المساعد الشخصي الرقمي

مشاهدة النسخة كاملة : العين عليك يا معلم



عبير الورد
01-23-2008, 11:00 PM
ماذا يظنون بك يا معلم ؟

بما أني معلمة وعايشت نظرة الناس للمعلم
لذلك .. سأقول لكم و بكل صراحة
خلك معاي يا معلم .................خلج معاي يا معلمة
ولنتخيل أنني أمشي في ممرات المدرسة ( يكون كلش )
الإداريات( يتكلمن عني) : مصيبة كل يوم كادر وزيادات لا وترقيات بالهبل عاد اشدعوه شمسوين لا وزعلانين علشان ما ياهم الكادر وجمعيتهم شالت واشدخت وهم يمال العافية فلوسهم اشكثرها وبس قاعدين بهالصفوف الباردة ويصلحون جم دفتر ويكتبون جم كلمة واذا اتعبوا راقبوا امتحانات تجيهم من برة خلف الله على مدرسين قبل كل شئ فوق راسهم والله هالمدرسات محظوظات مو احنا طاح حظنا .

في البيت :
الزوج ( مخاطبا زوجته المقرودة المعلمة ) : بما إنج زوجتي وحبيبتي لازم تساعديني لا تقولين المعاش ما يكفي ترى انتي معلمة وخبرج المعلمات معاشاتهم قوية وإذا انتي ما توقفين معاي منو يوقف معاي ؟
ترد عليه الزوجة ( المعلمة المقرودة ) : قول اشتبي ؟
الزوج ( الظالم ) : ابد نحاول ننظم مواردنا المالية يعني ( مثل مسرحية عزوبي السالمية )
الإيجار عليج والماجلة عليج ومعاش الخادمة عليج واكيد طبعا اغراض اليهال ومستلزماتج الخاصة عليج ..........................بس
ترد الزوجة : وانت شنو عليك ؟
الزوج : )( بغضب ) منو يدفع فلوس البنزين وويصلح السيارات وبيمتها والمخالفات
مو أنا؟؟!!! لاتقولين بعد إنج تدفعين لي مصروف جيبي أفا والله ما هقيتها منج
أنا قلت مرتي مربية فاضلة وتفهم أصول المشاركة بين الزوجين تقولين ها الكلام
الزوجة : انا آسفة لا تزعل مني بس أنا ما عندي سيارة
الزوج : موقلتلج .. أنا وانتي واحد سيارتي جنها سيارتج افا عليج بس وانا من لي غيرج
يا ام فلان يا الغالية ( لا قيها مقصة )

في بيت الأهل :
الأب : تري يا بنيتي تدرين سيارة البيت صارت ما تلحق على اشغالنا عاد انا وامج فكرنا تالي الليل شلون نحل ها المشكلة فمالقينا غيرج يابنيتي يساعدنا
البنت ( المعلمة ) : آمر يوبا .
الأب : أبد بس بغيناج تشترين سيارة باسمج حق البيت على الأقل حق توصيل خواتج الصبح
البنت : بس يوبا منو بيسوقها تدري انا اروح الدوام بسيارتي
الأب : مو قلنا مع السيارة سايق ومو شرط السيارة كبيرة ..صغيرة تكفي تدرين صرت ريال كبير وتوصيل خواتج للمدرسة يتعبني
البنت : يوبا انزين اخوي (فلان) ليش ما يوصلهم بدل ما نجيب السايق
الأب : اخوج لو فيه خير ما يصرف فلوسه كلها على نفسه وربعه لا ويتسلف مني آخر الشهر وبعدين تدرين طول الليل سهران زين ما يفنشونه من دوامه يا بنيتي إنتي قدها وفيج البركة وما تقصرين
البنت ( المسكينه ) : تامر يوبا من عيوني .

كثير من الناس عبالهم معاش المعلم يكفيه وحاسدينه بعد ويتحايلون اشلون يستفيدون منه
ومن تنزل زيادة حق المعلم كلهم يقولون ول ما شاء الله عليهم هالمعلمين مثل المنشار
طالع واكل نازل واكل
ما يدرون ان معاش المعلم عمره .........ما ..عاش


***من مواضيعي القديمة عشان جذي طوفوا سالفة الكادر :)

كويتية
01-23-2008, 11:42 PM
المعلم موظف حاله حال اى موظف بالدولة عنده التزامات تجاه بيته واطفاله والحيااااااة بأكملها .

أما المعلمة فالديها إلتزامات ابتدعتها من نفسها ( تزين صف ، عقد أسبوع خاص بالقسم ، عمل لوحات جدارية ، عمل مجلة ، عمل دروس نموذجية مكلفة في وسائلها ) وكله من هالراتب !!

غير الالتزامات المعيشية سواء كانت بيت أهلها أو متزوجة ........

فنظرة الكل (تحوق) هالرويتب إللى ما يمديه ينزل إلا ونتفه البنك وشلفطته الجمعيات التعاونية !!

ابو بدر
01-24-2008, 12:22 AM
كلامج صحيح يا عبير
مع أن المهندس معاشه أكثر منا
ومع هذا الحسد علينا نحن
أما بالنسبة لتعليقك عن زوج المعلمة
بصراحة أنا مع الزوج !!!
الزوج يجب أن يكون له نصيب من معاش زوجته ( !!! )
وألا أشرايك ؟

بحرينية أنا
01-28-2008, 08:33 PM
يترك التعليق للمدرسين والمدرسات
أنا يالسة بالبيت ...
ما أشتغل ..

بس حبيت اسجل حضور بالموضوع

izdehar
01-31-2008, 12:01 PM
الاخوة الزملاء

الله يعينكم

تسجيل متابعة

سلام

عبير الورد
01-31-2008, 12:57 PM
كويتية :
هل تعتقدين ان كل المعلمات يبتدعن الإنفاق على المدرسة ؟

ابو بدر :
لا مو من حقه .

بحرينية انا :
وجودك في الموضوع يشرفني ..شاكرة لك ذوقك

ازدهار :

اي والله ...الله يعين الجميع



شاكرة للجميع التواصل

خيال 1
02-10-2008, 01:27 PM
هؤلاء ليسو ازواج الذين يضعون الفلوس فى الاعتبار وهـما زوجين

سواءاً المرأه او الرجل ليسو ازواج مجرد شخصين عايشين مع بعض و ينصبو على بعض

الحياه الزوجيه اكبر من كذا بكثير فهى عرضه للكوارث للامراض لكل شي

فهل هذه الزوجه او هذا الزوج لديهم من الشعور والاحساس ما يكفي وهو يحـسّـر على فـليساته

http://www.gulfup.com/up/jpgfiles/2zr38751.jpg (http://www.gulfup.com)

اذا وجد القلب ممكن الزوجه المعلمه تحط راتب زوجها كله فى فستان واحد

كويتية
02-18-2008, 12:13 AM
عندنا معلمات يبتدعن طرق شتى للانفاق على اعمال ودروس وندوات

حتى البرامج الاذاعية لم تسلم من انفاقهن اللي ماله داعي