المساعد الشخصي الرقمي

مشاهدة النسخة كاملة : يالله ترحم من هو طفى الظلايم



moalma
01-17-2008, 12:00 AM
http://www.3zezz.com/she3r/show.php?/الـمـسـكــ.html

شفتك على اكتاف الرجاجيل نايم
وشفتك مغطى بالعلم قلت بردان
يبه و حزني داخل القلب حايم
قلت اشعل دموعي واخليك دفيان
صوتي يبه من بين الاحزان عايم
لو اصرخه تهتز من حولي جدران
اخاف تقعد يا يبه وانت صايم
وانت قلت قعدني على صوت الاذان
تعبان ادري والتعب فيك دايم
تفرش ضلوعك حب وتكون تعبان
للحين جسمك فوق الاكتاف نايم
وانت الذي قامت على اكتافك اوطان
انت العزيمه لاحكو بالعزايم
ياما شعلت النور في ليل الاحزان
حتى الرمل في دفنتك صار هايم
من كثر ما وجهك يشع نور وايمان
تنزل في قبرك والدعاء فوق قايم
كل الاوادم صارو قلوب ولسان
يالله ترحم من هو طفى الظلايم
اللي شعل عمره وسط عمر الانسان


سالم سيار


الله يرحمك ابوي جابر

المطيري
01-17-2008, 03:45 PM
السلام عليكم ورحمة الله وبركاته

رائعة اطلقها الاروع الشاعر المتميز سالم سيار ...وهي اجمل رثاء للامير الراحل

الله يرحمه ...


المطيري

عبير الورد
01-19-2008, 01:41 AM
حتى الرمل في دفنتك صار هايم

الله يرحم الشيخ جابر

وصح لسان الشاعر وسلمت يد الناقل

moalma
01-19-2008, 11:06 AM
المطيري

عبير الورد

صح الله ابدانكم

وشاكرة لكم التعليق