المساعد الشخصي الرقمي

مشاهدة النسخة كاملة : مصيبة .. لاتدنت قيمتك .. في عين من قيمت !!



الاحساس
03-31-2007, 05:35 PM
الا ياالله ياللي تحت هيبـة سلطنتـــــك اسلمـت
لك المسلم يسبح لك بحمـدك ولـك الاســـلامـي

احمدك واشكرك واثني عليك بما علـي انعمـت
تزودني وفا قـدر العشيـر ووصـــل الارحامـي

ولجك الفجر ياليل الذهول اللي علـي اضلــمـت
بعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت
بصفحة ذكريات العام واللـي مـن ورا العــامـي

بعد تقرير مشوار التجـارب نجحـك واجــــزمـت
بان السيف سيفي والعصا والمحـزم احـزامـي

عطتني عزلة اخلاصي معك نسيان من نادمـت
كتبتك وانطوت صحفي عليك و جفـت اقلامـي

اباهـي لا ابالـي واتبيسـط كــل ماقـــــــدمـت
اشـب النـار قـدام العـرب واشيـد اخيـــــــامـي

نهاري حر شمسه يستحي منها لسـان الشمـت
وليلي ترقب نجومـه ملامـة كـل مـن لامـــــــي

على ضو الكلام اللي كشف عنا ستار الصمـت
عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـــت
واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمــــــت
يشوفك بالسهل وانته تشوفه بالسمـا السامـي

كثر ماحن قلبي للونيـس وكثـر مـا درهــمـت
فجر صدري حنيني واتعـب الاقـدام درهـامـي

عيون الصد وعيون التجافي حول مهما اكرمـت
تشـوف المجتهـد كسـلان والبنـاي هـــــدامـي

مدام ان جانبك شام لجنابي وانت عنـي شمـت
كثر خيـرك وانـا مانيـب لاجــــايـع ولاضامـي

اشوف انه علي واجـب ليـا مريتكـــــــم سلمـت
مرور اكرام تربطـه الكرامـه عنـد الاكــــرامـي

على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي

ختام السالفه ياطيب العشـره كرمـت ودمــــت
هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت
يصحيك الزمان اللي يصحـي كــــل مـن نامـي

تذكرني لامن خابـت اوهــامـك فمـن وهمـت
وشفت الفرق في حب الخشوم وحـب الاقدامـي

moalma
03-31-2007, 10:42 PM
الله يا كل الإحساس ...

الله ...

مصير الوقت يشرح لك دروسه وان غفلت ونمت
يصحيك الزمان اللي يصحـي كــــل مـن نامـي

روعة روعة وصف رائع ...

لا يوقف ...نحن نتابع بشوق

وسم*
03-31-2007, 11:38 PM
مصيبه لاتدنت قيمتك فـي عيـن مـن قيمــــــت
يشوفك بالسهل وانته تشوفه بالسمـا السامـي




يالله كلمات رووووووعه

والأروع احساسك القوي هذا

بالفعل الاحساس اسم على مسمى

بانتظار المزيد

الاحساس
04-03-2007, 01:22 AM
الله يا كل الإحساس ...

الله ...

مصير الوقت يشرح لك دروسه وان غفلت ونمت
يصحيك الزمان اللي يصحـي كــــل مـن نامـي

روعة روعة وصف رائع ...

لا يوقف ...نحن نتابع بشوق

يسعدني مرورك اللي يعطر صفحتي يالغالية ..

فعلا الوقت والزمن يعلم الانسان بكل اللي حولهم ومعادنهم وللاسف صارت الناس مصالح وهذا هو اللي يربطهم وانشالله ما نكون منهم لا انا ولا السامعين..


تحياتي لك ..

الاحساس
04-03-2007, 01:25 AM
يالله كلمات رووووووعه

والأروع احساسك القوي هذا

بالفعل الاحساس اسم على مسمى

بانتظار المزيد

اشكر لك مرورك العذب يالغالية ..

واذا كانت روعة فالاروع رقة مشاعرك وما عليك زود وعساني عند حسن ظنكم..


تحياتي.

أ. حسين العجمي
02-09-2011, 02:45 AM
كلمات جميلة وذوق راقي
تقيل مروري

قيثارة
02-12-2011, 01:06 AM
على ضو الكلام اللي كشف عنا ستار الصمـت
عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـــت
واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمــــــت
يشوفك بالسهل وانته تشوفه بالسمـا السامـي


ياسلاااام...اختيار في قمة الرووعه...
كل الشكر على هذا الاحساس الجميل ..