المساعد الشخصي الرقمي

مشاهدة النسخة كاملة : النـادر " رثــاء .. سالم سيار



moalma
01-19-2008, 08:39 PM
http://forum.moalem.net/file/2008/01/35.jpg (http://7bna.com/up)

يارب ومن قبل هذا الشعر ياربي أقـرأ لـك
((وماذلك على الله بعزيز)) أية فـي قرأنـك
عظيم وكل نفس ٍ تنحني بعزتهـا تسجدلـك
أمامك كل خلق الله تساوى ياكبـر شانـك
ملك سلطان تاجر أو بسيط الكل يلجألـك
جميع الناس تلجألك تبي عفـوك وغفرانـك
يارب وكل شئ ٍ فوق هذي الأرض يسبح لك
وكل شئ ٍ في علم الغيب عندك انت سبحانك
لك الحمد أسألك يارب لاتحرمنا من فضلـك
ولا تحرمنا يارب السما مـن نعمـة أمانـك






شتا النسيان مايقدر أبـد ياشيـخ يوصلـك
لاصرت مدفي تاريخ البلاد بجمـرة أزمانـك
تمر وينتفض عمر القصيد يقوم ينهـض لـك
معزه وأنت ياعـز الكويـت العـز بإيمانـك
وأنا شاعر تربى من على كفوفك ويطلع لـك
يخلب القمرى ويجيب الضوى كله على شانك
وأشب اليل وشموس الليـال تقـوم تشعلـك
سنا التاريخ وتصير الثريـا أسمـاء جدانـك
جبال أنساب وتكون الرجال أجبال من أصلك
من أخر راسك لأول نسب من شمس عدنانك
وكم فنجان بكفوف الرجال بطيبة يذكرلـك
عطايا كن فناجين الكرم من نسـل فنجانـك
دول قامت ولكن من يجي ذكرك تدنـق لـك
تحب خشمك تعرف إنها ترد لجذور عمرانـك
نسيت أرثيك ولا ألوم القلم لا قام يمدحلـك
خصالك وأنت كل ثقل القصيده ياخذ أوزانك
لازال الراس ياشيخ الشموخ ف باله يحفظلك
سحاب من الصور وأخر سحابة صورة أكفانك
تصب ذكراك وتصير القلوب عيون من أجلك
وربيع الذكرى هو فصل الولة بعيون خلانـك
ذخرت الحب والشعب الوفي لازال يذخرلـك
دعا يصعد عسى كل الدعا في قلب ميزانـك
مدام أخلصت للشعب الوفي الشعب يخلص لك
لازلت معزب بكل القلوب وحنـا ضيفانـك
تفارق فينا/ مو عنا/ معك كنا وصرنـا لـك
ولو يسكن تحت هذي الأراضي طيب جثمانك
أنا ما أقول من ترحل بكا من العين يدمع لـك
أقول الله يعين اللي يشوف جـدار دسمانـك
هو أكثر من حضن عمرك بهالدنيا ويشهدلـك
بإن ياما سقيت الطيب والرحمة من إحسانـك
تكون الصعب في وجه العدو وأحيان ياسهلك
إذا تلمح ظما طفـل يتيـم تبلـه بأمزانـك
ياشيخ الأرض مدام الشموخ بمجده يشبه لك
وهذا المجد من فوق البلاد يكـون برهانـك
لابد أنكون يالنادر مثل ماكنت مـن فعلـك
على نفس الشموخ اللي طلع من كف جدانك

http://file5.9q9q.net/Download/73551694/alnadr.rm.html