المساعد الشخصي الرقمي

مشاهدة النسخة كاملة : مديرتي تقولي غيبي يا ابله !!



معلمة انجليزي
04-23-2008, 07:06 PM
مساكم و صبحكم الله بالخيرات


تسمحون لي بمساحة فضفضة ؟
اليوم نلقي نظره على تعسف المديرات و تمسكهم بنص القانون و تجاهل روحه << اشتغلت الحكم عاد لوول



يا طويلين العمر .. كان عندي موعد ما اقدر أؤجله .. فقلت للمديره المساعده اني بستأذن عقب ما اخلص حصصي -وطبعا الاستئذان لازم ما يتجاوز الساعتين - انصدمت و قالت لا لا لا يا ابله ... ممنوع لانه راح يتجاوز الساعتين ! تغيبين مرضي ؟؟؟ :(277):

قلت استشير المديره وانا متوقعه انها تقول روحي يا ام يعقوب .. انتي شغيله و ملتزمه و تستاهلين نتساهل معاج

مديرتي .. بعد انصدمت و اخترعت و كأني قلت لها بروح اتمشى عالبحر و اترك حصصي !!
حاولت اقنعها .. قلت لها اخلص الحصص و ترتاحون من الاحتياط و انا يمشي منهجي ما يتأخر و لا يطوفني لموعد و يتعطل شغلي ..
واهي مصممه على رايها .. الزبده اقترحت علي اغيب عرضي !! :(182):

بحياتي المهنية كلهااااا ... مامر علي ان المديره و وكيلتها يقولون للمعلمه غيبي و لا اننا نسمح لج بالتأخير شوي ! لاحظو هذا وانا كنت ابي اقدم حصصي و اطلع !


الخلاصه اني غبت هاليوم .. و خلصت شغلي براحتي و صفي تاخر يوم .. و زميلاتي شالو حصص الاحتياط و زادت اعبائهم ..

عبر هالمنتدى الطيب اوجه لهم تحيه و لكل معلم و معلمه يشتغلون بضمير
و للمديرات العسرات اقول ... سهلو علينا الله يسهل عليكم ... لا تشجعونا على الغياب و عقب تتحلطمون و تعصبون .. كرهوتونا وظيفتنا ! شفيها لو عطيت حصصي و مشيت ؟ يوم بس .. هذا وانا ملتزمه الحمدلله و حريصه على شغلي ...ليش يعودوننا ان الغياب اسهل حل ؟ :(214):

عبير الورد
04-23-2008, 09:18 PM
ههههههههههههههههههههههههههههههههههههههههه

حلللللللللللللللللللوة

معقولة يا ام يعقوب ؟!!!!!!!!


أول مرة يمر عليج هالنموذج ؟!!!!!!!!!


عيل أنا شقوووووووووول


أنا طوووووووول عمري عايشة وسط هالنماذج


الغياب عندهم افضل من الاستئذان :)

والمرضي أحسن من العرضي حتى لو كنتِ تخافين الله ومو مريضة ومضطرة للغياب يفرضون عليج المرضي

بحجة خلص عرضي الفصل الأول أو مايصير عرضي قبله أو عقبه عطلة أو مرضي .

وكأنه بكيفنا الظروف


قولي لي لييييييييش يسوّون جذي ؟

عشان الغياب يمنحهم الفرصة للتقليل من التقدير في تقويم الكفاءة

أما الاستئذان فصعب شوي .

moalma
04-23-2008, 10:25 PM
والله أنا أستغرب من هكذا مديرات بالفعل

تدرين يا أم يعقوب إنه يحق لج الاستئذان في اليوم الواحد لمدة ثلاث ساعات

لكن البعض لا يعترف بهذا الشيء أمام المعلمات


عدم حرص المعلمات على قراءة النشرات جيدا هو السبب وراء تسلط هكذا مديرات

عبير الورد
04-23-2008, 10:36 PM
شمس :mad:

تعبنااااا وحنا نقول إن هالنشرة ما شفناها ولا سمعنا فيها

اللهم إلا عن طريق المنتديات فقط

وحتى الذي يتحدث عنها في المنتدى لم يعرض صورتها وكل المديرات ينكرنها ...فمن نصدق ؟؟

أذكر أني قلت هالمعلومة للي اعرفهم لكن حتى اللي عندهم معارف في المنطقة يقولون ما جتنا نشرة بهالخصوص.

ابو بدر
04-23-2008, 11:09 PM
عندما التخلف ينخر ويعشش في عقول المسؤولين ...
يحدث هكذا تصرفات ...
والله يعين

معلمة انجليزي
04-23-2008, 11:14 PM
لا سووووري للامانه المديره قالت لي 3 ساعات .. غير عن الوكيله .. على اساس منحه من عندها ! بس هم ما كفتني ..


مديرتي اللي قبل كانت سهله من هالناحيه تساعد وايد ... عندها الاولوية للطلبة وا لمنهج ... طالما خلصتهم خلاص مو مصيبه لو طلعت الابله ..



عبير .. الله يعينج .. انا توني اتعرف على هالمواقف و ما زلت مصدومه ! :(214):


مشكوووورين على الردود و الله يعيننا

ابو بدر
04-23-2008, 11:16 PM
مكررررررررررر

moalma
04-23-2008, 11:19 PM
عبير النشرة موجودة

بس مو مطبقة حتي الكباريّة ما يعترفون فيها :(214):

وادي المسك
04-24-2008, 12:07 AM
أولا اهلا ومرحبا بعودة أختنا الكريمه أم يعقوب .. نور المنتدي


ثانيا أسهل تعامل ممكن نتعامله هي مع هذه النوعيات المعقده نفسيا ..



ام يعقوب أنتي اختي الي خرعتيهم :)


قوليلهم واسمعي نصيحة اخوك ..قوليلهم بستئذن ثلاث ساعات واخذي كامل وقتك لو ماكفت لاترجعين ...


واذا جيتي ثاني يوم قوليلهم مامداني ارد ...


ماراح يقولون ليش ...ليش ؟

لان هالنوعيات تخاف وتتردد تاخذ قرار او تحب تتسلط ..

لكنها تقبل بالامر الواقع وتخاف تسوي مشاكل ...


من عندي وعلي مسؤوليتي سوي الي قلتلج عليه ...:)

moalem
04-24-2008, 01:46 AM
الشي هذا موجود عند المديرين والمديرات

وكنت اشوفه ايام عملي بالمهنة ، يعني على سبيل المثال اعرف مدير مدرسة لما المدرس يوصل 7.35 دقيقة
يكتب عليه تأخير ويتعامل بالجد وياهم سواء المنظبطين بالدوام او حتى المتمردين ، لدرجة ان اي مدرس لما يتأخر.7.31 دقيق يدش المدرسة ويطلب طبيته ويمشي ثلاث ايام مو يوم ولا يومين.
والسبب التعسف الزايد عن حدة

معلمة انجليزي
04-24-2008, 09:50 PM
عبير لا النشره موجوده اكيد و معروفه ... بس تنخش اريح لهم يمكن


شمس .. شاكره اطلالتج و متابعتج ..


وادي المسك .. يا هلا اخوي .. اغيب اغيب بس ارجع :) ما نستغني ..
و كان غيري اشطر .. سووها هالحركه ووقعو افادات ... وانا عندي اغيب و لا اوقع افاده تنحط بملفي و تشوه صورتي و تحسسني اني مسويه جريمه .... :) :(182):



معلم ... هذا اللي يبونه الظاهر .. ان الغياب يزيد ... تخيل اليوم بمدرستي 16 معلمه غايبه مابين عرضي و مرضي .. نصهم عندهم مواعيد و اشغال و الغياب اهو الحل الاسهل و الاضمن