شفيها الوزارة تتخبط

[فهد الشمري]

شفيها وزارتنا تخبط ... يبون استجواب ثاني
طلعوا اسماء الحاصلين على مكافأة الاعمال الممتازة
بعدين قالوا في اخطاء وراح نراجعها .. وانتظرنا حوالي شهر
وطلعت الاسماء مرة ثانية ... قلنا خلاص هذه الاسماء نهائية
وما فيها اخطاء ... طلع الوكيل الله يسلمه يقول لا .. هم فيها أخطاء
مو بس فيها اخطاء ... حافلة بالاخطاء .. يا حبيبي .. وين مسئولينك
وين المراقبين .. بس شاطرين على المدارس اذا زاروها .. يدورون الصغيرة والكبيرة

هذا الرابط تصريح الوكيل (http://www.alanba.com.kw/AbsoluteNMNEW/templates/?a=22982&z=12)

[عبير الورد]

قالوا انهم الغوا الكشوف الأولى واقتصروا على اللي حازوا على نسبة 94%

وكما هو واضح هذه النسخة غير معدلة لكن الصحف تسرعت ونشرتها

[فهد الشمري]

الصحف شدراها ؟
الخلل بالوزارة ...... مو بالصحف
ما سمعنا ان موظف تم محاسبته لانه اخطأ بالكشوف الاولى
ولا سمعنا موظف تم محاسبته لانه سرب الكشوف للصحافة بدون تدقيق

يبيله استجواب .....

جنه ما في كبيوترات بالوزارة شفلهم يدوي بيدوي .....

[عبير الورد]

جنه ما في كبيوترات بالوزارة شفلهم يدوي بيدوي .....

هذا اللي نقوله من زمان ....بس يقولون عط سداح فرصة

وابشرك ..إن كان هناك خطأ فلن يحاسب الموظف ...بل ستلقى باللائمة على الأجهزة والصحف

لكن لو كان معلم هو اللي غلطان .....جان تصير علوم ويمكن توصل للمجلس

[فهد الشمري]

فعلا لو الخطأ بالمدارس
جان تحولوا للتحقيق وخصم من الراتب ولفت نظر
تصدقون نشرت جريدة الانباء درجات ( ب أ ) العام الماضي
وقالوا في خطأ بالكشوفات وللحين ما طلع شيء
مسكين واحد من الشباب جاب لنا الحلويات السنعة بالمناسبة
وطلعت السالفة خرطي بخرطي

[moalma]

تصدقون
رحت الوزارة استفسر عن الترقيات للدرجة الأولى ب ..

لقيت الدنيا معتفسة على سالفة الأعمال الممتازة للمرة الثانية

يوم سألتها الموظفة ليش رياض الأطفال مالهم اسامي بالجريدة خير شر

قالت

ما لكم شغل بالجرايد
اساميكم عند المنطقة التعليمية :(214):

طيب وانتوا وزارة تردون للمنطقة التعليمية ليه ؟؟

[عبير الورد]

شمس الله يهداج

اشفيج ؟؟!!

عطوا سداح فرصة :)

[فهد الشمري]

لازلت اقول بصوت عالي

شفيها الوزارة اتخبط

[moalma]

شمس الله يهداج

اشفيج ؟؟!!

عطوا سداح فرصة :)

إي ..صج والله :(214): نسيت

عطوا سدّاح فرصة :)

[عبير الورد]

في الوزارة إذا ما عند ظهر ...يضيع حقك

وإذا عندك ظهر ...أبواب الترقيات والمكافآت مفتوح ..(يخافون من ظهرك :) )

وإذا ما عندك ظهر بس عندك لسااااااااان طويل ويقص قص ..هم بتحوشك المكافآت

أعرف مديرة تخاف من الأثنين ..الظهر واللسان

[فهد الشمري]

يعني ناس تخاف ما تستحي