المساعد الشخصي الرقمي

مشاهدة النسخة كاملة : يحن قلبي



izdehar
01-22-2008, 06:48 PM
ياخوي ياابن امي تعال

اشكليك ايامي الثقال

احط راسي على صدرك

انسى عمري بضوة عمرك

اغفى وانام بوهدة الروح

اذكر يوم جمعتنا فرد روح

وليل الشتا عند امي نسهر

وسوالف ابويه وحضنه تذكر

طالت غيبتك عني بيتك بعيد

لا رمضان يمي تفطر لاتجي ب عيد

اخ من قلبي اكولن اخ لو تسمع

عسى قلبك يحن والي ترجع

وتردلي حنان امي وحضن ابويه

ياخويه ياابن امي وابويه

دمتم بود

سلام

moalma
01-22-2008, 07:00 PM
مؤثرة يا ازدهار

مؤثرة جدا

سأعود

izdehar
01-24-2008, 11:49 AM
الغالية شمس

مرور عزيز ورأي يهمني معرفته

حضورك يزيد المكان ابداعا

دمت بود وامان

سلام

izdehar
01-24-2008, 12:02 PM
يحن قلبي عليكم يا هلي الطيبين

يمته تعود ايامي وياكم يانور العين

ياخذني ويردني الشوق الكم ايام

تهيج بروحي احزان الوكت واحلام

ياهلي الطيبين زمان اول تحول عني وراح

على ظهري زمن ثاني هد حيلي ما ارتاح

يحن الغريب يا هلي عليه وانتوا ناسين

ياهلي وين ارحلت عني ارضكم ليش ثاوين

وحدي بها المسية امسح دموع

واكولن يا حسافة مابعد الكم ارجوع

اظل وحدي ببجاي الصبح موعود

وبليل اليتامى الباب مسدود

يحن قلبي عليكم ياهلي الطيبين

ما ادري وين ارضكم وين ثاوين

سلام

izdehar
01-27-2008, 09:13 PM
وين اللي رحلوا عنا ونسونا

باعوا العشرة ومشوا

ونسوا حتى يوادعونا

وين ارحلوا عنا وجفونا

سلام

izdehar
02-07-2008, 11:30 AM
يحن قلبي ويذوب الشوق بعيوني

واقولن وين ارحلوا عني ونسوني

وحيدة بها الوكت ما اظن يجوني

ساعة تواسيني الشمس ويه الغروب

ساعة تبجيني حرارة شمس لاهوب

وساعة اهيم من القهر بين الدروب

يحن قلبي وحسافة الحبهم اذكر

تراني مومثلهم اقدر اصبر

لان روحي صغيرة وما اظنها تكدر

على فراق الحبايب ول ما يجوني

يحن قلبي

سلام

عبير الورد
02-07-2008, 11:47 AM
كلمات نابعه من القلب

جميلة كلماتك يا ازدهار

izdehar
02-07-2008, 12:59 PM
يحن قلبي عليكم يالنسيتوا

ايام الوفا والحب سليتوا

خليتوا الاسى بقلبي وجفيتوا

ويحن قلبي عليكم مو بديه

الغالية عبير الورد

سعيدة بتجوالك هنا

ودمت بالف خير

سلام