البتاع .. أحمد فؤاد نجم

[bodalal]

قصيدة أحمد فؤاد نجم .. " البتاع " .. والتي تسببت في سجنه وتعذيبه لسنوات طويلة

هي واحدة من روائع الشعر الشعبي المصري

قصيدة عجييييييييييييييييييييييييييبة بكل معنى الكلمة ..

تأملوها ..

يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟

وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
***
مخبول
أمر بفتح البتاع
لأنه
كان مسطول !

***
وبعد فتح البتاع
جابوا الهوا المنقول
نكش عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول


وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول

ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول

***
وناس تعيش بالبتاع
وناس تموت بالفول
وناس تنام ع البتاع
وناس تنام كشكول

آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
عشان يعيش على طول

عين حرس بالبتاع
وبرضه مات مقتول

لمشاهدة الشاعر يلقي القصيدة ..
http://www.youtube.com/watch?v=S34j5vsMEn4

[izdehar]

الاخ بودلال

هي فعلا من روائع الشعر الشعبي المصري

وما يضفي عليها جمال اخر

هو رقة ونعومة اللهجة المصرية

نقل جميل واختيار موفق

دمت بود

سلام

http://minaglha.blogspot.com/
من اجلها

[bodalal]

بالفعل اختي ازدهار ... اللهجة المصرية لها خصوصية وميزة عن باقي اللهجات

تشعر بأنها قريبة للفهم ولا تخلو من الضحك بطبيعتها :)

ورد وود ..