خليت خربت "