في الليالي الوضح

[bodalal]

هذه احدى قصائد الشاعر الأمير بدر بن عبدالمحسن ..

أتمنى تعجبكم ..

في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديلة من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا ألف ليلة ..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الأوهام كاس ..والمواجع فم
وان عشقتيني أنا ..
ما أبي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
أنا لو أبي ..
خذتها بيدها .. ومشينا ..

***
يا نصيبي من الصور .. والرسايل
ومن كل شمس قايمة .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
وين أحب الليله .. وين أهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وان حبيتك قمر .. فوق طين أجدادي ..

***
وين أحب الليلة .. وين أهيم ..
ارفعي طرقة الشيلة .. عن سديم ..
وكوكبٍ وهاج ..
اقطعيني بنصل طرفٍ سادرٍ وحجاج ..
شققيني يالهبوب العارضية ..
واهدميني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
أنا لو أبي ..
خذتها بيدها .. ومشينا

[moalma]

بدر بن عبدالمحسن

شاعر من الطراز الأول

قصائده تتعرف عليها حتى لو لم تقرأ اسمه

له اسلوب غريب وجاذب



اختيار جميل

دمت بخير بو دلال

[همس الرووح]

اختيار موفق وكلماااات في قمة الروعة تقبل مروري على منقول أبيات شعر رائعة !!!





http://www.swahl.com/up/m123/swahlcom_5d539.gif (http://www.swahl.com/up)

[bodalal]

مشكوريييييييييين خواتي ..

يقول ..

الحِمِل ما هو اللي تشيله كتوفي *** الموت لا صارت كتوفي هي الحِمِل



ورد وود ..