المساعد الشخصي الرقمي

مشاهدة النسخة كاملة : توجيه الانجليزي يجبرنا على التزوير!حسبنا الله



معلمة انجليزي
05-28-2008, 09:50 PM
السلام عليكم


أبدأ كلامي بـ حسبي الله على كل من يزور و يضلل مسئولي الوزاره و يعطل عملية تطوير المناهج لانه يظلم عيال الكويت و معلميها ..


يا جماعه الكل سمع عن الاختبار التجريبي للصف الرابع ..
هالاختبار شمل اللغة العربية و الانجليزية و العلوم و الرياضيات .. كلفنا وقت و مجهود و حبر و ورق .. علشان شنو ؟
علشان المسئولين يتمكنون من قياس مستويات الطلبة و الوقوف على مواطن الخلل و مواطن القوة بالمناهج و التعليم ككل ... عدل؟؟

لا مو عدل ..

للاسف .. هذا المجهود كله .. و اتكلم عن الانجليزي بس ما ادري باقي التخصصات .. على مستوى الكويت .. كان بس لتلميع المسئولين عن منهج الانجليزي و اللجنة اللي اجازته و وافقت عليه .. لان اليوم وصلتنا اوامر بتعديل النسب لانها متدنية جدا و تسيء لهم
تخيلو .. النسب اللي وصلتهم ... من بعض المدارس كانت اقل من 60% فزعلو و قالو لا غيروها .. شلون ندزها للوزاره ؟!!

تخيلو قبلو نتايج وهميه تقولهم عيالنا نسبة نجاحهم 100% و 90%

شلون نجاح 100% ؟؟ مستحيل .. و اللي يقول هالحجي مزور و نصاب و انا مسئوله عن كلامي ..
اتحدى ان كانت هالنتايج صحيحه .. حسبي الله عليهم تزوير بمستقبل الطلبه ؟


طريقة الاختبار كانت تقول :
عطوهم الاوراق .. و خلوهم يحلون .. لا تقرونه .. لا تجهزونهم له
اللي صار:
يت اوامر من التوجيه بتدريس الاجزاء اللي يغطيها الاختبار .. و تمت قراءه الاسئله ! وين قياس المستوى ؟ وين الامانه ؟

مدرستي .. من المدارس اللي التزمو و ما قرو الاسئله و لا حضرناهم للاختبار .. و الحين .. لازم ننسى مجهودنا و شغلنا و تصحيحنا و نرد نغير النتايج علشان يطلعون المسئولات باحلى صورة جدام الوزارة ... و الا لازم نكتب تقرير باسباب تدني المستوى ! لان مقارنة بمدارس نسبها 100% يطلع ان احنا اللي عندنا تدني مستوى .. مو اهم اللي مزورين النتايج !!

يا عالم هذا اهو المستوى مو احنا عندنا تدني مستوى !

طبعا النسب العالية الخيالية .. ما تخليهم يحاولون يصححون المنهج ... و لا عندهم اي مشكله معاه

يعني عيالنا راح يضلون يعانون من هذا المنهج و يطلعون زيرو بالمستوى علشان الاخوات المسئولات يطلعون صح !

بالمقابل .. نتايج اللغة العربية و العلوم و الرياضيات طلعت ما بين 15% الى 40%
شلون بالعربي و العلوم و الرياضيات 40% و الانجليزي 100% ؟؟ اي منطق و اي عقل يصدق هذا الكلام ؟
عيال الاجانب ما اييبون بلغتهم 100% علشان عيالنا اييبونها!!


بالختام .. لازم احيي الاستاذه الفاضلة سعاد الانصاري .. اللي استقالت من منصبها و اهي موجهه عامة لرفضها هذا المنهج عقب ما تعبت و اهي تقول و توضح و تحاول تدارك هالمصيبة ! عقب ما هاجموها بشتى الطرق و شككو بوطنيتها و حبها لديرتها لقت ان الاستقاله افضل حل لانها مثل ما قالت " ما اقدر اواجة الشعب الكويتي بهذا المنهج" ..


اي مسئول يقرا كلامي .. اي شخص يقدر يوصل للمسئولين هالحجي .. يزاه الله خير .. و أجره على الله .. وانا مستعده اعطيكم التفاصيل و الاسماء


حسبنا الله ... شلون تنامون و انتو ظالمين عيال الكويت ؟ وانتو مطلعين اوامر صريحه بالتزوير ؟!

اسفه تحجيت وايد .. بس من القهر ! و الصدمة !

moalem
05-29-2008, 08:23 AM
انا استغرب من هالتصرفات وانا لاحظت هالشي باحد المدارس وهي ان مدرساتهم تعلمهم الحل.

الغريب شنو المشكلة انا نعرف مواطن الخلل عند الطلاب ونحاول نصحهها لما متى نستمر بالخطأ ونعطي مؤشرات وهميقاصي والداني يعرف ان التعليم من جرف إلى دحديرة بشكل عام، يجي واحد من المسؤلين ويقول التعليم حقق انجازات والاختبارات اثبتت تفوقهم ونجاحهم

يعني ال

وادي المسك
05-29-2008, 09:37 AM
الله يعطيك العافيه أختي معلمه أنجليزي

والله علي قدر الألم والحرقه والاحباط الي نحسها في الموضوع إلا أننا نقرأ بين السطور معاني جميله راقيه جدا تكمن في غيرتك علي مهنتك وتحملك الامانه وحرقتك علي مستقبل ومصلحة وطنك وأجياله ..

الله أكبر ...ياليت كل الناس مثلك يا أختي والله لتكون ديرتنا الرائده بين كل الدول ...

هذي مهزله ونشعر بأن دولتنا تسرق من طرف عصابه باعت ضميرها ووطنيتها مقابل نفاق ومصالح ضيقه ...


أنا مستعد أن افضحهم وأوصلها للمجلس والوزيره يجب أن تستجوب بهذا المحور الذي يستحق أن يطلق عليه مصطلح خيانه عظمي !!!!

كويتية
05-29-2008, 03:16 PM
معلمة الانجليزي شخبارج

الظاهر إن كلنا في الهوى سوى !!

الاختبار التجريبي للغة العربية قرأت لتلميذاتي القطعة الإملائية وخرجت من الصف

كانت الإدارة تريد منا أن نراقب على الاختبار رفضت بشدة المراقبة كي لايقع المحظور وهو أن يقمن زميلاتي بتغشيش تلميذاتهن !!

وهذا ماحدث قمن بمساعدة تلميذاتهن وكأن هذا الاختبار هو لقياس مستوى المعلمة من خلال تلميذاتها !!

المشكلة لاحظت المديرة عقلانية النسبة في بعض الفصول وارتفاع النسب في البعض الآخر (طبعا نتيجة للتغشيش)!!

الاختبار التجريبي وضع لمعرفة نتائج مخرجات الملف التخريفي (الانجازي )

وم حدث تزوير وقلة حياااء وأمااانة أقل ما أقول عن ما حدث أن الغالبية شاركوا في ظلم جيل كامل من التلاميذ

بصراحة مشمئزة مما حدث ومما فعلنه زميلاتي غير الأمينات نهائيا !!

وادي المسك
05-29-2008, 04:34 PM
معلمة الانجليزي شخبارج

الظاهر إن كلنا في الهوى سوى !!

الاختبار التجريبي للغة العربية قرأت لتلميذاتي القطعة الإملائية وخرجت من الصف

كانت الإدارة تريد منا أن نراقب على الاختبار رفضت بشدة المراقبة كي لايقع المحظور وهو أن يقمن زميلاتي بتغشيش تلميذاتهن !!

وهذا ماحدث قمن بمساعدة تلميذاتهن وكأن هذا الاختبار هو لقياس مستوى المعلمة من خلال تلميذاتها !!

المشكلة لاحظت المديرة عقلانية النسبة في بعض الفصول وارتفاع النسب في البعض الآخر (طبعا نتيجة للتغشيش)!!

الاختبار التجريبي وضع لمعرفة نتائج مخرجات الملف التخريفي (الانجازي )

وم حدث تزوير وقلة حياااء وأمااانة أقل ما أقول عن ما حدث أن الغالبية شاركوا في ظلم جيل كامل من التلاميذ

بصراحة مشمئزة مما حدث ومما فعلنه زميلاتي غير الأمينات نهائيا !!


هذه بركات الست الوزيره ولا عزاء للأصلاح !!!

وادي المسك
05-29-2008, 04:35 PM
معلمة الانجليزي شخبارج

الظاهر إن كلنا في الهوى سوى !!

الاختبار التجريبي للغة العربية قرأت لتلميذاتي القطعة الإملائية وخرجت من الصف

كانت الإدارة تريد منا أن نراقب على الاختبار رفضت بشدة المراقبة كي لايقع المحظور وهو أن يقمن زميلاتي بتغشيش تلميذاتهن !!

وهذا ماحدث قمن بمساعدة تلميذاتهن وكأن هذا الاختبار هو لقياس مستوى المعلمة من خلال تلميذاتها !!

المشكلة لاحظت المديرة عقلانية النسبة في بعض الفصول وارتفاع النسب في البعض الآخر (طبعا نتيجة للتغشيش)!!

الاختبار التجريبي وضع لمعرفة نتائج مخرجات الملف التخريفي (الانجازي )

وم حدث تزوير وقلة حياااء وأمااانة أقل ما أقول عن ما حدث أن الغالبية شاركوا في ظلم جيل كامل من التلاميذ

بصراحة مشمئزة مما حدث ومما فعلنه زميلاتي غير الأمينات نهائيا !!


هذه بركات الست الوزيره ولا عزاء للأصلاح !!!

وادي المسك
05-29-2008, 04:42 PM
معلمة الانجليزي شخبارج

الظاهر إن كلنا في الهوى سوى !!

الاختبار التجريبي للغة العربية قرأت لتلميذاتي القطعة الإملائية وخرجت من الصف

كانت الإدارة تريد منا أن نراقب على الاختبار رفضت بشدة المراقبة كي لايقع المحظور وهو أن يقمن زميلاتي بتغشيش تلميذاتهن !!

وهذا ماحدث قمن بمساعدة تلميذاتهن وكأن هذا الاختبار هو لقياس مستوى المعلمة من خلال تلميذاتها !!

المشكلة لاحظت المديرة عقلانية النسبة في بعض الفصول وارتفاع النسب في البعض الآخر (طبعا نتيجة للتغشيش)!!

الاختبار التجريبي وضع لمعرفة نتائج مخرجات الملف التخريفي (الانجازي )

وم حدث تزوير وقلة حياااء وأمااانة أقل ما أقول عن ما حدث أن الغالبية شاركوا في ظلم جيل كامل من التلاميذ

بصراحة مشمئزة مما حدث ومما فعلنه زميلاتي غير الأمينات نهائيا !!


هذه بركات الست الوزيره ولا عزاء للأصلاح !!!

كويتية
05-29-2008, 09:34 PM
هذه بركات الست الوزيره ولا عزاء للأصلاح !!!


وزارة التربية تريد فريق كامل متجانس متعاون لإدارة التربية وليس شخصية واحدة كأمثال بنت الصبيح

اعطوها الوزارة لاعتبارات شخصية عائلية !!

سيأتي من يمتدح الست

لأقول له

الواقع الذي نعايشه يوميا يجعلنا الأقدر على تقييم أداء الوزيرة

عبير الورد
05-29-2008, 11:08 PM
هناك مشكلة في تفكير بعض المسئولين وهي أن النسب التي تكون متدنية هي دليل على سوء إدارته

وينسى أن التعليم عملية مشتركة من الجميع وهو جزء من كل وكشف مكمن الخلل يساهم العلاج

أما الطمطمة على الموضوع فلا تفيد سوى فرقة حسب الله من محبي الظهور.

أختي معلمة انجليزي اتشرف أن يكون في وزارتنا امثالك .

عبدالله المطيري
05-30-2008, 04:56 AM
صراحه قريت المشكلة وقريت الردود

وانشالله اوصل الامر هذا الى مستوى طيب بس ابي الموضوع كامل

وانشالله عندي قنوات تقدر على هالموضوع لاني واثق فيهم وابجربهم بصراحه مرة ثالثة

لاني جربتهم مرتين وماقصرو

المره الاولى كانت بمشكلة معلم نفس موضوع بس بشكل مصغر على مدرسة مو مصيبة على جيل :) وماقصروا .

والثانية على قضية اخلاقية وقدرو انهم يفجرونها على مستوى عالي ويقولون ديييييييييييرو بالكم .

والللله يعينج ياكويت على هالمسئولين .

معلمة انجليزي
05-31-2008, 01:01 PM
مشكورين على ردودكم المتحمسه و كلامكم الطيب لي .. انا بنت هالبلد و اذا ما يكون قلبي عليها يكون على منو ؟


يعني والله عورني قلبي على ديرتي و عيالها .. و كسرو خاطري المعلمين اللي يذبحون عمرهم بالشغل و بالاخر ينقال لهم هاتو تقرير لتدني المستوى ! و كأن المنهج ممتاز و الخلل من المعلم ..


حاليا .. انا اجمع ردودكم و بكتب كتاب و اوصله للوزيره .. وان شاء الله ما يصير الا اللي نبيه ..

مؤجله موضوع النواب و الجرايد لان هدفي الاصلاح .. و ابي اتاكد اول ان الوزيره صار عندها خبر ..


و بصراحه يا جماعه انا ما احمل الوزيره اللوم ... انا احمل التوجيه و اللجنة اللي اقرت المنهج و كانت و مازالت تدافع عنه ..

فيه شخصيتين معروفين جدا بالدفاع المستميت عنه و اهم سبب هالبلا اللي احنا فيه .. يبون يطلعون صح بغض النظر عن الاضرار اللي تصير بالتعليم و التخلف التعليمي اللي حاش عيالنا ..



الله المستعان ... قريبا باذن الله ادز الكتاب للوزيره و يا رب اقدر اشوفها و اقولها اللي بقلبي ... اكون سويت اللي علي و بريت ذمتي ..

مشكورين و ياليت اي معلم او معلمه صادفهم مثل هالموضوع يقولون لنا


الله يعين هالبلد ..

قاسم - مشترك
05-31-2008, 10:12 PM
السؤال الذي يطرح نفسه بقوة تسونامي :-
لماذا لا تكون هذه الاجراءات مدبره من الوزاره نفسها .. حتى يذروا الرماد في عيون أي مستجوب .. مستقبلي ؟؟.
لا أدري لماذا اعتقد بأن هؤلاء الموجهين ليسوا سوى فرقة رقص .. على دنابك ( رب الدار ) ..
و للحق أقول :
أنهم يجيدون الرقص .. بدرجة 100% ..
اتقوا الله ولا تظنوا أن هذه النسبه مزوره .

تـ ح يـا تـي

معلمة انجليزي
06-01-2008, 10:44 PM
يجوز ... و لكن الواضح امامنا ان الموجهين هم المسئولين ..

و ليش التوجيه ما يبرون ذمتهم و يقولونها بصراحه جدام الشعب ..؟

المسئولية بالدرجه الاولى عليهم مو على الوزارة

اذا حرامي قال للثاني روح بوق .. منو اللي يدش السجن الاول و لا الثاني ؟؟ :)


المفروض ما نسكت عنهم .. عالاقل .. ان كان هناك فعلا فرقة ترقص على الدنابك .. نكسر الدنابك على روسهم و خل " رب الدار" يدور فرقه ثانيه ..

وان كان هناك معطيات كثيره تدل على ان البلا عند التوجيه مو الوزاره


الله المستعان .. شكراا عالمداخله

عاشقة الكويت
11-02-2010, 02:41 AM
ابشرج السنة هاذي 2010-2011 زورواعلي كيف كيفك في جميغ المراحل والتخصصات واذا قلتي الصج بقولون تري تجيج افادة جنج انت السبب

المسك
11-03-2010, 10:31 PM
حسبي الله عليهم اخر شي عندهم مصلحه الطالب جذابين مالت عليهم

مس انجلش
06-23-2011, 12:10 AM
رفع رفع
لازم المليفي يعرف عن سوالف توجيه الانجليزي!!
وسالفة التفاوت بين الشفوي والتحريري لازم ما يكون فرق فوق ال20 بالمية
يعني لازم نسقط البنات بالشفوي لانهم بالتحريري مو كلهم ينجحون!!
والله حرام
فيه بنات شطار بالشفوي ودفاترهم كاملة بس بالامتحان يخبصون ومايكتبون عدل!! ونقعد نسقطها بالشفوي ونتفاجأ فيها فترة من الفترات تنجح بالامتحان وهي ساقطة اصلا بالشفوي(لان لازم نرصد الشفوي اول قبل التحريري وممنوع نغير بعد الامتحانات!!)
وصلت فيههم انه يفتشون ورانا دفاتر متابعة الطالبات مالوتنا ويقعدون يسقطون الطالبات بالشفوي ليش انهم مو ناجحين بالاختبار القصير!!

معلمة E
06-24-2011, 08:46 AM
توجيه الانجليزي لا زال حالهم على ما هو عليه

معلمة E
06-28-2011, 09:00 PM
رفع

معلمة E
08-10-2011, 08:43 PM
لا اله الا الله

مطيري
08-11-2011, 01:34 AM
كان الله بعوونج يامعلمه انجليزي