المساعد الشخصي الرقمي

مشاهدة النسخة كاملة : طالبه صغيره غيرت حياتي 180 ْ للأحسن..إستفيدي



نو11/ع2ير
03-25-2008, 02:13 AM
السلام عليكم
صارلتي هالمواقف من نفس البنت اسمها معالي طالبه عندي وحبيت اسردها لكم يمكن يتغير اسلوب حياتكم نفس ماصار لي ..


عندي طالبه ( معالي ) .. لما كانت بأولى ابتدائي كان عمرها 10 سنين ,ابوها تأخر بتسجيلها بالمدرسة ( حاله نادره جدا عندنا بالكويت ) ..

الحادثة الاولى :

السنة هذه عمرها 11 سنه وبثاني ابتدائي .. المهم ... سالتها مره انتي ليش تأخرتي بالدراسه , ردت علي واهي مبتسمه ( يا ابله المهم اني كملت دراستي مو مهم بأي سنه كنت.. انا راح اشد حيلي واصير احسن من اللي كبري ) شوفوا شلون نظرتها للحياة .. اقسم بالله من بعد ما كلمتها قعدت افكر بكلامها وقلت ليش انا بعد ما اكمل دراستي واشد حيلي ورحت وسجلت بجامعة مصر علشان اكمل ماجستير والحين انا داخله على السنه الثانية وبعدها دكتوراه ان شاء الله .

الحادثة الثانيه :

توفى ابو البنت ... بعدها بأسبوع شفتها تظحك عادي وماخذه الحياة ببساطه سالتها وانا امسح على شعرها اذا كانت متضايقه جاوبتني : ابله ابوي مات الله يرحمه.. ليش انا اظل زعلانه ومتضايقه ؟؟ عادي كل يوم اقوم واتذكره وادعي له وخلاص .. علشان ما اسقط بدراستي .. يالله كلامها خلاني احس مثل الحفره بمعتدي من كلامها ... من يومها يا بنات وانا ما ازعل ابدا ابد ... اقسم بالله دايم اخذ الامور بسهالات بشكل اكبر ما تتصورون مو معنى هذا اني سلبيه لا ... من بعدها تغيرت ب :
1- شفيت من القولون العصبي .
2- بشرتي فتحت وصار ملمسها ناعم .
3- خذيت من الدنيا الحلو فيها اكثر من قبل .
4- صرت احب نفسي واحب ادلعها اكثر من قبل .
5- صار عندي عطاء اكثر لاني ما استسلم بأول فشل يصيرلي بالعكس امشي واحاول مره ثانيه وانا مبتسمة .

يالله شكثر تغيرت حياتي بشكل ايجابي .. صرت حتى الهوا اللي اتنفسى غير .. الشارع اللي امشى فيه غير .. البيت . المدرسة . الناس نفسهم غير غير..

الحاثة الثالثه :

مره صار عندنا يوم مفتوح وكانت ( معالي ) تساعدني بشغله وبعدها جت بنت ثانيه ودزتها وكلمتها بطريقه مو حلوه لمعالي .وبعدها راحت .. ومعالي مبتسمة قلتلها ليش مبتسمه والبنت هذه زعلتج .. قالتلي .. يا ابله اذا اهي عقلها صغير ليش انا ازعل المفروض اهي تزعل مو انا .. قلتلها اشرحيلي شلون يعني , ( انا فاهمه بس ابي اسحب منها كلام ) اي بنت مثلا قالتلي انتي ***ه , ازعل ؟؟؟ اكيد لا . انا اعرف انا شنو اذا اهي شايفتني اني ***ه .. هذا من تفكيرها الناقص .. فليش ازعل .. ياااااااااااااااااااااااااه .. كلامها علقته بصدري من كثر ماكان حلو ..

انا قبل كنت اتضايق من اي احد انتقدني بشكل مو حلو لانه داخل المدرسه لازم يكون في سوالف بين المدرسات وحتى بره المدرسة ... بس من بعد كلامها ما قمت ازعل نهائي ودايم اقول مشكلتها مو مشكلتي انا عارفه نفسي انا شنو , اذا تفكيرها صغير انا ليش ازعل ... ومطنشه مطنشه ... من الكلام اللي اسمعه ومرفعه نفسي عن سوالف الاطفال اللي تصير بين المدرسات ههههههههه وكانت المشاكل تنحل لحالها من دون عصبيه ونرفزه .


اتمنى اكون وصلت فكرتي لكم

تحياتي

عبير الورد
03-25-2008, 05:39 PM
موضوع جميل جدااااااا :(204):

عجبتني هالعبارة


بس من بعد كلامها ما قمت ازعل نهائي ودايم اقول مشكلتها مو مشكلتي انا عارفه نفسي انا شنو , اذا تفكيرها صغير انا ليش ازعل ... ومطنشه مطنشه ... من الكلام اللي اسمعه ومرفعه نفسي عن سوالف الاطفال اللي تصير بين المدرسات ههههههههه وكانت المشاكل تنحل لحالها من دون عصبيه ونرفزه .

ابو بدر
03-27-2008, 09:02 PM
جميل .. أختي الكريمه
موضوع رائع
ونظره جديده للحياة ..
الله يعطيك العافية

bodalal
03-27-2008, 11:03 PM
ليت الحياة بهذي السهولة :)

ليتني أقدر أكون مثل معالي .. أو أبلتها !

صار لي يومين مو عارف أنام .. وأحس بألم وتعب وضايق صدري بسبب كلمة قالتها لي مديرة مدرسة بسبب مقال كتبته بالجريدة

قالتلي " حسبي الله ونعم الوكيل عليك " !!!

يا ليت يا معالي تعلميني شلون أصير بليد احساس .. وما أتأثر من كلمة

مشكورة على هالموضوع المميز ...

ورد وود ..

moalma
03-28-2008, 12:35 AM
صار لي يومين مو عارف أنام .. وأحس بألم وتعب وضايق صدري بسبب كلمة قالتها لي مديرة مدرسة بسبب مقال كتبته بالجريدة

قالتلي " حسبي الله ونعم الوكيل عليك " !!!

..

حسبي الله عليها !!

بو دلال

لا تحاتي أي ظالم دام إنك واقف مع المظلوم

وهذا ما عهدناه في كتاباتك

معـ 10/4 ـالي
03-28-2008, 02:31 PM
السلام عليكم ورحمة الله وبركاته

اختي نوير اشكرك كثير لشكر علي

هذه القصه

وامنى كثير من الناس يتغيرون ويصيرون

مثل معالي الي هي سميتي

ودمتي لنا بود

bodalal
03-28-2008, 02:32 PM
مشكورة اختي شمس ..

على الرغم من إني ولله الحمد ضميري مرتاح ولا أشعر بأني ظلمت أحد

لكن الكلمة تعور .. وتتعب نفسيا !

بشرى12أ3
03-30-2008, 11:33 PM
شي حلو الواحد يكون واثق بنفسه وما تهمه آراء الآخرين
انا بصراحه تعلمت درس اليوم و لازم أطنش وما أعطي بال للي تنتقدني

خبرة تفتح العينين
03-05-2010, 01:29 AM
الصراحه .. عجبتني البنت وطيقة تفكيرها .. بس تعتقدون احنا الكبار نقدر نفكر بنفس الطريقة ؟؟
يعني نقدر ننسى اي اساءة ؟؟
لا والله ماقدر ّّّ!!!

همس الرووح
03-09-2010, 06:04 PM
http://forum.moalem.net/file/2010/03/17.gif (http://www.dohaup.com/)

*بسمه*
03-26-2010, 03:49 PM
سبحااان الله

صج الحياة موبالعمر بالمواقف والخيرة

جزاج الله خير اختي ..