المساعد الشخصي الرقمي

مشاهدة النسخة كاملة : شصاير بالديرة ؟؟؟



bodalal
04-12-2008, 02:03 AM
السلام عليكم جميعا ..

يا جماعة شصاير بالديرة ؟؟

قاعد أطالع الأخبار بالتلفزيون جني قاعد أشوف قطاع غزة !

كل هذا علشان انتخابات فرعية !!!!!!!

الله يستر على البلد

ابو بدر
04-12-2008, 02:13 AM
يا خوي الأحوال ما تسر ... وأتمنى أنها ما تستمر

bodalal
04-12-2008, 02:17 AM
بصراحة أحس ان الداخلية مزودينها شوي .. مبالغة كبيرة بردة فعلهم

يعني معقول توصل للقوات الخاصة والمدرعات وطيارات هليكوبتر واقتحامات و و و و !!!!

شدعوة عاد ..

يعني لو عندهم شك بديوانية .. مجرد ورقة استدعاء لصاحب الديوانية للنيابة ويروح لهم بنفسه

والله ما يندرى عن هالوزير .. عسكري :)

وادي المسك
04-12-2008, 04:42 AM
السلام عليكم جميعا ..

يا جماعة شصاير بالديرة ؟؟

قاعد أطالع الأخبار بالتلفزيون جني قاعد أشوف قطاع غزة !

كل هذا علشان انتخابات فرعية !!!!!!!

الله يستر على البلد

لا أبد ياخوي ماصار شي ,,

كويتي طيحو من فوق راسه عقال وسحبوه وهو حافي للسجون !!!

كويتي برصاص المطاط من هيلاكبتر رموه .. سال دمه وكل الناس في الفضائيات شافوه

ماصار شي !!!!


أقتحام لحرمة المنزل وستر الكويتيه أكشفوه !!!

وشايب وأم وجد وجده دمهم بالخوف حرقوه ...حتي الطفل خرعوه !!!

ماصار شي !!!


قوات وإرهاب دوله ومصفحات وطائرات

ومواطن بألم بالفضائيات قال إحنا انتهينا ..معقوله أحنا بالكويت !!!

ماصار شي !!!


الزياده ماطلو فيها وذلونا عليها ....

البنوك الله عليها ...تنهب ومدت يديها

والغلاء أسعار نار ...جنها تاخذ بثار ...

والدواين هدومها .. والكرامه هزئوها ...

كل هذا مايهم ..

المهم إن العقال طاح من راس الكويتي ,, وراح حافي للسجون !!!!

حافي بشارع التاريخ
04-15-2008, 12:51 AM
http://www.youtube.com/watch?v=5aVuiLDHRdc
هذي احداث الصباحية بتصوير احد الشباب المتطوع بحقوق الاناسن تقريبا حسب ما وصلني

bodalal
04-15-2008, 01:09 AM
كلامك يعور القلب يا وادي المسك

مع الأسف توصل الأمور لي هالدرجة ...

ضاق خلقي أمس وهم يناقشون الوضع بالكويت على قناة المستقلة ..

والله المسألة أكبر من انتخابات فرعية !!!

الله المستعان

وادي المسك
04-15-2008, 09:00 AM
كلامك يعور القلب يا وادي المسك

مع الأسف توصل الأمور لي هالدرجة

والله المسألة أكبر من انتخابات فرعية !!!




صح لسانك ياخوي بو دلال المسأله اكبر ...


ترى قلبي يعورني خلنا ساكتين ياخوي ...

كويتية
04-15-2008, 10:11 PM
1- تفعيل قانون إزالة المباني المخالفة ( الديوانيات ) .

2- حل مجلس الأمة .

3- قانون مؤقت منع التجمعات في المباني الخاصة !!

يعني كانت الامور واضحة منذ البداية للوصول لنتيجة أخيرة وهي ( كل واحد بيستنتجها صح وماله داعي اكتبها ) .


من محاسن الصدف أنني أدرس تلميذاتي حاليا معنى الدستور ومجلس الأمة :)

كويتية
04-15-2008, 10:12 PM
وادي المسك شخبار فرعيتكم يقولون غرموكم 6ألاف ونص :)

وادي المسك
04-16-2008, 08:29 AM
وادي المسك شخبار فرعيتكم يقولون غرموكم 6ألاف ونص :)

ها.. أي فرعيه ؟ ...ماسوينا فرعيه ...ولا تشاوريه ... واحد عزمنا علي الريوق ..مدحناه جان يتشيش ويعزمنا علي الغدا ..مدحناه ... جان يقول أتحدوني اسوي عشا بعد ؟ قلنا ها !!! اي .... جان يعزمنا علي عشا ...بس هذا الي صار :(294):


بصراحه هالايام صواريخ الكويتيين ماتترقع لاهم ولا صحافتهم .... منو غرمهم ؟ .... المحكمه وللحين ماتحولو لها ....:(209):


يااااااااااحبكم حق الاشاعات ...:(311):

اجمل التحيات :(184):

كويتية
04-16-2008, 10:51 AM
بعد العشا قال لكم : تتحدوني ما اطلع وياهم وادفع الغرامة بعد


أوشاااعة هاااه

وادي المسك
04-16-2008, 12:04 PM
بعد العشا قال لكم : تتحدوني ما اطلع وياهم وادفع الغرامة بعد


أوشاااعة هاااه


ههههههههههه لا ماسمعته قال جذي :(298):

اولا ياكويتيه يا أختي مافيه قانون يحدد عقوبة الفرعيه ب6000 .....ثانيا للحين بالنيابه ماتحولت محكمه :)

شي مو طبيعي الصحف قامت تجذب أشكره :(214):

bodalal
04-16-2008, 01:44 PM
شي مو طبيعي الصحف قامت تجذب أشكره

هذي العبارة بالذات كانت سبب كتابة هذا الموضوع :)

لأني برة الكويت وقاعد أتابع أخبار الديرة من الجرايد .. ولآني أعرف الشغل بالجرايد شلون يكون وقت الانتخابات

سألت هالسؤال ..

أضحكني الخبر اللي منشور اليوم بالوطن عن مراقبة العوازم بالدائرة الخامسة

يقولك لاحظوا تكرار مسج يقول : " وين بيت العروس ، ومتى الدزة ؟ " هههههههههههههههه

أمر مضحك .. لكنه مبكي بالحقيقة !

يعني معقول وصلت الأمور الى مراقبة تلفونات المواطنين ؟؟؟؟؟؟

العالم يتقدم .. واحنا صرنا نتراجع !

كويتية
04-16-2008, 02:01 PM
بو دلال العروس والعريس سافروا لقضاء شهر العسل


والدزه وصلت منذ مبطي

والناس نايمة :)

وادي المسك
04-16-2008, 02:06 PM
هذي العبارة بالذات كانت سبب كتابة هذا الموضوع :)

لأني برة الكويت وقاعد أتابع أخبار الديرة من الجرايد .. ولآني أعرف الشغل بالجرايد شلون يكون وقت الانتخابات

سألت هالسؤال ..

أضحكني الخبر اللي منشور اليوم بالوطن عن مراقبة العوازم بالدائرة الخامسة

يقولك لاحظوا تكرار مسج يقول : " وين بيت العروس ، ومتى الدزة ؟ " هههههههههههههههه

أمر مضحك .. لكنه مبكي بالحقيقة !

يعني معقول وصلت الأمور الى مراقبة تلفونات المواطنين ؟؟؟؟؟؟

العالم يتقدم .. واحنا صرنا نتراجع !


يامرحبا اخوي بو دلال :)


الادهي والامر بان اخر كذب وافتراء الصحافه يقول ...الهواجر اقامو الفرعيه في عربة الايس كريم ( البريد )

يعنى تخيل رئيس اللجنه يمشي بالقارى ويصرخ بريد هواجر بريد هواجر وكل الي يشترون منه ناس كبار :(298):


للاسف مستوي هزلي سوف ينزل بالثقافه العامه والرأي العام للدرك الاسفل ... :(309):

عبير الورد
04-22-2008, 12:24 AM
يا حليلها حكومتنا

درت ماكو فايدة

الناس قامت تسوي فرعاياتها بتكسي جوال ويقولون أكياس زبالة ودوواوين تدخل من باب وتطلع من باب

وسوالف أيس كريم

عاد الداخلية يوم شافت هاذي سواتهم كبّرت راسها وبتحولهم على القضاء وبهدوووء

وماله داعي الطق والطقيق والبهذلة وخسارة دوريات ونقط الدم اللي على الدشاديش:(298):